Стрептоцид (300 мг)
Инструкция
-
русский
-
қазақша
Саудалық атауы
Стрептоцид
Халықаралық патенттелмеген атауы
Сульфаниламид
Дәрілік түрі
300 мг таблеткалар
Құрамы
Бір таблетканың құрамында
белсенді зат - 300 мг сульфаниламид,
қосымша заттар: картоп крахмалы, стеарин қышқылы, сусыз коллоидты кремнийдің қостотығы (аэросил), полисорбат-80.
Сипаттамасы
Ойығы бар және жалпақ беткейлі, ақ немесе ақ дерлік түсті таблеткалар. Таблетканың бір жақ бетінде сызығы, басқа бетінде - крест түріндегі фирмалық логотипі болады.
Фармакотерапиялық тобы
Жүйелі пайдалануға арналған бактерияға қарсы препараттар.
Сульфаниламидтер және триметоприм. Қысқа мерзімді әсер ететін сульфаниламидтер. Сульфаниламид.
АТХ коды J01EB06
Фармакологиялық қасиеттері
Фармакокинетикасы
Ішке қабылдағанда асқазан-ішек жолынан тез сіңеді (АІЖ). Қандағы ең жоғары концентрациясына (Cmax) 1-2 сағаттан кейін жетеді және әдетте 50%-ға 8 сағатқа жетпей төмендемейді. Гематоэнцефалдықты (ГЭБ) қоса, гистогематикалық және плацентарлық бөгеттер арқылы өтеді. Тіндерге таралады, 4 сағаттан кейін жұлын-ми сұйықтығынан табылады. Антибактериялық қасиеттерін жоғалту арқылы бауырда ацетилденеді. Көбіне (90–95%) бүйрекпен шығарылады.
Фармакодинамикасы
Стрептоцид – әсер ету ауқымы кең бактерияға қарсы дәрі. Стрептоцидтің микробқа қарсы әсерінің механизмі химиялық жағынан ұқсастықтары бар ПАБҚ (парааминобензой қышқылы) антагонизмімен байланысты. Микроб жасушасы стрептоцидті қармап алады, сөйтіп ПАБҚ-ның дигидрофолий қышқылына қосылуына кедергі келтіреді, одан да басқа бактериялық фермент дигидроптероатсинтетазасын (ПАБҚ-ның дигидрофолий қышқылына кірігуіне жауапты фермент) бәсекелес түрде бәсеңсітеді, нәтижесінде дигидрофолий қышқылының түзілуі бұзылады, одан пуриндер мен пиримидиндер түзілуіне қажетті метаболизмдік белсенді тетрагидрофолий қышқылының түзілуі азаяды, микроорганизмдердің дамуы мен өсуі (бактериостатикалық әсері) тоқтайды. Грамоң және грамтеріс кокктарға қатысты (оның ішінде стрептококктар, пневмококктар, менингококктар, гонококктар бар), Escherichia coli, Shigella spp., Vibrio cholerae, Clostridium perfringens, Bacillus anthracis, Corynebacterium diphtheriae, Yersinia pestis, Chlamydia spp., Actinomyces israelii, Toxoplasma gondii белсенді.
Стрептоцид – қысқа әсерлі сульфаниламидті препарат.
Қолданылуы
- тілме қабынуында
- баспада
- жарақат жұқпасында
Қолдану тәсілі және дозалары
Пациентке препаратты тағайындар алдында дұрысында оған науқастың ауруын туғызған микрофлораның сезімталдығын анықтау керек.
Ересектер мен жасы 12-ден асқан балаларға күніне 3 рет, 300-600 мг-ден ішке қабылдауға ұсынылады.
6-дан 12 жасқа дейінгі балаларға тәулігіне 4 рет 300 мг.
Ересектерге ішке қабылдауға арналған ең жоғары доза: бір реттік – 1200 мг, тәулігіне– 2400 мг; балаларға бір реттік – 300 мг, тәулігіне - 1200 мг.
Емдеу курсының ұзақтығын емдеуші дәрігер анықтайды, орташа 7 күн. Терең жарақат жағдайында бір уақытта ішке қабылдауға бактерияға қарсы препарат тағайындап, жарақаттың қуысына мұқият ұнталған ұнтақты енгізеді.
Жағымсыз әсері
- жүрек айнуы, құсу, диарея
- дерматиттер
- есекжем түріндегі аллергиялық реакциялар, фотосенсибилизация
- эозинофилия, тромбоцитопения, лейкопения, гипопротромбинемия,
агранулоцитоз, апластикалық анемия, гемолиздік анемия, глюкозо-6-фосфатдегидрогиназа тапшылығы кезінде
- тахикардия, миокардит
Сирек
- нефроуыттылық реакциялары (көбіне бүйрек функциясы бұзылған емделушілерде болады)
- парестезия
- несептің қышқылды реакцияларындағы кристаллурия
Бірлі-жарым жағдайларда
- көрудің бұзылуы
- өкпе инфильтраты, фиброзданған альвеолит
- бас ауырулары, бас айналуы, асептикалық менингит, құрысулар, шеткергі нейропатия, шеткергі невриттер, ұйқының бұзылуы
- гипотиреоидизм
- гипогликемия
- жүйелік қызыл жегі
- атаксия
- анафилактикалық шок, Стивенс-Джонсон синдромы, Лайелл синдромы
- дәрілік қызба
- панкреатит, жалған жарғақшалы колит
- АЛТ, АСТ, ПУР деңгейінің жоғарылауы
- холестаздық гепатит, холестаз, сарғаю
Қолдануға болмайтын жағдайлар
- сульфаниламидтерге аса жоғары сезімталдық
- бүйрек және бауыр жеткіліксіздігі
- сыртартқыда сульфаниламидтерге айқын уытты-аллергиялық реакциялар болуы
- тиреотоксикоз
- туа біткен глюкоза-6-фосфатдегидрогиназа тапшылығы
- жедел порфирия
- сүйек кемігінде қан түзілудің бәсеңдеуі
- қан түзілу жүйесінің аурулары, анемия, лейкопения
- 6 жасқа дейінгі балалар
- жүктілік, лактация кезеңі
Дәрілермен өзара әрекеттесуі
Бір мезгілде қолданғанда:
қабынуға қарсы стероидты емес препараттармен, сульфонилмочевина туындыларымен, антикоагулянтты дәрілермен, К витамині антагонистерімен осы препараттардың әсері күшейеді;
фолий қышқылымен, бактерицидті антибиотиктермен (оның ішінде пенициллиндер, цефалоспориндер) - сульфаниламидтер тиімділігі төмендейді; бактерицидті антибиотиктермен, ішілетін контрацептивтермен – бұл препараттардың әсері төмендейді;
ПАСҚ және барбитураттармен - сульфаниламидтер белсенділігі күшейеді;
эритромицинмен, линкомицинмен, тетрациклинмен – бактерияға қарсы белсенділігі өзара күшейеді, әсер ету ауқымы кеңейеді;
рифампицин, стрептомицин, мономицинмен, канамицинмен, гентамицинмен, оксихинолин (нитроксолин) туындыларымен –препараттардың бактериялық әсері өзгермейді;
налидикс қышқылымен (невиграмон) – кейде антагонизм байқалады;
хлорамфеникололмен, нитрофурандармен – жиынтық әсері төмендейді;
құрамында ПАБҚ (новокаин, анестезин, дикаин) эфирлері бар препараттармен – сульфаниламидтердің бактерияға қарсы белсенділігі жойылады.
Стрептоцид метотрексаттың ақуыздармен байланысын ығыстыру салдарынан және/немесе оның метаболизмін бәсеңдетуінен оның әсерін күшейтуі мүмкін.
Сүйек кемігін бәсеңдетумен, гемолиз, гепатоуытты әсерін, уытты әсерлерін дамыту қаупін туындататын басқа да препараттармен бір мезгілде қолданғанда. Уротропинмен несептің қышқыл реакциясы кезінде кристаллурия дамуы қаупінің жоғарылауы салдарынан бір мезгілде қолдану ұсынылмайды.
Фенилбутазон (бутадион), салицилаттар және индометацин сульфаниламидтерді қан плазмасы ақуыздарымен байланыстан ығыстыруы мүмкін, осылайша олардың қандағы концентрациясын ұлғайтады. Парааминосалицил қышқылымен және барбитуралармен қолданғанда сульфаниламидтер белсенділігі күшейеді; левомицетинмен – агранулоцитоздың даму қаупі ұлғаяды; құрамында парааминобензой қышқылының эфирлері бар препараттармен (новокаин, анестезин, дикаин) сульфаниламидтердің бактериялық белсенділігі жойылады.
Препаратты қолдану кезінде дигитоксин, изопреналин, хлорлысутек қышқылы, кофеин, фенилэфрин, фенобарбитал, адреналин гидрохлориді, неодикумарин, дифенин сияқты препараттарды қабылдамаған дұрыс;
Диабеттік препараттармен біріктіру ұсынылмайды.
Айрықша нұсқаулар
Препаратпен емдеуді мерзімінен ерте тоқтату сульфаниламидтерге төзімді микроорганизмдер штамдарының дамуына ықпал етуі мүмкін.
Препаратты ұзақ қолданғанда қан көрінісі жағдайын, бүйрек пен бауыр функциясын, қандағы глюкоза деңгейін жүйелі бақылап отыру қажет.
Препаратты жеткіліксіз дозада тағайындау немесе препарат қолдануды ерте тоқтату сульфаниламидтерге микроорганизмдер төзімділігінің жоғарылауына ықпал етуі мүмкін.
Сульфаниламидтерді А тобы бета-гемолиздік стрептококк туындатқан инфекцияны емдеу үшін қолданбаған жөн, өйткені олар оның эрадикациясына әкелмейді, демек, ревматизм және гломерулонефрит сияқты асқынудан сақтандыра алмайды.
Препаратты созылмалы жүрек жеткіліксіздігі, бауыр аурулары бар науқастарға , бүйрек функциясы бұзылуында сақтықпен тағайындау қажет. Стрептоцидті аллергиялық аурулардың ауыр түрі бар немесе бронх демікпесімен, қан ауруларымен емделушілерге сақтықпен тағайындаған жөн. Жоғары сезімталдық реакциясы белгілері пайда болғанда препаратты тоқтату керек. Бүйрек жеткіліксіздігінде сульфаниламидтер мен оның метаболиттерінің организмде жинақталуы мүмкін, бұл уытты әсерінің дамуына әкеледі.
Сульфаниламидтерді, оның ішінде стрептоцидті қант диабетімен науқастарға сақтықпен қолданған жөн, өйткені сульфаниламидтер қандағы қант деңгейіне әсер етуі мүмкін. Сульфаниламидтердің жоғары дозалары гипогликемиялық әсер береді.
Сульфаниламидтер бактерицидті емес, бактериостатикалық препараттар болып табылатындықтан, инфекцияның қайталануын және микроорганизмдердің төзімді түрлерінің дамуын болдырмау үшін толыққанды емдеу курсы қажет.
Химиялық құрылымы ұқсастығын ескере отырып, сульфаниламидтерді фуросемидке, тиазидті диуретиктерге, карбоангидраза тежегіштері мен сульфонилмочевина туындыларына жоғары сезімталдығы бар адамдарға қолдануға болмайды.
Кристаллурияның және уролитиаз дамуының алдын алу үшін емделушілерге сұйықтықты жеткілікті мөлшерде ішу қажет.
Егде жастағы адамдарда тері тарапынан ауыр жағымсыз реакциялар дамуының жоғары қаупі, қан түзілудің бәсеңдеуі, тромбоцитопениялық пурпура (соңғысы-әсіресе тиазидті диуретиктермен үйлесімде) байқалады. Ауыр жағымсыз реакциялар туындаудың жоғары қаупіне байланысты препаратты 65 жастан асқан емделушілерге тағайындаудан тартынған дұрыс.
Сульфаниламидтер қолданғанда фотосенсибилизация дамуы мүмкіндігін ескере отырып, тікелей күн сәулесі мен жасанды ультракүлгін сәулеленудің әсер етуін болдырмау керек.
Емдеу кезінде дозалау режимін сақтап, ұсынылған дозаны 24 сағат аралықпен қолдану қажет, препарат қабылдауды өткізіп алуға болмайды. Дозаны өткізіп алған жағдайда келесі дозаны екі еселемеу керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Дәрілік заттың жағымсыз әсерлерін ескере отырып, автокөлікті басқаруда және қауіптілігі зор механизмдермен жұмыс атқаруда сақ болу керек.
Артық дозалануы
Симптомдары: жүрек айну, құсу, бас ауыру. Ұзақ қолданған кезде қызба, гематурия, кристаллурия, тахикардия, уытты гепатит, лейкопения, агранулоцитоз.
Емі – симптоматикалық, 20% натрий гидрокарбонаты ерітіндісімен асқазанды шаю. Белсендірілген көмір немесе басқа да энтеросорбенттер суспензиясы, қарқынды диурез, гемодиализ.
Шығарылу түрі және қаптамасы
10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынған.
Пішінді ұяшықты қаптамалар картон қорапқа салынады. Әрбір қорапқа медициналық қолдану жөніндегі мемлекеттік және орыс тіліндегі бекітілген нұсқаулықты салады. Топтық қаптамадағы нұсқаулық саны қаптамалар саны бойынша салынады.
Сақтау шарттары
Құрғақ, жарықтан қорғалған жерде 300С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
«Химфарм» АҚ, Қазақстан Республикасы,
Шымкент қ., Рашидов к-сі, 81
Тіркеу куәлігінің иесі
«Химфарм» АҚ, Қазақстан Республикасы
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсынымдарды) қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«Химфарм» АҚ, Шымкент қ., Қазақстан Республикасы,
Рашидов к-сі, 81, т/ф: 560882
Телефон нөмірі 7252 (561342)
Факс нөмірі 7252 (561342)
Электронды поштасы infomed@santo.kz
6