Стрезам®
Инструкция
-
русский
-
қазақша
Саудалық атауы
Стрезам®
Халықаралық патенттелмеген атауы
Этифоксин
Дәрілік түрі
Құрамы
Бір капсуланың құрамында
белсенді зат – 50 мг этифоксин гидрохлориді,
қосымша заттар: лактоза моногидраты, тазартылған тальк, микрокристалды целлюлоза, коллоидты кремнийдің қостотығы, магний стеараты,
капсуланың құрамы - индигокармин (Е132), титанның қостотығы (Е171), желатин, тазартылған су,
қақпақша - титанның қостотығы (Е 171), тазартылған су, желатин.
Сипаттамасы
Түсі ақ корпусы мен көгілдір түсті қақпақшасы бар «2» өлшемді қатты желатинді капсулалар. Капсуланың құрамы ақ түсті ұнтақ.
Фармакотерапиялық тобы
Жүйке жүйесі ауруларын емдеуге арналған препараттар.
Басқа да анксиолитиктер.
АТЖ коды N05ВХ03
Фармакологиялық қасиеттері
Фармакокинетикасы
Этифоксин гидрохлориді асқазан-ішек жолында жақсы сіңеді. Бауырда жылдам метаболизденеді. Қандағы этифоксин гидрохлориді мен оның белсенді метаболиті диэтилэтифоксиннің орташа ең жоғары концентрациясына 1-2 сағаттан кейін жетеді, плацентарлық кедергі арқылы өтеді. Қандағы этифоксин гидрохлориді мен белсенді метаболиттің бастапқы деңгейлері алғашқы 2 сағат және сәйкесінше 20 сағат бойы біртіндеп азаяды. Этифоксиннің жартылай шығарылу кезеңі – 6 сағат. Диэтилэтифоксиннің жартылай шығарылу кезеңі 20 сағат. Препарат пен оның негізгі метаболиті бүйрекпен және ішекпен шығарылады.
Фармакодинамикасы
Этифоксина гидрохлориді емдік дозада анксиолитикалық әсерге ие. Бензоксазиннің туындысы, анксиолитикалық белсенділігімен аз дәрежеде тыныштандыратын әсер береді. Рецепторлы кешеннің супрамолекулярлы ГАМК-бензодиазепинхлорионофор хлорлы өзектеріне, ГАМК берілісін тежей отырып, іріктей әсер етеді.
Қолданылуы
- үрей, қорқыныш және мазасыздану қатар жүретін стресті бұзылулармен байланысты неврастениялық жағдайларда
- үрейлі-фобиялық бұзылуларда
- қорқынышы, апатиясы, белсенділігінің төмендеуі орташа айқындықта көрінетін вегетативті бұзылуларда
Қолдану тәсілі мен дозалары
Дозасы мен емдеу курсының ұзақтығын аурудың ауырлығына байланысты жекелей дәрігер белгілейді. Ересектерге тамақтанғанға дейін 1 капсуладан тәулігіне 2 – 3 рет тағайындайды. Ең ұзақ емдеу курсы 6 апта.
Жағымсыз әсерлері
кейде
- жеңіл ұйқышылдық
сирек
- тері бөртпесі, Квинке ісінуі
өте сирек
есекжем, ангиодерматит
Қолдануға болмайтын жағдайлар
- препарат компоненттеріне жоғары сезімталдықта
- шок жағдайында
- миастенияда
- бауыр, бүйрек қызметінің ауыр бұзылуларында
- жүктілік және лактация кезеңінде
- 18 жасқа дейінгі балаларға
- этанолды бір мезгілде қолдануға
Дәрілермен өзара әрекеттесуі
Стрезамды® орталық жүйке жүйесінің әрекетін бәсеңдететін дәрілік заттармен бір мезгілде қолданғанда (нейролептиктер, транквилизаторлары, антидепрессанттар, антигистаминдер, барбитураттар, анальгетиктер,тыныштандыратын) олардың әсерін күшейтеді. Этанолдың әсерін күшейтеді.
Айрықша нұсқаулар
Препараттың құрамына лактоза кіреді, сондықтан туа біткен галактоземиясы, глюкоза мен галактоза мальабсорбциясы синдромы немесе лактоза тапшылығы бар науқастарға тағайындау ұсынылмайды.
Стрезаммен® емдеу кезінде алкогольді және орталыққа әсер ететін (галоперидол, диазепам, имипрамин және т.б.) басқа да дәрілерді қолдануға болмайды.
Стрезаммен® емдеуді тоқтатқан жағдайда емделушілерде тоқтату синдромын туғызбайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері:
Емдеу кезеңінде автокөлікті және қауіптілігі зор механизмдерді басқарудан бас тарта тұру қажет.
Артық дозаланғанда
Сиптомдары: сылбырлық, шамадан тыс ұйқышылдық.
Емі: асқазанды шаю, қажет болған жағдайда – симптоматикалық емдеу. Арнайы у қайтарғысы жоқ.
Шығарылу түрі және қаптамасы
20 капсуладан ПВХ және алюминий фольгадан жасалған пішінді ұяшықты қаптамаға салынған.
3 пішінді ұяшықты қаптамадан медицинада қолданылуы жөніндегі мемлекеттік және орыс тіліндегі нұсқаулықпен бірге картон пәшкеге салынған.
Сақтау шарттары
Жарықтан қорғалған жерде, 25 ˚С- ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін препаратты қолдануға болмайды.
Дәріханалардан босатылу шарттары
Рецепт арқылы
Өндіруші
Биокодекс, 7 Авеню Гальени, 94250 Жантилли- Франция FRA 250
Тіркеу куәлігінің иесі
«Брюфармэкспорт с.п.р.л.», Бельгия
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
ҚР, Алматы қ., Бөгенбай батыр к-сі, 142, 724-кеңсе
Телефон нөмірі 8 (727) 250 72 70
Факс нөмірі 8 (727) 250 72 70
Электронды поштасы alma02@mail.ru, bruphbe@brupharm.skynet.be