Стопдиар® (суспензия, 220 мг/5 мл)

• русский
• қазақша

• Скачать инструкцию медикамента

Саудалық атауы

Стопдиар®

Халықаралық патенттелмеген атауы

Нифуроксазид

Дәрілік түрі

220 мг/5 мл 90 мл суспензия

Құрамы

5 мл суспензияның құрамында

белсенді зат - 220 мг нифуроксазид,

қосымша заттар: лимон қышқылы, натрий гидроксиді, банан эссенциясы, метилпарагидроксибензоат, карбомер, симетикон эмульсиясы 30%, сахароза, тазартылған су.

Сипаттамасы

Банан иісі бар ашық-сары түсті суспензия. Сақтау барысында сәл шөгеді, сілкігеннен кейін құты түбінде қою шөгінді түзбей, біртекті суспензияға айналады

Фармакотерапиялық тобы

Диареяға қарсы препараттар. Ішектік микробқа қарсы және қабынуға қарсы препараттар. Ішектік микробқа қарсы басқа да препараттар. Нифуроксазид

АТХ коды А07АХ03

Фармакологиялық қасиеттері

Фармакокинетикасы

Препаратты ішке қабылдағаннан кейін ол іс жүзінде АІЖ-нан сіңірілмей, ішекте әсер етуші заттың жоғары концентрациясының түзілуімен, өзінің бактерияға қарсы әсерін ішек саңылауында ғана көрсетеді. Толықтай нәжіспен шығарылады.

Фармакодинамикасы

Нифуроксазид 5-нитрофуран туындысы болып табылады. Ол Staphylococcus тектес грамоң бактерияларға және Enterobacteriaceae тектестігінен Yersinia sp., Escherichia spр., Citobacter spр., Enterobacter spр., Klebsiella spр., Salmonella spр. тектес грамтеріс бактерияларға қатысты ішек саңылауында бактерияға қарсы жергілікті әсер көрсетеді. Орташа емдік дозаларында бактериостатикалық белсенділікке ие болады, едәуір жоғары дозаларында бактерицидті әсер етеді.

Нифуроксазид Proteus vulgaris, Proteus mirabilis және Pseudomonas aeruginosa түріндегі бактерияларға қатысты бактерияға қарсы әсерін танытпайды.

Нифуроксазид ас қорыту жолының сапрофиттік микрофлорасын жоймайды, қалыпты ішек флорасының тепе-теңдігін бұзбайды, төзімді штаммдардың түзілуін туындатпайды. Нифуроксазид дегидрогеназалар белсенділігіне және бактериялық жасушалардағы ақуыздар синтезіне тежегіш ықпалын тигізеді.

Препарат тиімділігі ішек саңылауындағы рН-қа тәуелді емес.

Қолданылуы

- регидратацияға қосымша жедел бактериялық диареяда, егер басқа ағзалар мен жүйелерде жұқпа таралуына күдік болмаса

Регидратация дәрежесі регидратация үшін ішуге арналған немесе көктамырішілік ерітінділер арқылы диарея ауырлығына, науқастың жасы мен денсаулық ахуалына сәйкес (қатарлас аурулар және т.б.) анықталады.

Қолдану тәсілі және дозалары

Стопдиар® суспензияcының тағайындалуы:

2-ден 6 айға дейінгі балаларға: 110 мг (суспензияның кіші өлшегіш қасығымен 2,5 мл) тәулігіне 2 рет, әр 12 сағат сайын.

7 айлық және одан үлкен балаларға: 220 мг (суспензияның үлкен өлшегіш қасығымен 5 мл) тәулігіне 3 рет, әр 8 сағат сайын.

Ересектерге және 14 жастан асқан балаларға: 220 мг (суспензияның үлкен өлшегіш қасығымен 5 мл) тәулігіне 4 рет, әр 6 сағат сайын.

Стопдиар® қабылдар алдында біртекті суспензия алу үшін құтыны бірнеше рет сілку керек. Тағайындалған дозаны өлшеп алып, суспензияны жұту қажет; сумен ішуге де болады.

Препараттың емдеу курсы 7 күннен асырылмайды. Емделген 2 күн ішінде препарат тиімділігі болмаған жағдайда емдеуге түзету енгізу үшін дәрігер кеңесі қажет.

Препаратпен жедел диареяны емдеу кезінде, емделушінің жалпы ахуалына қарай, міндетті түрде ағзадағы сұйықтық тапшылығын ішу арқылы немесе көктамырішілік тұрақты толықтырып отыру керек.

Жағымсыз әсерлері

Жиі

- іштің ауыруы, жүрек айну, диарея

Сирек

- гранулоцитопения

- тері бөртпесі, аллергиялық реакциялар, есекжем, Квинке ісінуі

Нифуроксазидке аса жоғары сезімталдықтың жекелеген жағдайларында іштің ауыруы, жүрек айну және диареяның өршуі пайда болады. Қарқындылығы аздау осындай белгілер пайда болған жағдайда арнайы ем қолдану немесе нифуроксазид қолдануды тоқтату қажет емес. Егер белгілер айқын болса, дәрі қабылдауды тоқтату керек. Бұл жағдайда емделушіге нитрофуран туындыларын тағайындаудан аулақ болу керек.

Қолдануға болмайтын жағдайлар

- препарат компоненттеріне, соның ішінде басқа 5-нитрофуран туындыларына жекеше жоғары сезімталдық

- фруктоза көтере алмаушылық, глюкоза-галактоза мальабсорбциясы синдромы, сахараза-изомальтаза тапшылығы

- шала туған нәрестелер және бір айлық жаңа туған сәбилер

Дәрілермен өзара әрекеттесуі

Стопдиар® препаратымен емделу кезінде алкоголь тұтыну дисульфирам тәрізді реакциялар туғызуы мүмкін.

Препаратпен емделу барысында, препараттың күшті сіңірілу қасиеттеріне орай, ішуге арналған басқа да дәрілік заттарды бір мезгілде қабылдауға болмайды.

Айрықша нұсқаулар

Стопдиар® препаратын 7 күннен артық қабылдау ұсынылмайды. 2 күн емделгеннен кейін де жалғасатын диарея жағдайында әріқарай емдеу тактикасы туралы мәселені шешу үшін дәрігер кеңесі қажет.

Ауыр инвазиялық диарея жағдайында антибиотик енгізген жөн, өйткені Стопдиар® препараты асқазан-ішек жолынан сіңбейді.

Препаратты қолдану кезеңінде шырындар, шикі көкөністер мен жемістер, ащы және қорытылуы қиын өнімдер мен тағамдар қамтылмайтын емдәм ұстану қажет.

Аса жоғары сезімталдық реакциялары пайда болған жағдайда (ентігу, тері бөртпесі, қышыну) препарат қабылдауды тоқтату керек.

Препараттың айқын сіңірілу қасиеттеріне орай, басқа да дәрілік заттарды бір мезгілде ішу арқылы қабылдаудан аулақ болу керек. Стопдиар® препаратымен емделу кезінде алкогольдік сусындар ішу қарсы көрсетілімді, өйткені алкоголь организмнің препаратқа сезімталдығын арттырады және диарея өршуі, құсу, іштің ауыруы, тері гиперемиясы, беттің және дененің жоғарғы бөлігінің ысынуын сезіну, бас ішінің шуылдауы, тыныс алудың қиындауы, тахикардия, қорқыныш сезімі түрінде көрініс беретін дисульфирам тәрізді реакцияға түрткі болады.

Егер препаратпен емделу кезеңінде сусыздану белгілері пайда болса, емделушінің клиникалық жай-күйіне сәйкес регидратациялық ем (тәулігіне 2 л-ге жуық сұйықтық) жүргізген жөн.

Препарат құрамында сахароза болуына орай, фруктоза көтере алмаушылығы, глюкоза-галактозаның нашар сіңірілу синдромы немесе сахараза-изомальтаза жетіспеушілігімен байланысты сирек тұқым қуалайтын бұзылулары бар емделушілер осы дәрілік затты қабылдамауы тиіс.

Құрамында парагидроксибензоат болуына байланысты, препарат кешеуілдеген типтегі аллергиялық реакциялар туғызуы мүмкін.

Жүктілік және лактация кезеңі

Сақтандыру шарасы ретінде, жүктілік кезінде қабылдамаған дұрыс, өйткені нифуроксазидтің тератогенді немесе фетоуытты әсерлерін бағалау үшін жеткілікті клиникалық деректер жоқ.

Нифуроксазид ас қорыту жолынан сіңбейді. Дегенмен де, жеткілікті клиникалық деректер болмауына орай, нифуроксазид лактация кезеңінде тағайындалғанда сақтық шарасын қадағалау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: жағымсыз әсерлердің күшеюі.

Емі: асқазанды шаю, белгісіне қарай емдеу.

Шығарылу түрі және қаптамасы

90 мл препараттан полиэтилен қалпақшасымен тығындалған қызыл-сары шыныдан жасалған құтыларда. 1 құтыдан сыйымдылығы 2,5 мл және 5 мл қосарлы өлшегіш қасықпен және медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салады.

Сақтау шарттары

15 0C-ден 25 0C-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Құтыны ашқаннан кейін қолдану кезеңі – 14 күн.

Дәріханалардан босатылу шарттары

Рецепт арқылы

Өндіруші ұйымның атауы және елі

«Гедеон Рихтер Румыния» А.Қ., Румыния

Тіркеу куәлігі иесінің атауы және елі

«Гедеон Рихтер» ААҚ, Венгрия

Қаптаушы ұйымның атауы және елі

«Гедеон Рихтер Румыния» А.Қ., Румыния

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы:

ҚР-дағы «Гедеон Рихтер» ААҚ өкілдігі

E-mail: info@richter.kz

Телефон: 8-(7272)-58-26-22, 8-(7272)-58-26-23