Спарекс

• русский
• қазақша

• Скачать инструкцию медикамента

Саудалық атауы

Спарекс

Халықаралық патенттелмеген атауы

Мебеверин

Дәрілік түрі

Модификацияланып босанып шығатын капсулалар, 200 мг

Құрамы

Бір капсуланың құрамында

белсенді зат – мебеверин гидрохлориді 200 мг,

қосымша заттар: коллоидты кремнийдің қостотығы, гипромеллоза, повидон, магний стеараты,

желатинді капсуланың құрамы: титанның қостотығы Е171, хинолинді сары бояғыш Е104, күн батар түстес сары бояғыш Е110, желатин.

Сипаттамасы

Сары түсті қатты желатинді капсулалар, өлшемі № 1. Капсуланың ішінде ақ немесе ақ дерлік түсті түйіршіктер мен ұнтақтың қоспасы. Түйірлердің болуына жол беріледі.

Фармакотерапиялық тобы

Асқазан-ішек жолдарының қызметтік бұзылуын емдеуге арналған препараттар. Синтетикалық холиноблокаторлар – үштік аминтобымен эфирлер.

АТХ коды А03АА04

Фармакологиялық қасиеттері

Фармакокинетикасы

Ішке қабылдағанда жүйе алды гидролизге ұшырайды және плазмада анықталмайды. Вератр қышқылы мен мебеверин спиртіне дейін бауырда метаболизденеді. Негізінен бүйректермен метаболиттер түрінде, аздаған мөлшерде өтпен шығарылады. Мебеверин капсулалары ұзақ уақыт босап шығатын қасиетке ие. Тіпті бірнеше рет қабылдағаннан кейін де айтарлықтай кумуляциясы байқалмайды.

Фармакодинамикасы

Миотропты әсері бар спазмолитик, асқазан-ішек жолдары (негізінен тоқ ішекке) тегіс бұлшықеттеріне тікелей әсер етеді. Ішектің қалыпты перистальтикасына әсер етпей-ақ түйілуді басады. Фосфодиэстеразаны тежейді. Циклді аденозинмонофосфор қышқылының деңгейін тұрақтандырады. Антихолинергиялық әсері жоқ.

Қолданылуы

• асқазан-ішек жолдарының түйілуі жағдайында (оның ішінде органикалық ауруларға байланысты)

• ішектің немесе өт коликасында

• тоқ ішектің тітіркену синдромында

Қолдану тәсілі және дозалары

Ішке, судың жеткілікті мөлшерімен іше отырып (100 мл кем емес), бүтіндей жұтады.

1 капсуладан (200 мг) тәулігіне 2 рет ас қабылдағанға дейін 20 минут бұрын (ертеңгісін және кешке).

Жағымсыз әсерлері

• бас айналуы, бас ауыруы, диарея, іш қату

• аллергиялық реакциялар: есекжем, Квинке ісінуі, беттің ісінуі және экзантема

Қолдануға болмайтын жағдайлар

• препарат компоненттеріне жоғары сезімталдық

• порфирия

• жүктілік

• балалар мен 18 жасқа дейінгі жасөспірімдерге

Дәрілермен өзара әрекеттесуі

Басқа препараттармен өзара әрекеттесуіне байланысты ешқандай зерттеулер жүргізілген жоқ.

Айрықша нұсқаулар

Жүктілік және лактация кезеңі

Препаратты жүктілік кезінде анаға деген күтілген пайдасы ұрыққа деген әлеуетті қаупінен жоғары болатын жағдайларды қоспағанда қолдану ұсынылмайды.

Препаратты лактация кезеңінде сақтықпен тағайындайды, бұл жағдайда емшекпен қоректендіруді тоқтату керек.

Дәрілік заттың көлік құралдарын немесе басқа да әлеуетті қауіпті механизмдерді басқару қабілетіне әсер ету ерекшеліктері

Емделу кезеңінде зейінді жоғары жұмылдыруды және психомоторлы реакциялар жылдамдығын талап ететін көлік құралдарын және басқа да әлеуетті қауіпті механизмдерді басқарудан бас тарту керек.

Артық дозалануы

Симптомдары: орталық жүйке жүйесінің қозуы.

Емі: асқазанды шаю және симптоматикалық терапия (арнайы у қайтарғылары белгісіз).

Шығарылу түрі және қаптамасы

Модификацияланып босанып шығатын 200 мг капсулалар.

10 немесе 15 капсуладан поливинилхлоридті үлбірден және баспалы лакталған алюминий фольгада жасалған пішінді ұяшықты қаптамаға салынған.

10 капсуладан 3 пішінді ұяшықты қаптама немесе 15 капсуладан 2 пішінді ұяшықты қаптама медицинада қолданылуы жөніндегі мемлекеттік және орыс тіліндегі нұсқаулықпен бірге картоннан жасалған пәшкеге салынған.

Сақтау шарттары

Құрғақ, жарықтан қорғалған жерде, 25 °С- ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы.

Өндіруші

«Канонфарма продакшн» ЖАҚ, Ресей Федерациясы, 141100, Щелково қ-сы, Мәскеу облысы, Заречная к-сі, 105 үй, тел.: +7 (495) 797-99-54, факс: +7 (495) 797-96-63, www.canonpharma.ru

Тіркеу куәлігінің иесі

«Канонфарма продакшн» ЖАҚ, Ресей Федерациясы

Қазақстан Республикасы аумағында тұтынушылардан препарат сапасына қатысты шағымдарды қабылдайтын ұйымның мекенжайы: «Нестеренко Н.А.» ЖК,

Қазақстан Республикасы, 050000, Алматы қ-сы, Фурманов к-сі, 128 үй, 16 кеңсе,

тел.: +7 727 2796659, e-mail: ip_n_nesterenko@list.ru