Софосбин

Софосбин

Софосбувир

Үлбірлі қабықпен қапталған таблеткалар, 400 мг

Жүйелі қолдануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. С гепатиті вирусын емдеуге арналған вирусқа қарсы препараттар. Софосбувир

АТХ коды J05AP08.

- 12 және одан жоғары жастағы ересектер мен жасөспірімдерде С созылмалы гепатитін (ССГ) басқа дәрілік заттармен біріктірілімде емдеу

- Софосбин С гепатиті вирусының (СГВ) белгілі бір генотиптеріне (ГТ) қатысты спецификалық белсенділікке иеленген

Қолдануды бастағанға дейін қажетті мәліметтер тізбесі

• әсер етуші затқа немесе қосымша заттардың кез келгеніне аса жоғары сезімталдық

- Р-гликопротеиннің (P-gp) күшті индукторлары болып табылатын дәрілік заттармен, фенитоинді, карбамазепинді, фенобарбиталды, рифампицинді және құрамында шайқурай (Hypericum perforatum) бар препараттарды қоса, ішекте тасымалданатын ақуызды бірлесіп пайдаланған кезде қан плазмасындағы софосбувирдің концентрациясы төмендейді, нәтижесінде Софосбинмен емдеу тиімділігі төмендеуі мүмкін.

- 12 жасқа дейінгі балалар

Қолданған кездегі қажетті сақтандыру шаралары

Жалпы нұсқаулар

Софосбинді монотерапия ретінде қолдану ұсынылмайды; препаратты СГВ емдеу үшін басқа дәрілік заттармен біріктірілімде пайдалану қажет. Софосбинмен біріктірілімде пайдаланылатын басқа дәрілік заттармен емдеуді түпкілікті тоқтату кезінде препаратты қабылдауды да тоқтату керек. Софосбинмен емдеуді бастар алдында, сондай-ақ емдеу сызбасына кіретін, медициналық қолдану жөніндегі тиісті нұсқаулықтарда қамтылған дәрілік препараттарды пайдалану жөніндегі ұсынымдарды да ескерген жөн.

Ауыр брадикардия және жүрек блокадасы

Ауыр брадикардия және жүрек блокадасы жағдайлары жүрек жиырылу жиілігін (ЖЖЖ) төмендететін немесе онсыз басқа дәрілік заттармен бірге амиодаронмен софосбувирді (басқа вирусқа қарсы препараттармен біріктірілген ем) қолданғанда байқалды. Жоғарыда аталған әсерлерді дамыту механизмі белгіленбеген.

Өмірге потенциалды қауіп төндіруіне байланысты амиодаронды Софосбин қабылдайтын пациенттерде аритмияға қарсы баламалы ем нашар көтерімді немесе қарсы көрсетілімі болған кезде пайдалану керек. β-блокаторлармен ем алатын пациенттерде немесе қатар жүретін жүрек аурулары және/немесе бауырдың үдемелі аурулары бар пациенттерде Софосбувир мен амиодаронды бір мезгілде қолданған кезде симптоматикалық брадикардияның даму қаупі артуы мүмкін.

Брадиаритмия қаупі жоғары пациенттер стационар жағдайында 48 сағат бойы тұрақты бақылауда болуы тиіс.

Софосбинмен емнің басында амиодаронның жартылай шығарылуының ұзақ кезеңіне байланысты соңғы бірнеше ай ішінде амиодарон қабылдауды тоқтатқан пациенттерге тиісті мониторинг жүргізу қажет.

Софосбинмен емді амиодаронмен және жүрек соғу жиілігін төмендететін басқа дәрілік заттармен бірге алатын пациенттер брадикардия мен жүрек блокадасының ықтимал симптомдары туралы ескертілуі тиіс, мұндай симптомдар туындаған жағдайда шұғыл түрде дәрігерге қаралу қажет.

СГВ/В гепатиті вирусы (ВГВ) ко-инфекция

ТӘВД емдеу кезінде немесе одан кейін өліммен аяқталған ВГВ реактивациясы жағдайлары тіркелген. ВГВ скринингі Софосбинмен емдеуді бастар алдында барлық пациенттерде жүргізілуі тиіс. ВГВ/СГВ ко-инфекциясы бар пациенттер ВГВ реактивациясының жоғары қаупіне ұшырайды, сондықтан мұндай пациенттерді мұқият мониторингтеу және тиісінше жүргізу қажет.

Бұрын ем қабылдаған ГТ 1, 4, 5 және 6 СГВ бар пациенттер

Бұрын ем қабылдаған 1, 4, 5 және 6 ГТ СГВ бар пациенттерде софосбувирді қолдану зерттелмеген, сондықтан мұндай пациенттерде Софосбинмен емдеудің оңтайлы ұзақтығы анықталмаған.

Жоғарыда көрсетілген пациенттерде софосбувирді, альфа пэгинтерферон мен рибавиринді құрамдастырып қолдану туралы, сондай-ақ емдеу ұзақтығын 12-ден 24 аптаға дейін арттыру мүмкіндігі туралы, әсіресе интерферон негізіндегі емге неғұрлым төмен жауап беруге себеп болатын бір немесе одан да көп факторлары бар пациенттердің кіші топтары үшін (үдемелі фиброз/бауыр циррозы, бастапқы вирустық жүктеменің жоғары деңгейі, негроидтік нәсіл, СС емес аллель IL28b генінің болуы) мәселені қарау керек.

5 және 6 ГТ СГВ бар пациенттердің емі

5 және 6 ГТ СГВ жұқтырған пациенттерде софосбувирді қолдану тиімділігі айтарлықтай шектеулі.

Интерферондарды қолданбай 1, 4, 5 және 6 ГТ СГВ бар пациенттерді емдеу

1, 4, 5 және 6 ГТ СГВ бар пациенттерде интерферондарды қолданбай емдеу режимдері зерттелмеген; мұндай емнің оңтайлы режимі мен ұзақтығы белгіленбеген. Мұндай режимдерді жедел емдеуді қажет ететін интерферондарды қолдануға жақпаушылығы немесе қарсы көрсетілімдері бар пациенттерде ғана қолдану керек.

СГВ емдеу үшін басқа ТӘВД бірге қолдану

Софосбувир басқа ТӘВД бір мезгілде, егер қолда бар деректер негізінде болжамды пайда потенциалды қауіптен жоғары болған жағдайда ғана пайдаланылуы тиіс. Софосбувир мен телапревирді немесе боцепревирді біріктіріп қолданудың тиімділігін куәландыратын деректер жоқ; мұндай біріктірілімді пайдалану ұсынылмайды.

Жүктілік кезінде рибавиринмен бір мезгілде қолдану

Софосбинді рибавиринмен немесе альфа пэгинтерферон/рибавирин біріктірілімімен бірге қолданғанда бала туатын жастағы әйелдерге немесе олардың жыныстық серіктестері болып табылатын еркектерге емнің бүкіл кезеңі ішінде, сондай-ақ рибавиринге арналған медициналық қолдану жөніндегі тиісті нұсқаулықта көрсетілгендей емдеуден кейін контрацепцияның тиімді әдістерін пайдалану қажет. Қосымша ақпаратты рибавиринге арналған медициналық қолдану жөніндегі нұсқаулықтан қараңыз.

Орташа P-gp индукторларымен бір мезгілде қолдану

Қалыпты P-gp индукторлары болып табылатын дәрілік заттармен (мысалы, окскарбазепин, модафинил және рифапентин) бірге пайдаланған кезде қан плазмасындағы софосбувир концентрациясы төмендеуі мүмкін, бұл Софосбиннің емдік әсерінің төмендеуіне әкелуі мүмкін. Препаратты жоғарыда көрсетілген дәрілік заттармен бір мезгілде қолдану ұсынылмайды.

Қант диабеті бар пациенттерде қолдану

СГВ жұқтырған қант диабеті бар пациенттерде ТӘВД емінің басында қандағы глюкоза деңгейінің төмендеуі байқалуы мүмкін, бұл симптоматикалық гипогликемияның дамуымен қатар жүруі мүмкін. Қант диабеті бар пациенттерде ТӘВД емдеудің басында, әсіресе алғашқы 3 ай ішінде пайдаланған кезде қандағы глюкоза деңгейін мұқият бақылау, сондай-ақ қажет болған жағдайда гипогликемиялық дәрілердің дозаларын түзету керек. Пациентте диабетке қарсы ем жүргізетін дәрігер ТӘВД, оның ішінде Софосбинмен емнің басталғаны туралы хабардар етілуге тиіс.

Бүйрек функциясының бұзылуы

Бүйрек функциясының ауыр бұзылулары бар (есептік ШСЖ 30 мл/мин/1,73 м2) немесе гемодиализ жүргізу қажет болатын бүйрек ауруының терминалдық сатысы бар пациенттерде софосбувирді қолдану қауіпсіздігі туралы деректер шектеулі. Емнің басқа тиісті әдістері болмаған жағдайда, препаратты мұндай пациенттерде дозаны түзетусіз қолдануға болады. Креатинин клиренсі 50 мл/мин пациенттерде Софосбинді рибавиринмен немесе альфа пэгинтерферон/рибавирин біріктірілімімен бірге қолданғанда рибавиринге арналған медициналық қолдану жөніндегі нұсқаулықта көрсетілген ақпаратты ескерген жөн.

Қосымша заттар

Софосбиннің бір таблеткасының құрамында 1 ммольден кем натрий (23 мг) бар, яғни «құрамында натрий жоқ» дерлік.

Басқа дәрілік препараттармен өзара әрекеттесуі

Софосбувир нуклеотидті аналог болып табылады және дәрінің ізашары болып табылады. Пероральді қабылдағаннан кейін софосбувир асқазан-ішек жолында тез сіңеді және бауыр мен ішекте қарқынды жүйеалды элиминацияға ұшырайды (бірінші өту әсері). Дәрінің ізашары әртүрлі ферменттердің, соның ішінде карбоксилэстеразаның 1 (CES 1) қатысуымен жасушаішілік гидролиздік ыдырауға және нуклеотид-киназалармен делдал болатын дәйекті фосфорлануға ұшырайды, нәтижесінде уридин нуклеозидінің аналогы фармакологиялық белсенді трифосфат түзіледі.

Қан плазмасында софосбувир негізінен (90%-дан астам) белсенді метаболиттің түзілу процесімен қатар және өзгермеген түрде (шамамен 4%) жүретін реакциялар нәтижесінде түзілетін GS-331007 қан плазмасында айналымдағы негізгі белсенді емес метаболит түрінде болады. Клиникалық фармакологиялық зерттеулерде фармакокинетикалық талдау жүргізу мақсатында пациенттердегі қан плазмасындағы софосбувир және GS-331007 концентрациясына мониторинг жүргізілді.

Софосбувир, GS-331007-ден айырмашылығы, P-gp және сүт безі обырының (BCRP) төзімді ақуызының субстраты болып табылады.

P-gp күшті индукторлары болып табылатын дәрілік заттармен (фенитоин, карбамазепин, фенобарбитал, рифампицин және құрамында шайқұрай бар препараттар) бірге пайдаланған кезде қан плазмасындағы софосбувирдің концентрациясы айтарлықтай төмендеуі мүмкін, соның нәтижесінде Софосбинмен емдеу тиімділігі төмендеуі мүмкін; дәрілік затты P-gp күшті индукторларымен бір мезгілде қолдануға болмайды. P-gp орташа индукторлары болып табылатын дәрілік заттармен (мысалы, окскарбазепин, модафинил және рифапентин) бірге пайдаланған кезде қан плазмасындағы софосбувир концентрациясы төмендеуі мүмкін, бұл Софосбиннің емдік әсерінің төмендеуіне әкелуі мүмкін; дәрілік затты P-gp орташа индукторларымен бір мезгілде қолдану ұсынылмайды. P-gp және/немесе BCRP тежегіштері болып табылатын дәрілік заттармен біріктіріп қолдану кезінде қан плазмасындағы софосбувир концентрациясы жоғарылауы мүмкін, бұл ретте қан плазмасындағы GS-331007 концентрациясы жоғарыламайды; Софосбинді P-gp және/немесе BCRP тежегіштерімен бір мезгілде пайдалануға болады. Софосбувир және GS-331007 P-gp және BCRP тежегіштері болып табылмайды, сондықтан Софосбинмен бірге қолданған кезде жоғарыда аталған тасымалдаушы ақуыздардың субстраты болып табылатын дәрілік заттардың қан плазмасындағы концентрациясы артады деп күтілмейді. Софосбувирді белсендірудің жасушаішілік метаболизмдік жолы аффинділігі төмен және белсенділігі жоғары гидролазамен делдал болады және нуклеотидтің фосфорлануын да қамтиды; басқа дәрілік заттардың жоғарыда көрсетілген процестерге әсер етуі екіталай.

К дәруменінің антагонистерімен ем алатын пациенттер

Софосбувирмен емдеу кезінде бауыр функциясы өзгеруі мүмкін, сондықтан Софосбинді К дәруменінің антагонистерімен бір мезгілде қолданғанда халықаралық қалыптасқан қатынастарға (ХҚҚ) мұқият мониторинг жүргізу ұсынылады.

ТӘВД бауырдағы дәрілік заттардың метаболизміне әсері

ТӘВД (СГВ емі ретінде) қолданған кезде бауыр функциясы өзгеруі мүмкін, соның нәтижесінде бауырда метаболизмге ұшырайтын дәрілік заттардың фармакокинетикасы өзгеруі мүмкін (мысалы, кальциневрин тежегіштері сияқты иммунодепрессанттар).

Дәрілік заттармен өзге де, оның ішінде потенциалды өзараәрекеттесу және дозалау жөніндегі ұсынымдар

Аналептиктер

Модафинилмен бір мезгілде қолданған кезде қан плазмасындағы софосбувирдің концентрациясы төмендейді, бұл Софосбиннің емдік әсерінің азаюына әкелуі мүмкін, препаратты модафинилмен бір мезгілде пайдалану ұсынылмайды.

Аритмияға қарсы дәрілер

Софосбинмен бір мезгілде амиодаронды аритмияға қарсы басқа баламалы ем болмаған жағдайда ғана пайдалану керек, осындай біріктірілімді қолданған кезде қауіпсіздікке мұқият мониторинг жүргізу ұсынылады.

Антикоагулянттар

Софосбині бар К дәруменінің кез келген антагонистерін бір мезгілде пайдаланған кезде ХҚҚ мұқият мониторинг жүргізу ұсынылады, өйткені бауыр функциясы соңғысын қолданған кезде өзгеруі мүмкін.

Құрысуға қарсы дәрілер

Софосбинді фенобарбитал және фенитоинмен бір мезгілде қолдануға болмайды.

Софосбинді карбамазепинмен бір мезгілде қолдануға болмайды.

Окскарбазепинмен бір мезгілде қолданған кезде қан плазмасындағы софосбувирдің концентрациясы төмендейді деп күтілуде, бұл Софосбиннің емдік әсерінің азаюына әкелуі мүмкін; препаратты окскарбазепинмен бір мезгілде пайдалану ұсынылмайды.

Антимикобактериялық дәрілер

Софосбинді рифампицинмен (бір рет 600 мг) бір мезгілде қолдануға болмайды.

Рифабутинмен бірге пайдаланған кезде софосбувир дозасын түзету талап етілмейді.

Рифапентинмен бір мезгілде қолданған кезде қан плазмасындағы софосбувирдің концентрациясы төмендейді деп күтілуде, бұл Софосбиннің емдік әсерінің азаюына әкелуі мүмкін; препаратты рифапентинмен бір мезгілде пайдалану ұсынылмайды.

Өсімдік тектес препараттар

Софосбинді құрамында шайқурай бар препараттармен бір мезгілде қолдануға болмайды.

СГВ еміне арналған вирусқа қарсы дәрілер (СГВ протеазасының тежегіштері)

Софосбувир мен боцепревирді немесе телапревирді бір мезгілде пайдалану кезіндегі дәрілік өзара әрекеттесулер туралы деректер жоқ.

Есірткілік анальгетиктер

Метадонды (демеуші ем, тәулігіне 30-130 мг) және софосбувирді біріктіріп қолданған кезде дәрілік заттардың дозасын түзету талап етілмейді.

Иммунодепресанттар

Біріктірілген емнің бастапқы кезеңінде софосбувир мен циклоспорин дозасын (бір рет 600 мг) түзету талап етілмейді; кейіннен мұқият мониторинг жүргізу және қажет болған жағдайда циклоспорин дозасын түзету қажет.

Біріктірілген емнің бастапқы кезеңінде софосбувир және такролимус дозаларын (бір рет 5 мг) түзету талап етілмейді; кейіннен мұқият мониторинг жүргізу және қажет болған жағдайда такролимус дозасын түзету қажет.

АИТВ-инфекциясының емі үшін вирусқа қарсы дәрілер

Кері транскриптаза тежегіштері-эфавиренз * - (тәулігіне 1 рет 600 мг)^, эмтрицитабин * (тәулігіне 1 рет 200 мг)^, тенофовир дизопроксил * (тәулігіне 1 рет 245 мг)^, рилпивирин * (тәулігіне 1 рет 25 мг): софосбувирді жоғарыда аталған кері транскриптаза тежегіштерімен бір мезгілде қолданғанда дәрілік заттардың дозасын түзету талап етілмейді.

Протеаза тежегіштері-дарунавир* (ритонавирмен біріктірілімде, тиісінше тәулігіне 1 рет 800 мг және 100 мг): біріктірілген ем кезінде софосбувир мен дарунавирдің (ритонавирмен үйлесімде) дозасын түзету талап етілмейді.

Интеграза - ралтегравир * тежегіштері (тәулігіне 2 рет 400 мг): ралтегравир мен софосбувирді біріктіріп қолданған кезде дәрілік заттардың дозасын түзету талап етілмейді.

Пероральді контрацептивтер

Біріктірілген қолдану кезінде софосбувир мен норгестимат/этинилэстрадиол дозасын түзету талап етілмейді.

Арнайы ескертулер

Егде жастағы пациенттер

Егде жастағы пациенттерде софосбувир дозасын түзету талап етілмейді.

Бауыр жеткіліксіздігі бар пациенттер

Бауыр функциясының елеусіз, орташа айқын және ауыр бұзылулары бар пациенттерде софосбувир дозасын түзету талап етілмейді (Чайлд-Пью-Туркотт шкаласы бойынша А, В және С кластары тиісінше). Бауырдың декомпенсацияланған циррозы бар пациенттерде дәрілік затты қолданудың қауіпсіздігі мен тиімділігі анықталмаған.

Бауыр трансплантациясын күтіп жүрген пациенттер

Бауырды трансплантациялауды күтетін пациенттерде софосбувирмен емнің ұзақтығы потенциалды пайда мен қауіптерді жеке бағалауды ескере отырып белгіленуі тиіс.

Бауыр трансплантациясын бастан өткерген пациенттер

Бауыр трансплантациясын бастан өткерген пациенттерде 24 апта бойы софосбувирмен және рибавиринмен біріктірілген ем ұсынылады. Рибавириннің ұсынылған бастапқы дозасы 400 мг құрайды, оны екі қабылдауға бөлу керек (дәрілік затты тамақтану кезінде ішке қабылдайды). Егер бастапқы доза жақсы көтерімді болса, рибавирин дозасын тәулігіне ең жоғары 1000-1200 мг (дене салмағы 75 кг пациенттер үшін 1000 мг және дене салмағы ≥75 кг пациенттер үшін 1200 мг) дейін арттыруға болады. Бастапқы дозаға қанағаттанғысыз төзімділік жағдайында рибавирин дозасын қандағы гемоглобин деңгейін ескере отырып, клиникалық көрсетілімдерге сәйкес төмендету қажет.

Бүйрек жеткіліксіздігі бар пациенттер

Бүйрек функциясының елеусіз немесе орташа айқын бұзылуы бар пациенттерде софосбувир дозасын түзету талап етілмейді.

Бүйрек функциясының ауыр бұзылулары бар (шумақтық сүзілістің (ШСЖ) есептік жылдамдығы 30 мл/мин/1,73 м2) немесе гемодиализ жүргізу қажет болатын бүйрек ауруының терминалдық сатысы бар пациенттерде софосбувирді қолдану қауіпсіздігі туралы деректер шектеулі. Емнің басқа балама әдістері болмаған жағдайда дәрілік затты мұндай пациенттерде дозаны түзетусіз қолдануға болады.

Балаларда қолдану

12 жасқа дейінгі балалар мен жасөспірімдерде софосбувирді қолданудың қауіпсіздігі мен тиімділігі анықталған жоқ; деректер жоқ.

Жүктілік және лактация

Бала туатын жастағы әйелдер/ерлер мен әйелдердегі контрацепция

Софосбинмен рибавиринмен немесе альфа пэгинтерферон/рибавирин біріктірілімімен бір мезгілде ем қабылдайтын әйелдерге, сондай-ақ жоғарыда аталған ем қабылдайтын ерлердің жыныстық серіктестері болып табылатын әйелдерге жүктіліктің алдын алу мақсатында ерекше сақ болу қажет. Бала туатын жастағы әйелдер немесе олардың жыныстық серіктестері болып табылатын ерлер рибавиринге арналған медициналық қолдану жөніндегі нұсқаулықта көрсетілгендей біріктірілген емнің бүкіл кезеңі ішінде, сондай-ақ ол аяқталғаннан кейін контрацепцияның тиімді әдістерін пайдалану қажет. Қосымша ақпаратты рибавиринге арналған медициналық қолдану жөніндегі тиісті нұсқаулықтан қараңыз.

Жүктілік

Жүкті әйелдерде софосбувирді қолдану туралы деректер шектеулі (жүктіліктің 300 нәтижесінен кем).

Сақтық шарасы ретінде Софосбинді жүктілік кезінде әйелдерде қолдануға болмайды.

Жүкті әйелдерде Софосбин мен рибавиринді бірге қолдануға болмайды (рибавиринге арналған медициналық қолдану жөніндегі нұсқаулықты қараңыз).

Емшек емізу

Софосбувир мен оның метаболиттері адамда емшек сүтімен бөлінетіні белгісіз.

Бала үшін қауіпті жоққа шығаруға болмайды, сондықтан Софосбинді емізу кезінде әйелдерде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Софосбувир автокөлікті жүргізу және механизмдерді басқару қабілетіне орташа айқын әсер етеді. Пациенттер Софосбинмен альфа пэгинтерферон және рибавиринмен бірге емдегенде шаршау, зейіннің бұзылуы, бас айналу және көру өткірлігінің бұзылуы сияқты жағымсыз реакциялар байқалғаны туралы хабардар болуы тиіс.

Қолдану жөніндегі нұсқаулар

Дозалау режимі

Ересектер

Ұсынылатын доза тамақтану кезінде тәулігіне бір рет 400 мг софосбувирді (1 таблетка) құрайды.

Софосбинді басқа дәрілік заттармен біріктірілімде пайдалану қажет (1-кестені қараңыз), препаратты монотерапия ретінде қолдану ұсынылмайды. Софосбинмен емдеуді бастар алдында, сондай-ақ емдеу сызбасына кіретін, медициналық қолдану жөніндегі тиісті нұсқаулықтарда қамтылған дәрілік препараттарды пайдалану жөніндегі ұсынымдарды да ескерген жөн.

1-кесте. Ересектерде Софосбинді пайдалана отырып, біріктірілген емнің ұсынылған сызбалары мен ұзақтығы.

* Адамның иммун тапшылығы вирусын (АИТВ) жұқтырған пациенттерді қоса.

@ Бұрын ем қабылдаған СВГ 1 ГТ ССГ бар пациенттерде софосбувир, рибавирин және альфа пэгинтерферон біріктірілімін қолдану туралы деректер жоқ.

# Емдеу ұзақтығын 12-ден 24 аптаға дейін арттыру мүмкіндігі туралы мәселені қарау керек, әсіресе интерферон негізіндегі емге неғұрлым төмен жауап беруге себеп болатын бір немесе одан да көп факторлары бар пациенттердің кіші топтары үшін (мысалы, үдемелі фиброз/бауыр циррозы, бастапқы вирустық жүктеменің жоғары деңгейі, негроидтық нәсіл, СС емес аллель IL28b генінің болуы, алдыңғы альфа пэгинтерферон және рибавиринмен біріктірілген емге жауаптың болмауы).).

^ Төменде «Бауыр трансплантациясын күтіп жүрген пациенттер» бөлімін қараңыз».

Софосбинмен біріктіріп қолданған кезде рибавириннің дозасы пациенттің дене салмағына байланысты және дене салмағы 75 кг пациенттер үшін 1000 мг немесе дене салмағы ≥75 кг пациенттер үшін 1200 мг құрайды.

Рибавириннің тәуліктік дозасын екі қабылдауға бөлу керек; дәрілік затты тамақ ішу кезінде ішке қабылдайды.

СГВ емі үшін Софосбинді тікелей әсер ететін басқа вирусқа қарсы дәрілермен (ТӘВД) қолдану жөніндегі ұсынымдар.

Ересектердегі дозаны өзгерту

Софосбувир дозасын төмендету ұсынылмайды.

Егер софосбувир мен альфа пэгинтерферон бірлесіп пайдаланған кезде пациентте соңғысын қолданумен ықтимал байланысты ауыр жағымсыз реакциялар байқалса, дозаны азайту не альфа пэгинтерферон емін тоқтату қажет (медициналық қолдану жөніндегі тиісті нұсқаулықта қамтылған альфа пэгинтерферон дозасын төмендету және/немесе тоқтату жөніндегі ұсынымдарды ескеру керек).

Егер софосбувир мен рибавиринді бір мезгілде қолданғанда пациентте соңғысын қолданумен ықтимал байланысты ауыр жағымсыз реакциялар байқалса, дозаны тиісінше түзету не жағымсыз реакциялар жоғалған немесе олардың ауырлығы төмендеген сәтке дейін рибавиринмен емдеуді тоқтату қажет. 2-кестеде қандағы гемоглобин концентрациясына және пациенттің жүрек-қантамыр жүйесінің жағдайына байланысты рибавиринді дозалау режимін түзету және жою бойынша ұсыныстар ұсынылған.

2-кесте. Ересектерде Софосбинмен біріктірілген ем кезінде рибавиринді дозалау режимін түзету және тоқтату бойынша ұсынымдар.

Зертханалық көрсеткіштердің нормадан ауытқуына немесе жағымсыз реакциялардың дамуына байланысты рибавиринмен емдеуді тоқтатқаннан кейін оны жаңартуға әрекет жасауға болады. Осындай жағдайда рибавиринді тәулігіне 600 мг дозада пайдалану керек, кейіннен дәрілік заттың дозасы тәулігіне 800 мг дейін ұлғайтылуы мүмкін; рибавириннің дозасын бастапқы дозаға дейін (тәулігіне 1000-1200 мг) арттыру ұсынылмайды.

12-17 жастағы жасөспірімдер

Ұсынылатын доза тамақтану кезінде тәулігіне бір рет 400 мг софосбувирді құрайды.

Софосбинді басқа дәрілік заттармен біріктіріп пайдалану қажет (3 және 4-кестелерді қараңыз), препаратты монотерапия ретінде қолдану ұсынылмайды.

3-кесте. 12-17 жас аралығындағы жасөспірімдерде Софосбинді қолданумен біріктірілген емнің ұсынылған сызбалары.

* АИТВ жұқтырған пациенттерді қоса.

@ Рибавиринді дене салмағына қарай дозалау жөніндегі ұсыныстарды 4-кестеден қараңыз.

# Емдеу ұзақтығын 12-ден 24 аптаға дейін арттыру мүмкіндігі туралы мәселені қарау керек, әсіресе интерферон негізіндегі емге неғұрлым төмен жауап беруге себеп болатын бір немесе одан да көп факторлары бар пациенттердің қосалқы топтары үшін (мысалы, үдемелі фиброз/бауыр циррозы, бастапқы вирустық жүктеменің жоғары деңгейі, негроидтық нәсіл, СС емес аллель IL28b генінің болуы, алдыңғы альфа пэгинтерферон және рибавиринмен біріктірілген емге жауаптың болмауы).

4-кесте 4. 12-17 жас аралығындағы жасөспірімдерде Софосбинмен біріктірілген ем кезінде рибавиринді дозалау жөніндегі ұсынымдар.

* Рибавириннің тәуліктік дозасы дене салмағына байланысты, оны екі қабылдауға бөлу керек (дәрілік затты тамақтану кезінде ішке қабылдайды).

Енгізу әдісі және жолы

Таблеткалар тамақтану кезінде ішке қабылданады, оларды тұтастай жұту керек. Таблеткаларды белсенді заттың жағымсыз дәміне байланысты шайнамаған немесе ұнтақтамаған жөн. Ұсынылатын доза тамақтану кезінде тәулігіне бір рет 400 мг софосбувирді (1 таблетка) құрайды

Артық дозаланған жағдайда қабылдануы тиіс шаралар

Симптомдары: софосбувирдің 1200 мг дозасын қолданғанда артық дозалану белгілері байқалмады.

Софосбувирді неғұрлым жоғары дозаларда қолданумен байланысты әсерлер белгісіз.

Емі: Софосбувир үшін спецификалық антидоты жоқ. Артық дозаланған жағдайда пациентте уыттылық белгілеріне бақылау жүргізу керек. софосбувирдің артық дозалануын емдеу өмірлік маңызды функциялардың көрсеткіштерін бақылауды және пациенттің клиникалық жай-күйін бақылауды қоса, жалпы қолдау шараларынан тұрады. Гемодиализ кезінде организмнен қан плазмасындағы негізгі айналымдағы софосбувир GS-331007 метаболиті тиімді шығарылуы мүмкін (экстракция коэффициенті 53%). Гемодиализдің 4 сағаттық сеансы ішінде қабылданған дозаның шамамен 18% шығарылады.

Дәрілік препараттың бір немесе бірнеше дозасын жіберіп алғанда қажетті шаралар

Құсу және дозаны өткізу

Егер дәрілік затты қабылдағаннан кейін 2 сағат ішінде құсу дамитын болса, қосымша 400 мг софосбувир қабылдау қажет; егер құсу дәрілік затты қабылдағаннан кейін 2 сағаттан артық дамыған жағдайда, қосымша дозаны қабылдау талап етілмейді (ұсынымдар софосбувирдің сіңу кинетикасы және қан плазмасындағы негізгі айналымдағы софосбувир GS-331007 метаболиті туралы деректерге негізделген; дәрілік заттың көп бөлігі ішке қабылдағаннан кейін 2 сағат ішінде сіңеді).

Кезекті дозаны қабылдауды 18 сағаттан кем мерзімге өткізіп алған жағдайда, пациентке дәрілік заттың дозасын дереу қабылдау керек, келесі дозаны емдеу сызбасына сәйкес қабылдау керек; егер жоспарланған қабылдау уақытынан кейін 18 сағаттан астам уақыт өткен жағдайда, осы дозаны қабылдауды өткізіп алған жөн, келесі доза емдеу сызбасына сәйкес қабылдануы тиіс (софосбувирдің қосарлы дозасын қабылдауға болмайды).

Тоқтату симптомдарының болу қаупіне нұсқау

Жасөспірімдерде дозаны өзгерту

Софосбувир дозасын төмендету ұсынылмайды.

Егер софосбувир мен рибавиринді бір мезгілде қолданғанда пациентте соңғысын қолданумен ықтимал байланысты ауыр жағымсыз реакциялар байқалса, дозаны тиісінше түзету не жағымсыз реакциялар жоғалған немесе олардың ауырлығы төмендеген сәтке дейін рибавиринмен емдеуді тоқтату қажет.

Ересектер мен жасөспірімдерде емді тоқтату

Софосбинмен біріктірілімде пайдаланылатын басқа дәрілік заттармен емдеуді түпкілікті тоқтату кезінде препаратты қабылдауды да тоқтату керек.

Дәрілік препаратты қабылдамас бұрын дәрігердің немесе фармацевттің кеңесіне жүгініңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жағымсыз реакциялар жиілігінің сандық критерийлері және жүйелік-ағзалық жіктемеге сәйкес және олардың пайда болу жиілігіне сәйкес жағымсыз реакциялардың жіктемесі (Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥1/10), жиі (≥ 1/100-ден <1/10-ға дейін), жиі емес (≥ 1/1000-нан <1/100-ге дейін), сирек (≥1/10000-нан <1/1000-ға дейін), өте сирек (<1/10000), белгісіз (қолда бар деректер негізінде бағалау мүмкін емес)

Рибавиринмен біріктірілімдегі софосбувир:

өте жиі

- қандағы гемоглобин деңгейінің төмендеуі, ұйқысыздық, бас ауруы, жүрек айнуы, қандағы билирубиннің жоғарылауы, шаршау, ашушаңдық,

жиі

- назофарингит, анемия, депрессия, зейіннің бұзылуы, ентігу, дене жүктемесімен ентігу, жөтел, іштегі жайсыздық, іш қату, диспепсия, алопеция, терінің құрғауы, қышыну, артралгия, арқаның ауыруы, бұлшықет түйілуі, миалгия, дене температурасының жоғарылауы, астения

Рибавирин және альфа пэгинтерферон біріктірілімімен софосбувир:

өте жиі

- анемия, нейтропения, қандағы лимфоциттер санының төмендеуі, қандағы тромбоциттер санының төмендеуі, тәбеттің төмендеуі, ұйқысыздық, бас айналу, бас ауруы, ентігу, жөтел, диарея, жүрек айну, құсу, қандағы билирубиннің жоғарылауы, бөртпе, қышыну, артралгия, миалгия, қалтырау, шаршау, тұмауға ұқсас аурулар, ашушаңдық, ауыру, дене температурасының жоғарылауы

жиі

- дене салмағының төмендеуі, депрессия, үрей, ажитация, бас сақинасы, есте сақтау қабілетінің бұзылуы, зейіннің бұзылуы, көру айқындығының бұзылуы, дене жүктемесімен ентігу, іш қату, ауыздың құрғауы, гастроэзофагеальді рефлюкс, алопеция, терінің құрғауы, арқаның ауыруы, бұлшықет түйілуі, кеуденің ауыруы, астения

жиілігі белгісіз

- Стивенс-Джонсон синдромы

- жүрек аритмиясы. Ауыр брадикардия және жүрек блокадасы жағдайлары жүрек соғу жиілігін төмендететін амиодаронмен және/немесе басқа препараттармен софосбувирді (басқа вирусқа қарсы препараттармен біріктірілген терапия) қолдану кезінде байқалды.

Пациенттердің басқа да ерекше топтары

СГВ/АИТВ ко-инфекциясы

СГВ/АИТВ ко-инфекциясы бар ересек пациенттерде софосбувир мен рибавирин біріктірілімінің қауіпсіздік бейіні тек СГВ жұқтырған және клиникалық зерттеулерде жоғарыда көрсетілген дәрілік заттармен құрамдастырылған ем алған пациенттермен ұқсас болды (3 фаза).

Бауыр трансплантациясын күтіп жүрген пациенттер

СГВ жұқтырған бауыр трансплантациясы алдында ересек пациенттерде софосбувир мен рибавирин біріктірілімінің қауіпсіздік бейіні жоғарыда көрсетілген дәрілік заттармен біріктірілген ем қабылдаған пациенттермен ұқсас болды.

Бауыр трансплантациясын бастан өткерген пациенттер

Бауыр трансплантациясын бастан өткерген ССГ бар ересек пациенттерде софосбувир мен рибавирин біріктірілімінің қауіпсіздік бейіні жоғарыда көрсетілген дәрілік заттармен біріктірілген ем қабылдаған пациенттермен ұқсас болды. Емдеу кезінде қандағы гемоглобин деңгейінің төмендеуі өте жиі байқалды; жағымсыз реакциялардың дамуы салдарынан софосбувир мен рибавиринді дозалау режимдерін түзету, біріктірілген емді уақытша тоқтату немесе толық тоқтату қажет.

Бүйрек функциясының бұзылуы бар пациенттер

Софосбувирді ледипасвирмен біріктіріп қолдану қауіпсіздігі (дәрілік заттардың тіркелген дозалары) 0154 ашық зерттеуде 12 апта бойы бүйрек функциясының ауыр бұзылулары бар 18 пациентте және 1 СГВ ГТ ССГ зерттелді. Сондай-ақ, софосбувирді ледипасвирмен немесе велпатасвирмен біріктіріп қолдану қауіпсіздігі (дәрілік заттардың тіркелген дозалары) гемодиализ жүргізу қажет болатын бүйрек ауруының терминалдық сатысы бар 154 пациентте 4062 және 4063 зерттеулерде зерттелді. Жоғарыда көрсетілген зерттеулерде пациенттердің қан плазмасындағы софосбувир метаболиті GS-331007 концентрациясы клиникаға дейінгі зерттеулерде жануарларда жағымсыз реакциялар байқалған концентрациядан 20 есе асып кеткені анықталды. Қауіпсіздік бойынша алынған шектеулі деректер бүйрек ауруының терминалдық сатысы бар пациенттерде күтілетінмен салыстырғанда жағымсыз реакциялардың және өлім-жітімнің туындау жиілігінің елеулі ұлғаюының жоқтығын көрсетеді.

Балалар

Жасөспірімдерде софосбувирді рибавиринмен біріктіріп қолданудың қауіпсіздігі мен тиімділігі жоғарыда көрсетілген дәрілік заттардың біріктірілімімен ем қабылдаған ересек пациенттердегідей сәйкес келеді.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - 400 мг софосбувир,

қосымша заттар: микрокристалды целлюлоза, маннит, натрий кроскармеллозасы, коллоидты кремнийдің қостотығы, магний стеараты,

Қабығының құрамы: Опадри® ақ 85F18422 (поливинил спирті, титанның қостотығы (Е 171), макрогол, тальк).

Сыртқы түрінің иісінің, дәмінің сипаттамасы

Ұзынша пішінді, екі беті дөңес, ақ түсті үлбірлі қабықпен қапталған, екі жағы тегіс таблеткалар.

Шығарылу түрі және қаптамасы

28 таблеткадан алюминий фольгамен жабылған пластикалық құтыда, балаларға қарсы қорғаныс қорғаныс жүйесімен жабдықталған пластикалық бұрандалы қақпағы бар. Құтыға ылғал жұтқыш (құрамында силикагель бар жеуге болмайтын пластикалық капсула) салынған.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл

Жарамдылық мерзімі өткеннен кейін қолдануға болмайды.

30°C-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

«Глобал Напи Фармасьютикалз», Мысыр

(2-ші өнеркәсіптік аймақ, №40, №18 көше, Сикс ов Октобер Сити, Гиза)

Телефон: +202 3816 4730 / 39

Факс: +202 3816 4740

mail@globalnapi.com

Тіркеу куәлігінің ұстаушысы

«РОТАФАРМ ЛИМИТЕД», Ұлыбритания

Граунд Фло, Гадд Хаус, Аркадиа Авеню, Финчли, Лондон қ. N3 2JU

Телефон: +44 0 845 0 66 77 00

Факс: +44 0 845 0 66 77 01

info@rotapharm.co.uk

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, ҚР, Алматы, Сүйінбай даңғ., 222б

Тел/факс: 8 (727) 252 90 90

rin_pharma@mail.ru

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, Алматы қ, Сүйінбай даңғылы 222б

Ұялы тел +7 701 786 33 98.

е-mail: pvpharma@worldmedicine.kz