Сомазина® (раствор для приема внутрь, 30 мл)
Инструкция
-
русский
-
қазақша
Саудалық атауы
Сомазина®
Халықаралық патенттелмеген атауы
Цитиколин
Дәрілік түрі
Ішуге арналған ерітінді 30 мл
Құрамы
100 мл ерітіндінің құрамында, граммен
белсенді зат: Цитиколин натрий 10.4500
(Цитиколинге баламалы) (10.0000)
қосымша заттар: кристалды сұйық сорбитол 70 %, глицерин, метилпарагидроксибензоат, пропилпарагидроксибензоат, глицерин формальдегиді, натрий цитратының дигидраты, натрий сахарині, Понсо 4-R бояғышы (Е 124), құлпынай эссенциясы 1487 –S -Lucta, калий сорбаты, сусыз лимон қышқылының 50% ерітіндісі, тазартылған су.
Сипаттамасы
Құлпынай иісі және дәмі бар, қызғылт түсті мөлдір сұйықтық, препаратты бөлме температурасы жағдайында (20ºС) ұстағанда жойылатын жеңіл бозаңданудың пайда болуы мүмкін.
Фармакотерапиялық тобы
Психоаналептиктер. Басқа да психостимуляторлар және ноотроптар. Цитиколин
АТХ коды N06BX06
Фармакологиялық қасиеттері
Фармакокинетикасы
Цитиколинді ішке қабылдағанда асқазан-ішек жолдарынан (АІЖ) іс жүзінде толық сіңеді. Плазмада концентрациясы қабылдағаннан кейін елеулі ұлғаяды. Цитиколиннің биожетімділігін зерттеу ішке қабылдағанда да, парентеральді енгізуде де бірдей биожетімділікке ие екенін көрсетті. Фармацевтикалық өнім ішекте және бауырда холинге және цитидинге метаболизденеді. Цитиколин миға жылдам жетеді және фосфолипидтер қызметін белсендіре отырып, жасуша жарғақшаларына, цитоплазмаға және митохондрияға белсенді қосылады.
Препараттың шығарылуы өте баяу. Дозаның тек аздаған мөлшері ғана (3% аз) несеппен (метаболиттер және өзгермеген түрде) және нәжіспен шығарылады. Дозаның шамамен 12 % тыныс алу жолдары арқылы шығарылады.
Фармакодинамикасы
Цитиколин нейрондар жарғақшаларының құрылымдық фосфолипидтерінің биосинтезін стимуляциялайды. Мұндай әсер етуі арқылы цитиколин олардың реттелуінсіз жүйке импульстерін қалыпты жүргізу мүмкін болмайтын иондық сорғылар мен рецепторлар сияқты жарғақшалық құрылымдардың қызметін жақсартады.
Жарғақшаны тұрақтандырғыш әсерінің арқасында, цитиколин ісінуге қарсы қасиетін көрсетеді және ми ісінуін азайтады.
Цитиколин әртүрлі патологиялық үдерістер салдарынан болған церебральді қызметтің бұзылу (бассүйек-ми жарақаты және ми қан айналымының жедел бұзылуы сияқты) жағдайларындағы жай-күйлермен байланысты симптомдардың айқындығын әлсіретеді. Цитиколин церебральді патологиямен байланысты когнитивті, сенситивті және моторлық бұзылыстардың біліністерін төмендетеді.
Қолданылуы
Жедел кезеңдегі және реабилитация кезеңіндегі ми қан айналымының бұзылуларында:
- бассүйек-ми жарақаттары және олардың салдарларында
- дегенеративтік және қантамырлық ми бұзылулары туындатқан когнитивті, сенситивті, моторлық және нейропсихологиялық бұзылыстарда.
Қолдану тәсілі және дозалары
1 мл ерітіндінің құрамында 100 мг бар, тәулігіне ұсынылатын доза жай-күйдің ауырлығына қарай 500 мг-ден 2000 мг дейін.
Ересектер: тәулігіне 500 мг-ден (5мл) 3 рет, дозалағыш еккіштің көмегімен қабылдайды: Препаратты сұйылтпай қабылдауға және жарты стақан суға сұйылтып (100 мл), тамақ ішу кезінде немесе тамақ ішу аралығында қабылдауға болады.
Емдеу курсын дәрігер белгілейді.
Әрбір қабылдаудан кейін еккішті сумен шаю ұсынылады.
Жағымсыз әсерлері
- елестеулер, қозу, ұйқысыздық, температура жоғарылауы, ысыну сезімі, тремор, қалтырау
- бас ауыруы және бас айналуы
- артериялық гипертензия және гипотензия, ентігу
- гиперемия, есекжем, экзантема, тері қышынуы, анафилактикалық шок дамуы мүмкін
- жүрек айнуы, құсу, диарея
- ісінулер
Қолдануға болмайтын жағдайлар
- препарат компоненттерінің біріне аллергия
- парасимпатикалық жүйке жүйесінің (кезбе жүйкесі) тонусы жоғары
емделушілер
- тұқым қуалайтын фруктоза жақпаушылығы, глюкоза-галактоза
мальабсорбциясы.
Дәрілермен өзара әрекеттесуі
Құрамында меклофеноксат (meclofenoxate) бар препараттармен бір уақытта қолдануға болмайды. Леводопа әсерін күшейтеді.
Айрықша нұсқаулар
Құрамында метилпарагидроксибензоат, пропилпарагидроксибензоат, Понсо4-R болуына байланысты аллергиялық реакциялар болуы мүмкін.
Балаларда қолдану тәжірибесі шектеулі.
Препарат құрамында сорбитол бар, сондықтан тұқым қуалайтын фруктоза жақпаушылығы проблемасымен емделушілердің қабылдамағаны жөн.
Әсіресе ацетилсалицил қышқылына аллергиясы бар емделушілерде бронх демікпесін туындатуы мүмкін.
Жүктілік және лактация кезеңі
Жүкті әйелдерде Citicoline пайдалану туралы ешқандай тиісті деректер жоқ. Егер аса қажет болмаса препаратты жүктілік кезінде пайдаланбаған дұрыс.
Препарат болжамды оң әсері болуы мүмкін қаупінен артық болған жағдайда қолданылуы мүмкін.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары: препарат уыттылығының төмендігін ескере отырып, тіпті емдік дозаны кездейсоқ жоғарылатып алғанда да улану ықтималдығы аз.
Емі: симптоматикалық ем.
Шығарылу түрі және қаптамасы
30 мл препараттан бұралатын қақпағы бар түссіз шыны құтыларда.
Құты өлшеуіш еккішпен және медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынады.
Сақтау шарттары
300С-ден аспайтын температурада сақтау керек.
Мұздатып қатыруға және суытуға болмайды.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
Феррер Интернасиональ, С.А.,
Гран Виа Карлос III, 94, 08028 Барселона, Испания.
Тіркеу куәлігінің иесі
Феррер Интернасиональ, С.А.,
Гран Виа Карлос III, 94, 08028 Барселона, Испания.
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
ҚР-дағы өкілдігі: ҚР Орта Азия бойынша Медиал Ди энд Пи ЛТД
Мекенжайы: 050050 Алматы қ., Темекі зауыты к-сі, 20, тел +77272954882/83