Солкосерил (гель, 20 г)
Инструкция
-
русский
-
қазақша
Саудалық атауы
Солкосерил
Халықаралық патенттелмеген атауы
Жоқ
Дәрілік түрі
Гель
Құрамы
1 г гельдің құрамында
белсенді зат – (Воs Tаurus) жаңа туылған бұзаулардың қанынан депротеинделген гемодериват, химиялық және биологиялық стандартталған, құрғақ затқа шаққанда 4,15 мг,
қосымша заттар: метилпарагидроксибензоат, пропилпарагидроксибензоат, натрий карбоксиметилцеллюлозасы, пропиленгликоль, кальций лактатының пентагидраты, инъекцияға арналған су, сүт қышқылы және/немесе 27 % натрий гидроксидінің ерітіндісі.
Сипаттамасы
Түссізден сәл сарғыш түске дейінгі, гомогенді, мөлдір гель, солкосерилдің әлсіз иісі бар (жағымды, ет сорпасының иісі сияқты).
Фармакотерапиялық тобы
Жараны және ойық жараны емдеуге арналған препараттар
Аса тыртықтануды емдеуге арналған басқа да препараттар.
АTХ коды D03AX
Фармакологиялық қасиеттері
Фармакокинетикасы
Зерттеулер нәтижесінде белсенді заттардың жүйелік сіңуі төмендігі анықталған.
Фармакодинамикасы
Солкосерил - құрамында жаңа туылған бұзаулардың жасушалық массасы мен қан сарысуының төмен молекулярлы компоненттерінің кең ауқымы бар жаңа туылған бұзаулардың (Воs tаurus) қанынан жасалған депротеинделген гемодериват болып табылады
Солкосерил:
- репаративті және регенеративті үдерістерді жоғарылатады
- аэробты метаболикалық үдерістерді және тотығып фосфорланудың белсенділенуіне ықпал етеді
- гипоксия жағдайында оттегі тұтынуды жоғарылатады және жасушаларға глюкоза тасымалдануын стимуляциялайды
- коллаген синтезін арттырады; жасушалар пролиферациясын стимуляциялайды
Солкосерил тіндерді гипоксиядан және қоректік заттар тапшылығынан қорғайды, қайтымды зақымданған тіндердің қалыпты қызметінің қалпына келуіне жәрдемдеседі және жаралардың жазылу үдерісінің жылдамдауына ықпал етеді.
Қолданылуы
- жаңа болған жараларда (сыдырылуларда, кесілулерде)
- 1 және 2 дәрежелі күйіктерде (күнге күйген және химиялық)
- ойық жараларда
- үсітіп алғанда
- тесілулерде
Қолдану тәсілі және дозалары
Солкосерил гелі сыртқа қолданылады. Солкосерил гелін жараны алдын ала зарарсыздандыратын ерітінді қолданып тазалағаннан кейін жаралы беткейге тікелей жағады. Трофикалық ойық жараны емдеуді бастар алдында, сондай-ақ жараның іріңді жұқпалануы жағдайында алдын ала хирургиялық өңдеу керек. Солкосерил гелі жаңа пайда болған жараға, ылғал бөлінділері бар жараға, сулану құбылысы бар ойық жараларға жағылады және зақымданулардың жоғарыда аталған барлық түрлерін емдеудің бастапқы кезеңінде қолданылады.
Солкосерил гелі тазаланған жараға күніне 2-3 рет жұқа қабатпен жағылады. Солкосерил гелін қолдану терінің зақымданған беткейінде грануляциялық тін айқын түзілгенше және жара кепкенше жалғасады.
Терінің және жұмсақ тіндердің ауыр трофикалық зақымдануын емдеу үшін бір мезгілде Солкосерилдің парентеральді түрін де пайдалану ұсынылады.
Жағымсыз әсерлері
- есекжем, жиектік дерматит түріндегі аллергиялық реакциялар
- жаққан орындағы қысқа мерзімдік күйдірулер
Қолдануға болмайтын жағдайлар
- препарат компоненттеріне жоғары сезімталдық
Дәрілермен өзара әрекеттесуі
Солкосерил гельдің жергілікті әсер ететін басқа дәрілік препараттармен өзара әрекеттесуі анықталмаған.
Айрықша нұсқаулар
Солкосерил гельдің құрамында жұқпаға қарсы компоненттері болмайтындықтан Солкосерил гельді ластанған жараға жағуға болмайды.
Солкосерил гельді аллергиялық реакцияларға бейімділікте сақтықпен қолдану керек.
Тіндердің шығу тегі әртүрлі трофикалық зақымдануларын емдеу үшін Солкосерил гелі жарадан некроздалған тіндерді алып тастағаннан кейін ғана қолданылады.
Солкосерил гельді жаққан орын жанындағы тері бөліктерінің ауыру сезімдері, қызарулары пайда болған жағдайда, жарадан секреция бөлінгенде, температура көтерілгенде дереу дәрігерге қаралу керек. Егер Солкосерил гельді қолданған жағдайда зақымданған бөліктің 2-3 апта ішінде жазылуы байқалмаса дәрігерге қаралу керек.
Педиатрияда қолданылуы
Препарат балаларда қолданылуы мүмкін.
Жүктілік және лактация
Препарат жүкті және бала емізетін әйелдерді емдеу үшін, егер оның ана үшін болжамды пайдасы ұрық және бала үшін потенциалды қаупінен асатын болса дәрігер тағайындауы бойынша қолданылуы мүмкін.
Дәрілік заттың көлік құралын немесе қауіптілігі зор механизмдерді басқару қабілетіне әсері
Әсер етпейді
Артық дозалануы
Анықталмаған
Шығарылу түрі және қаптамасы
20 г препараттан жарғақшалы және эпокси-фенолды шайыр негізді ішкі жабындысы бар пластмасса қалпақшасы (тығыздығы жоғары полипропилен) бар алюминий сықпаға салынады.
1 сықпадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
300С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Сықпаны ашқаннан кейін қолдану кезеңі – 4 апта.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Легаси Фармасьютикалс Швейцария ГмбХ
Рюрбергштрассе 21, 4127 Бирсфельден, Швейцария
Тіркеу куәлігінің иесі
МЕДА Фармасьютикалс Швейцария ГмбХ, Швейцария
Хегнауштрассе 60, 8602 Ванген-Брюттизеллен, Швейцария
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
Қазақстан Республикасындағы «МЕДА Фармасьютикалз Швейцария ГмбХ» өкілдігі: Алматы қ., Достық даңғылы 97, 8 кеңсе, тел : +7 727 264-17-94,
факс: + 7 727 264-17-71
Электронды поштасы: info.safety@meda-cis.com