Снуп® (Спрей назальный 0,1%)

• русский
• қазақша

• Скачать инструкцию медикамента

Саудалық атауы

Снуп®

Халықаралық патенттелмеген атауы

Ксилометазолин

Дәрілік түрі

0,05 %, 0,1 % мұрын спрейі

Құрамы

1 мл спрейдің құрамында

белсенді зат – 0,5 мг немесе 1,0 мг ксилометазолин гидрохлориді,

қосымша заттар: теңіз суы, калий дигидрофосфаты, тазартылған су.

Сипаттамасы

Мөлдір түссіз ерітінді

Фармакотерапиялық тобы

Мұрынға арналған препараттар. Антиконгестанттар және жергілікті қолданылатын басқа да мұрынға арналған препараттар. Симпатомиметиктер. Ксилометазолин

АТХ коды R01АА07

Фармакологиялық қасиеттері

Фармакокинетикасы

Мұрын ішіне ұсынылатын дозаларда қолданғанда іс жүзінде сіңбейді дерлік. Бір рет қолданғаннан кейін әсерінің басталуы әдеттегідей 5-10 минут ішінде байқалады және деконгестантты әсері орта есеппен 6-8 сағатқа созылады.

Фармакодинамикасы

Ксилометазолин, имидазолин туындысы альфа-адренергиялық әсері бар симпатомиметик болып табылады. Бета-адренорецепторларға ықпалын тигізбейтін, тікелей әсер ететін альфа-адренорецепторлар агонисті бола отырып, ксилометазолин норэпинефриннің босап шығуы арқылы жүзеге асатын, тікелей емес симпатомиметикалық әсер бермейді. Ксилометазолин мен норэпинефриннің құрылысының ұқсастығының арқасында, ксилометазолин әсерінен, альфа-1 және альфа-2 рецепторлардың стимуляциясы вазоконстрикцияға әкеледі. Бұл шырышты қабықтардың ісінуінің азаюына және секрет ағынының жақсаруына мүмкіндік береді, ол мұрынмен тыныс алуды жеңілдетеді.

Препараттың құрамына кіретін стерильді изотониялық теңіз суы мұрын қуысының шырышты қабығының қалыпты физиологиялық жағдайына мүмкіндік береді, секреттің тұтқырлығын азайтады және оның мұрын қуысының шырышты қабығының бокал түріндегі жасушаларымен өндірілуін қалыпқа келтіреді, жыпылықтағыш эпителий қызметін жақсартады, бұл мұрын қуысының және қосалқы қуыстардың ауру тудыратын бактериялар мен вирустардың енуіне кедергі жасауын күшейтеді. Бұдан басқа, теңіз суы мұрынның шырышты қабатынан аллергендер мен гаптендердің шайылуына және жойылуына, жергілікті қабыну үдерісінің азаюына әкеледі.

Қолданылуы

• ринит белгілері бар жедел респираторлы ауруларда

• жедел аллергиялық ринитте, поллинозда

• мұрынмаңы қуыстары қабынғанда, сондай-ақ салқын тигеннен болған ауруларда ортаңғы құлақтың катаральді қабынуында секреттің ағынын жақсарту үшін

Қолдану тәсілі және дозалары

Снуп®, 0,05% мұрын спрейі

2 жастан 6 жасқа дейінгі балаларға – әрбір мұрын қуысына 1 реттен бүрку - күніне 1-2 рет.

Снуп®, 0,1% мұрын спрейі

Ересектерге және 6 жастан асқан балаларға – әрбір мұрын қуысына 1 реттен бүрку - күніне 1-2 рет.

Препаратты күніне 3 реттен жиі қолданбаған жөн. Емдеу курсының ұзақтығы 5-7 күннен аспауы тиіс. Құты алғаш ашылғаннан кейінгі сақтау мерзімі – 3 ай.

Жағымсыз әсерлері

Жиі (≥1/100 - <1/10)

• мұрын шырышты қабығының күйдіріп ашытуы және құрғауы, түшкіру

Жиі емес (≥1/1000 - <1/100)

• мұрынның шырышты қабығының қайтымды ісінуі (дәрі-дәрмектік ринит), мұрыннан қан кету

• жүректің айнуы, құсу

• аллергиялық реакциялар (ангионевротикалық ісіну, қышыну, тері бөртпелері)

Сирек (≥1/10000 - <1/1000)

• пальпитация, тахикардия, артериялық қысымның жоғарылауы

Өте сирек (<1/10000)

• аритмия,

• бас ауыру, шаршау, ұйқышылдық немесе ұйқысыздық, мазасыздық, седативтік әсер, құрысулар және елестеулер (көбіне балаларда)

• апноэ (жасы кіші балаларда және жаңа туған нәрестелерде)

Қолдануға болмайтын жағдайлар

• препарат компонентінің белсенді затына немесе кез келген басқа компонентіне асқын сезімталдық

• атрофиялық ринит

• транссфеноидальді гипофизэктомиядан немесе қатты ми қабығына қатысты басқа да хирургиялық араласымдардан кейінгі жағдайлар, соның ішінде сыртартқысындағы

• артериялық гипертензия

• тахикардия

• айқын атеросклероз

• глаукома

• жүктілік, лактация кезеңі

Снуп®, 0,05% мұрын спрейі

• 2 жасқа дейінгі балаларға

Снуп®, 0,1% мұрын спрейі

• 6 жасқа дейінгі балаларға

Дәрілермен өзара әрекеттесуі

Снуп®-ты, трициклдік антидепрессанттарды, транилципроминді типті моноаминооксидаза (МАО) тежегіштерін немесе гипертензияны туындататын басқа да дәрілік заттарды бір мезгілде қолдану артериялық қысымның жоғарылауына әкеледі.

Айрықша нұсқаулар

Снуп® келесі жағдайларда сақтықпен пайдаланылуы тиіс:

• МАО тежегіштерін немесе артериялық қысымды арттыруға қабілетті басқа дәрілік заттарды қабылдап жүрген емделушілерде

• көзішілік қысым жоғарылағанда

• жүрек-қантамыр жүйесінің ауыр сипатты ауруларында (мысалы, жүректің коронарлық ауруы, гипертензия)

• феохромоцитомада

• метаболизмдік бұзылуларда (мысалы, гипертиреоидоз, қант диабеті)

• порфирияда

• қуықасты безінің гипертрофиясында.

Препараттың ұсынылған тәуліктік дозасынан асырмаған жөн. Снуп® дәрігердің кеңесінсіз 7 күннен артық қолданылмауы тиіс. Бірнеше күн үзіліс жасағаннан кейін ғана қайталап қолданылуы мүмкін.

Созылмалы риниті бар емделушілер препаратты, мұрынның шырышты қабығының атрофиясының пайда болу қаупіне байланысты, тек дәрігердің бақылауымен ғана қолдана алады.

Ұзақ уақыт қолданғанда және/немесе артық дозаланғанда мұрынның шырышты қабығының реактивті гиперемиясы пайда болуы мүмкін, ол тыныс жолдарының тарылуына әкеледі («рикошет» феномені). Мұның салдары созылмалы дәрі-дәрмектік риниттің пайда болуы болып табылады, бұл мұрынның шырышты қабығының атрофиясына әкеп соғуы мүмкін.

Балалардағы емдеу ұзақтығын дәрігер белгілейді.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Ықпалын тигізбейді.

Артық дозалануы

Симптомдары: мазасыздық, қозу, елестеулер, құрысулар; дене температурасының төмендеуі, летаргия, ұйқышылдық, кома; миоз, мидриаз, қатты терлеу, қызба, тері жабындарының бозаруы, цианоз, жүректің айнуы және құсу, тахикардия, брадикардия, жүрек аритмиясы, жүректің тоқтап қалуы, пальпитация, гипертензия, шокқа ұқсас гипотония, өкпенің ісінуі, тыныстың тарылуы және апноэ, психикалық бұзылулар. Артық дозаланудан кейін, әсіресе балаларда, ОЖЖ тарапынан симптомдар (құрысулар мен қоманы қоса есептегенде), брадикардия, апноэ және гипотониямен алмасып отыратын гипертензия жиірек болады.

Емі: асқазанды шаю, сорбентті (белсенділендірілген көмір) пероральді түрде, іш жүргізетін дәрілерді, қажет болғанда гипотензивтік терапия (селективтік емес альфа-адреноблокаторлар), симптоматикалық ем тағайындау.

Шығарылу түрі және қаптамасы

Бүріккіш қақпақшалары бар полиэтиленді құтыларда препарат 15 мл-ден.

1 құтыдан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

25º С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Босатылу шарттары

Рецептісіз

Өндіруші

Ursapharm Arzneimittel GmbH, Германия

Тіркеу куәлігінің иесі

ШТАДА Арцнаймиттель АГ,

Штадаштрассе 2-18,

D-61118 Бад Вилбель, Германия,

телефон: +49 6101-603-0,

телефакс: +49 6101-603 259

веб сайт: http://www.stada.de

Тұтынушылардан өнім (тауар) сапасы жөніндегі шағымдарды Қазақстан Республикасы аумағында қабылдайтын ұйымның мекенжайы

«Нижфарм» ААҚ Өкілдігі

050043, Қазақстан Республикасы,

Алматы қ-сы, Хан - Тәңірі ы/а, 55б

тел.: (727) 398-64-91, 398-64-92, 398-64-93, 243-45-03, 243-45-04

факс: (727) 398-64-95

e–mail: almaty@stada.kz