Ситком
Инструкция
-
русский
-
қазақша
Саудалық атауы
Ситком
Халықаралық патенттелмеген атауы
Жоқ
Дәрілік түрі
Үлбірлі қабықпен қапталған таблеткалар, 100 мг
Құрамы
Үлбірлі қабықпен қапталған бір таблетканың құрамында
Белсенді зат – 100,0 мг төселмелі сүттіген шөбінің құрғақ сығындысы,
қосымша заттар – маннитол, микрокристалды целлюлоза, желатинденген крахмал, натрий кроскармеллозасы, глицерол дибегенаты, сусыз коллоидты кремнийдің қостотығы, магний стеараты, кросповидон.
қабық құрамы – негізгі жабын Oпадри II 85G68918 (ақ), соңғы жабын Опадри АМВ 80W51484 (жасыл) және сия Опакод S-117823 (қара)
негізгі жабын құрамы Oпадри II 85G68918 (ақ) – поливинил спирті**, титанның қостотығы (Е171), тальк (1520), макрогол /PEG 3350 (Е553b), лецитин (Е322).
соңғы жабын құрамы Опадри АМВ 80W51484 (жасыл) –поливинил спирті **, титанның қостотығы (Е171), тальк (Е553b), темірдің сары тотығы (Е172), лецитин (Е322), FD&C Көк №2/ Алюминий Пигменті, Индигокармин (Е132), ксантан Гам (Е415).
сия құрамы Опакод S-117823 (қара) – шеллак глазурь - 45%, изоприл спирті** темірдің қара тотығы (Е172), n-бутил спирті **, пропиленгликоль, 28% аммоний хлориді.
** - өндіру үдерісінде буға айналып кетеді.
Сипаттамасы
Сопақ пішінді, екі беті дөңес, бір жақ бетінде қара сиямен жазылған "ЕРТ" жазуы бар және екінші жақ беті тегіс, жасыл түсті үлбірлі қабықпен қапталған таблеткалар.
Фармакотерапиялық тобы
Геморрой мен анальді жарылуларды емдеу үшін жергілікті қолдануға арналған дәрілер. Басқа да препараттар және олардың біріктірілімі.
АТХ коды С05СХ
Фармакологиялық қасиеттері
Фармакокинетикасы
Төселмелі сүттіген шөбінің құрғақ сығындысының (Euphorbia prostrata) құрамында биологиялық белсенді заттар кешені: полифенолды заттар (лютеолин, 6-метоксикверцетингликозид, кверцетин және лютеолин мен апигенин гликозидтері), биофлавоноидтар болғандықтан препараттың тиімділігі оның компоненттерінің жиынтық әсеріне негізделіп, кинетикалық зерттеулер жүргізу мүмкін емес болып табылады.
Фармакодинамикасы
Препараттың фармакологиялық тиімділігі төселмелі сүттіген шөбінің құрғақ сығындысы құрамына кіретін қабынуға қарсы, ауыруды басатын, гемостатикалық, антитромботикалық қасиеттері бар, биологиялық белсенді заттар кешеніне негізделген.
Лютеолин биофлавоноидтары, 6-метоксикверцетингликозид, кверцетин және лютеолин мен апигениннің гликозидтері қабынуға қарсы әсері бар антиоксиданттар болып табылады.
Лютеолин мен апигенин көмірсулардың метаболизміне ықпал етеді, қабынуға қарсы цитокиндердің ФНО-α және интерлейкиндердің ИЛ-1β, ИЛ-6, ИЛ-4, ИЛ-13 өндірілуіне және сөлінісіне кедергі болады.
Апигенин несеп қышқылының түзілуін бөгейді.
Кверцетин гистаминнің сөлінісін және синтезін баяулатады, липоксигеназа ферментін және цитохром CYP3A4 тежейді.
Препарат қабынуға қарсы, ауыруды басатын әсерге ие, қан кетудің алдын алады, қылтамырлар өткізгіштігін азайтады.
Қолданылуы
-
1 және 2 дәрежедегі геморройда
-
3 және 4 дәрежедегі геморройда және геморроидоэктомиядан кейін науқастың жағдайын симптоматикалық жеңілдету мақсатында
Қолдану тәсілі және дозалары
Ситком таблеткалары ішке қабылдауға арналған. Таблеткаларды ас ішуге байланыссыз қабылдауға болады.
1 және 2 дәрежедегі геморройдың емі: бір таблеткадан (100 мг) күніне бір рет, 14 күн бойы.
3 және 4 дәрежелі геморройда және геморроидэктомиядан кейінгі жағдайдағы емделушілер үшін: бір таблеткадан (100 мг) күніне екі рет, 14 күн бойы
Жағымсыз әсерлері
-
жүрек айну, диспепсия, іш ауыруы, гастралгия, гастрит, іш өту, ауыздың құрғауы
-
бас ауыруы, бас айналуы
-
аллергиялық реакциялар, жоғары сезімталдық
Қолдануға болмайтын жағдайлар
-
препарат компоненттеріне жоғары сезімталдық
-
жүктілік және лактация кезеңі
-
18 жасқа дейінгі балалар
Дәрілермен өзара әрекеттесуі
СИТКОМ таблеткалары қанның коагуляциялық профилін өзгертетін қасиетке ие, сондықтан оны антикоагулянттармен және тромбоцитарлы-антиагрегантты дәрілермен бірге сақтықпен қабылдау керек.
СИТКОМ- ның басқа дәрілік заттармен өзара әрекеттесуі анықталмаған.
Айрықша нұсқаулар
Бауыр және/немесе бүйрек қызметінің бұзылу белгілері бар емделушілерге СИТКОМ таблеткаларын қабылдау кезінде абай болуы керек.
Бауыр және бүйрек қызметіне мұқият мониторинг жүргізу керек.
Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары: жүрек айну, диспепсия, іш ауыруы, гастралгия, гастрит, іш өту, бас ауыруы, бас айналуы, аллергиялық реакциялар, жоғары сезімталдық, ауыздың құрғауы,
Емі: препаратты қабылдауды тоқтату, симптоматикалық ем
Шығарылу түрі және қаптамасы
Ақ, мөлдір емес поливинилдихлоридті үлбірден жасалған, Аклар/ поливинилхлорид қабатымен жабылған пішінді ұяшықты қаптамаға (блистер) 7 таблеткадан салынады.
2 пішінді ұяшықты қаптамадан медицинада қолданылуы жөніндегі мемелекеттік және орыс тілінде жазылған нұсқаулықпен бірге картоннан жасалған пәшкеге салынған.
Сақтау шарттары
Құрғақ, жарықтан қорғалған жерде, 30°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші ұйымның атауы және елі
Панацея Биотек Лтд.,
Малпур, Бадди, Техсил Налагарх,
Солан ауданы (Х.П.) – 173205, Үндістан
Тіркеу куәлігі иесінің атауы және елі
Панацея Биотек Лтд, Үндістан
Қаптаушы ұйымның атауы және елі
Панацея Биотек Лтд, Үндістан
Қазақстан Республикасы аумағында тұтынушылардан өнімнің (тауар) сапасы жөніндегі шағымдарды қабылдайтын ұйымның мекенжайы:
«Корал-Мед Казахстан» ЖШС
Алматы қ, Әуезов к-сі 3
Тел./факс + 7 727 266 95 50, E-mail: coralmedkz@mail.ru