СИРОП ОТ КАШЛЯ-ТЕВА

СИРОП ОТ КАШЛЯ-ТЕВА

Жоқ

Дәрілік түрі, дозасы

Қантсыз шәрбат, 9 % - 175 г

Респираторлық жүйе. Жөтел және суық тию кезінде қолданылатын препараттар. Жөтелді басатын біріктірілімдерді қоспағанда экспекторанттар. Қақырық түсіретін препараттар.

АТХ коды R05СА

• тұтқыр шырышты қабықтың қиын өтуіне байланысты тыныс алу жолдарының суық тию симптомдарын және жедел бронхит симптомдарын жеңілдетуге арналған

Қолдануды бастағанға дейін қажетті мәліметтер тізбесі

- жебіршөпке немесе басқа да гүлді өсімдіктерге (lamiaceae) немесе препараттың кез келген басқа компоненттеріне аса жоғары сезімталдық

- маскүнемдік, эпилепсия, жүктілік және лактация кезеңі, препараттағы этил спиртінің құрамына байланысты бауыр аурулары

- 18 жасқа дейінгі балалар мен жасөспірімдер

- фруктозаның тұқым қуалайтын жақпаушылығы

Дәрілік препаратты бассүйек-ми жарақаты және құрысудың төмен шегі бар мидың басқа да аурулары бар пациенттер сақтықпен және дәрігердің кеңесі бойынша ғана қабылдауға тиіс болады

Қолданған кездегі қажетті сақтандыру шаралары

Жөтелге шағымдар бір аптадан аса уақыт жалғаса берген кезде, ентігу, ысу немесе ірің немесе қанды қақырық пайда болған кезде дәрігермен кеңесу керек.

Препарат көлемі бойынша 4% спиртті құрайды (1 мл препаратта 0,04 г спирт), сондықтан бауыр функциясының бұзылуы, алкоголизм, эпилепсия, органикалық аурулар немесе бас миының жарақаттары бар пациенттерге ұсынылмайды.

Қолдану жөніндегі нұсқаулық сақталған кезде ересектерге арналған бір реттік дозадағы спирттің мөлшері 0,95 г дейін.

Спирт құрамына байланысты жебіршөптің сұйық экстрактісі ерітінділерді қолданудың допинг-бақылауы кезінде оң нәтижелерге алып келеді.

Препаратты ойық жара ауруы, асқазан-ішек жолы, қалқанша без, бауыр және бүйрек аурулары кезінде қабылдауға болмайды.

Препарат шәрбаттың аздап бұлдырлануына немесе құтыдағы тұнбаға әкелуі мүмкін, бірақ препараттың тиімділігіне әсер етпейтін өсімдіктен жасалған сығындыны құрайды.

Басқа дәрілік препараттармен өзара әрекеттесуі

Белгісіз

Арнайы ескертулер

Қант диабетімен ауыратын науқастарға арналған нұсқаулар

6 мл қантсыз шәрбаттың құрамында 0,15 НБ сәйкес келетін 1,8 г сорбитол бар. Сорбитол іш өткізгіш жеңіл әсерге ие.

Педиатрияда қолдану

18 жасқа дейінгі балаларға қолданылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат құрамында спирттің болуына байланысты көлік құралдарын немесе қауіптілігі зор механизмдерді басқару кезінде сақ болу қажет.

Қолдану бойынша ұсыныстар

Дозалау режимі

Сұйылтылмаған күйде қабылдаңыз.

Ересектер: күніне 3 рет 10 мл. Жалпы тәуліктік доза 30 мл. Қабылдау арасындағы аралықтарды үнемі сақтай отырып, күн ішінде тәуліктік дозаны қабылдаңыз. Қолданар алдында құтының ішіндегісін сілку керек. Емдеу курстарының ұзарту және қайталау тек дәрігердің ұсынысы бойынша ғана мүмкін болады. Ауру симптомдары 1 апта бойына сақталған жағдайда дәрігерге көріну қажет.

«Айрықша нұсқаулар» және «Жағымсыз әсерлер» бөлімдерінде көрсетілген ақпаратты назарға алыңыз.

Құрамында этил спиртінің болуына байланысты дәрілік препаратты ұзақ уақыт бойы қабылдау ұсынылмайды.

Енгізу әдісі мен жолы

Ішке қабылдауға арналған

Емдеу ұзақтығы

Дәрігердің ұсынысы бойынша емдеу курсының ұзақтығы.

Артық дозаланған жағдайда қабылдануы тиіс шаралар

Дәрілік заттың құрамында этил спирті бар, артық дозаланған жағдайда алкогольдік улану қаупі орын алуы мүмкін.

Симптомдары: құсу, диарея түріндегі асқазан-ішек жолы шырышты қабығының тітіркенуі; құрысулар, препаратта спирттің болуына байланысты алкогольді улану.

Емі: симптоматикалық.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну бойынша ұсынымдар

Дәрілік препаратты қолдану тәсілін түсіндіру үшін дәрігерге немесе фармацевтке жүгініңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Өте сирек

- аса жоғары сезімталдық реакциялары (ентігу, бөртпе, есекжем, Квинке ісінуі)

Жиі емес

- асқазан-ішек бұзылыстары (түйілулер, жүрек айнуы, құсу, диарея)

Препараттың аса жоғары сезімталдық реакциясының белгілері кезінде қайта тағайындауға болмайды.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 г (86 мл) шәрбаттың құрамында

белсенді зат - жебіршөп сұйық экстрактісі* 9,00 г (9.02 мл)

қосымша заттар: калий сорбаты, лимон қышқылының моногидраты, 85% глицерин, 70% сорбитол, карамель Церестар бояғышы, тазартылған су.

_____________________

* - препараттың бір дозасында (10 мл) 1.05 мл сұйық жебіршөп экстрактісі бар.

1 мл жебіршөп сұйық экстрактісінде 0,04 г этил спирті бар.

Сыртқы түрінің, иісінің, дәмінің сипаттамасы

Жебіршөптің тән иісі бар қоңыр түсті мөлдір сұйықтық.

Шығарылу түрі және қаптамасы

175 г шәрбаттан бұрандалы қақпағы бар шыны құтыларда.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге алғашқы ашуды бақылау ретінде мөлдір қорғаныш стикерлерімен желімделген картон қорапқа салынады.

3 жыл

Құтыны ашқаннан кейін қолдану кезеңі 12 ай ішінде.

Жарамдылық мерзімі өткеннен кейін қолдануға болмайды.

25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босату шарттары

Рецептісіз

Өндіруші туралы мәліметтер

Merckle GmbH,

Graf-Arco-Str. 3, 89079, Ульм, Германия

Тел.: +49 31 4027344

эл. пошта: info@ratiopharm.de

Тіркеу куәлігінің ұстаушысы

ratiopharm GmbH, Ульм, Германия

Graf-Arco-Str.3, 89079

Тел.: +49 31 4027344

эл. пошта: info@ratiopharm.de

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ., 17/1, Нұрлы-Тау БО, 5Б, 6 қабат. Телефон: (727) 3251615; е-mail: info.tevakz@tevapharm.com; веб сайт: www.kaz.teva