Синуфорте® спрей интраназальный

Синуфорте® интраназальді спрей

Жоқ

Интраназальді енгізу үшін ерітінді дайындауға арналған 0,05 г лиофилизат еріткішімен (инъекцияға арналған су) жиынтықта

Бір құтының ішінде

белсенді зат – еуропалық цикламеннің (Cyclamen europaeum) жаңа түйінінен алынған шырынының және сулы экстрактінің 0,05 г лиофилизаты.

Еріткіш – инъекцияға арналған су.

Дайын ерітінді құрамында препараттың 38 дозасы бар.

Лиофилизат: ақ түсті немесе ашық сары-қоңыр реңді ақ түсті кеуекті масса, гигроскопиялы.

Еріткіш: мөлдір, түссіз сұйықтық.

Дайын ерітінді: ашық-сарыдан сары түске дейінгі мөлдір ерітінді.

Мұрынға арналған препараттар. Антиконгестанттар және мұрынға жергілікті қолдануға арналған басқа да препараттар. Мұрын ауруларында жергілікті қолдануға арналған басқа препараттар.

АТX коды R01AX

Фармакокинетикасы

Синуфорте® препаратының әсері цикламен компоненттерінің жиынтық әсері болып табылады; кинетикалық зерттеулер жүргізу мүмкін емес, өйткені компоненттердің барлығын бірдей маркерлердің және биозерттеулердің жәрдемімен қадағалауға келмейді. Осы себепті препараттың метаболиттерін де анықтау мүмкін емес.

Фармакодинамикасы

Препарат мұрынның шырышты қабығына жергілікті әсер етеді.

Әсер ету механизмі: препарат жергілікті тітіркендіретін әсер бере отырып, мұрын маңы қойнаулары мен мұрын қуысының өзіне төселе жатқан шырышты қабықтарда рефлекторлық секрецияны күшейтеді. Мұрын қуыстарынан серозды-мукозды бөлінділер түріндегі күшті рефлекторлы секреция бірнеше минуттан кейін байқалады және ол 2 сағатқа жуыққа созылуы мүмкін. Стимуляцияланған осындай секреция мұрынның қосалқы қуыстарының қарқынды түрде табиғи дренаждалуына (шайылуына) себепші болады, бұл қабыну үдерістері айқындылығын төмендетеді. Препарат мұрын қуыстарында іркілмейді, сіңбейді және жалпы жүйелік әсер бермейді.

- катаральді немесе іріңді жедел риносинуситтерде (гайморит, этмоидит)

- созылмалы риносинуситтер өршігенде

- ортаңғы құлақтың жедел экссудативті қабынуы (отит)

Интраназальді қолдану үшін дайындалған ерітінді (1 суретті қараңыз) бүріккіш-дозатордың көмегімен енгізіледі. Бүріккіш-дозаторды әр басқан сайын 0,13 мл (2-3 тамшы) препаратты бүркиді, ол бір реттік дозаны құрайды. Препараттың ең жоғары тәуліктік дозасы 0,26 мл құрайды.

Жиі

- мұрынжұтқыншақта қысқа мерзімдік әлсіз немесе орташа ашып ауыру сезімі

- сілекейдің ағуы түріндегі рефлекторлы құбылыстар

Сирек

- қысқа мерзімдік жастың ағуы және беттің қызаруы

Бірлі-жарым жағдайларда

- маңдай тұсында ұзаққа созылмайтын бас ауыру немесе капиллярлық диапедез нәтижесінде мұрыннан бөлініп шығатын бозғылт-қызғылт түсті боялған бөліндінің пайда болуы.

Осы көрсетілген жағдайлардың ешқайсысында емдеуді тоқтатудың қажеті жоқ.

Препарат көзге тиіп кеткен жағдайда қатты тітіркену, сондай-ақ жедел конъюнктивит құбылыстарын туындатуы мүмкін.

- белсенді затқа немесе препарат компоненттеріне жоғары сезімталдық

- аллергиялық ринит

- кистозды-полипозды риносинуситтер

- II-III дәрежелі артериялық гипертензия

- мұрын шырышты қабығы аймағындағы және бет аймағындағы көріністерімен жедел аллергиялық реакциялар

- жүктілік және лактация кезеңі

- 5 жасқа дейінгі балалар

- мұрын қуысына Синуфортені® және жергілікті жансыздандыратын препараттарды, антигистаминдік дәрілерді бір мезгілде енгізуге немесе осындай препараттарды алдын ала енгізуге болмайды

- қажет болғанда мұрынның шырышты қабығының ісінуін азайтатын дәрілерді, мысалы, адреналин және эфедрин ерітінділерін тамызуға болмайды

- асқынған іріңді жұқпаларда антибиотиктер бір мезгілде қолданылуы мүмкін

Пайдалану кезінде препаратты көзге тигізіп алмау керек!

Препаратты бүрку кезінде ауаны жұтпау керек!

Балалар тәжірибесінде қолданылуы

5 жастағы және одан үлкен балаларға препаратты қолдану ересектердегі сызба бойынша жүргізіледі. Препаратты 5 жасқа толмаған балаларға қолданудың тиімділігі және қауіпсіздігі жөнінде клиникалық деректер жеткіліксіз.

Жүктілік және лактация кезеңі

Препарат жүктілік және лактация кезеңінде (емшек емізу) қарсы көрсетілімде, өйткені бұл кезеңдерде препаратты қолданудың қауіпсіздігі анықталмаған.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану 2 сағат ішінде күшті рефлекторлық секрецияны, кейбір жағдайларда көзден қысқа мерзімді жас ағу және түшкіруді туғызуы мүмкін, уақыттың осы кезеңінде көлік құралын немесе қауіптілігі зор механизмдерді басқарудан тартына тұрған жөн.

Симптомдары: ұсынылатын дозадан асыру мұрынжұтқыншақта қатты ашыту және ауыру сезімін тудыруы мүмкін (препарат дозасын арттыру емдік әсердің артуына әкелмейді).

Емі: препаратты тоқтату, симптоматикалық ем.

Шығарылу түрі және қаптамасы

Резеңке тығынмен және пластмасса қалпақшамен тығындалған, сыйымдылығы 8 мл 1-ші гидролитикалық класты шыныдан жасалған құтыға 0,05 г лиофилизаттан салады.

РЕВД тығыздығы төмен полиэтиленнен жасалған құтыларға 5 мл еріткіштен қояды.

Лиофилизаты бар 1 құты, еріткіші бар 1 құты (инъекцияға арналған 5 мл су) және бүріккіш-дозатор (бір бүрку көлемі 0,13 мл) полистиролдан жасалған пішінді ұяшықты қаптамаға салынған.

Пішінді бір қаптамадан қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Жарықтан қорғалған жерде, 25°С-ден аспайтын температурада сақтау керек.

Сұйылтқаннан кейін препарат 80С-ден 100С-ге дейінгі температурада кем дегенде 15 күн, жарықтан қорғалған жерде сақталады.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецептісіз

Өндіруші

Лабораторио Реиг Джофре С.А. Мекенжайы: Гран Капитан 10, Сант Джоан Деспи, 08970 Барселона, Испания.

Тіркеу куәлігі иесінің атауы және елі:

«Ивериафарма» ЖШҚ, Грузия

Қазақстан Республикасы аумағында тұтынушылардан өнімнің (тауардың) сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Алияр» ЖШС

050026, Қазақстан Республикасы, Алматы қ., Қазыбек би к-сі, 177

тел: 3797618, e-mail: info@aliyar.kz