Симвалимит®

• русский
• қазақша

• Скачать инструкцию медикамента

Саудалық атауы

Симвалимит®

Халықаралық патенттелмеген атауы

Симвастатин

Дәрілік түрі

Қабықпен қапталған 20 мг таблеткалар

Құрамы

Бір таблетканың құрамында

әсер етуші заты – 20 мг симвастатин,

қосымша заттар: лактоза моногидраты, жүгері крахмалы, микрокристалды целлюлоза, метилцеллюлоза, магний стеараты, бутилгидроксианизол, аскорбин қышқылы, лимон моногидраты қышқылы,

қабықтың құрамы:

Опадрай II қызғылт 85F24678 (поливинил спирті, макрогол 3000 немесе 4000, титанның қостотығы (Е 171), тальк, кармоизин (Е 122), темірдің (II, III) қара тотығы (Е 172), темірдің (III) сары тотығы (Е 172)), карнауб балауызы.

Сипаттамасы

Дөңгелек пішінді, екі беті дөңес, ақшыл-қызғылт түсті қабықпен қапталған, сындырылатын жері ақ таблеткалар.

Фармакотерапиялық тобы

Гиполипидемиялық препараттар. ГМГ-КоА редуктаза тежегіштері.

АТХ коды C10AA01

 

Фармакологиялық қасиеттері

Фармакокинетикасы

Симвастатин асқазан-ішек жолында сіңеді және гидролизден кейін бета-гидроксиқышқылдар түріндегі белсенді түрге өзгереді. Басқа да белсенді және белсенді емес метаболиттері бөлініп шығады. Препарат қан плазмасындағы ең жоғарғы концентрациясына 1,3-2,4 сағат ішінде жетеді. Симвастатин үшін дәрінің негізгі әсер ететін орны – бауыр арқылы бірінші өтетін қарқынды метаболизм тән. Ішке 5%-дан аз қабылданған дозасы қан ағымына белсенді метаболиттер түрінде түседі. Симвастатиннің өзінің де, оның белсенді метаболитінің де (бета‑гидроксиқышқыл түрінде) қан плазмасы ақуыздарымен байланысуы 95 %-ға жетеді. Симвастатин асқазан-ішек жолына өтпен метаболиттер түрінде түсе отырып, ағзадан негізінен нәжістермен шығарылады. Қабылданған мөлшерінің 10-15 %-ға жуығы несеппен, негізінен, белсенді емес метаболиттер түрінде шығарылады.

Фармакодинамикасы

Симвалимит® (симвастатин) – липидтер деңгейін реттеп отыратын дәрі. Ол 3‑гидрокси‑3‑метилглутарил-коэнзим А (ГМГ‑КоА редуктаза тежегіштері) редуктазаның тежегіштері тобына жатады, оларды статиндер деп те атайды. ГМГ-КоА редуктаза бөгелісі нәтижесінде ГМГ-КоА-ның холестерин ізашары болып табылатын мевалон қышқылына айналуы тежеледі және осылайша, жасушалардағы холестерин мөлшері азаяды. Холестерин синтезі негізінен бауырда өтетіндіктен, статиндердің әсер ету орны гепатоцит болып табылады. Статиндер плазмада жалпы холестериннің, тығыздығы төмен липопротеиндер (ТТЛП) мен тығыздығы өте төмен липопротеиндер (ТӨТЛП) холестеринінің концентрациясын төмендетеді. Сондай-ақ олар триглицеридтер деңгейін төмендетуге және тығыздығы жоғары липопротеиндер (ТЖЛП) холестеринінің деңгейін арттыруға қабілетті. Алайда бұл топ препараттарының гиполипидемиялық әсері тағы бір механизмімен түсіндіріледі. Гепатоциттер жарғақшасындағы жасушаішілік холестерин қоры төмендегенде ТТЛП рецепторларының мөлшері қайтымды ұлғаяды, бұл ТТЛП қаннан шығарылуына ықпал етеді.

Қолданылуы

• бастапқы гиперхолестеринемияда

• тұқым қуалайтын гетерозиготалы гиперхолестеринемияда

• туа біткен гомозиготалы гиперхолестеринемия немесе емдәмнің және басқа да сәйкесінше шаралардың көмегімен емделмейтін біріктірілген гиперлипидемияда

• гиперхолестеринемия салдарынан болған атеросклерозы бар науқастарда коронарлық инциденттер қаупін төмендету үшін,

• жалпы холестерин деңгейі 5,5 ммоль/л-ге тең немесе жоғары, жүректің ишемиялық ауруы бар емделушілерде коронарлық атеросклероздың үдеуін баяулату үшін.

Қолдану тәсілі мен дозалары

Симвалимитмен® емдеуді бастар алдында емделушілерге холестерин құрамы төмен әдеттегі емдәмді ұсыну керек, оны барлық емдеу кезеңі бойына ұстану керек.

Бастапқы гиперхолестеринемия, тұқым қуалайтын гетерозиготалы гиперхолестеринемия, біріккен гиперлипидемия

Ұсынылатын бастапқы дозасы тәулігіне бір рет, кешкілік 10 мг құрайды. Ең жоғарғы тәуліктік дозасы – 80 мг. Дозасын 4 апта аралықпен таңдайды. Таңдалған дозасын бір рет, кешкілік қабылдайды.

Туа біткен гомозиготалы гиперхолестеринемия

Кешкілік, бір рет 40 мг немесе тәулігіне 80 мг дозасын үш қабылдауға бөліп қабылдайды (көбірек дозасын кешкісін қабылдайы).

Атеросклерозы бар емделушілердегі коронарлық инциденттер қаупін төмендету, жүректің ишемиялық ауруы бар емделушілерде коронарлық атеросклероздың үдеуін баяулату

Бастапқы дозасы – күніне бір рет, кешке 20 мг. Ары қарай дозасын 4 аптада бір реттен сиретпей таңдайды. Ең жоғарғы тәуліктік дозасы – бір рет 80 мг.

Симвалимитті® гиполипидемиялық дәрі ретінде пайдаланылатын циклоспоринмен, фибраттармен немесе никотин қышқылымен бірге қолданғанда, препараттың ұсынылатын ең жоғарғы тәуліктік дозасы – 10 мг. Жеңіл немесе орташа дәрежедегі бүйрек жеткіліксіздігі бар емделушілерге дозасын іріктеудің қажеті жоқ. Алайда, бүйректің ауыр жеткіліксіздігі бар жағдайында (креатинин клиренсі минутына 30 мг аз құрайды) ұсынылатын бастапқы дозасы тәулігіне 5 мг құрайды, бұл санаттағы емделушілерді мұқият қадағалау қажет.

Жағымсыз әсерлері

Сирек

• іштің ауыруы, іштің қатуы, метеоризм, жүрек айнуы, құсу, диарея, диспепсия, панкреатит

• астения, бас ауыруы, парестезия, бас айналуы, шеткергі нейропатия

• миопатия, жедел бүйрек жеткіліксіздігмен/ жедел бүйрек жеткіліксіздігінсіз рабдомиолиз, миалгия, бұлшықет түйілулері

• гепатит/сары ауру

• ангионевротикалық ісіну, қызылжегі тәрізді синдром, ревматикалық полимиалгия, дерматомиозит, васкулит, тромбоцитопения, эозинофилия, артрит, артралгия, есекжем, фотосенсибилизация, қызба, ысынулар, диспноэ және дімкәстану

• анемия

• тері бөртпесі, қышу, алопеция

Өте сирек

• ұйқысыздық

• жадының нашарлауы

• бауыр жеткіліксіздігі

Белгісіз

• өкпенің интерстициальді ауруы

• депрессия

• эректильді қызметтің бұзылуы

• қан сарысуындағы трансаминазалар (аланинаминотрансферазалар, аспартатаминотрансферазалар, гамма‑глютамилтранспептидазалар) деңгейінің артуы, сілтілік фосфатаза деңгейінің артуы, ЭШЖ ұлғаюы, қан сарысуындағы креатинкиназа деңгейлелерінің артуы

Қолдануға болмайтын жағдайлар

• препарат компоненттеріне жоғары сезімталдық

• бауырдың жедел ауруы немесе сарысу аминотрансферазалары белсенділігінің шығу тегі белгісіз ұзақ уақыт артуы

• порфирия

• жүктілік және лактация кезеңі

• 18 жасқа дейінгі балалар мен жасөспірімдер

• күшті CYP3A4 тежегіштерін (таких как итраконазол, кетоконазол, позаконазол, АИВ‑протеаза тежегіштерін (мысалы, нелфинавир), эритромицин, кларитромицин, телитромицин және нефазодон) бір мезгілде қолдану

• гемфиброзилді, циклоспоринді немесе даназолды бір мезгілде қолдану

Дәрілермен өзара әрекеттесуі

Басқа препараттардың симвастатинге әсері

CYP3A4 тежегіштерімен өзара әрекеттесуі

Симвастатин P4503A4 цитохромының субстраты болып табылады. P4503A4 цитохромының күшті тежегіштері симвастатинмен емдеу кезінде қан плазмасындағы ГМГ-КоА редуктазаның белсенділігін тежейтін концентрациясын ұлғайту арқылы миопатия мен рабдомиолиздың туындау қаупін арттырады. Мұндай тежегіштерге итраконазол, кетоконазол, позаконазол, эритромицин, кларитромицин, телитромицин, АИВ протеазасы тежегіштері (мысалы, нелфинавир) және нефазодон жатады. Итраконазолды бір мезгілде қолдану симвастатин қышқылы экспозициясының (бета‑гидроксиқышқылдың белсенді метаболиті) кемінде 10 есе артуына алып келеді. Телитромицин симвастатин қышқылы экспозициясының 11есе артуына алып келеді.

Гемфиброзолмен, циклоспоринмен және даназолмен біріктірілуі сияқты итраконазолмен, кетаконазолмен, позаконазолмен, АИВ протеазасы тежегіштерімен (мысалы, нелфинавир), эритромицинмен, кларитромицинмен, телитромицинмен және нефазодонмен біріктірілімі қарсы көрсетілімді. Егер итраконазолды, кетоконазолды, позаконазолды, эритромицинді, кларитромицинді немесе телитромицинді қолдану қажет болса, симвастатинді қолдануды емдеу курсы кезеңі бойына тоқтату керек. Симвастатинді (әсіресе жоғары дозаларда) күштілігі аз басқа CYP3A4 тежегіштерімен (флуконазолмен, верапамилмен, дилтиаземмен) сақ болып тағайындау керек.

Флуконазол

Симвастатин мен флуконазолды бір мезгілде қолданумен байланысты рабдомиолиздың сирек жағдайлары туралы хабарланған.

Даназол

Миопатия мен рабдомиолиз қаупі даназолды симвастатинмен бір мезгілде қолданғанда артады, сондықтан даназолмен қолданылуы қарсы көрсетілімді.

Амиодарон

Амиодаронды симвастатинмен бір мезгілде қолданғанда миопатия мен рабдомиолиз қаупі артады. Миопатияны клиникалық зерттеулерде 80 мг дозадағы симвастатин мен амиодаронды қабылдап жүрген емделушілер 6% екені хабарланған. Сондықтан, бір мезгілде амиодаронды қабылдап жүргендерде, симвастатиннің дозасы тәулігіне 20 мг аспауы тиіс.

Кальций өзектерінің бөгегіштері

Верапамил

Верапамил мен 40 мг немесе 80 мг дозадағы симвастатинді бір мезгілде қолданғанда, миопатия мен рабдомиолиздың туындау қаупі артады. Фармакокинетикалық зерттеуде верапамилді бір мезгілде қолданғанда симвастатин қышқылы экспозициясының 2,3 есе артқаны байқалған, оның себебі CYP3A4 тежегендіктен болуы мүмкін. Сондықтан, симвастатиннің дозасы верапамилді бір мезгілде қабылдайтын емделушілерде тәулігіне 20 мг аспауы тиіс.

Дилтиазем

Дилтиаземді 80 мг дозадағы симвастатинмен бір мезгілде қолданғанда, миопатия мен рабдомиолиздың туындау қаупі артады. Сондықтан, дилтиаземді бір мезгілде қабылдайтын емделушілерде симвастатиннің дозасы тәулігіне 20 мг аспауы тиіс.

Амлодипин

Амлодипин мен 80 мг дозада симвастатин қабылдап жүрген емделушілерде миопатияның туындау қаупінің жоғарылағаны байқалады. Симвастатинді 40 мг дозада және онымен бір мезгілде амлодипинді қабылдаған емделушілерде, миопатияның туындау қаупі жоғарыламайды. Фармакокинетикалық зерттеуде амлодипинді бір мезгілде қолданғанда симвастатин қышқылы экспозициясының 1,6 есе артқаны байқалды. Сондықтан, амлодипинді бір мезгілде қабылдайтын емделушілерде симвастатиннің дозасы тәулігіне 40 мг аспауы тиіс.

Ниацин (никотин қышқылы)

Миопатияның/рабдомиолиздың сирек жағдайлары симваститин мен ниацинді (никотин қышқылын) липид-модифицикациялаушы дозаларда (тәулігіне ≥1 г) бір мезгілде қолданумен байланысты болды.

Фузид қышқылы

Симвастатинді қоса, фузид қышқылы мен статиндерді бір мезгілде қолданғанда, миопатияның даму қаупі артуы мүмкін. Симвастатинді қолданғанда болған бірен-саран рабдомиолиз жағдайлары туралы хабарланды. Симвастатинді қолдануды уақытша тоқтата тұру қажет болуы мүмкін. Егер біріктірілімін қолдану қажет деп саналса, фузид қышқылы мен симвастатинді қабылдаған емделушілердің жай-күйін мұқият бақылау керек.

Грейпфрут шырыны

Грейпфрут шырыны P450 3A4 цитохромыен тежейді. Көп мөлшерде грейпфрут шырыны (тәулігіне 1 литрден артық) мен симвастатинді бір мезгілде пайдалану симвастатин қышқылы экспозициясының 7 есе артуына алып келеді. Таңертеңгілік 240 мл грейпфрут шырынын пайдалану және кешке симвастатинді қолдану да экспозициясының 1,9 есе артуына алып келеді. Сондықтан симвастатинмен емдеу кезінде грейпфрут шырынын пайдаланбаған жөн.

Колхицин

Бүйрек қызметі бұзылған емделушілерде колхицин мен симвастатинді бір мезгілде қолданғанда, миопатия мен рабдомиолиз жағдайлары туралы хабарланды. Мұндай емделушілердегі біріктірілімінде жиі клиникалық мониторинг жүргізіп тұру ұсынылады.

Рифампицин

Рифампицин күшті CYP3A4 индукторы болып табылатындықтан, рифампицинді ұзақ уақыт қабылдаған емделушілерде (мысалы, туберкулезді емдеу үшін), симвастатин тиімсіз болуы мүмкін. Дені сау еріктілердің қатысуымен жүргізілген фармакокинетикалық зерттеуде симвастатин қышқылының «концентрация-уақыт» (AUC) қисығы астындағы ауданының көрсеткіші рифампицинді бір мезгілде қолданғанда 93% пайызға төмендеген.

Симвастатиннің басқа препараттардың фармакокинетикасына әсері

Симвастатиннің P4503A4 цитохромына тежегіштік әсері жоқ. Сондықтан, симвастатиннің қан плазмасындағы P4503A4 цитохромы арқылы метаболизденетін препараттардың концентрацияларына әсері күтілмейді.

Ішу арқылы қолдануға арналған антикоагулянттар

Симвастатин тәулігіне 20-40 мг дозаларда кумариндік антикоагулянттардың әсерін аздап күшейтеді: халықаралық қалыпқа келтірілген қатынастағы (МҚҚ) протромбиндік уақыт, бастапқы көрсетішпен салыстырғанда 1,7-1,8 есе және еріктілер мен емделушлердің қатысуымен зерттеулерде сәйкесінше 2,6-3,4 есе артқан. МҚҚ артқаны туралы өте сирек хабарланған. Кумариндік антикоагулянттарды қабылдап жүрген емделушілерде протромбиндік уақытқа айтарлықтай ықпалы жоқтығына көз жеткізу үшін, протромбиндік уақытты симвастатинмен емдеуді бастар алдында және көбіне емдеудің басында анықтау керек. Егер протромбиндік уақыт өзгермесе, онда ары қарай бұл көрсеткішті, әдетте кумариндік антикоагулянттарды қабылдайтын емделушілер үшін ұсынылатын аралықтармен тексереді. Егер симвастатиннің дозасын өзгертсе немесе препаратты қолдануды тоқтатса, протромбиндік индексті талдауды қайталау керек. Симвастатинді қолдану антикоагулянттарды қабылдамайтын емделушілерде қан кетудің туындауымен немесе протромбиндік уақыттың өзгерумен астаспайды.

Айрықша нұсқаулар

Симвалимитпен® емдеу кезінде сарысу аминотрансферазаларының белсенділігі қалып шегінен асуы мүмкін екендігін ескеру керек. Бұл жоғары көрсеткіштер әдетте, үздіксіз емдегенде емдеуді бастар алдында байқалған деңгейге дейін төмендейді. Бауырдың функционалдық көрсеткіштерін («бауыр» трансаминазаларының белсенділігі) емдеуді бастар алдында, сосын – емдеуді бастағаннан кейін 1-3 айдан соң, ал ары қарай – әр 6 ай сайын анықтап тұру керек. Егер емдеу кезінде сарысу трансаминазалары белсенділігінің артқаны анықталса, бауырға қайтадан сынамалар жүргізіледі. Алайда, егер АЛТ және АСТ белсенділігі ұзақ уақыт бойына жоғарғы қалып шегінен 3 есе және одан да артса, емдеуді тоқтату керек. Симвалимитті® бауыр ауруынан және маскүнемдіктен зардап шегетін емделушілерге сақтықпен қолдану керек.

Симвалимитті® артериялық гипотензияда, бүйректің ауыр жеткіліксіздігінде, эпилепсияда, ауқымды хирургиялық араласуларда, жарақаттарда, иммунодепрессивті емдеу аясындағы органдардың ауыстырылып салынуынан кейінгі жағдайларда сақтықпен қолданады.

Емдеуді бастар алдында және емдеу кезінде креатинфосфокиназа белсенділігін анықтау қажет. Егер емделушіде бұл көрсеткіш жоғары болса немесе бұлшықеттің ауыруы, ауырсыну немесе бұлшықеттердің әлсіздігі байқалса, миопатияның даму мүмкіндігін бағалау керек. Емделушілерге шығу тегі белгісіз бұлшықет ауыруы, ауырсыну, әсіресе жалпы әлсіздікпен және қызбамен қатар жүретін бұлшықет әлсіздігі туралы хабарлау ұсынылады. Егер креатинфосфокиназа белсенділігі жоғарғы қалып шегінен 10 есе асатын болса, миопатия дамуына күдіктенсе немесе оған диагноз қойылса, емдеуді тоқтату қажет. Ауыр жедел жұқпалары, гипотензиясы, жарақаттары бар немесе ауыр операцияны басынан өткерген, эндокриндік аурулары, метаболизм мен электролиттік теңгерім бұзылулары бар емделушілерде, сондай-ақ, бақыланбайтын құрысулар жағдайында, рабдомиолиз бен салдарлы бүйрек жеткіліксіздігінің даму қаупін мұқият бағалау керек.

Емдеу басталғанға дейін және оның бастапқы кезеңінде офтальмологиялық тексеру жүргізу ұсынылады (көз биомикроскопиясы).

Емдеу кезінде қан плазмасындағы холестерин деңгейін ұдайы анықтап отыру керек.

ТТЛП рецепторлары мүлдем жоқ, тұқым қуалайтын гомозиготалы гиперхолестеринемиясы бар емделушілерде Симвалимиттің® тиімділігі төмен.

Лактозаны көтере алмаушылығы бар емделушілерге 20 мг Симвалимиттің® 1 таблеткасының құрамында 111,90 мг лактоза бар екенін ескеру керек.

Дәрілік заттың көлік құралдарын немесе қауіпті механизмдерді басқару қабілетіне ықпал ету ерекшеліктері

Симвалимит® көлік құралын және қауіптілігі зор механизмдерді басқару қабілетіне әсер етпейді.

Артық дозалануы

Симптомсыз және асқынуларсыз өткен бірнеше ғана артық дозаланған жағдайлар туралы хабарламалар бар. Ең көп қабылданған дозасы – 450 мг. Қолда бар тәжірибеге сүйене отырып, спецификалық ем қажет емес болып табылады. Симвалимит® пен оның метаболиттерінің ағзадан шығарылуына қатысты диализдің тиімділігі белгісіз.

Шығарылу түрі мен қаптамасы

Қабықпен қапталған 20 мг таблеткалар

10 таблеткадан поливинилхлоридті үлбір мен алюминий фольгадан жасалған пішінді ұяшықты қаптамаға салынған.

3 пішінді ұяшықты қаптамадан мемлекеттік және орыс тілдеріндегі медицинада қолданылуы жөніндегі нұсқаулықпен бірге картоннан жасалған пәшкеге салады.

Сақтау шарттары

Құрғақ, жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Гриндекс» АҚ. Крустпилс к-сі, 53, Рига, LV-1057, Латвия

Тіркеу куәлігі иесінің атауы мен елі

«Гриндекс» АҚ, Латвия

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«Гриндекс» АҚ өкілдігі

Алматы қ-сы, Достык д-лы, 63-65/13 Шевченко к-сі қиылысы

т./ф. 291-88-77, 291-13-84

эл. поштасы: grindeks.asia.kz@mail.ru