Сертоцеф

МНН: Цефтриаксон
Производитель: ФармаВижн Сан.ве Тидж.А.Ш.
Анатомо-терапевтическо-химическая классификация: Ceftriaxone
Номер регистрации в РК: № РК-ЛС-5№022323
Информация о регистрации в РК: 05.11.2021 - 05.11.2031

Инструкция

Сертоцеф

Саудалық атауы

Сертоцеф

Халықаралық патенттелмеген атауы

Цефтриаксон

Дәрілік түрі

Инъекция үшін ерітінді дайындауға арналған 1.0 г ұнтақ еріткішпен жиынтықта (1% 3.5 мл лидокаин гидрохлоридінің ерітіндісі)

Құрамы

Бір құтының ішінде

белсенді зат –1.193 г цефтриаксон натрий (1.0 г цефтриаксонға баламалы).

Еріткіші бар бір ампуланың ішінде 1% лидокаин гидрохлориді ерітіндісі бар.

Сипаттамасы

Ақтан сарғыш түске дейінгі, сәл гигроскопиялық кристалды ұнтақ.

Еріткіш – мөлдір, түссіз ерітінді.

Фармакотерапиялық тобыЖүйелік пайдалануға арналған бактерияға қарсы препараттар. Бета-лактамды бактерияға қарсы басқа да препараттар. Үшінші буын цефалоспориндері. Цефтриаксон.

АТХ коды J01DD04.

Фармакологиялық қасиеттері

ФармакокинетикасыЦефтриаксон альбуминмен қайтымды байланысады. Қан плазмасы ақуыздарымен байланысуы – 85-95%. Интерстициальді сұйықтықтағы альбуминдердің барынша төмен мөлшерінің арқасында цефтриаксон концентрациясы қан сарысуына қарағанда онда жоғары. Гематоэнцефалдық бөгет арқылы өтеді. Жаңа туған нәрестелер мен балаларда ми қабығы қабынғанда цефтриаксон жұлын-ми сұйықтығына өтеді, бактериялық менингит жағдайында қан сарысуында цефтриаксон концентрациясының 17%-ы жұлын-ми сұйықтығына диффузияланады. Ересектерде менингит кезінде дене салмағына 50 мг/кг дозада цефтриаксонды енгізгеннен кейін 2-25 сағаттан соң цефтриаксон концентрациясы өте көп таралған менингит қоздырғыштары үшін ең төменгі тежегіш концентрациялардан бірнеше мәрте артқан.

Ішек микрофлорасы әсерімен цефтриаксон белсенді емес метаболитке айналады. Жартылай шығарылу кезеңі шамамен 5,8-8,7 сағатты құрайды. Жаңа туған нәрестелерде (8 күнге дейін) және 75 жастан асқан егде жастағыларда орташа жартылай шығарылу кезеңі 2 есеге артады. Ересектерде цефтриаксонның 50-60%-ы өзгермеген күйде несеппен, ал 40-50% - өзгермеген күйде өтпен шығарылады. Жаңа туған нәрестелерде енгізілген дозаның шамамен 70%-ы бүйрекпен шығарылады. Бүйрек немесе бауыр функциясы бұзылғанда жартылай шығарылу кезеңі елеусіз ұзарады. Бүйрек функциясы бұзылғанда өтпен шығарылуы компенсаторлық артады, ал бауыр функциясы бұзылғанда цефтриаксонның бүйрекпен шығарылуы күшейеді.

Фармакодинамикасы Парентеральді енгізуге арналған әсер ету ауқымы кең ІІІ буынның ұзақ әсер ететін цефалоспоринді антибиотигі. Препараттың бактерицидтік белсенділігі жасушалық жақтаудың синтезін басуға байланысты. Цефтриаксон грамтеріс және грамоң микроорганизмдердің бета-лактамазаларының әсеріне асқан төзімділігімен ерекшеленеді.

Төмендегі микроорганизмдерге қатысты белсенді:

Грамоң аэробтар: Staphylococcus aureus, Staphylococcus epidermidis, Streptococcus pneumoniae, Streptococcus pyogenes, Streptococcus agalactiae, Streptococcus viridans, Streptococcus bovis;

Ескертпе. Препараттың әсеріне метициллинге төзімділік көрсететін Staphylococcus spp. штаммдары төзімді, Enterococcus штаммдары, бета-лактамазаларды өндіретін көптеген Bacteroides spp.штаммдары.

Грамтеріс аэробтар: Aeromonas spp., Alcaligenes spp., Branhamella catarrhalis (бета-лактамазаларды түзетін және түзбейтін), Citrobacter spp., Enterobacter spp. (кейбір штаммдар төзімді), Escherichia coli, Haemophilus ducreyi, Haemophilus influenzae (соның ішінде пенициллиназа түзетін штаммдар), Haemophilus parainfluenzae, Klebsiella spp. (соның ішінде Klebsiella pneumoniae), Moraxella spp., Morganella morganii, Neisseria gonorrhoeae (соның ішінде пенициллиназа түзетін штаммдар), Neisseria meningitidis, Plesiomonas shigelloides, Proteus mirabilis, Proteus vulgaris, Providentia spp., Salmonella spp. (соның ішінде Salmonella typhi), Serratia spp. (соның ішінде Serratia marcescens), Shigella spp., Vibrio spp. (соның ішінде Vibrio cholerae), Yersinia spp. (соның ішінде Yersinia enterocolitica), жекелеген Pseudomonas aeruginosa штаммдары да препаратқа сезімтал;

Анаэробтар: Bacteroides spp. (соның ішінде кейбір Bacteroides fragilis штаммдары), Clostridium spp. (Cl.difficile басқа), Fusobacterium spp. (Fusobacterium mortiferum және Fusobacterium varium басқа), Peptococcus spp., Peptostreptococcus spp.

Ескертпе. Бета-лактамаза түзетін Bacteroides spp көптеген штаммдары (атап айтқанда В. fragilis) төзімді. Cl.difficile де төзімді.

Қолданылуы

- сепсисте

- бактериялық менингитте

- құрсақ қуысы инфекцияларында

- сүйек, буын инфекцияларында

- жұмсақ тіндер, терінің асқынған инфекцияларында

- нейтропения аясындағы инфекцияларда

- несеп шығару жолдарының асқынған инфекцияларында, соның ішінде пиелонефритте

- ауруханалық және ауруханадан тыс пневмония

- жедел ортаңғы отит

- жыныстық жолмен берілетін инфекциялар (соның ішінде гонорея)

- операция алдындағы кезеңдегі инфекциялар профилактикасы

Қолдану тәсілі мен дозалары

Ерітіндіні дайындағаннан кейін бірден пайдалану керек. Дайындалған ерітінді 2°С - 8°С температурада 24 сағат бойы немесе 25°С-ден аспайтын температурада 6 сағат бойы тұрақты.

Венаішілік инъекция үшін: 1 г ұнтақты инъекцияға арналған 10 мл суға сұйылтады және көктамыр ішіне 5 минут бойы баяу енгізеді.

Бұлшықетішілік инъекция үшін: 1 г 3.5 мл 1% лидокаин ерітіндісінде ерітеді және жеткілікті түрде ауқымды бұлшықетке (бөксе) терең енгізеді. Бір бұлшықетке 1 г-ден асырмай енгізу ұсынылады.

Құрамында лидокаин бар ерітіндіні көктамыр ішіне енгізуге болмайды. Лидокаинді балалар мен жасөспірімдерге еріткіш ретінде қолдануға тыйым салынады.

Сертоцеф препаратының ерітінділерін үйлеспеу мүмкіндігіне байланысты құрамында микробқа қарсы басқа препараттар немесе басқа еріткіштер бар ерітінділермен араластыруға немесе қосуға болмайды.

Ересектер мен 12 жастан асқан балаларға орташа тәуліктік дозасы тәулігіне 1 рет 1-2 г құрайды ( 24 сағаттан соң), ауыр жағдайларда немесе орташа сезімтал бактериялар туғызған инфекцияларда тәуліктік доза 4 г-ге дейін арттырылуы мүмкін.

Жаңа туған нәрестелерге (екі апталық жасқа дейін) – тәулігіне 20-50 мг/кг (жаңа туған нәрестелердің жетілмеген ферменттік жүйеге байланысты дене салмағына 50 мг/кг дозаны арттыруға болмайды).

Емшек еметін балаларға және кішкентай балаларға (15 күннен бастап 12 жасқа дейін) тәулігіне 1 рет дене салмағына  20-50 мг/кг-ден тағайындайды. Ауыр инфекцияларда- тәулігіне 80 мг-ге дейін.

Дене салмағы 50 кг және одан асқан балаларға ересектерге арналған доза тағайындалады. 50 мг/кг-ден астам дозада препаратты венаішілік инфузия түрінде енгізу қажет, препаратты 30 минут бойы енгізу керек. Емдеу ұзақтығы ауру ағымына байланысты. Антибиотикпен емдеген кезде үнемі цефтриаксонды енгізуді науқастарға температурасы қалыпқа келгеннен кейін және қоздырғыштың эрадикациясы расталған соң ең кемі 48-72 сағат бойы жалғастыру керек.

Бактериялық менингитте емшек еметін балаларға және кішкентай балаларға - бастапқы доза тәулігіне 1 рет 100 мг/кг. Қоздырғышты идентификациялағаннан кейін және оның сезімталдығын анықтаған соң дозаны азайтуға болады. Ең жоғарғы тәуліктік доза - 4 г. Емдеу ұзақтығы қоздырғышқа байланысты және Neisseria meningitides үшін 4 күнді құрауы мүмкін, Haemophilusm influenzaе туғызған менингитте – 6 күнді, Streptococcus pneumoniае – 7 күнді құрауы мүмкін.

Гонореяны емдеген кезде ұсынылатын доза бір рет бұлшықет ішіне 250 мг құрайды.

Операцияға дейінгі инфекциялар профилактикасы үшін операцияға дейін 30-90 минут бұрын 1-2 г дозада Сертоцефті бір рет енгізу ұсынылады. Бүйрек функциясы бұзылған науқастарда бауыр функциясы қалыпты болғанда Сертоцеф дозасын азайтпайды. Креатинин клиренсі 10 мл/мин аз болғанда тәуліктік доза 2 г-ден аспауы тиіс. Бауыр функциясы бұзылған науқастарда бүйрек функциясы қалыпты болғанда Сертоцеф дозасын азайтпайды. Бауыр мен бүйрек функциясы бір мезгілде бұзылғанда, сондай-ақ гемодиализдегі науқастарда қан сарысуындағы концентрациясын ұдайы бақылап отыру қажет. Препарат дозасын өзгертпейді.

Жағымсыз әсерлері

Жиі:

- сұйық нәжіс, диарея, жүрек айнуы, құсу

Жиі емес:

- бөртпе, қышыну, дерматит, есекжем, ісінулер, полиморфты экссудативтік эритема

Сирек:

- стоматит, глоссит

- трансаминазалар, сілтілік фосфатаза белсенділігінің жоғарылауы

- өт қабындағы кальций тұздарының преципитациясы

- эозинофилия, лейкопения, нейтропения, гранулоцитопения, гемолитикалық анемия, тромбоцитопения, протромбиндік уақыттың ұзаруы

- бас ауыруы, бас айналу

- анафилактоидты және анафилаксиялық реакциялар

- флебит, венаішілік инъекция орнының ауыруы. Лидокаинсіз бұлшықет ішіне енгізу ауыртады

- асқын инфекциялар, соның ішінде жыныс жолдарының микоздары

- олигурия, сарысу креатининінің артуы, глюкозурия, гематурия

- қызба, қалтырау

Өте сирек:

- негізінен Сlostridium difficile туғызған жалған жарғақшалы колит, панкреатит

- эритема, Стивенс-Джонсон синдромы, Лайелл синдромы (уытты эпидермальді некролиз)

- агранулоцитоз, қан ұюының бұзылуы

- анурия, бүйрек жеткіліксіздігі

- бүйректе цефтриаксон-кальцийдің жинақталуы

- Кумбс оң сынамасы

Кальций иондарымен өзара әрекеттесуі

Цефтриаксон және құрамында кальций бар ерітінділерді қабылдаған жаңа туған нәрестелерде аутопсияны зерттеудің нәтижелері бойынша, өкпе мен бүйректе преципитаттар түзілудің жекелеген фатальді жағдайлары сипатталған. Мұндай жекелеген жағдайларда бір көктамырлық енгізу пайдаланылды және тура венаішілік енгізуге арналған жүйеде преципитаттардың түзілуі байқалды. Сондай-ақ цефтриаксонды және құрамында кальций бар ерітінділерді әртүрлі көктамырларға енгізгенде және әртүрлі енгізу уақытында ең кемінде өліммен аяқталған бір жағдай сипатталған. Мұндайда аутопсияны зерттеу нәтижесі бойынша, жаңа туған нәрестеде преципитаттар табылған жоқ. Осыған ұқсас жағдайлар тек жаңа туған нәрестелерде ғана байқалды.

Кездейсоқ агранулоцитоз жағдайлары (<500/мл) жөнінде мәлімделді, олардың үлкен бөлігі 10 күн емдеуден кейін және 20 г-ден астам жиынтық дозаларды тағайындау аясында байқалды.

Кездейсоқ ауыр реакциялар (мультиформалы эритема, Стивенс-Джонсон синдромы, уытты эпидермальді некролиз (Лайелл синдромы)) жөнінде мәлімделді.

Жалған жарғақшалы колит (<0.01 %) және қан ұюының бұзылулары, сондай-ақ бүйректе конкременттердің түзілу жағдайлары, негізінен, препараттың тәуліктік үлкен дозаларын (тәулігіне 80 мг/кг астам), немесе 10 г-ден астам жиынтық дозаларын қабылдаған, сондай-ақ қосымша қауіпті факторлары (сұйықтықты пайдаланудың шектелуі, төсектік режим және т.б.) бар 3 жастан асқан балаларда өте сирек сипатталған. Бүйректе конкременттердің түзілуінің симптомсыз өтуі немесе клиникалық тұрғыдан көрініс беруі ықтимал, бүйрек функциясының жеткіліксіздігіне әкеп соғуы мүмкін. Осы жағымсыз құбылыс қайтымды сипатқа ие және цефтриаксонмен емдеуді тоқтатқаннан кейін жоғалады.

Лидокаинді қолданбай бұлшықет ішіне инъекция жасау ауыртады.

Сирек жағдайларда цефтриаксонмен емдегенде науқастарда Кумбс сынамасының жалғаноң нәтижелері байқалуы мүмкін. Басқа да антибиотиктер сияқты, Сертоцеф галактоземияға сынамада жалғаноң нәтиже беруі мүмкін. Жалғаноң нәтижелер несептегі глюкозаны ферменттік емес әдістермен анықтағанда да алынуы мүмкін, сондықтан қажет болғанда цефтриаксонмен емдеу барысында глюкозурияны ферменттік әдіспен ғана анықтау керек.

Қолдануға болмайтын жағдайлар

- препаратқа немесе препарат компоненттерінің кез келгеніне жоғары сезімталдық

  • цефалоспориндерге және пенициллиндерге жоғары сезімталдық

  • еріткішке – лидокаинге жоғары сезімталдық

  • жаңа туған және шала туған нәрестелердегі гипербилирубинемия (цефтриаксон осындай пациенттерде билирубиндік энцефалопатияның даму қаупін арттыра отырып, сарысу альбуминімен байланысудан билирубинді ығыстыруы мүмкін)

  • 41 аптаға дейінгі шала туған нәрестелер (жүктілік апталары + өмірге келу апталары)

  • күні жетіп туылған нәрестелер (≤28 күн):

  • цефтриаксонның кальций тұздары преципитаттарының түзілу қаупі салдарынан, мысалы, парентеральді қоректендіргенде ұзаққа созылған құрамында кальций бар инфузияларды қоса, құрамында кальций бар ерітінділермен көктамырішілік емдеу тағайындалған немесе тағайындау болжанып отырғандар

  • сарғаюмен, гипоальбуминемиясымен және ацидозбен, себебі мұндай ауруларда билирубиннің байланысуы жеткіліксіз болуы мүмкін

  • жүктіліктің І триместрі

  • құрамында лидокаин бар ерітінділерді көктамыр ішіне енгізуге тыйым салынады

  • еріткіш ретінде лидокаинді балалар мен жасөспірімдерге қолдануға болмайды

Дәрілермен өзара әрекеттесуі

Сертоцефті бір құтыда немесе шприцте басқа антибиотикпен араластыруға болмайды. Цефтриаксон мен аминогликозидтер грамтеріс бактерияларға қатысты синергизм көрсетеді (әсіресе ауыр және өмірге қауіп төндіретін инфекцияларда оларды бірге қолдану негізделген). Цефтриаксон ішек флорасын бәсеңдете отырып, К витаминінің синтезіне кедергі келтіреді. Сондықтан тромбоциттер агрегациясын төмендететін препараттармен (ҚҚСД, салицилаттар, сульфинпиразон) бірге қолданғанда қан кету қаупі артады. Осы себеппен антикоагулянттармен бір мезгілде қолданғанда антикоагулянттық әсердің күшеюі байқалады. Ілмектік диуретиктермен бір мезгілде қолданғанда нефроуытты әсердің даму қаупі артады.

Үйлесімсіздігі

Сертоцефті құрамында кальций бар инфузиялық ерітінділерге, мысалы, Хартман және Рингер ерітіндісіне қосуға болмайды. Цефтриаксон амсакринмен, ванкомицинмен, флуконазолмен және аминогликозидтермен үйлеспейді және араластырылмауы тиіс.

Зертханалық талдау нәтижелеріне әсері

Сирек жағдайларда Сертоцефпен емдеген кезде науқастарда Кумбс сынамасының жалғаноң нәтижелері байқалуы мүмкін. Басқа антибиотиктер сияқты Сертоцеф галактоземия сынамасына жалғаноң нәтиже беруі мүмкін. Жалғаноң нәтижелер несепте глюкозаны анықтаған кезде де алынуы мүмкін, сондықтан Сертоцефпен емдеу барысында глюкозурияны қажетіне қарай тек ферменттік әдіспен анықтау керек.

Айрықша нұсқаулар

Бір мезгілде ауыр бүйрек және бауыр жеткіліксіздігінде қан плазмасында препарат концентрациясын ұдайы анықтап отыру керек.

Гемодиализдегі науқастарда қан плазмасындағы препарат концентрациясын бақылап отыру қажет, себебі оларда оның шығарылу жылдамдығы төмендеуі мүмкін.

Препаратпен ұзақ емдегенде шеткері қан көрінісін ұдайы бақылап отыру қажет.

Сирек жағдайларда өт қабын УДЗ кезінде күңгірт дақтар байқалған, олар препаратты қабылдауды тоқтатқаннан кейін жоғалады. Тіпті, егер бұл құбылыс оң жақ қабырғаасты ауыруымен қатар жүрсе де, тек симптоматикалық ем ұсынылады.

Басқа цефалоспориндерді қолданғандағыдай, анафилаксиялық реакциялар тіркелген, соның ішінде пациенттің анамнезінде аллергиялық реакциялар болмаса да өліммен аяқталғандары бар.

Басқа цефалоспориндерді қолданғандағыдай, Сертоцефпен емдеген кезде аутоиммундық гемолитикалық анемия дамуы мүмкін. Ересектер мен балаларда ауыр гемолитикалық анемия жағдайлары тіркелген, соның ішінде өліммен аяқталғаны бар.

Цефтриаксонмен емделіп жүрген пациентте анемия дамығанда цефалоспорин-астасқан анемия диагнозын жоққа шығаруға болмайды және себебі анықталғанша емді тоқтата тұру керек.

Басқа да бактерияға қарсы көптеген препараттарды қолданғандағыдай цефтриаксонмен емдеген кезде Clostridium difficile (C. difficile) туғызған диареяның даму жағдайлары тіркелген, ауырлығы әртүрлі: жеңіл диареядан өліммен аяқталатын колитке дейін. Бактерияға қарсы препараттармен емдеу жуан ішектің қалыпты микрофлорасын бәсеңдетеді және C. Difficile өсуіне түрткі болады. Өз кезегінде, C. difficile А және В токсиндерін түзеді, олар C. difficile туғызған диарея патогенезінің факторлары болып табылады. Токсиндерді қарқынды өндіретін С. difficile штаммдары асқынулар мен өлім қаупі жоғары инфекциялардың қоздырғыштары болып табылады, микробқа қарсы емге олардың ықтималды төзімділігінің салдарынан емдеу колэктомияны қажет етуі мүмкін. Антибиотикпен емдегеннен кейін диареясы бар барлық пациенттерде C. difficile туғызған диареяның даму мүмкіндігі туралы естен шығармау керек. Анамнезді мұқият жинастыру қажет, себебі антибиотикпен емдегеннен кейін 2 айдан астам уақыттан соң C. Difficile туғызған диареяның туындау жағдайлары тіркелген. C. difficile әсерінен туындайтын диареяға күдіктенгенде немесе ол айғақталғанда С.difficile-ге бағытталмаған, ағымдағы антибиотиктермен емдеуді тоқтату қажет етілуі мүмкін. Клиникалық көрсетілімдерге сай сұйықтықтар мен электролиттерді, ақуыздарды енгізу, С. difficile қатысты антибиотиктермен тиісті ем және хирургиялық ем тағайындалуы тиіс.

Басқа да бактерияға қарсы препараттармен емдеген кездегідей, асқын инфекция пайда болуы мүмкін.

Цефтриаксон қабылдаған пациенттерде протромбиндік уақыттың өзгеруінің сирек жағдайлары сипатталған. К витаминінің жеткіліксіздігі бар пациенттерге (синтездің бұзылуы, тамақтанудың бұзылуы) емді бастағанға дейін немесе емдеу кезінде протромбиндік уақытты арттырғанда емдеу кезінде және К витаминін тағайындағанда (аптасына 10 мг) протромбиндік уақытты бақылау қажет болуы мүмкін.

Әдетте, стандартты ұсынылған дозадан асатын дозада цефтриаксонды қолданғаннан кейін өт қабын ультрадыбыстық зерттегенде қателесіп тас ретінде қабылдаған көлеңкелер анықталған. Олар Сертоцеф препаратымен емдеуді аяқтағаннан кейін немесе емді тоқтатқан соң жоғалатын цефтриаксонның кальций тұздары преципитаты болып табылады. Мұндай өзгерістер қандай да бір симптоматиканы сирек береді, бірақ мұндай жағдайларда да тек консервативтік ем ұсынылады. Егер бұл құбылыстар клиникалық симптоматикамен қатар жүрсе, онда препаратты қабылдауды тоқтату туралы шешім емдеуші дәрігердің қарауына беріледі.

Цефтриаксонды және құрамында кальций бар инфузиялық ерітінділерді немесе құрамында кальций бар кез келген препараттарды қолданғанда жаңа туған нәрестелерде ғана қантамырішілік преципитаттардың түзілуі жөнінде деректердің бар екендігіне қарамастан, Цефтриаксонды құрамында кальций бар инфузиялық ерітінділермен араластыруға, балаларға және ересек пациенттерге, тіпті веналық енгізудің әртүрін пайдаланғанның өзінде, бір мезгілде тағайындауға болмайды.

Цефтриаксон қабылдап жүрген науқастарда өт жолдарының обструкциясы салдарынан дамитын панкреатиттің сирек жағдайлары байқалуы мүмкін. Бұл науқастардың көпшілігінде осыған дейін өт жолдарындағы іркілістің қауіп факторлары болған, мысалы, бұрын жүргізілген ем, ауыр аурулар және толық парентеральді тамақтану. Бұл ретте панкреатиттің дамуында өт жолдарында цефтриаксонның әсерімен түзілген преципитаттардың түрткі болу рөлін жоққа шығаруға болмайды.

Зерттеулер басқа цефалоспориндер сияқты цефтриаксонның сарысулық альбуминмен байланысты болуы салдарынан билирубинді ығыстыруы мүмкін екендігін көрсетті. Цефтриаксон билирубиндік энцефалопатияның даму қаупі бар жаңа туған нәрестелерде қолдануға болмайды.

Цефтриаксон осы көрсетілімдерді растайтын клиникалық деректердің жеткіліксіздігіне байланысты синуситті, фарингитті және простатитті емдеу үшін қолданылмауы тиіс.

Жүктілік және лактация

Жүктілік кезінде цефтриаксон қауіпсіздігінің адекваттық және қатаң бақыланатын зерттеулері жүргізілген жоқ.

Егер абсолюттік көрсетілімдері болмаса, препаратты жүктіліктің ІІ және ІІІ триместрінде қолдануға болмайды. Цефтриаксон плаценталық бөгет арқылы өтеді.

Лактация кезеңінде препаратты қолдану қажет болғанда емдеу кезінде бала емізуді тоқтату керек. Цефтриаксон аз концентрацияда емшек сүтімен бөлініп шығарылады.

Дәрілік заттың көлік құралын басқару қабілетіне әсер ету ерекшеліктері

Автокөлік немесе басқа көлік құралдарын басқаруға қалай да әсер етуге Сертоцевтің қабілетін көрсететін ешқандай деректер жоқ.

Артық дозалануы

Симптомдары: жағымсыз әсерлер көріністерінің күшеюі.

Емі: гемодиализ және перитонеальді диализ препарат концентрациясын төмендетпейді. Спецификалық антидоты жоқ. Емі – симптоматикалық.

Шығарылу түрі және қаптамасы

1 г цефтриаксонға баламалы препарат пластмасса қақпағы бар алюминий қалпақшамен қаусырылған, бутилкаучуктан жасалған тығынмен герметикалық тығындалған, түссіз шыны құтыларға салынған.

3.5 мл еріткіштен (инъекцияға арналған 1% лидокаин гидрохлориді ерітіндісі) герметикалық дәнекерленген, І типті бейтарап шыны ампулаларға құйылған.

Препаратымен 1 құтыдан және еріткішімен 1 ампуладан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

Препаратты - 3 жыл. Дайындалған ерітінді 2°С - 8°С температурада 24 сағат бойы немесе 25°С-ден аспайтын температурада 6 сағат бойы тұрақты.

Еріткіш - 5 жыл.

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Дәрігердің рецептісі арқылы

Өндіруші

ФармаВижн Сан.ве Тидж.А.Ш ,Түркия

Тіркеу куәлігінің иесі

Др. Сертус Илач Санайи Ве Тиджарет Лимитед Ширкети, Түркия

Мекенжайы: 34212 Эврен Махаллеси, Джами Йолу Джаддеси № 50, Гириш Кат, Гюнешли, Багджылар, Стамбул, Түркия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланысу деректері (телефон, факс, электронды поштасы)

«TROKA-S PHARMA» ЖШС, Алматы, Сүйінбай д-лы, 222-б

тел: 8+7 727 251 99 35, +7 727 251 99 45 факс: 8+7 727 252 90 90

+7 701 786 33 98 (24 сағаттық қолжетімділік)

pvpharma@worldmedicine.kz.

Прикрепленные файлы

100268661477976170_ru.doc 92.5 кб
371926171477977472_kz.doc 114 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники