Сервокс-0.75

• русский
• қазақша

• Скачать инструкцию медикамента

Саудалық атауы

Сервокс-0.75

Халықаралық патенттелмеген атауы

Сервокс-0.75

Дәрілік түрі

Көктамыр ішіне және бұлшықет ішіне енгізу үшін ерітінді дайындауға арналған ұнтақ

Құрамы

Бір құтының ішінде:

белсенді зат –750 мг цефуроксимге баламалы натрий цефуроксимі

Сипаттамасы

Ақ немесе ашық - сары түсті ұнтақ.

Фармакотерапиялық тобы

Бактерияларға қарсы жүйелі пайдалануға арналған препараттар. Бактерияларға қарсы бета – лактамдық басқа да препараттар. Екінші буынның цефалоспориндері. Цефуроксим.

АТХ коды JO1DС02

Фармакологиялық қасиеттері

Фармакокинетикасы

Бұлшықет ішіне 750 мг енгізгеннен кейін ең жоғарғы концентрациясына (Сmax) 15-60 минуттан кейін жетеді және 27 мкг/мл құрайды. Көктамыр ішіне 0,75 және 1,5 г енгізген кезде Сmax 15 минуттан кейін тиісінше 50 және 100 мкг/мл құрайды. Емдік концентрациясы тиісінше 5,3 және 8 сағат бойы сақталады. Жартылай шығарылу кезеңі (Т1/2) к/і және б/і енгізгенде – 1,3-1,5 сағат, жаңа туған сәбилерде- 2-2,5 сағатты құрайды. Қан плазмасы ақуыздарымен байланысуы - 33-50 %. Бауырда метаболизденбейді. Көбінесе бүйрекпен шумақтық сүзілу және өзекшелік сөлініс жолымен 85-90% -ы өзгеріссіз күйде 8 сағат ішінде шығарылады (препараттың көп бөлігі бастапқы 6 сағат ішінде, несепте жоғары концентрацияларын түзе отырып шығарылады); 24 сағаттан соң толығымен шығарылады (50 %-ы - өзекшелік сөлініс, 50 %-ы – шумақтық сүзілу жолымен). Емдік концентрациялары плевралық сұйықтықта, өтте, қақырықта, миокардта, тері мен жұмсақ тіндерде тіркеледі. Цефуроксим микроорганизмдердің көпшілігі үшін ең төменгі бәсеңдеткіш концентрациясынан (ТБК) асып түсетін концентрацияларына сүйек тінінде, синовиальді және көзішілік сұйықтықтарда жетеді. Менингитте гематоэнцефалдық бөгет (ГЭБ) арқылы өтеді. Плацента арқылы өтеді және емшек сүтіне енеді.

Фармакодинамикасы

Цефуроксим – парентеральді қолдануға арналған II буынның цефалоспориндік антибиотигі. Бактерицидтік әсер етеді (бактериялар жасушалық қабырғаларының синтезін бұзады). Микробқа қарсы кең ауқымды әсері бар.

Пенициллиндерге төзімді штаммдарды қоса (метициллинге резистентті штаммдардан басқа), грамоң микроорганизмдерге Staphylococcus aureus, Streptococcus pyogenes (және басқа бета-гемолитикалық стрептококктар), Streptococcus pneumoniae, В тобы Streptococcus (Streptococcus agalactiae), Streptococcus mitis (viridans тобы), Bordetella pertussis, Clostridium spp. көпшілігі); грамтеріс микроорганизмдерге қатысты (Escherichia coli, Klebsiella spp., Proteus mirabilis, Providencia spp., Proteus rettgeri, Haemophilus influenzae, ампициллинге резистентті штаммдарды қоса; Haemophilus parainfluenzae, ампициллинге резистентті штаммдарды қоса; Moraxella catarrhalis, Neisseria gonorrhoeae, пенициллиназаны өндіретін және өндірмейтін штаммдарды қоса, Neisseria meningitidis, Salmonella spp., Borrelia burgdorferi; грамоң және грамтеріс анаэробтарға (Peptococcus spp., Peptostreptococcus spp., Fusobacterium spp., Propionibacterium spp.) қатысты белсенділігі жоғары.

Цефуроксимге мыналар сезімтал емес: Clostridium difficile, Pseudomonas spp., Campylobacter spp., Acinetobacter calcoaceticus, Listeria monocytogenes, метициллинге төзімді штаммдар Staphylococcus aureus, Staphylococcus epidermidis, Legionella spp., Streptococcus (Enterococcus) faecalis, Morganella morganii, Proteus vulgaris, Enterobacter spp., Citrobacter spp., Serratia spp., Bacteroides fragilis.

Қолданылуы

• сезімтал микроорганизмдерден туындаған жұқпалы-қабынбалы ауруларда:

• тыныс алу жолдарының жұқпаларында (бронхит, пневмония, өкпе абсцесі, плевра эмпиемасы және т.б.)

• ЛОР-мүшелердің (синусит, тонзиллит, фарингит, отит және т.б.)

• несеп шығару жолдарының (пиелонефрит, цистит, симптомсыз бактериурия, гонорея және т.б.)

• тері мен жұмсақ тіндердің (тілме, пиодермия, импетиго, фурункулез, флегмона, жара жұқпасы, эризипелоид және т.б.)

• сүйектер мен буындардың (остеомиелит, септикалық артрит және т.б.)

• кіші жамбас ағзаларының (эндометрит, аднексит, цервицит)

• сепсис

• менингит

• Лайм ауруы (боррелиоз)

• кеуде қуысы ағзаларына жасалған операцияларда жұқпалы асқынулардың алдын алуда

• іш қуысының, жамбастың, буындардың (соның ішінде, өкпеге, жүрекке, өңешке жасалған операцияларда, жұқпалы асқынулардың қауіп дәрежесі жоғары қантамырлық хирургияда, ортопедиялық операцияларда).

Қолдану тәсілі мен дозалары

Ересектерге к/і және б/і тәулігіне 3 рет 750 мг-ден тағайындайды; ауыр ағымды жұқпаларда – дозасын тәулігіне 3-4 рет 1,5 г дейін ұлғайтады (қажет болса енгізулер аралығы 6 сағатқа дейін қысқартылуы мүмкін). Орташа тәуліктік дозасы - 3-6 г.

Балаларға тәулігіне 3-4 қабылдауға 30-100 мг/кг тағайындайды. Жұқпалардың көпшілігінде оңтайлы доза тәулігіне 60 мг/кг құрайды. Жаңа туған сәбилер мен 3 айға дейінгі балаларға тәулігіне 2-3 қабылдауға 30 мг/кг тағайындайды.

Созда – б/і, 1500 мг (750 мг-ден 2 инъекция түрінде, әр тұстарға, мысалы 2 жақ бөксе бұлшықетіне енгізе отырып).

Бактериялық менингитте – к/і, әр 8 сағат сайын 3 г-ден; кіші және ересек жастағы балаларға – тәулігіне 3-4 қабылдауға 150-250 мг/кг, жаңа туған сәбилерге - тәулігіне 100 мг/кг.

Іш қуысына, кіші жамбас ағзаларына жасалған операцияларда және ортопедиялық операцияларда - к/і, анестезияны индукциялауда 1500 мг, сосын қосымша - операциядан кейін 8 және 16 сағаттан соң б/і, 750 мг. Буынды түгел ауыстырғанда - 1500 мг ұнтақты сұйық мономерді қосар алдында полимер метил-метакрилатты цементтің әр пакетімен құрғақ күйінде араластырады.

Жүрекке, өкпеге, өңешке және тамырларға операция жасағанда - к/і, анестезияны индукциялауда 1500 мг, сосын - б/і, келесі 24-28 сағат бойы күніне 3 рет 750 мг-ден.

Пневмонияда - к/і, тәулігіне 2-3 рет 1500 мг-ден 48-72 сағат бойы, сосын 7-10 күн бойы тәулігіне 2 рет 500 мг-ден ішке қабылдауға көшеді.

Созылмалы бронхит өршігенде б/і немесе к/і, тәулігіне 2-3 рет 750 мг-ден 48-72 сағат бойы тағайындайды, сосын 5-10 күн бойы тәулігіне 2 рет 500мг - ден ішке қабылдауға көшеді.

СБЖ-де дозалау режимін түзету қажет: креатинин клиренсі (КК) минутына 10-20 мл болғанда к/і немесе б/і тәулігіне 2 рет 750 мг-ден, КК минутына 10 мл-ден аз болса, тәулігіне 1 рет 750 мг-ден.

Артериовеноздық шунттау пайдаланылатын үздіксіз гемодиализдегі немесе қарқынды емдеу бөлімшелеріндегі жылдамдығы жоғары гемофильтрациядағы емделушілерге тәулігіне 2 рет 750 мг тағайындайды; жылдамдығы төмен гемофильтрацияда жүрген емделушілер үшін бүйрек қызметі бұзылғанда ұсынылатын дозаларды тағайындайды.

Инъекция үшін ерітінді дайындау:

Б/і инъекцияға арналған ерітінді:

750 мг Цефуроксимге 3 мл инъекцияға араналған су қосу керек. Суспензия түзілгенше абайлап сілкіңіз. Б/і енгізгенде Цефуроксим құрамында 1 %-ға дейін лидокаин гидрохлориді бар сулы ерітінділермен үйлесімді.

Цефуроксим 1500 мг дозада тек к/і енгізуге арналған.

К/і енгізуге арналған ерітінді:

- 750 мг Цефуроксимді 6 мл немесе одан да көп инъекцияға арналған

суда,

- 1,5 г Цефуроксимді 15 мл немесе одан да көп инъекцияға арналған

суда еріту керек.

Қысқа мерзімді к/і инфузиялар үшін (30 минутқа дейінгі) 1,5 г препаратты 50 мл инъекцияға арналған суда ерітеді. Бұл ерітінділерді тікелей көктамырға немесе инфузиялық жүйе түтігіне енгізуге болады.

Цефуроксим ерітіндісі мен (15 мл инъекцияға арналған суда 1,5 г) метронидазолды араластырғанда (50 мг/100 мл) екі компоненті де 40С температурада өз белсенділігін 24 сағатқа дейін сақтайды немесе 250С-ден төмен температурада 6 сағатқа дейін сақтайды.

Цефуроксим к/і енгізуге арналған кеңірек қолданылатын сұйықтықтармен үйлесімді.

Препарат төмендегі ерітінділермен араластырғанда, бөлме температурасында 24 сағатқа дейін тұрақты:

• натрий хлоридінің 0,9% ерітіндісі;

• 5% декстроза ерітіндісі;

• Рингер ерітіндісі;

• Хартман ерітіндісі.

Цефуроксим 0,9% натрий хлориді ерітіндісінде және 5% декстроза ерітіндісінде гидрокортизон натрий фосфатының қатысуымен тұрақты болып қалады.

Төмендегі ерітінділермен Цефуроксим бөлме температурасында 24 сағат бойы үйлесімді:

• гепарин (10 бірл/мл және 50 бірл/мл) 0,9% натрий хлориді ерітіндісінде;

• калий хлориді (10 мЭкв/л және 40 мЭкв/л) 0,9% натрий хлориді

ерітіндісінде.

Цефуроксимді аминогликозидтер тобының антибиотиктерімен бір еккіште араластырмаған жөн.

Натрий гидрокарбонатының 2,74% ерітіндісінің Цефуроксим ерітіндісінің түсіне елеулі әсер ететін pH көрсеткіші бар, сондықтан сұйылту үшін оны ұсынбайды. Қажет болса, натрий гидрокарбонаты ерітіндісін емделушіге тікелей инфузия жүйесі түтігіне енгізуге болады.

Жағымсыз әсерлері

• қалтырау, бөртпе, қышыну, есекжем, бронхтың түйілуі, анафилактикалық шок, сарысу құю ауруы, интерстициальді нефрит, сирек – мультиформалы экссудативті эритема (соның ішінде, Стивенс-Джонсон синдромы)

• бүйрек қызметінің бұзылуы, креатинин және/немесе қан сарысуындағы мочевина азотының жоғарылауы, креатинин клиренсінің төмендеуі, дизурия, шаптың қышынуы, вагинит

• құрысулар, бас ауруы, ұйқышылдық, естудің нашарлауы

• диарея, жүрек айнуы, құсу, іштің түйілуі мен ауыруы, іштің қатуы, метеоризм, диспепсия, ауыз қуысы шырышты қабығының ойық жаралануы, анорексия, шөлдеу, глоссит, ауыз қуысының кандидозы, "бауыр" ферменттері белсенділігінің, сілтілік фосфатазаның, лактатдегидрогеназаның артуы, гипербилирубинемия, бауыр қызметінің бұзылуы, холестаз, сирек – жалған жарғақшалы энтероколит

• гемоглобин мен гематокриттің төмендеуі, транзиторлы эозинофилия, транзиторлы нейтропения мен лейкопения, апластикалық және гемолитикалық анемиялар, тромбоцитопения, агранулоцитоз, гипопротромбинемия, протромбиндік уақыттың ұзаруы

• жергілікті реакциялар: тітіркендіру, енгізген жердегі инфильтрат және ауыруы, флебит

• басқалары: кеуденің ауыруы, тыныс алудың жиілеуі, дисбактериоз, асқынжұқпа, оң Кумбс тесті

Қолдануға болмайтын жағдайлар

• асқын сезімталдық (соның ішінде басқа цефалоспориндерге, пенициллиндерге және карбапенемдерге).

Сақтықпен:

• жаңа туға сәбилерде

• шала туылған сәбилерде

• жүктілік және лактация кезеңінде

• созылмалы бүйрек жеткіліксіздігінде (СБЖ)

• әлсіреген және қажыған емделушілерде

• сыртартқыдағы асқазан-ішек жолынан қан кетулерде және ауруларда, оның ішінде спецификалық емес ойық жаралы колитте

Дәрілермен өзара әрекеттесуі

“Ілмектік” диуретиктерді бір мезгілде пероральді тағайындау өзекшелік сөліністі баяулатады, бүйректік клиренсті төмендетеді, плазмадағы концентрациясын арттырады және Цефуроксимнің Т1/2 ұлғайтады.

Аминогликозидтермен және диуретиктермен бір мезгілде қолданғанда нефроуытты әсерлердің даму қаупі артады. Құрамында 1%-ға дейін лидокаин гидрохлориді бар сулы ерітінділермен, натрий хлоридінің 0,9% ерітіндісімен, 5 және 10% декстроза ерітіндісімен, 0,18% натрий хлоридінің ерітіндісімен және 4% декстроза ерітіндісімен, 5% декстроза ерітіндісімен және 0,9% натрий хлориді ерітіндісімен, Рингер ерітіндісімен, Хартман ерітіндісімен, натрий лактаты ерітіндісімен, 0,9% натрий хлориді ерітнідісіндегі гепаринмен (10 ӘБ/мл және 50 ӘБ/мл) фармацевтикалық үйлесімді. Аминогликозидтермен, 2,74 % натрий гидрокарбонаты ерітіндісімен фармацевтикалық үйлесімсіз.

Айрықша нұсқаулар

Сыртартқысында пенициллиндерге аллергиялық реакциялар болған емделушілердің цефалоспориндік антибиотиктерге асқын сезімталдығы болуы мүмкін. Емдеу үдерісінде, әсіресе препаратты жоғары дозаларда қабылдап жүрген науқастарда бүйрек қызметін бақылау қажет. Емдеуді симптомдар жоғалғаннан кейін 48-72 сағат бойы жалғастырады, Streptococcus pyogenes туындаған жұқпалар жағдайында, емдеу курсы - 7-10 күннен кем емес. Емдеу кезінде Кумбстың тікелей жалған оң реакциясы және несепте глюкозаға жалған оң реакция болуы мүмкін. Қолдануға дайын ерітінділерді бөлме температурасында 7 сағат бойы, тоңазытқышта - 48 сағат бойы сақтайды. Сақтау кезінде сарғайған ерітіндіні қолдануға жол беріледі. Цефуроксимді қабылдап жүрген емделушілерде, қандағы глюкоза концентрациясын анықтауда глюкозооксидазамен немесе гексокиназамен тестілерді пайдалану ұсынылады. Парентеральді енгізуден ішке қабылдауға көшкенде жұқпаның ауырлығын, микроорганизмдердің сезімталдығын және емделушінің жалпы жай-күйін ескерген жөн. Егер Цефуроксимді ішке қабылдағаннан кейін 72 сағаттан соң жақсару байқалмаса, парентеральді енгізуді жалғастыру қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Деректер жоқ.

Артық дозалануы

Симптомдары: ОЖЖ қозуы, құрысулар.

Емі: эпилепсияға қарсы дәрілік заттарды тағайындау, ағзаның өмірлік маңызы бар қызметтерін бақылау және демеу, гемодиализ және перитонеальді диализ.

Шығарылу түрі мен қаптамасы

Препарат резеңке тығынмен бекітілген, алюминий қалпақшамен көмкерілген және сақтандырғыш қалпақшамен жабылған ІІІ типті шыныдан жасалған құтыға салынады. Құтыға заттаңба жапсырылған.

1, 10, және 25 құты медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 30 ºС -ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Самрудх Фармацеутикалз Пвт.Лтд , Үндістан

J-174, M.I.D.C., Tarapur, Boisar, Dist. Thane – 401 506

Тел: +9122 28725367/ 28773023

Факс: +9122 28725367

ho@samrudhpharma.com

 

Тіркеу куәлігінің иесі

Фармасерв Солюшинс Пвт.Лтд, Үндістан

B-518-519, Nandadham Building, 5th floor, Plot No. 59, Sector 11, CBD Belаpur – 400 614

Тел: +9122 67938583/ 86

Факс: +9122 27573221

sameer.p@pharmaserv.in

Тұтынушылардан өнімнің сапасы туралы шағымдарды Қазақстан Республикасы аумағында қабылдайтын ұйымның мекенжайы:

Алматы қаласы, Мұратбаев көшесі, 91 үй, 52 кеңсе.

Тел: +7705-170-88-79

сompleteasia@gmail.com

 

8