Серваксон S (порошок для приготовления раствора, 1000 /1000 мг)

• русский
• қазақша

• Скачать инструкцию медикамента

Саудалық атауы

Серваксон S

Халықаралық патенттелмеген атауы

Жоқ

Дәрілік түрі

Көктамыр ішіне және бұлшықет ішіне енгізу үшін ерітінді дайындауға арналған ұнтақ, 500/500 мг және 1000/1000 мг

Құрамы

Бір құтының ішінде

белсенді зат: цефоперазонға баламалы

натрий цефоперазоны 500 мг 1000 мг

Сипаттамасы

Ақ немесе ақ дерлік түсті кристалл ұнтақ

Фармакотерапиялық тобы

Бактерияларға қарсы бета-лактамды басқа да препараттар. Үшінші буын цефалоспориндері. Цефаперазон біріктірілімдері.

ATХ коды J01DD62

Фармакологиялық қасиеттері

Фармакокинетикасы

Сульбактам мен цефоперазонның ең жоғарғы концентрациясының орташа мәні 1 г сульбактам/цефоперазонды енгізгеннен кейін 30 минуттан соң 114 мкг / мл құрайды, 15 минуттан соң қабылдағанда 21-40 мкг / мл және 48-88 мкг / мл көктамыр ішіне 1 г дозада енгізгеннен кейін 5 минуттан соң тиісінше 81 мг/л құрайды. Сульбактам да, және цефоперазон да өтті, өтқабын, теріні, аппендиксті, жатыр түтікшелерін, аналық безді, жатырды қоса алғанда, организмнің сұйықтықтары мен тіндерінде қарқынды түрде таралады. Сульбактам мен цефоперазонның арасында оларды бір мезгілде біріктірілген сульбактам/ цефоперазон түрінде қабылдаған кезде қандай да бір фармакокинетикалық өзара әрекеттесу жайында деректер болған жоқ. Цефоперазон ақуыздармен 82-93% -ға, ал сульбактам 38%-ға байланысады.

Өтпен цефоперазон елеулі дәрежеде шығарылады. Цефоперазонның қан сарысуынан жартылай шығарылу кезеңі ұлғаяды, ал несеппен шығарылу дәрежесі әдетте бауыр ауруы және/немесе өт жолдарының тарылуы бар науқастарда жоғарылайды. Цефоперазон мен сульбактамның орташа жартылай шығарылу кезеңі тиісінше 1,6–2,4 сағ және 1 сағатты құрайды. Сульбактамның 75- 85 % жуығы несеп арқылы шығарылады.

Фармакодинамикасы

Біріктірілген препарат бактерияларға қарсы әсер етеді. Серваксонның S бактерияларға қарсы компоненті цефоперазон болып табылады - ол үшінші буын цефалоспорині, оның бактерицидтік әсері бактерияның жасушалық қабырғасының негізгі құрылымдық компоненті – пептидогликан синтезіне қатысушы транспептидаза ферменттерінің белсенділігін жоюмен байланысты. Натрий сульбактамы – пенициллиннің негізгі ядросының туындысы, бактерияларға қарсы клиникалық тұрғыдан маңызды белсенділігі жоқ (Neisseriaceae, Acinetobacter spp басқасы). Алайда, жасушасыз бактериялық жүйелерде биохимиялық зерттеулер β-лактамды антибиотиктерге төзімді микроорганизмдерден өндірілген маңызды β-лактамазаларды қайтымсыз басатын сульбактамның қабілетін анықтады. Пенициллиндер мен цефалоспориндердің төзімді микроорганизмдермен құрылымының бұзылуын болдырмау қабілеті төзімді микроорганизмдердің бүтін штаммдарындағы зерттеулерде расталған, ол жерде сульбактам пенициллиндермен және цефалоспориндермен айқын синергизмін көрсетті.

Қолданылуы

• жоғарғы және төменгі тыныс алу жолдарының, несеп шығару жолының бактериялық жұқпаларында

• абдоминальды жұқпаларда (перитонит, холецистит, холангит және б.)

• сепсисте

• менингитте

• тері және жұмсақ тін жұқпаларында

• сүйек және буын жұқпаларында

• кіші жамбас ағзаларының жұқпалы-қабыну ауруларында (эндометрит, соз және жыныс жолдарының басқа да жұқпалары) абдоминальды, гинекологиялық, кардиоваскулярлық және ортопедиялық операциялардан кейінгі жұқпалы асқынулардың алдын алуда

Қолдану тәсілі және дозалары

Препарат көктамыр ішіне және бұлшықет ішіне енгізіледі.

Ересектерге және 12 жастан асқан балаларға: әрбір 12 сағат сайын 1-2 г Серваксон S (тиісінше, 0,5-1,0 г цефоперазон және 0,5-1,0 г сульбактам).

Ауыр, өмірге қауіп төндіретін жұқпаларда - әрбір 12 сағат сайын көктамыр ішіне - 4,0 г (2,0 г цефоперазон және 2,0 г сульбактам).

Сульбактамның ең жоғарғы тәуліктік дозасы 4,0 г ден аспауы тиіс.

Препаратты 1:1 арақатынаста қабылдайтын науқастарға цефоперазонды қосымша енгізу қажет болуы мүмкін.

Айқын білінетін бүйрек жеткіліксіздігі бар науқастарға дозасын түзету қажет. Креатинин клиренсі 15-30 мл/мин болған кезде әрбір 12 сағат сайын Серваксонды S 1,0 г – ден енгізеді; креатинин клиренсі 15 мл/мин төмен болған кезде – әрбір 12 сағат сайын 0,5 г – ден. Ауыр жұқпаларда цефоперазонды қосымша енгізу қажет болуы мүмкін. Гемодиализде жүрген науқастарға, Серваксонды S диализ сеансы аяқталғаннан кейін бірден енгізеді.

Бауыр қызметінің бұзылуында дозаны өзгерту тек өт жолдарының ауыр түрде тарылуында және бауырдың ауыр сипатты ауруларында, сондай – ақ біріккен бүйрек және бауыр жеткіліксіздігі бар науқастарға ғана қажет болуы мүмкін. Мұндай жағдайларда цефоперазонның сарысулық концентрациясын мониторингтеу және қажет болса дозасын түзету ұсынылады. Егер цефоперазонның сарысулық концентрациясын ұдайы мониторингтеу мүмкін болмаса, онда оның тәуліктік дозасы 2,0 г –ден аспауы тиіс.

1 айлықтан 12 жасқа дейінгі балаларға Серваксонның S тәуліктік дозасы 40-80 мг/кг құрайды, оны 6-12 сағат аралықпен 2 - 4 енгізуге бөледі. Ауыр жұқпаларды емдеу үшін дозаны тәулігіне 160 мг/кг дейін ұлғайтады.

Жаңа туылғандарда сульбактамның ең жоғарғы тәуліктік дозасы тәулігіне 80 мг/кг – ден аспауы керек; өмірінің алғашқы аптасында препаратты әрбір 12 сағат сайын енгізген жөн.

Ерітінділерді дайындау ережесі

Көктамыр ішіне сорғалатып енгізуге арналған ерітіндіні дайындау үшін 1,0 г Серваксонды S 10 мл , ал 2,0 г – 20 мл инъекцияға арналған суда немесе 0,9% натрий хлоридінің ерітіндісінде ерітеді. 3-5 минут бойы көктамыр ішіне баяу енгізеді; үйлесімді ерітінділерді құяр кезде көктамырішілік инфузияға арналған жүйенің инъекцияға арналған түйіні ( «резеңкеге») арқылы енгізілуі мүмкін.

Көктамырішілік тамшылатқыш инфузия үшін 1,0 г Серваксонды S 20 мл инъекцияға арналған суда немесе 0,9% натрий хлоридінің ерітіндісінде ерітеді; толық ерігеннен кейін алынған ерітіндіні 50-100 мл натрий хлоридінің 0,9% ерітіндісіне немесе 5% декстроза ерітіндісіне қосады; көктамырішілік инфузияға арналған жүйені пайдалана отырып, көктамыр ішіне тамшылатып енгізеді.

Бұлшықет ішіне енгізу үшін лидокаин гидрохлоридінің 2% ерітіндісін пайдалануға болады (жергілікті анестетиктерге аллергия болмаса), бірақ оны ұнтақты бірінші сұйылту үшін қолдануға болмайды. Сондықтан ерітіндіні екі сатыда дайындайды. Біріншілік сұйылту үшін инъекцияға арналған суды төменде көрсетілген көлемде пайдаланады:

1,0 г Серваксон S - 2,4 мл

2,0 г Серваксон S - 4,7 мл

Содан соң, біріншілік сұйылтумен алынған ерітіндіге 1,0 мл және 2,0 мл жергілікті анестетикті қоса отырып, алынған ерітіндіні лидокаиннің 2% ерітіндісімен сұйылтады, құрамында 1,0 г және 2,0 г Серваксон S бар ерітіндіні тиісінше антибиотик ерітіндісін алу үшін 0,5% лидокаин гидрохлоридінің ерітіндісінде сұйылтады.

Балаларға бұлшықетішілік инъекция үшін лидокаин ұсынылмайды.

Дененің айқын білінетін бұлшықет қабаты бар (мысалы, жамбастың сыртқы- жоғарғы квадранты) бөлігіне бұлшықет ішіне терең енгізеді.

Жағымсыз әсерлері

- есекжем, тері гиперемиясы, терінің қышынуы, ангионевротикалық ісіну, Стивенс - Джонсон синдромы

Өте сирек

- анафилактикалық шок

- жүрек айнуы, құсу, диарея, жалғанжарғақшалы колит

- эозинофилия, лейкопения, нейтропения, тромбоцитопения, гемоглобин және гематокрит деңгейінің төмендеуі, жалғаноң Кумбс сынамасы

- зертханалық көрсеткіштер: аланинаминотрансфераза және аспартатаминотрансфераза белсенділігінің, сілтілік фосфатазаның транзиторлы жоғарылауы, сарысулық билирубиннің жоғарылауы

жергілікті реакциялар: б/і енгізгенде - енгізу орнының ауыруы; көктамыр ішіне енгізгенде - флебит

басқалары: бас ауыруы, қызба, қалтырау, васкулит

Қолдануға болмайтын жағдайлар

- сульбактамға, цефоперазонға, басқа да цефалоспориндерге және бета-лактамды антибиотиктерге (оның ішінде пенициллиндерге) аса жоғары сезімталдық

- құрамында лидокаин бар ерітінді үшін (бұлшықет ішіне енгізгенде)

- ырғақ жетекшісі анықталмаған жүрекішілік блокада

- жүректің ауыр жеткіліксіздігі

Дәрілермен өзара әрекеттесуі

Аминогликозидтерді Серваксонмен S бір мезгілде қолданған кезде нефроуытты реакциялар дамуы мүмкін. Бүйрек ауруы бар науқастарға бұл препараттарды біріктіріп қолданудан аулақ болған жөн. Бір мезгілде қолдану қажет болған кезде бүйрек қызметін бақылау қажет. Егер препаратпен және аминогликозидпен біріктірілген ем жүргізу болжанған болса, онда оны к\і құюмен кезектесе жүргізген жөн. Екінші препаратты енгізер алдында бүкіл инфузиялық жүйені тиісті ерітіндімен мұқият шаю керек.

Серваксонды S және аминогликозидті енгізу арлығындағы уақыттық аралық барынша үлкен болуы қажет.

Кумаринмен, индандион туындысымен, гепаринмен, тромболитикалық дәрілермен бір мезгілде қабылдау қан кету қаупін жоғарылатуы мүмкін. Қан ұюының бұзылуында біріктірілген емді сақтықпен тағайындайды. Серваксонмен S емдеу уақытында және ол аяқталғаннан кейін қан ұюының қалыпты деңгейін ұстап тұру үшін антикоагулянттар дозасын түзету қажет.

Ілмектік диуретиктерді Серваксонмен S біріктіріп қабылдау нефроуытты әсер туғызуы мүмкін. Бүйрек ауры бар науқастарға бір мезгілде қолданудан аулақ болған жөн.

Емдеу курсы кезінде алкоголь қабылдағанда және цефоперазонмен ем аяқталғаннан кейін 72 сағ ішінде дисульфирамға ұқсас реакциялар байқалды. Серваксонмен S емдеу уақытында және ол аяқталғаннан кейін 72 сағ бойы алкоголь, құрамында алкоголь бар прпараттарды қолданудан аулақ болған жөн.

Серваксон S аминогликозидтермен, амифостинмен, филграстиммен, лабеталолмен, меперединмен, никардипинмен, ондансетронмен, перфеназинмен, прометазинмен, сарграмостинмен, винорелбинмен фармацевтикалық тұрғыда үйлесімсіз.

Айрықша нұсқаулар

Препаратпен емдеу уақытында науқастарда ауыр аллергиялық (анафилактикалық) реакциялардың дамығаны туралы хабарланған. Мұндай реакциялар сыртартқысында көптеген аллергендерге аса жоғары сезімталдығы бар адамдарда дамиды. Сыртартқысында пенициллинге аллергиялық реакциясы болған науқастарда ауыр реакциялар жағдайы белгілі. Аллергиялық реакциялар дамуы кезінде препаратты жылдам тоқтату және тиісті ем тағайындау қажет. Ауыр анафилактикалық реакциялар шұғыл ем тағайындауды, атап айтқанда адреналин енгізуді қажет етеді. Көрсетілім бойынша оксигенотерапия қолдану, к/і ГКС енгізу, трахеяны интубациялауды қоса алғанда, тыныс алу жолдарының өткізгіштігін қамтамасыз ету ұсынылады.

Басқа да антибиотиктерді қабылдағандағыдай, кейбір пациенттерді цефоперазонмен емдеу К витамині тапшылығының дамуына алып келуі мүмкін. Бұл құбылыстың механизмі, қалыпты жағдайда осы витаминді синтездейтін ішек микрофлорасының бәсеңдеуімен байланысты болуы мүмкін. Осылайша, қауіп тобына тамақтануы шектеулі, сіңу үдерісінің бұзылуы бар (мысалы өт қабы фиброзында) және ұзақ уақыт парентеральді қоректенуде жүрген адамдар кіреді. Мұндай емделушілерде протромбиндік уақытты бақылау керек. Осыған ұқсас бақылауды антикоагулянттармен ем қабылдаушы емделушілерге де жүргізген жөн. Көрсетілген жағдайларда қосымша К витаминін тағайындау қажет. Басқа антибиотиктерді қабылдаған кездегідей, Сульперазонмен ұзаққа созылған емдеу төзімді микрофлораның қарқынды өсуіне әкелуі мүмкін. Емдеу барысында емделушілер дәрігерлік бақылауда болуы қажет. Асқын жұқпалар дамыған кезде препаратты тоқтату қажет және /немесе тиісті ем тағайындау керек. Препаратпен ұзақ емдеу кезінде бүйрек, бауыр және қан түзетін жүйені қоса алғанда, ішкі ағзалардың қызмет көрсеткіштерін мезгіл- мезгіл қадағалау ұсынылады.

Өт жолдарының тарылуында, бауырдың ауыр сипатты ауруларында немесе қатарлас жүретін бүйрек қызметінің бұзылуы бар болса, препараттың дозасын түзету қажет болуы мүмкін.

Емдеу курсы уақытында және цефоперазонмен емді тоқтатқаннан кейін 72 сағат ішінде алкоголь қабылданғанда бет гиперемиясы, қатты тершеңдік, бас ауыруы, тахикардия сияқты реакциялар байқалды. Сондықтан препаратты қабылдау уақытында және оны тоқтатқаннан кейін келесі 3 тәулік бойы спирттік ішімдіктерді қабылдаудан бас тартқан жөн.

Жүктілік және лактация кезеңі

Жүкті әйелдерге және лактация кезеңінде препаратты тек анасы үшін болжанатын пайда ұрық немесе балаға деген қауіптен асып түскен жағдайда ғана қолдануға болады, және маманның қадағалауымен жүргізілуі тиіс.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Ықпал етпейді.

Артық дозалануы

Симптомдары: препаратты пайдалану кезінде тіркелген жағымсыз әсерлерінің көрінісін күтуге болады (жүрек айнуы, құсу, дене температурасының жоғарылауы); бета-лактамды антибиотиктердің жұлын-ми сұйықтығындағы жоғары концентрациясы құрысуды қоса, неврологиялық бұзылуларға алып келуі мүмкін.

Емі : симптоматикалық және демеуші емдеу. Ауыр жағдайларда , әсіресе бүйрек қызметі бұзылуы бар науқастардың артық дозалануында - гемодиализ.

Шығарылу түрі және қаптамасы

1 г және 2 г белсенді зат алюминий қалпақшамен қаусырылған, резеңке тығынмен тұмшаланып тығындалған, I типті шыныдан жасалған шыны құтыға салынған.

1, 10, 25 құтыдан медицинада қолданылуы жөніндегі мемелекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылы

Өндіруші

Самрудх Фармацеутикалз Пвт.Лтд

J-174, M.I.D.C., Tarapur, Boisar, Dist. Thane – 401 506, India

Тел: +9122 28725367/ 28773023

Факс: +9122 28725367

ho@samrudhpharma.com 

Тіркеу куәлігінің иесі

Фармасерв Солюшинс Пвт.Лтд

B-518-519, Nandadham Building, 5th floor, Plot No. 59, Sector 11, CBD Belapur – 400 614

Тел: +9122 67938583/ 86

Факс: +9122 27573221

sameer.p@pharmaserv.in

Қазақстан Республикасы аумағында тұтынушылардан өнімнің сапасы жөніндегі шағымдарды қабылдайтын ұйымның мекенжайы:

Алматы қ, Мұратбаев к-сі, 91 үй, 52 кеңсе

тел: +7705-170-88-76 сompleteasia@gmail.com