Сенаде (13.5 мг)

• русский
• қазақша

• Скачать инструкцию медикамента

Саудалық атауы

Сенаде

Халықаралық патенттелмеген атауы

Жоқ

Дәрілік түрі

13,5 мг таблеткалар

Құрамы

Бір таблетканың құрамында

белсенді зат – 15% кальций сеннозиді ..................... 90,00 мг

(А және В сенозидтердің кальций тұзына 13,5 мг сеннаға баламалы),

қосымша заттар: лактоза, жүгері крахмалы, микрокристалды целлюлоза, тазартылған тальк, метилпарагидроксибензоат, магний стеараты, натрий лаурилсульфаты, натрий кармеллозасы.

Сипаттамасы

Дөңгелек пішінді, беті тегіс, қоңыр немесе күңгірт-қоңыр түсті, бір жақ бетінде ойығы, сызығы және басқа жақ бетінде «Cipla» өрнегі бар таблеткалар

Фармакотерапиялық тобы

Іш жүргізгіштер. Жанаспалы іш жүргізгіштер. Пішен гликозидтері.

ATХ коды A06AВ06

Фармакологиялық қасиеттері

Фармакокинетикасы

Препараттың әсер етуші заты (пішен антрогликозидтерінің метаболиттері) іс жүзінде сіңбейді дерлік, негізінен нәжіспен бірге және аздаған мөлшері несеппен бірге шығарылады. Тоқ ішекте ішек флорасының әсер етуімен сеннозидтердің үлкен мөлшері фармакологиялық тұрғыдан белсенді бос антрахинондарға гидролизденеді. А сеннозидтерінің жүйелік биожетімділігі ‹ 5%. Іш жүргізгіш әсері препаратты қабылдағаннан кейін 8 - 10 сағаттан соң басталады.

Фармакодинамикасы

Іш жүргізгіш әсері тоқ ішектің рецепторларына әсер ету салдарынан ішектің жиырылуының рефлекторлы түрде күшеюімен жүзеге асады. Ішектің қалыпты микрофлорасының ферменттік жүйесінің қатысуымен сенозидтерден түзілген өнімдер шырышты қабықтың рецепторларына тікелей әсерін тигізеді. Бұдан басқа, препарат ішектің ішіндегі зат көлемінің ұлғаюына жағдай жасайды және тоқ ішектің жиырылуын жылдамдатады. Бұл натрий иондарының, судың, D-ксилозаның сіңуінің төмендеуімен және ішек кеңістігінде, оның қабырғаларында Е2 простаглиндині концентрациясының артуы арқылы, натрий және су секрециясының стимуляциялануымен жүзеге асады.

Қолданылуы

• созылмалы іш қатуларда

• геморройда, проктитте, анус сызатында нәжісті реттеуге

• рентгенологиялық зерттеуге дайындауға.

Қолдану тәсілі және дозалары

Ішке әдетте кешкі ұйқыға жатар алдында тәулігіне 1 рет қабылдайды.

Ересектер және 12 жастан асқан балалар: ұйқыға жатар алдында 1 таблеткадан, сумен немесе қандай да болсын сусынмен ішіп қабылдау керек. Ең жоғары тәуліктік доза – 3 таблетка.

6-12 жастағы балалар: ұйқыға жатар алдында ½ таблеткадан. Ең жоғары тәуліктік доза – 2 таблетка.

Емдеу барысында таңдап алынған белгілі бір дозаны бірнеше күн қабылдаған және оны біртіндеп ½ таблеткаға дейін арттырып отырған жөн. Егер ең жоғары дозадан кейін 3 күн ішінде дефекация жүрмесе, дәрігерге қаралу қажет.

Жағымсыз әсерлері

Ықтимал:

- іште шаншу тәрізді ауыру, метеоризм

- нәжіспен электролиттердің, негізінен калийдің жоғалуы және су-электролиттік алмасудың бұзылуы;

- альбуминурия, гематурия, ішектің шырышты қабығында меланиннің жиналып қалуы;

- жүректің айнуы, құсу, диарея, несептің түссізденуі, тері бөртпесі;

- құрысулар, қантамырлық коллапс (ұзақ уақыт әсіресе жоғары дозаларда қолданғанда).

Қолдануға болмайтын жағдайлар

- пішен гликозидтеріне және препараттың басқа да компоненттеріне жоғары сезімталдық;

- спастикалық іш қату, ішек бітелісі, шығу тегі белгісіз іштің ауыруы;

- жарықтың қысылып қалуы;

- асқазан мен он екі елі ішектің пептикалық ойық жарасы;

- ішектің және құрсақ қуысының жедел қабыну аурулары, перитонит;

- асқазан-ішектік қан кетулер;

- жатырлық қан кетулер;

- цистит;

- су-электролиттік алмасудың бұзылуы;

- 6 жасқа дейінгі балалар.

Дәрілермен өзара әрекеттесуі

Сенадені жоғары дозаларда ұзақ қолданғанда жүрек гликозидтерінің әсері және, гипокалиемияның пайда болуы мүмкін екендігіне байланысты, аритмияға қарсы препараттардың әсеріне ықпалы күшеюі мүмкін.

Тиазидтік диуретиктермен, глюкокортикоидтармен, мия тамырының препараттарымен бір мезгілде қолданғанда гипокалиемияның пайда болу қаупі артады. Тетрациклиндердің сіңуін бұзады.

Айрықша нұсқаулар

Препаратты бауыр және/немесе бүйрек ауруларында, қуыстық операция жасағаннан кейін қабылдағанда сақ болған жөн.

Препаратты 2 аптадан артық қолдануға болмайды.

Препаратты қабылдағаннан кейін несеп сары-қоңыр немесе қызыл-ақшыл көк түске боялуы мүмкін.

Жүктілік және лактация кезеңі

Препаратты жүктілік және емшек емізу кезінде сақтықпен қолданған жөн. Сүтпен бірге бөлініп шығатын антрахинон туындылары балаларда диареяны туындатады.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Препарат автомобильді жүргізу және техникамен жұмыс жасау қабілетіне ықпал етпейді. Алайда препаратқа жекелей реакцияны тексеріп көру қажет.

Артық дозалануы

Симптомдары: сусыздануға әкеп соғатын диарея.

Емі: консервативті шаралар — қабылданатын сұйықтықтың мөлшерін ұлғайту. Бұл әдетте жоғалған сұйықтық пен электролиттердің орнын толтыру үшін жеткілікті. Кейбір жағдайларда жоғалған сұйықтық пен электролиттердің орнын плазманың орнын алмастырғыштарымен к/і инфузия жәрдемімен толтыруға тура келеді.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға 20 таблеткадан салынған.

Пішінді 25 қаптама медицинада қолданылуы жөнінде мелекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

Жарамдылық мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханадан босатылу шарттары

Рецептісіз

Өндіруші

«Cipla Ltd.» (Ципла Лтд.), Үндістан

Meditab Spl.Pvt.Ltd., 352, Kundaim Indl.Estate, Kundaim, Goa, 403 115

Тіркеу куәлігінің иесі

«Cipla Ltd.» (Ципла Лтд.), Үндістан

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

Қазақстандағы «Авицена Лтд» компаниясы

050002, Алматы қ., Жангелдин к-сі 31, «Жар-Су» бизнес орталығы, 416 кеңсе

Тел: (8727) 357-23-87/88/89

E-mail: direct@avitsena.kz