Свич 200 (Цефподоксим)

Свич 200

Цефподоксим

Дәрілік түрі, дозасы

Үлбірлі қабықпен қапталған таблеткалар, 200 мг

Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бета-лактамды бактерияға қарсы басқа препараттар. Үшінші буын цефалоспориндері. Цефподоксим

АТХ коды J01DD13

Цефподоксим сезімтал микроорганизмдерден туындаған мынадай инфекцияларды емдеу үшін тағайындалады:

- синусит;

- тонзиллит және фарингит;

Жоғарыда көрсетілген көрсетілімдер бойынша цефподоксимді қайталанатын немесе созылмалы инфекцияларға немесе қоздырғышы белгілі немесе әдетте пайдаланылатын антибиотиктерге төзімді болып табылатын инфекциялар үшін немесе әдетте қолданылатын антибиотиктер жағдайында қандай да бір себептермен қолдануға болмайды.

- жедел бронхит;

- созылмалы бронхиттің өршуі;

- ауруханадан тыс пневмония;

Цефподоксим стафилококкты пневмонияны емдеуге қолайлы антибиотик болып табылмайды және Legionella, Mycoplasma және Chlamydia сияқты микроорганизмдерден туындаған атипиялық пневмонияны емдеуде пайдаланылмауы тиіс.

Бактерияға қарсы дәрілерді тиісінше пайдалану туралы ресми нұсқауларды ескерген жөн.

Қолдану басталғанға дейін қажетті мәліметтер тізбесі

- цефалоспориндер тобындағы антибиотиктерге, пенициллиндерге, бета-лактамды антибиотиктерге және препарат құрамына кіретін компоненттерге жоғары сезімталдық

- 18 жасқа дейінгі балалар

- тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы

- жүктілік және лактация кезеңі

Қолдану кезінде қажетті сақтық шаралары

Аса жоғары сезімталдық реакциялары

Цефподоксиммен емдеуді бастағанға дейін пациентте анамнезінде цефподоксимге, басқа цефалоспориндерге, пенициллинге, бета-лактамды антибиотиктерге немесе басқа препараттарға аса жоғары сезімталдық реакциясының болуын анықтау мақсатында мұқият тексеру жүргізу қажет.

Цефподоксимді бұрын кез келген цефалоспоринге аса сезімталдығы болған пациенттерге қолдануға болмайды.

Бета-лактамды антибиотиктерді қолдану кезінде байқалатын аса жоғары сезімталдық реакциялары (анафилаксия) ауыр және кейде өліммен аяқталуы мүмкін. Цефподоксим проксетиліне аса жоғары сезімталдықтың алғашқы белгілері пайда болған кезде препаратты қабылдауды тоқтатып, тиісті емдеуді бастау қажет.

Басқа дәрілік препараттармен өзара әрекеттесуі

Клиникалық зерттеулер дәрілік заттардың клиникалық маңызды өзара әрекеттесуін анықтаған жоқ.

Антацидтер және H2 гистаминінің антогонистері

H2 гистамині антагонистері цефподоксимнің биожетімділігін төмендетеді. Үлкен дозаларда антацидтерді (натрий бикарбонаты және алюминий гидроксиді) немесе H2-блокаторларды (ранитидин) қабылдау цефподоксимнің әсерін 30%-ға төмендетуі мүмкін. Сондықтан цефподоксим мен осы препараттарды қабылдау арасындағы аралық 2-3 сағатты құрауы керек.

Керісінше, асқазан сөлінің рН (пентагастрин) деңгейінің төмендеуі биожетімділіктің жоғарылауын тудырады. Клиникалық салдары толық анықталмаған.

Пробенецид цефалоспориндердің шығарылуын төмендетеді.

Ішке қабылдау үшін антихолинергиялық препараттармен бір мезгілде қабылдау цефподоксим плазмасында (Тмах) ең жоғары концентрацияға жету уақыты кешіктіріледі, препараттың сіңу дәрежесі (AUC) өзгеріссіз қалады.

Антикоагулянттық препараттар

Цефалоспориндер кумариннің антикоагулянттық әсерін арттырады.

Цефподоксимді варфаринмен бір мезгілде қабылдағанда антикоагулянттық әсері күшеюі мүмкін. Сондықтан цефподоксимді оральді антикоагулянттармен бірге қабылдау кезінде және одан кейін халықаралық қалыптасу коэффициентін (INR) бақылау қажет.

Цефалоспориндер эстрогеннің контрацептивтік әсерін төмендетеді.

Цефподоксимнің биожетімділігі тамақпен бірге қабылдаған кезде артады.

Зертханалық диагностикалық тестілерге әсері.

Цефалоспориндер, соның ішінде цефподоксим проксетилі кейде Кумбс тесті тікелей оң нәтижесін тудыруы мүмкін.

Несептегі глюкозаға жалған-оң реакция Бенедикт немесе Фелинг реактивтерін пайдалану кезінде немесе мыс сульфаты таблеткаларымен талдау кезінде туындауы мүмкін, алайда энзимді глюкозооксидазалық реакцияларға негізделген тестілерді жүргізу кезінде туындамайды.

Арнайы ескертулер

Терінің жағымсыз реакциялары

Басқа цефалоспориндер сияқты, буллезді бөртпелер (эритема мультиформалы, Стивенс-Джонсон синдромы, Лайелл синдромы) байқалды. Теріге және / немесе шырышты қабаттарға зақым келген жағдайда науқастар емдеуді жалғастырмас бұрын дереу дәрігермен кеңесу керек.

Энцефалопатия

Цефподоксимді қоса, бета-лактамдар пациентті энцефалопатия қаупіне (ұстамалар, сананың шатасуы, естің бұзылуы немесе қалыптан тыс қимылдар болуы мүмкін) және, атап айтқанда, артық дозаланғанда немесе бүйрек функциясы бұзылғанда бейім етеді.

Цефалоспориндермен сирек кездесетін бұл жағдай емдеуді дереу тоқтатуды және тиісті антибиотикалық терапияны (ванкомицин) бастауды талап етеді. Бұл жағдайда сіз нәжістің тоқырауына ықпал ететін тағамдарды қабылдаудан мүлдем аулақ болуыңыз керек.

Бүйрек жеткіліксіздігі

Бүйректің ауыр жеткіліксіздігі жағдайында креатинин клиренсіне байланысты цефподоксим дозасын төмендету қажет.

Асқазан-ішек жолдарының аурулары

Цефподоксимді, әсіресе анамнезінде колит болған асқазан-ішек жолдарының аурулары бар пациенттерге әрдайым сақтықпен қолдану керек. Цефподоксим диареяны, антибиотикпен байланысты колитті және жалған жарғақшалы колитті тудыруы мүмкін. Бұл диагноздарды емдеу кезінде немесе одан кейін көп ұзамай диареямен ауыратын кез келген пациентте ескерген жөн. Цефподоксимді ауыр жағдайларда және / немесе емдеу және қан аралас диарея байқалғанда тиісті ем тағайындау кезінде тоқтату керек.

Қан мониторингі

Бета-лактамаза антибиотиктерімен ұзақ емдегенде нейтропения немесе сирек агранулоцитоз пайда болуы ықтимал. Егер емдеу 10 күннен астам уақытқа созылса, қан талдауын жасау керек. Нейтропения пайда болған кезде емдеу тоқтатылуы тиіс.

Цефалоспориндер эритроциттер жарғақшасының беткейіне сіңірілуі және антиденелердің қалыптасуы басталуы мүмкін. Бұл оң Кумбс реакциясына және сиректеу гемолиздік анемияға әкелуі ықтимал. Бұл реакция кезінде пенициллинмен айқаспалы реакция пайда болуы мүмкін.

Зертханалық зерттеулермен өзара әрекеттесу

Цефалоспориндер эритроциттер жарғақшасының бетіне сіңіп, антиденелердің түзілуі басталуы мүмкін. Бұл Кумбс сынағының оң нәтижесіне және сирек гемолитикалық анемияға әкелуі мүмкін. Бұл реакция пенициллинмен айқаспалы реакцияны тудыруы мүмкін.

Жалған оң реакция несепті глюкоза қалпына келтіретін заттармен тексергенде пайда болуы мүмкін, бірақ глюкоза оксидаза әдістерін қолданғанда емес.

Бүйрек функциясы

Цефподоксимді нефроуытты препараттармен (аминогликозидтер және/немесе күшті әсер ететін диуретиктер) қолданғанда бүйрек функциясында өзгерістер болуы мүмкін. Мұндай жағдайларда бүйрек функциясын бақылап отыру қажет.

Ұзақ қабылдау

Цефподоксимді ұзақ қабылдаған кезде, басқа антибиотиктерді қабылдаған кезде, зеңдерден (мысалы,Candida) туындаған суперинфекциялар және К дәрумені тапшылығы симптомы (қан кету) немесе В дәрумені тапшылығы (стоматит, глоссит, неврит, анорексия және т.б.) дамуы мүмкін.

Фруктоза жақпаушылығы, глюкоза-галактоза мальабсорбциясы

Бұл дәрілік препараттың құрамында лактоза бар. Тұқым қуалайтын галактоза жақпаушылығы, Лапп лактаза жеткіліксіздігі немесе глюкоза-галактоза мальабсорбциясының сирек жағдайларында бұл дәріні қабылдауға болмайды.

Жүктілік және лактация кезінде

Жүктілік кезінде әйелдерде Свич 200 қолдану туралы деректер шектеулі. Ықтимал қауіптерді ескере отырып, жүктілік кезінде сақтықпен қолдану керек.

Лактация кезеңі

Цефподоксим емшек сүтіне өтеді. Емшек сүтімен қоректенетін нәрестелерде елеулі реакция болу мүмкіндігіне байланысты, препараттың ана үшін маңыздылығын ескере отырып, емшек емізуді тоқтату немесе препарат қабылдауды тоқтату туралы шешім қабылдануы тиіс.

Дәрілік заттың автокөлікті және қауіптілігі зор механизмдерді басқару қабілетіне әсер ету ерекшеліктері.

Көлік құралын және қауіптілігі зор механизмдерді басқару кезінде сақ болу ұсынылады, өйткені жекелеген адамдарда ұйқышылдық және бас айналу тіркелген.

Қолдану бойынша ұсынымдар

Ересектер үшін цефподоксимнің мынадай дозалары ұсынылады:

Синуситті емдеу: 200 мг-ден тәулігіне 2 рет

Тонзилит пен фарингитті емдеу: 100 мг-ден тәулігіне 2 рет

Жедел бронхит, созылмалы бронхиттің өршуі, ауруханадан тыс пневмония: 100-200 мг-ден тәулігіне 2 рет.

Пациенттердің ерекше топтары:

Бауыр функциясының бұзылуы

Бауыр жеткіліксіздігі бар науқастар үшін дозаны өзгерту қажет емес

Егде жастағы пациенттер

Бүйрек функциясы қалыпты егде жастағы адамдарға дозаны өзгерту қажет емес.

Бүйрек функциясының бұзылуы:

Қолдану тәсілі

Свич 200 тамақтану кезінде ішке қабылданады.

Емнің ұзақтығы

Емдеу ұзақтығы аурудың ауырлығына байланысты және жекелей анықталады.

Артық дозалану жағдайында қабылдануы қажет шаралар

Симптомдары: жүрек айну, құсу, асқазандағы жайсыздық және диарея. Бүйрек жеткіліксіздігі бар пациенттерде энцефалопатия пайда болуы мүмкін. Энцефалопатия плазмадағы цефподоксим деңгейі төмендегенде, негізінен қайтымды.

Емі: Демеуші және симптоматикалық емдеу ұсынылады.

Күрделі уытты реакция жағдайында гемодиализ немесе перитонеальді диализ цефподоксимді организмнен шығаруға, әсіресе бүйрек функциясы бұзылған кезде көмектесе алады.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Дәрілік препаратты қабылдамас бұрын дәрігермен кеңесіңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жағымсыз реакциялар жиілігінің сандық критерийлері және жүйелік-ағзалық жіктеуге сәйкес және олардың туындау жиілігіне қарай жағымсыз реакциялардың жіктелуі (жағымсыз құбылыстардың жиілігін айқындау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)

Өте жиі

- бас ауыруы

- іштің ауыруы, диарея

Жиі

- бас айналуы

- жүрек айнуы, құсу

- бөртпе, есекжем, қышыну

- құлақтың шуылдауы

- зертханалық көрсеткіштердің қайтымды өзгерістері (АСТ, АЛТ, ГГТ, сілтілік фосфатаза, билирубиннің қысқа мерзімді артуы)

Жиі емес

- дімкәстік, астения

- энтероколит

- нейтропения

- анафилаксиялық реакциялар, бронх түйілуі

Сирек

- гемоглобиннің төмендеуі, тромбоцитоз, тромбоцитопения, лейкопения, эозинофилия

- қан сарысуындағы креатинин және мочевина деңгейінің аздап жоғарылауы

Белгісіз

- гемолиздік анемия

- мультиформалы эритема, Стивенс-Джонсон синдромы, уытты эпидермиялық некролиз (Лайелл синдромы)

- пурпура, буллезді дерматит

- анафилаксиялық шок және ангионевроздық ісіну

- қандағы билирубиннің жоғарылауы, бауырдың зақымдануы, бауырдың холестаздық зақымдануы

- сезімтал емес микроорганизмдердің көбеюі

- суперинфекция

- гематохезия, жалған жарғақшалы колит, Clostridium difficile-ден туындаған колит

- агронулоцитоз, эозинофилия, тромбоцитопения, гемолитикалық анемия

- құлақтың және лабиринттің бұзылуы

- парестезия

- энцефалопатия (ұстамалар, абыржу, естің бұзылуы немесе қалыптан тыс қимылдар)

- цефподоксиммен бірдей емдік класына жататын антибиотиктермен, әсіресе күшті аминогликозидтермен және / немесе диуретиктермен біріктірілген бүйрек функциясының бұзылуы туралы хабарланған

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – цефподоксим проксетилі

200.00 мг цефподоксимге баламалы

қосымша заттар: лактоза моногидраты, кальций карбоксиметилцеллюлозасы, натрий лаурилсульфаты, кросповидон, коллоидты кремнийдің қостотығы, төмен орын басқан гидроксипропилцеллюлоза, магний стеараты,

үлбірлі қабықтың құрамы:Opadry Orange (03F530057)*

* Құрамы: Гипромеллоза, титанның қостотығы (Е171), макрогол, FD & C сары №6/күн батар түстес сары (Е110), FD & C сары №5 / тартразин (Е102), темірдің сары тотығы (Е172))

Сыртқы түрінің, иісінің, дәмінің сипаттамасы

Пішіні капсула тәрізді, бір жағында "А57" өрнегі бар, екінші жағында тегіс беткейлі, қызғылт сары түсті үлбірлі қабықпен қапталған таблеткалар.

Шығарылу түрі және қаптамасы

20 таблеткадан полиэтиленді бұрандалы қақпақпен тығындалған, ПЭНД-тан жасалған құтыға салады. Құтыға өздігінен жабысатын қағаз заттаңба жапсырылады. Құтының қақпағына медициналық қолдану жөніндегі қазақ және орыс тілдеріндегі бүктелген нұсқаулық жапсырылады.

2 жыл

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 25 °C-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Alkem Laboratories Ltd, Үндістан

Alkem House «Devashish»

Senapati Bapat Marg

Lower Parel

Mumbai – 400013, India

Phone +91-22-39829999

Fax +91-22-24952955

Email: contact@alkem.com

Тіркеу куәлігінің ұстаушысы

Alkem Laboratories Ltd, Үндістан

Alkem House «Devashish»

Senapati Bapat Marg

Lower Parel

Mumbai – 400013, India

Phone +91-22-39829999

Fax +91-22-24952955

Email: contact@alkem.com

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«The Pharma Network» («Зэ Фарма Нэтворк») ЖШС

Алматы қ., Қонаев к-сі, 21Б,

«Сәт» бизнес орталығы, 43 кеңсе

Телефон нөмірі+7 727 244 66 11

+77715065566

Электронды пошта: rgm@tpnalkem