Рутацид®

• русский
• қазақша

• Скачать инструкцию медикамента

Саудалық атауы

Рутацид®

Халықаралық патенттелмеген атауы

Гидроталцит

Дәрілік түрі

Шайнайтын таблеткалар, 500 мг

Құрамы

Бір таблетканың құрамында

белсенді зат - 500 мг гидроталцит бар,

қосымша заттар: маннитол, натрий сахарині, натрий крахмалы гликоляты (A типі), тальк, магний стеараты, масақты жалбыз хош иістендіргіші.

Сипаттамасы

Дөңгелек пішінді, ақ немесе ақ дерлік түсті, шеттері қиғаш және жалбыздың әлсіз иісі бар таблеткалар

Фармакотерапиялық тобы

Қышқылдылықтың бұзылуымен байланысты ауруларды емдеуге арналған препараттар. Антацидтер. Алюминий, кальций және магний препараттарының біріктірілімі. Гидроталцит.

АТХ коды A02AD04

Фармакологиялық қасиеттері

Фармакокинетикасы

Гидроталцит ұсынылатын дозаларында іс жүзінде асқазан-ішек жолында сіңбейді.

Гидроталцитті қолданғаннан кейінгі қан сарысуындағы кальций, фосфор, магний және алюминий концентрацияларының өзгеруі анықталмаған. Бүйрек функциясы қалыпты болса, гидроталцитті қолдану минералдар концентрацияларының бұзылуларына немесе сарысудағы алюминий мөлшерінің артуына алып келмейді.

Алюминийдің шығарылуының төмендеуіне байланысты, бүйрек дисфункциясы бар емделушілерде антацидтің жоғары дозаларымен сақ болу қажет. Асқазан сөлі қышқылымен реакциядан кейін, алюминий иондары алюминий хлоридіне айналады, ол азғантай мөлшерлерде сіңеді және несеппен бөлініп шығады. Сіңірілмеген бөлігі ішекте ерімейтін фосфаттарға, карбонаттарға және сабынға өзгереді және организмнен нәжіспен шығарылады.

Фармакодинамикасы

Рутацидтің® құрамында гидроталцит бар, ол жүйелі емес антацидтерге жататын магний алюминий, кристалды гидроксикарбогидрат (Mg6Al2 (OH) 16CO3.4 H2O) түрінде келеді. Асқазан қышқылын бейтараптандырудан басқа, гидроталцит қорғаныс механизмдерін арттырады және шырышты қабықты зиянды факторлардан қорғайды. Сонымен қатар, ол асқазан мен он екі елі ішек зақымдануларының жазылуын жеделдетеді. Қосылыстың жақсы бейтараптандырғыш қасиеті құрылымның ерекше кеңістікті торына негізделген. Гидроталцит асқазан қышқылының артық мөлшерін тез бейтараптандырады және ұзақ әсер етеді. Магний және алюминий иондары тор құрылымынан біртіндеп, асқазандағы қышқыл мөлшеріне байланысты босап шығады және рН қышқылдылығын 3 және 5 аралығында реттеп отырады. Асқазандағы рН 4-тен жоғарыласа, гидроталцит кекірік кезінде он екі елі ішектен асқазанға өтетін және цитоуытты әсер ететін өт қышқылдары мен лизолецитиннің күшті байланыстырғышы болып табылатын пепсиннің белсенділігін жояды. Гидроталцит шырышты қабықтағы простагландиндердің эндогендік синтезін өзгертуі мүмкін. Шырышты қабыққа қорғағыштық әсер беретін PGE2 және PGF 2α простагландиндері синтезделген болып табылады, бірақ осымен бір мезгілде, ульцерогендік әсер беретін тромбоксан В2 синтезі төмендейді. Гидроталцит жасушалардың пролиферациясын, эпителизациясын, ангиогенезін және ойық жараның жазылуын стимуляциялайтын шырышты қабықтағы өсу факторының секрециясын айтарлықтай арттырады. Бұдан өзге, алюминий иондары ойық жара тұсында іркіледі, бұл оның жазылуына ықпал етеді. Гидроталциттің бейтараптандырғыш қабілеті 30 мг-экв жуықты құрайды. Клиникалық зерттеулер ойық жараны құрамында алюминий бар антацидтердің төмен дозаларымен, күн сайын қышқылды 120 ммольге дейін бейтараптандырумен емдеудің тиімділігін растады.

Қолданылуы

Стрестердің, дұрыс тамақтанбаудың, алкогольді немесе қабынуға қарсы стероидты емес препараттарды (ҚҚСП) шамадан тыс пайдаланудың нәтижесіндегі асқазан сөлінің шамадан тыс секрециясымен байланысты симптомдарды басу немесе жеңілдету үшін:

- эпигастрийдегі жайсыздық пен ауыруда, кекірікте, қыжылда

- жедел гастритте, секреторлық функциясы жоғары, өршу сатысындағы созылмалы гастритте

- асқазан мен он екі елі ішектің ойық жаралы ауруында

Қолдану тәсілі және дозалары

Шайнайтын таблеткаларды тұтастай жұтпаған жөн, оларды мұқият шайнау керек

Ересектер

Ұсынылатын дозасы тәулігіне 3 - 4 рет, тамақтан кейін бір сағаттан соң және ұйықтар алдында 1 - 2 таблетканы құрайды. Үзіп-үзіп қолданғанда (мысалы, емдәмнен ауытқулардан кейінгі жайсыздық кезінде) 1-2 таблеткадан бір рет қабылдайды.

Егде жастағы емделушілер мен бауыр функциясының бұзылулары бар емделушілерге дозасын түзету қажет емес.

Бүйрек функциясының бұзылуы бар емделушілерге Рутацидті® тек қысқа уақытқа және төмен дозаларда ғана тағайындауға болады.

Балалар

6 жастан 12 жасқа дейінгі балалар үшін ұсынылатын дозасы күніне 2 рет ересектерге арналған дозасының жартысын (½-ден 1 таблеткаға дейін) құрайды, әдетте, тамақтан кейін бір сағаттан соң және ұйықтар алдында немесе аурудың симптомдары туындағанда.

Емдеу ұзақтығы жекелей анықталады.

Жағымсыз әсерлері

Жоғары дозаларда:

- нәжістің жұмсаруы, нәжіс шығару жиілігінің артуы, құсу, диарея

- сарысудағы фосфор деңгейінің төмендеуі, гипермагниемия

- аллергиялық реакциялар

Бүйрек жеткіліксіздігі бар емделушілерде ұзақ емдеу сүйектердің жұмсаруымен және энцефалопатиямен жүретін алюминиймен уыттануға алып келуі мүмкін.

Ауыр жағымсыз әсерлер туындаса, емдеуді тоқтату керек.

Қолдануға болмайтын жағдайлар

- гидроталцитке және басқа компоненттеріне жоғары сезімталдық

- бүйректің ауыр жеткіліксіздігі

- гипофосфатемия

- ауыр миастения

Дәрілермен өзара әрекеттесуі

Гидроталцит гликозидтер, тетрациклиндер немесе хинолон туындылары (офлоксацин, ципрофлоксацин), агенттерді бөгейтін Н2-рецепторлар, кумарин, натрий фториді, фторидхенодезоксихолат сияқты препараттардың сіңірілуіне әсер етеді, соған байланысты оларды бір мезгілде қолдану ұсынылмайды.

Әдетте, басқа препараттарды кемінде Рутацидті® қабылдағаннан кейін 1-ден 2 сағатқа дейін қабылдау керек.

Айрықша нұсқаулар

Бүйрек функциясының бұзылулары бар емделушілерде (атап айтқанда, гемодиализдегі емделушілерде), Альцгеймер ауруы бар немесе ақыл-ой кемістігінің басқа түрлері бар емделушілерде, сондай-ақ фосфор құрамы төмен емдәмдегі емделушілерде жоғары дозалары мен ұзақ қолданылуын болдырмау керек.

Рутацидті® алюминий гидроксидінің ішекте сіңуі жоғары болғандықтан, құрамында қышқыл бар өнімдермен (шарап, жеміс шырыны, ...) бір мезгілде қабылдау ұсынылмайды. Препараттың құрамында сахароза жоқ, диабетпен емделушілерге тағайындауға болады.

Рутацид® 6 жастан кіші балаларға ұсынылмайды, өйткені қауіпсіздігі мен тиімділігі анықталмаған.

Жүктілік және лактация

Рутацидтің® жүктілік және бала емізу кезеңіндегі жағымсыз әсерлері туралы мәліметтерге дәлелдер жоқ. Препаратты жүктілік кезінде дәрігермен кеңескеннен кейін қабылдауға болады. Препараттың емшек сүтіне өтетіні туралы мәліметтер жоқ, сондықтан бала емізетін аналар препаратты қабылдай алады.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері.

Рутацид® көлік құралын және басқа қауіптілігі зор механизмдерді басқару қабілетіне әсер етпейді.

Артық дозалануы

Артық дозаланған жадайлар туралы деректер жоқ.

Шығарылу түрі және қаптамасы

10 таблеткадан поливинилхлоридті/ поливинилдихлоридті (ПВХ/ПВДХ) үлбірден және алюминий фольгадан жасалған пішінді ұяшықты қаптамаға салады.

2 немесе 6 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салынады.

Сақтау шарттары

30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау шарттары

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

КРКА, д.д. Ново место, Словения

Шмарьешка 6, 8501 Ново место, Словения

Тіркеу куәлігінің иесі

КРКА, д.д., Ново место, Словения

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«КРКА Қазақстан» ЖШС, ҚР, 050059, Алматы қ., Әл-Фараби д-лы 19,

1б корпусы, 2-ші қабат, 207 кеңсе

тел. 8 (727) 311-08-09, факс 8 (727) 311-08-12

info.kz@krka.biz