Роталуд

Роталуд

Тизанидин

Таблеткалар 2 мг, 4 мг

Бір таблетканың құрамында

Белсенді зат: 2 мг немесе 4 мг тизанидин (тизанидин гидрохлориді түрінде).

Қосымша заттар: лактоза моногидраты/ұнтақ тәрізді целлюлоза, микрокристалды целлюлоза (102 тип), желатинделген крахмал, сусыз коллоидты кремнийдің қостотығы, стеарин қышқылы.

Дөңгелек пішінді, екі беті дөңес, бір жағында «R2» өрнегі бар, ақтан сарғыш-ақ түске дейінгі таблеткалар (2 мг доза үшін)

Дөңгелек пішінді, бір жағының беткейі дөңес және «R2» өрнегі бар және екінші жағының беткейі жалпақ, ойығы мен крест тәрізді сызығы бар, ақтан сарғыш-ақ түске дейінгі таблеткалар (4 мг доза үшін)

Сүйек-бұлшықет жүйесі. Миорелаксанттар. Орталықтан әсер ететін миорелаксанттар. Орталықтан әсер ететін басқа препараттар.

ATХ коды M03BX02

Фармакокинетикасы

Сіңірілуі

Тизанидин дозаны қабылдаудан кейін шамамен 1 сағат өткенде тез сіңіріліп, плазмада ең жоғары концентрацияларына жетеді.

Таралуы

Тизанидин плазма ақуыздарымен 30% ғана байланысады және жануарларда жүргізілген зерттеулерде гематоэнцефалдық бөгет арқылы жылдам өтеді. Вена ішіне қолданудан кейін тепе-тең күйде орташа таралу көлемі (VSS) 2,6 л/кг құрайды.

Биотрансформация

Тизанидиннің жақсы сіңірілуіне қарамастан, жүйе алдындағы метаболизм қан плазмасынан шығатын заттың жетімділігін венаішілік дозаның 34% дейін шектейді. Тизанидин бауырда тез және қарқынды метаболизмге ұшырайды. Тизанидин көбінесе P450 цитохромының 1А2 изоферменті арқылы in vitro метаболизденеді.

Шығарылуы

Метаболиттер көбінесе бүйрек арқылы (қабылданған дозаның 70% жуығы) шығарылып, белсенді емес күйде болады. Бастапқы заттың бүйрекпен шығарылуы тәулігіне 3 рет 5 мг дозасын қабылдаудан кейін 53% және 4 мг дозасын қабылдаудан кейін 66% жуық құрайды. Қан плазмасынан тизанидиннің жартылай шығарылу кезеңі 2-4 сағат құрайды.

Дозаға байланысы

Тизанидин 4 мг-ден 20 мг дейінгі дозалар диапазонында дозаға байланысты фармакокинетикасын танытады. Фармакокинетикалық параметрлерінің (Cmax және AUC) жекешеаралық төмен өзгергіштігі ішу арқылы қолданудан кейін қан плазмасындағы деңгейлерін сенімді болжауға мүмкіндік береді.

Пациенттердің ерекше топтарындағы сипаттамалары

Тизанидиннің фармакокинетикалық параметрлері пациенттің жыныс ерекшелігіне байланысты емес. Бүйрек жеткіліксіздігі бар (креатинин клиренсі < 25 мл/мин) пациенттерде плазмадағы заттың ең жоғары орташа деңгейлері екі есе жоғары, ал терминалдық жартылай шығарылу кезеңі шамамен 14 сағатқа дейін ұзарып, аса жоғары (орта есеппен 6 есе) AUC мәндеріне әкелді.

Ас ішу әсері

Бір мезгілде ас ішу тизанидин таблеткаларының фармакокинетикалық бейініне клиникалық мәнді әсерін көрсетпейді.

Фармакодинамикасы

Тизанидин орталықтан әсер ететін қаңқа бұлшықеттерінің релаксанты болып табылады. Препараттың негізгі әсер ететін жері жұлын-ми: қолда бар айғақтар пресинапстық альфа2-рецепторларды көтермелеу арқылы N-метил-D-аспартат (NMDA) рецепторлары көтермелейтін қоздырғыш амин қышқылдарының босап шығуын препараттың бәсеңдетуін көрсетеді. Осы орайда шектен тыс жоғары бұлшықет тонусына жауап беретін жұлын интернейрондары деңгейінде дабылдардың полисинапстық берілуі бәсеңдейді, ал бұлшықет тонусы төмендейді. Тизанидин қаңқа бұлшықеттеріне, жүйке-бұлшықет жалғамына немесе моносинапстық жұлын рефлекстеріне тікелей әсерін көрсетпейді. Миорелаксанттық қасиеттерінен тыс, тизанидин орташа айқын орталық анальгетиктік жауабын көріністейді.

Адамда тизанидин баяу қимылдардың орындалуын кедергілеуді қоса, патологиялық жоғары бұлшықет тонусын төмендетеді және ауырсындыратын түйілуді және бұлшықеттердің жиырылуын азайтады.

- ауырсындыратын бұлшықеттердің түйілуі;

- жайылған склероз салдарынан түйілу;

- жұлын-ми зақымдануы салдарынан түйілу;

- ми зақымданулары салдарынан түйілу.

Роталуд ішке қабылданады. Тизанидин ұзаққа созылмайтын салыстырмалы әсерімен бірге қабылдаудан кейінгі 2-3 сағат ішінде түйілуге қатысты ең жоғары дәрежедегі әсерін танытады. Препарат әртүрлі пациенттерде құбылуы жоғары концентрацияларда болады. Сол себепті препараттың дозасы, қабылдау уақыты мен жиілігі пациент қажеттілігіне қарай әркімге жеке таңдалады. Әдетте, емдеуді жағымсыз реакцияларды барынша азайту үшін бір реттік 2 мг дозадан бастайды. Қажет болса, дозаны біртіндеп арттырады.

Ауырсындыратын бұлшықет түйілуі: ересектерге тәулігіне 3 рет 2-4 мг тағайындайды. Ауыр жағдайларда, дұрысы, ұйықтар алдында қосымша 2-4 мг қабылдауға болады.

Неврологиялық аурулар себебінен болатын түйілу: доза әркімге жеке таңдалады. Бастапқы тәуліктік доза 3 қабылдауға бөлінген 6 мг-ден аспауы тиіс. Дозаны аптасына 2 реттен жиілетпей біртіндеп 2 мг арттырады. Оңтайлы емдік жауабына, әдетте, тең уақыт аралықтары арқылы 3 немесе 4 қабылдауға бөліп қолданатын 12 мг-ден 24 мг дейінгі тәуліктік дозасында жетеді. Бір реттік доза 12 мг-ден аспауы тиіс, жалпы тәуліктік доза – 36 мг.

Баяу титрлеу жағымсыз реакциялардың даму қаупін барынша азайтады.

65 жастан асқан пациенттерде қолдану

Егде жастағы пациенттерде қолдану тәжірибесі шектеулі. Пайдасы қауіптен айқын асып түсетін жағдайларда ғана қолдану ұсынылады. Фармакокинетикалық зерттеулер нәтижелері егде жастағы пациенттерде бүйрекпен шығарылудың кейбір жағдайларда едәуір төмендеп кетуі мүмкін екенін көрсетеді. Қолдану кезінде сақтық шарасын қадағалауға кеңес беріледі: емдеу ең төменгі дозасынан басталады, титрлеу тиімділігі мен жағымдылығын ескере отырып жүргізіледі.

Балаларда қолдану

Тизанидинді 18 жасқа толмаған пациенттерде қолдану тәжірибесі шектеулі. Тизанидин пациенттердің осы тобында қолдануға ұсынылмаған.

Бүйрек функциясының бұзылуы бар пациенттерде қолдану

Бүйрек функциясының бұзылуы (креатинин клиренсі < 25 мл/мин) бар пациенттерде емдеуді тәулігіне 1 рет 2 мг дозадан бастап, тиімді дозасына жеткенше баяу титрлейді. Жағымдылығы мен тиімділігін жетекшілікке ала отырып, дозаны бір рет көп дегенде 2 мг арттыру керек: тиімділігін арттыру қажет болса, бір реттік дозасын баяу көбейту, ал одан соң ғана қолдану жиілігін арттыру ұсынылады. Бүйрек функциясын жүйелі бақылауға кеңес беріледі.

Бауыр функциясының бұзылуы бар пациенттерде қолдану

Тизанидин бауырда метаболизденеді. Тизанидин бауырының ауыр жеткіліксіздігі бар пациенттерге қарсы көрсетілімді. Бауыр функциясының бұзылуы бар пациенттерде сақтықпен қолданылады. Емдеу ең төмен дозадан басталады, дозаны арттыру жағымдылығын ескерумен жүргізіледі.

Емдеуді тоқтату

Емдеу ұзақтығын дәрігер белгілейді. Емдеуді тоқтату қажет болса, әсіресе, ұзақ уақыт бойы жоғары дозалар қабылдаған пациенттерде гипертензия мен тахикардияның туындау қаупін барынша төмендету үшін дозаны баяу азайту қажет.

Төменде пайдаланылған жағымсыз реакциялардың жиілік параметрлері мына үлгіде белгіленген: жиі (≥1/100, бірақ <1/10), сирек (≥ 1/10000, бірақ < 1/1000), өте сирек (<1/10000), жиілігі белгісіз (қолда бар деректер бойынша туындау жиілігін анықтау мүмкін емес).

Иммундық жүйе тарапынан бұзылулар: жиілігі белгісіз – аса жоғары сезімталдық реакциялары.

Психика бұзылулары: сирек – елестеулер, ұйқысыздық, ұйқының бұзылуы; жиілігі белгісіз – үрейлі бұзылыстар, сананың шатасуы.

Жүйке жүйесі тарапынан бұзылулар: жиі – ұйқышылдық, бас айналу; жиілігі белгісіз – бас ауыру, атаксия, дизартрия.

Көру қабілеті тарапынан бұзылулар: жиілігі белгісіз – аккомодация бұзылулары.

Жүрек тарапынан бұзылулар: жиі – брадикардия, тахикардия; жиілігі белгісіз – тіркеуден кейінгі кезеңде QT аралығының ұзаруы байқалды.

Тамырлар тарапынан бұзылулар: жиі – гипотензия, рикошетті гипертензия.

Асқазан-ішек жолы тарапынан бұзылулар: жиі – ауыздың кеберсуі; сирек – жүрек айну, асқазан-ішек жолы тарапынан бұзылу; жиілігі белгісіз – іштің ауыруы, құсу.

Бауыр және өт шығару жолдары тарапынан бұзылулар: сирек – қан сарысуында бауыр трансаминазалары деңгейлерінің жоғарылауы; өте сирек – гепатит, бауыр жеткіліксіздігі.

Тері және тері асты тіндері тарапынан бұзылулар: жиілігі белгісіз – қышыну, бөртпе.

Қаңқа-бұлшықет және дәнекер тін тарапынан бұзылулар: сирек – бұлшықет әлсіздігі.

Жалпы бұзылыстар: жиі – қажу; жиілігі белгісіз – тәбеттің болмауы.

Зертханалық және аспаптық зерттеулер: жиі – артериялық қысымның төмендеуі; сирек – трансаминазалар деңгейлерінің жоғарылауы.

Елестеулер кезінде психоз белгілері байқалмайды; елестеулер тек қана зор галлюциногенді заттарды, мысалы, антидепрессанттарды бір мезгілде қабылдаған пациенттерде туындады.

Препараттың ауырсындыратын бұлшықеттердің түйілуін жеңілдетуге ұсынылған төмен дозаларында ұйқышылдық, қажу, бас айналу, ауыздың кеберсуі, артериялық қысымның төмендеуі, жүрек айну, асқазан-ішек жолы тарапынан бұзылулар және трансаминазалар деңгейлерінің жоғарылауы байқалды; осы жағымсыз реакциялар, әдетте, әлсіз және өткінші болды.

Түйілуді емдеуге ұсынылған аса жоғары дозаларында төмен дозаларында білінген жағымсыз реакциялар байқалды; бұл реакциялар жиірек және айқындылығы күштірек болды, бірақ емдеуді тоқтатуды талап ететіндей ауыр сипаты сирек болды.

Бұдан басқа, келесі жағымсыз реакциялар: сананың шатасуы, гипотензия, брадикардия, бұлшықет әлсіздігі, ұйқысыздық, ұйқының бұзылуы, елестеулер, гепатит туындауы мүмкін.

Тоқтату синдромы

Рикошетті гипертензия мен тахикардия тизанидинді ұзақ уақыт бойы және/немесе жоғары тәуліктік дозаларында және/немесе гипертензияға қарсы дәрілермен бір мезгілде қолдану кезінде оны күрт тоқтатудан кейін байқалды. Қатер шекті жағдайларда рикошетті гипертензия инсультке соқтыруы мүмкін.

Күдік тудыратын жағымсыз реакциялар туралы хабарлама

Дәрілік затты тіркеуден кейінгі күдік тудыратын жағымсыз реакциялар туралы хабарламалар маңызды болып табылады. Пациентте дәрілік затқа күрделі жағымсыз реакция анықталғанда немесе дәрілік препаратты қолдану жөніндегі қосымша парақта сипатталмаған жаңа жағымсыз реакция білінгенде Ұлттық фармакологиялық қадағалау жүйесіне сәйкес хабарландыруды өтінеміз.

- тизанидинге немесе препарат құрамына кіретін қосымша заттарының кез келгеніне жоғары сезімталдық;

- бауыр функциясының айқын бұзылулары;

- тизанидинді флувоксамин немесе ципрофлоксацин сияқты CYP1A2 қуатты тежегіштерімен бір мезгілде қолдану.

CYP тежегіштері

Қарсы көрсетілімді біріктірілімдер

CYP1A2 белсенділігін бәсеңдететін препараттарды бір мезгілде қолдану қан плазмасында тизанидин деңгейлерін арттыруы мүмкін. Тизанидинді флувоксаминмен немесе ципрофлоксацинмен бір мезгілде қолдану қарсы көрсетілімді. Клиникалық мәнді және ұзаққа созылатын гипотензия, сондай-ақ ұйқышылдық, бас айналудың туындауы және психомоторлық белсенділіктің төмендеуі мүмкін.

Ұсынылмайтын біріктірілімдер

Тизанидинді аритмияға қарсы кейбір дәрілер (амиодарон, мексилетин, пропафенон), циметидин, кейбір фторхинолондар (эноксацин, пефлоксацин, норфлоксацин), рофекоксиб, ішуге арналған контрацептивтер және тиклопидин сияқты басқа CYP1A2 тежегіштерімен бір мезгілде қолдану ұсынылмайды.

Қан плазмасында тизанидин деңгейлерінің жоғарылауы QT(c) аралығының ұзаруы сияқты артық дозалану симптомдарының туындауына алып келуі мүмкін. Тизанидинді (жоғары дозаларда) QT(c) аралығын ұзартуға қабілетті басқа препараттармен бір мезгілде қолдану ұсынылмайды. ЭКГ бақылауы ұсынылмаған.

Гипертензияға қарсы дәрілер

Тизанидиннің гипотензияны туындатуы мүмкін екендіктен, ол диуретиктерді қоса, гипертензияға қарсы дәрілердің әсерін күшейтуге қабілетті, сондықтан гипотензиялық ем қабылдайтын пациенттерде сақ болу керек. Тизанидинді гипертензияға қарсы дәрілермен, β-адренергиялық рецепторлардың блокаторларымен немесе дигоксинмен бір мезгілде қолданғанда, осындай біріктірілімдер гипотензияны немесе брадикардияны күшейтуі мүмкін екендіктен, сақтық шарасын қадағалау қажет. Кейбір пациенттерде гипертензияға қарсы дәрілермен бір мезгілде қабылданған тизанидинді күрт тоқтатудан кейін рикошетті гипертензия мен тахикардия байқалды. Рикошетті гипертензия инсультке соқтыруы мүмкін.

Ішуге арналған контрацептивтер

Тизанидиннің бір реттік және көп реттік дозалары туралы фармакокинетикалық деректер ішуге арналған контрацептивтерді бір мезгілде қабылдайтын әйелдерде заттың шығарылуы шамамен 50% төмендейтінін көрсетеді. Тизанидиннің ішуге арналған контрацептивтермен ықтималды өзара әрекеттесуіне спецификалық фармакокинетикалық зерттеулер жүргізілмеген, алайда препарат контрацептивтік дәрілер қабылдайтын пациент әйелдерге тағайындалғанда тизанидиннің өте төмен дозаларында болуы мүмкін клиникалық жауап және/немесе жағымсыз құбылыстардың туындауы туралы есте сақтау керек. Клиникалық зерттеулерде клиникалық мәнді өзара әрекеттесулері байқалмаған.

Өзге де өзара әрекеттесулер

Алкоголь және тыныштандыратын препараттар тизанидиннің тыныштандыру әсерін күшейте алады.

CYP тежегіштері

Тизанидинаді CYP1A2 тежегіштерімен бір мезгілде қолдану ұсынылмайды.

Гипотензия

Гипотензия тизанидинмен емделу кезінде және CYP1A2 тежегіштерімен және/немесе гипертензияға қарсы дәрілермен дәрілік өзара әрекеттесу нәтижесінде дамуы мүмкін. Естен тану және тамырлық коллапс сияқты гипотензияның ауыр көріністері білінді.

Тоқтату синдромы

Рикошетті гипертензия мен тахикардия тизанидинді ұзақ уақыт бойы және/немесе жоғары тәуліктік дозаларда және/немесе гипертензияға қарсы дәрілермен бір мезгілде қолдану кезінде оны күрт тоқтатудан кейін байқалды. Рикошетті гипертензия инсультке соқтыруы мүмкін. Тизанидин біртіндеп тоқтатылады.

Бүйрек жеткіліксіздігі

Бүйрек жеткіліксіздігі (креатинин клиренсі < 25 мл/мин) бар пациенттерде емдеуді тәулігіне 1 рет 2 мг дозадан бастау ұсынылады. Дозаны арттыру, жағымдылығы мен тиімділігін ескере отырып, баяу жүргізілуі тиіс. Тиімділігін арттыру қажет болса, бір реттік дозасын баяу көбейту, одан соң ғана қолдану жиілігін арттыру ұсынылады.

Жүрек-қантамыр жүйесінің, бауыр немесе бүйрек функциясының бұзылулары

Жүрек-қантамыр жүйесі функциясының бұзылулары, коронарлық артериялар ауруы немесе бүйрек немесе бауыр функциясының бұзылулары бар пациенттерде сақтық шарасын қадағалау қажет. Бауыр, бүйрек функциясын жүйелі бақылау, ЭКГ ұсынылады.

Бауыр функциясының бұзылуы

Тизанидинмен байланысты бауыр функциясының бұзылу жағдайлары жөнінде хабарланды, алайда 12 мг дейінгі тәуліктік дозаны қолдану кезінде осы жағдайлар сирек білінді. Емдеудің алғашқы 4 айы бойына ай сайын бауырдың функционалдық сынамаларын бақылау 12 мг және одан жоғары дозалар қабылдайтын пациенттерде, сондай-ақ бүйрек функциясының бұзылуына күдігі бар пациенттерде (түсініксіз жүрек айну, анорексия немесе қажу) ұсынылған. Егер қан сарысуында АСТ және АЛТ деңгейлері қалыптың жоғарғы шегінен 3 есе және одан көп асып кетсе, тизанидинмен емдеуді тоқтату керек. Гепатит немесе сарғаю симптомдары бар пациенттерде тизанидинді тоқтату керек.

Роталуд таблеткаларының құрамында лактоза бар. Сирек тұқым қуалайтын галактоза жақпаушылығы, Лапп лактазалық жеткіліксіздігі немесе глюкоза-галактоза мальабсорбциясы бар пациенттерге бұл препаратты қабылдауға болмайды.

Балаларда қолдану

Тизанидинді 18 жасқа толмаған пациенттерде қолдану тәжірибесі шектеулі. Тизанидин пациенттердің осы тобында қолдануға ұсынылмаған.

Жүктілік

Ана организміне уытты болатын дозаларында пре- және постнатальді өлімге ұшырау байқалды.

Жүкті әйелдерде бақыланатын зерттеулер жүргізілмегендіктен, егер пайдасы қауіптен айқын асып түссе ғана, препаратты жүктілік кезеңінде қолдану керек.

Лактация

Тизанидиннің аздаған мөлшерде ғана емшек сүтіне бөлінетініне қарамастан, бала емізетін әйелдерге тизанидин қабылдауға болмайды.

Автокөлік жүргізу және механизмдерді басқару қабілетіне әсері

Ұйқышылдық, бас айналуын немесе гипотензияның басқа белгілерін немесе симптомдарын сезінетін пациенттерге жоғары дәрежеде зейін қоюды талап ететін қызмет түрлерінен бас тарту керек.

Клиникалық тәжірибесі шектеулі болып табылады. Ересек пациент ішке 400 мг тизанидин қабылдаған жағдай сипатталды. Пациент маннит пен фуросемид қабылдады, сауығуы асқынуларсыз өтті.

Болуы мүмкін симптомдар: Жүрек айну, құсу, гипотензия, брадикардия, QT аралығының ұзаруы, бас айналу, миоз, тыныстың тарылуы, кома, мазасыздық, ұйқышылдық.

Емі: Егер препарат қабылдаудан кейін бір сағаттан аз уақыт өтсе, құстыру, асқазанды шаю, белсендірілген көмірдің жоғары дозаларын тағайындау, пациенттің жеткілікті гидратациясын қамтамасыз ету қажет, өйткені жеделдетілген диурездің тизанидиннің шығарылуын жылдамдататыны күтіледі. Әріқарай емдеу симптоматикалық сипатта болуы тиіс.

Поливинилхлоридті/поливинилдихлоридті үлбірден және алюминий фольгадан жасалған пішінді ұяшықты қаптамаға 10 таблеткадан салады.

Пішінді ұяшықты 1, 2 және/немесе 3 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

25°С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды

Рецепт арқылы

Уорлд Медицин Илач Сан.веТидж. А.Ш. (World Medicine İlaç San.ve Tic. А.Ş.),

Багджылар Илчеси, Гюнешли, Теммуз Махаллеси, Джами Йолу Джад. №50 К. 1В Земин 4-5-6) Стамбул, Түркия

Тіркеу куәлігінің ұстаушысы

Ротафарм Илачлары Лимитед Ширкети (Rotapharm Iaçlari Limited Şirketi), Түркия

Қазақстан Республикасы аумағында тұтынушылардан дәрілік заттардың сапасы жөнінде шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта):

«РИН Фарм» ЖШС, Алматы, Түрксіб ауданы, Сүйінбай даңғылы, 222б

тел./факс: 8 (727) 252 90 90

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«TROKA-S PHARMA» ЖШС, Алматы, Түрксіб ауданы, Сүйінбай даңғылы, 222б

ұялы тел. +7 701 786 33 98, (24-сағаттық қолжетімділік).

е-mail: pvpharma@worldmedicine.kz

9