Ромазулан®
Инструкция
-
русский
-
қазақша
Саудалық атауы
Ромазулан®
Халықаралық патентелмеген атауы
Жоқ
Дәрілік түрі
Жергілікті қолдануға және ішуге арналған ерітінді
Құрамы
100 г препараттың құрамында
белсенді заттар: түймедақ гүлдерінің сұйық сығындысы 95.881 г,
гвайазулен 0.037 г,
қосымша зат - полисорбат 80.
Сипаттамасы
Түймедақ пен спиртке тән иісі бар, өте ащы және спирт дәмі бар, қоңырлау-жасыл түсті мөлдір сұйықтық. Сақтаған кезде шөгінді түзілуі мүмкін.
Фармакотерапиялық тобы
Басқа да дәрілік препараттар.
АТХ коды V03АХ
Фармакологиялық қасиеттері
Фармакокинетикасы
Ромазуланның® әсері оның белсенді компоненттерінің жиынтық әсері болып табылады, сондықтан фармакокинетикалық сипаттамаларын зерттеу мүмкін емес.
Фармакодинамикасы
Түймедақтың емдік әсеріне негізгі компоненттері: эфир майы мен флавоноидтар түрткі болады. Қабынуға қарсы, микробқа қарсы, ауыруды басатын әлсіз, жараны жазатын қасиеттері бар.
Түймедақ гүлдері пепсиннің протеолитикалық белсенділігін азайтады, құрамында гвайазулен мен эфир майларының болуының арқасында липидтердің асқын тотықты тотықтануын тежейді, оған антиоксиданттық әсері түрткі болады. Түйілуді басатын әсер береді, тіндердің регенерациясы үдерістерін жақсартады, сондай-ақ жағымсыз иісті жоятын және қышынуға қарсы әсері бар.
Гвайазулен қабынуға қарсы әсер етеді.
Қолданылуы
Кешенді емде:
Ішке қабылдау үшін
- гастриттерде
- дуодениттерде
- энтероколиттерде
- метеоризмде
Жергілікті қолдану үшін:
- қабыну ауруларында және тері зақымдануларында (соның ішінде сызаттарда, жәндіктер шаққанда)
- ЛОР мүшелері мен ауыз қуысының жұқпалы-қабыну ауруларында (отиттерде, фарингиттерде, тонзиллиттерде, стоматиттерде, гингивиттерде)
- несеп-жыныс жүйесінің жұқпалы-қабыну ауруларында
Сыртқа қолдану үшін:
- дерматиттерде
- трофикалық ойық жараларда
Қолдану тәсілі мен дозалары
Өлшегіш қалпақшасының 2,5-тен 20 мл дейінгі градуировкасы бар.
5 мл Ромазулан® 4,69 г түймедақтың сұйық сығындысына сәйкес келеді.
Ішке қолдану үшін: ұсынылатын дозасы тамақтан кейін күніне 4 рет, 100 мл жылы судағы 2,5 мл ерітіндіні құрайды.
Сыртқа қолдану үшін:
- компрестер және ауыз шаю түрінде - ұсынылатын дозасы күніне 2-4 рет, 1 л судағы 2,5 мл ерітіндіні құрайды;
- қынаптық бүркулер үшін – ұсынылатын дозасы күніне 1-2 рет, 1 л судағы 5 мл ерітіндіні құрайды.
Сұйылтылмаған ерітіндіні пайдалануға болмайды.
Егер симптомдары препаратты 5 күн қолданғаннан кейін сақталып қалса, Сізден дәрігерге қаралуыңызды өтінеміз.
Емдеу курсы 2-3 аптаны құрайды. Қайталанған емдеу курстарын қажеттілігіне қарай дәрігердің ұсынымдары бойынша жүргізу керек.
Жағымсыз әсерлері
Жағымсыз құбылыстары олардың біліну жиілігіне қарай, төмендегі шартты белгілерді қолдана отырып жіктеледі: өте жиі (≥1/10), жиі (≥1/100, <1/10), жиілігі аз (≥1/1000, <1/100), сирек (≥1/10000, <1/1000), өте сирек (<1/10000), пайда болу жиілігі белгісіз (қолда бар мәліметтердің негізінде бағаланбайтын).
Жиі
Иммунитет жүйесінің бұзылулары
- өте сирек аса жоғары сезімталдық реакциялары, мысалы, теріге қолданған жағдайда жанаспалы дерматит немесе ауыр аллергиялық реакциялар: анафилактикалық шок, бронх демікпесінің кризистері, ішу арқылы қабылдаған немесе шырышты қабықтар деңгейінде қолданған жағдайда беттің ісінуі немесе есекжем туындауы мүмкін
- терідегі өтпелі бөртпелер
- қышыну
- аллергиялық конъюнктивит
Сирек
- седация, бас айналуы
- жүрек айнуы, құсу
- коагуляция бұзылулары
Қолдануға болмайтын жағдайлар
- препарат компоненттеріне жоғары сезімталдық
- Chamomillae flos-қа, Asteracee тұқымдас өсімдіктерге, аммоний тұздарына аса жоғары сезімталдық
-
18 жасқа дейінгі балаларға
Төмендегі жағдайларда ішу арқылы қолданылуын болдырмау керек:
-
антикоагулянттармен немесе антиагреганттармен емдеу кезінде
-
асқазан-ішек жолы деңгейіндегі қан кетулер қаупі жоғары болса (асқазанның немесе он екі елі ішектің ойық жарасы, гастриттер, өңештің ойық жарасы және т.б.)
-
жүктілік кезеңі
Дәрілермен өзара әрекеттесуі
Алкогольмен бірігуі орталық жүйке жүйесіне депримациялайтын әсерін арттырады.
Ішілетін антикоагулянттарды немесе гепариндерді бір мезгілде қабылдау қан кету қаупін арттырады; седативті әсері бар өсімдіктер дәрілік заттардың эпилепсияға қарсы әсерін күшейтуі мүмкін; бензодиазепиндердің әсері артуы мүмкін.
Айрықша нұсқаулар
Педиатрияда пайдаланылуы
Қазіргі кезде препаратты балаларда қолданудың қауіпсіздігі мен тиімділігі анықталмаған.
Лактация
Препаратты жүктілік және бала емізу кезінде емдік дозаларда сыртқа қолданады. Ұсынылған дозаларынан арттырмау ұсынылады, ал емдеу ұзақтығы барынша қысқалау болуы тиіс.
Дәрілік заттың көлік құралдарын жүргізуге және қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Артық дозаланған жағдайда емделушіні тыныс алуды демеуге және жүрек-қантамырлық көріністерді реттеуге арналған стандартты жабдықтармен жабдықталған бөлмеге орналастыру ұсынылады, асқазанды тұздың изотониялық ерітіндісін қолданып шаю (егер емделуші өздігінен құспаса), белсенділендірілген көмірді қабылдау ұсынылады.
Шығарылу түрі және қаптамасы
50 мл немесе 100 мл препараттан ПВХ-дан жасалған бурыл-қоңыр түсті, сыйымдылығы 50 мл немесе 100 мл, полиэтиленнан жасалған қара түсті бірінші ашылу сақинасы бар бұралатын қақпақпен жабылған және 2.5-тен 20 мл дейінгі градуирленген полипропиленнен жасалған өлшегіш қалпақшасы бар мөлдір құтыға құяды.
Құтыға заттаңбалық қағаз жапсырылады.
1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге жиналатын картон қорапқа салады.
Сақтау шарттары
Түпнұсқалық қаптамасында, 25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Биофарм c.А.
Логофэт Тэуту к-сі № 99, 3 сектор, Бухарест, Румыния
Тіркеу куәлігінің иесі
Биофарм c.А., Румыния
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
«AVITA (АВИТА)» ЖШС, Алматы қ., Чайковский к-сі, 15-а,
телефон/факс 8/727/2795639