Розувастатин-Тева

Розувастатин-Тева

Розувастатин

Үлбірлі қабықпен қапталған 5 мг, 10 мг, 20 мг, 40 мг таблеткалар

Жүрек-қантамыр жүйесі. Липид-модификациялайтын препараттар.

Липид-модификациялайтын препараттар, қарапайымдар. HMG CоА редуктаза тежегіштері. Pозувастатин.

АТХ коды C10AA07

Гиперхолестеринемия емі

- ересектер, жасөспірімдер мен 6 жастан бастап және одан үлкен балалардағы бастапқы гиперхолестеринемия (IIа типі: отбасылық гетерозиготалы гиперхолестеринемияны қоса) немесе аралас дислипидемияда (IIb типі), диета және басқа дәрі-дәрмектік емес емдеу әдістері (мысалы, дене жаттығулары, дене салмағын азайту) жеткіліксіз болғанда диетаға толықтыру ретінде

- ересектер, жасөспірімдер мен 6 жастан бастап және одан үлкен балалардағы отбасылық гомозиготалы гиперхолестеринемияда диетаға және липид төмендететін басқа емге (мысалы, ТТЛП-аферез) толықтыру ретінде немесе осындай ем пациентке сай келмейтін жағдайларда

Жүрек-қантамыр ауруларының профилактикасы

- жүрек-қантамыр оқиғаларының туындау қаупі жоғары ересек пациенттерде жүрек-қантамыр асқынуларының профилактикасында басқа қауіп факторларын түзетуге/емдеуге толықтыру ретінде

Қолданудың басталуына дейін қажетті мәліметтер тізбесі

- розувастатинге немесе препарат компоненттерінің кез келгеніне жоғары сезімталдық

- бауырдың белсенді фазадағы аурулары, трансаминазалардың сарысулық белсенділігінің тұрақты жоғарылауын және қан сарысуындағы трансаминазалар белсенділігінің кез келген жоғарылауын қоса (қалыптың жоғарғы шегімен салыстырғанда, 3 еседен аса)

- бүйрек функциясының айқын бұзылулары (креатинин клиренсі 30 мл/ минуттан аз)

- миопатиялар

- циклоспоринді бір мезгілде қабылдау

- жүктілік, лактация кезеңі, контрацепцияның талапқа сай әдістерінің болмауы

- тұқым қуалайтын галактоза жақпаушылығы, лактаза жеткіліксіздігі, немесе глюкоза және галактоза мальабсорбциясы синдромы

40 мг доза: миопатия және рабдомиолиз дамуына бейімдейтін факторлары бар тұлғаларға қарсы көрсетілімді, мысалы:

- ауырлығы орташа дәрежедегі бүйрек жеткіліксіздігі (креатинин клиренсі 60 мл/минуттан аз)

- гипотиреоз

- анамнездегі бұлшықет аурулары, туа біткен бұлшықет бұзылыстарына жеке немесе генетикалық бейімділік

- анамнездегі ГМГ-КоА редуктазаның басқа тежегіштерін немесе фибраттар қабылдау аясында миоуыттану

- розувастатиннің плазмалық концентрациясының жоғарылауына әкелуі мүмкін жай-күйлер

- бір мезгілде фибраттар қабылдау

- азиялық нәсілді пациенттер

- шамадан тыс алкоголь тұтыну

Басқа дәрілік препараттармен өзара әрекеттесуі

Бірге қолданғанда розувастатин әсеріне басқа дәрілік препараттардың ықпалы

Тасымалдаушы ақуыздар тежегіштері

Розувастатин OATP1B1 бауырда қармау тасымалдағышын және BCRP эффлюкс тасымалдағышын қоса, белгілі бір тасымалдаушы ақуыздар субстраты түрінде болады. Розувастатин-Тева препаратын және осы тасымалдаушы ақуыздар тежегіштері болып табылатын дәрілік препараттарды бір мезгілде қабылдау қан плазмасында розувастатин концентрациясының жоғарылауына және миопатияның даму қаупінің артуына әкелуі мүмкін.

Циклоспорин

Бірге қолдану қан плазмасында розувастатин концентрациясының 7 есе жоғарылауына әкеледі және циклоспориннің плазмалық концентрациясына ықпал етпейді. Розувастатин-Тева препараты циклоспорин қабылдайтын пациенттерге қарсы көрсетілімді.

Протеаза тежегіштері

Өзара әрекеттесудің нүктелік механизмі белгісіз екеніне қарамастан, протеаза тежегіштерін бірге қабылдау розувастатин экспозициясының елеулі ұлғаюына әкелуі мүмкін. Құрамында екі протеаза тежегіші бар біріктірілген препаратпен (300 мг атазанавир/100 мг ритонавир) 10 мг розувастатинді бір мезгілде қолданудың фармакокинетикалық зерттеуінде дені сау еріктілерде розувастатиннің AUC (0-24) («концентрация-уақыт» қисығы астындағы аудан) және Сmax (қан плазмасындағы ең жоғары концентрациясы) мәндерінің, тиісінше, үш немесе жеті есеге жуық артуына алып келді. Розувастатин-Тева препаратын және протеаза тежегіштерінің кейбір біріктірілімдерін бірге қабылдауды розувастатин әсерінің күтілетін артуы негізінде Розувастатин-Тева препаратының дозаларын мұқият таңдаудан кейін ғана жүзеге асыруға болады.

Гемфиброзил және басқа гиполипидемиялық препараттар

Розувастатин-Тева препараты мен гемфиброзилді бірге қабылдау розувастатин Сmax және AUC екі есе артуына алып келді. Өзара әрекеттесуінің спецификалық зерттеулерінен алынған деректер негізінде фенофибратпен ешқандай клиникалық релевантты өзара әрекеттесулер күтілмейді, алайда фармакодинамикалық өзара әрекеттесу орын алуы мүмкін.

Гемфиброзил, фенофибрат, басқа фибраттар және ниациннің (никотин қышқылы) гиполипидемиялық дозалары (> 1 г/күн немесе оған тең) ГМГ-КоА редуктаза тежегіштерімен бірге қабылдағанда миопатияның даму қаупін арттырады, өйткені олар ықтималды түрде егер бөлек қабылданса миопатияны тудыруы мүмкін. Розувастатиннің 40 мг дозасы фибраттармен қатарлас қолданғанда қарсы көрсетілімді. Дегемен осылай бірге қабылдау қажет болатын пациенттерге розувастатиннің бастапқы дозасы 5 мг құрауы тиіс.

Эзетимиб

Розувастатин-Тева препаратын 10 мг дозада және 10 мг эзетимибті бірге қабылдау гиперхолестеринемиясы бар пациенттерде розувастатин AUC 1,2 есе артуына әкелді. Розувастатин-Тева препараты мен эзетимиб арасындағы фармакодинамикалық өзара әрекеттесуді жағымсыз әсерлерінің туындауы тұрғысынан жоққа шығаруға болмайды.

Антацидтер

Розувастатин-Тева препараты мен құрамында алюминий және магний гидроксиді бар антацидтер суспензиясын бір мезгілде қолдану розувастатиннің плазмалық концентрациясының шамамен 50% төмендеуіне әкелді. Осы әсері, егер антацидтер розувастатин қабылдаудан кейін 2 сағаттан соң қолданылса, әлсіз білінеді.

Эритромицин

Розувастатин-Тева препараты мен эритромицинді бір мезгілде қолдану розувастатин AUC (0 – t) 20% және розувастатин Сmax 30% азаюына әкеледі. Осындай өзара әрекеттесу эритромицин қабылдаудан болатын ішек моторикасының күшеюі нәтижесінде туындауы мүмкін.

Р450 цитохромы ферменттері

Розувастатин – P450 цитохромы ферменттерінің тежегіші де, индукторы да емес. Бұдан бөлек, розувастатин осы ферменттер үшін әлсіз субстрат болады. Осылайша, P450 цитохромы метаболизмімен байланысты әрекеттесуі күтілмейді. Розувастатин, флуконазол (CYP2C9 және CYP3A4 тежегіші) және кетоконазол (CYP 2A6 және CYP 3A4 тежегіші) арасында клиникалық мәнді өзара әрекеттесуі болмады.

Розувастатин дозасын түзетуді талап ететін өзара әрекеттесулер

Егер Розувастатин-Тева препараты мен оның әсерін күшейтетін басқа дәрілік препараттарды бірге қабылдау қажеттілігі болса, Розувастатин-Тева препаратының дозасын түзету қажет. Розувастатин-Тева препаратының шамамен екі есе немесе одан жоғары күшеюі күтілсе, күніне бір рет 5 мг құрауы тиіс. Розувастатин-Тева препаратының ең жоғары күнделікті дозасы розувастатиннің күтілетін әсері, мысалы, Розувастатин-Тева препаратының 20 мг дозасы гемфиброзилмен (1,9 есе артуы) және Розувастатин-Тева препаратының 10 мг дозасы атазанавир/ритонавирмен (3,1 есе артуы) біріктірілген өзара әрекеттесетін дәрілік препараттарсыз қабылданатын 40 мг доза әсерінен аспайтындай түзетілуі тиіс.

Розувастатиннің бірге қолданылатын дәрілік препараттарға әсері

К дәруменінің антагонистері

ГМГ-КоА редуктазаның басқа тежегіштері жағдайындағы сияқты, К дәрумені антагонистерін (мысалы, варфарин немесе кумарин қатарының басқа антикоагулянты) бір мезгілде алатын пациенттерде Розувастатин-Тева препаратымен емдеуді бастау протромбин уақытының халықаралық қалыптасқан қатынасының (ХҚҚ) артуына әкелуі мүмкін. Розувастатинді тоқтату немесе препарат дозасын төмендету ХҚҚ азаюына әкелуі мүмкін. Осындай жағдайларда ХҚҚ мониторингін өткізу ұсынылады.

Пероральді контрацептивтер/гормон алмастыру емі

Розувастатин мен пероральді контрацептивтерді бір мезгілде қолдану этинилэстрадиол AUC және норгестрел AUC мәндерін, тиісінше, 26% және 34% арттырады. Плазмалық концентрацияның осылай жоғарылауы пероральді контрацептивтер дозасын таңдағанда ескерілуі тиіс. Алайда, осындай біріктірілім клиникалық зерттеулер жүргізілгенде кеңінен пайдаланылды және пациенттерде жағымдылығы жақсы болды.

Дигоксин

Розувастатиннің дигоксинмен клиникалық мәнді өзара әрекеттесуі күтілмейді.

Фузидий қышқылы

Розувастатин мен фузидий қышқылының арасындағы өзара әрекеттесу зерттеуі жүргізілмеді. Рабдомиолизді қоса, миопатияның даму қаупі жүйелі әсер ететін фузидий қышқылы препараттарын статиндермен бір мезгілде қабылдағанда артуы мүмкін. Осы өзара әрекеттесу механизмі (фармакодинамикалық немесе фармакокинетикалық немесе екеуі де) ағымдағы сәтте белгісіз. Осы біріктірілімді қабылдаған пациенттерде рабдомиолиз туралы (өліммен аяқталған бірнеше жағдайын қоса) хабарламалар тіркелді.

Жүйелі әсер ететін фузидий қышқылымен емдеу қажет болса, Розувастатин-Тева препаратымен емдеу фузидий қышқылымен емделген уақытта тоқтатылуы тиіс.

Арнайы сақтандырулар

Бүйрек функциясына әсері

Розувастатин-Тева препаратының жоғары дозаларын, атап айтқанда, 40 мг дозада алған пациенттерде тест-жолақтар көмегімен анықталған көбінесе тубулярлы протеинурия байқалды, алайда, көпшілік жағдайларда ол уақытша сипатта болды.

Протеинурия бүйректің жедел немесе үдемелі ауруы болжанатын фактор емес. Тіркеуден кейінгі кезеңде бүйрек функциясының айқын күрделі бұзылуларының жиілігі 40 мг дозаны қолданғанда жоғары болды. Препаратты 40 мг дозада қабылдап жүрген пациенттерде бүйрек функциясына бағалау жүргізілуі тиіс.

Қаңқа бұлшықеттеріне әсері

Розувастатин-Тева препаратымен барлық дозаларда, әсіресе, > 20 мг дозада ем қабылдаған пациенттерде қаңқа бұлшықеттеріне әсері, оның ішінде миалгия, миопатия (миозитті қоса) және сирек жағдайларда рабдомиолиз туралы хабарланды. Эзетимибті ГМГ-КоА-редуктаза тежегіштерімен біріктірілімде қабылдау кезіндегі рабдомиолиздің өте сирек жағдайлары жөнінде хабарламалар бар. Препараттардың осы топтарының фармакодинамикалық өзара әрекеттесуін жоққа шығаруға болмайды, оларды бірге қолданғанда ерекше көңіл бөлу керек. Басқа ГМГ-КоА-редуктаза тежегіштеріндегідей, тіркеуден кейінгі кезеңде Розувастатин-Тева препаратын қабылдау аясында мәлімделген рабдомиолиз жағдайларының жиілігі 40 мг доза тағайындалғанда жоғары болды.

Креатинкиназаны анықтау

Қарқынды дене жүктемелерінен кейін немесе алынған нәтижелердің дұрыс түсіндірілмеуіне әкелуі мүмкін КK көтерілуінің басқа болжамды себептері болса, КK өлшеуге болмайды. Егер КK бастапқы деңгейі елеулі көтерілген (қалыптың жоғарғы шегінен 5 есе жоғары) жағдайда, 5-7 күн өткен соң қайта өлшеу жүргізген жөн. Егер қайта жасалған тест бастапқы КК деңгейін (қалыптың жоғарғы шегімен салыстырғанда, 5 еседен аса жоғары) растаса, емді бастауға болмайды.

Сақтықпен Розувастатин-Тева препараты, ГМГ-КоА редуктазаның басқа тежегіштері сияқты, миопатия/рабдомиолизге бейімділігі бар пациенттерге тағайындалуы тиіс. Бейімдеуші факторлары бүйрек функциясының бұзылуы, гипотиреоз, туа біткен бұлшықет бұзылыстарына жеке немесе генетикалық бейімділік, ГМГ-КоА редуктазаның басқа тежегіштерін немесе фибраттарды пайдалану кезінде бұлшықет уыттануының анамнезде болуы, шамадан тыс алкоголь тұтыну, >70 жас, розувастатиннің плазмалық концентрациясының жоғарылауына әкелуі мүмкін жай-күйлер, фибраттарды қатарлас қолдану болып табылады.

Осындай пациенттерде препаратпен емдеуді пайда және қауіп арақатынасын бағалау негізінде қарастыру керек, клиникалық мониторинг өткізу ұсынылады. Егер КK деңгейлері бастапқы деңгейден елеулі көтерілген болса (қалыптың жоғарғы шегінен 5 есе асып кетсе), емдеуді бастауға болмайды.

Пациентті бұлшықет ауырсынуы, бұлшықет әлсіздігі немесе түйілулері, әсіресе, дімкәстанумен және қызбамен бірігіп күтпеген жерден пайда болған жағдайларда дереу дәрігерге мәлімдеу қажеттілігінен хабардар ету керек. Осындай пациенттерде КК деңгейін анықтап алу керек. Егер КК деңгейі едәуір көтерілген (қалыптың жоғарғы шегінен 5 есе асып кеткен) болса немесе егер бұлшықеттер тарапынан симптомдар күрт білінсе және күнделікті жайсыздық тудырса (тіпті, егер КФK деңгейінің қалыптың жоғарғы шегінен асып кетуі 5 еседен артық болмаса да), ем тоқтатылуы тиіс. Егер симптомдар жойылса және КК деңгейі қалып шегіне оралса, Розувастатин-Тева препаратын немесе ГМГ-КоА-редуктазаның басқа тежегіштерін аз дозаларда және пациентті мұқият қадағалаумен қайта тағайындау мәселесін қарастыру керек. Симптомдар болмаса, КК деңгейін дағдылы бақылау мақсатқа сай емес.

Статиндермен, оның ішінде розувастатинмен емдеу кезінде немесе оларды қабылдауды тоқтатудан кейін проксимальді бұлшықеттердің тұрақты әлсіздігі және қан сарысуындағы КК деңгейінің жоғарылауы түріндегі клиникалық көріністері бар иммунитет арқылы некроздаушы миопатияның өте сирек жағдайлары болды. ГМГ-КоА-редуктазаның басқа тежегіштерін гемфиброзил, циклоспорин, никотин қышқылын, зеңге қарсы азол дәрілерін, протеаза тежегіштерін және макролидті антибиотиктерді қоса, фиброй қышқылының туындыларымен біріктірілімде қабылдаған пациенттерде миозит пен миопатия жағдайлары санының көбеюі хабарланды. Гемфиброзил ГМГ-КоА-редуктазаның кейбір тежегіштерімен бірге тағайындалғанда миопатияның туындау қаупін арттырады. Осылайша, Розувастатин-Тева препараты мен гемфиброзилді бір мезгілде тағайындау ұсынылмайды. Розувастатин-Тева препаратын фибраттармен немесе ниацинмен бірге қолдану кезінде болуы мүмкін пайда мен қауіп арақатынасы мұқият саралануы тиіс. Розувастатин-Тева 40 мг дозасында фибраттармен қатарлас қолдану кезінде қарсы көрсетілімді.

Розувастатин-Тева препаратын жүйелі әсер ететін фузидий қышқылы препараттарымен бірге немесе осындай препараттармен емдеуді тоқтатудан кейін 7 күн бойы қабылдау қарсы көрсетілімді. Жүйелі әсер ететін фузидий қышқылы препараттарымен емдеу қажет болып табылған пациенттерде фузидий қышқылымен ем кезінде статиндермен емдеу тоқтатылуы тиіс. Фузидий қышқылы мен статиндер біріктірілімін қабылдаған пациенттерде рабдомиолиз жағдайлары (өліммен аяқталған бірнеше жағдайды қоса) тіркелді. Бұлшықет әлсіздігі, ауырулар немесе ауырсындыратын сезімталдық симптомдары туындағанда шұғыл медициналық жәрдемге жүгінуге кеңес беріледі. Фузидий қышқылының соңғы дозасын қабылдаудан кейін жеті күн өткен соң статиндермен емді жаңғыртуға болады. Жүйелі әсер ететін фузидий қышқылы ұзақ уақыт емдеу, мысалы, күрделі инфекцияларды емдеуге қажет болатын айрықша жағдайларда әр жекелеген жағдайда және мұқият медициналық қадағалаумен Розувастатин-Тева препараты мен фузидий қышқылын бірге қабылдау қажеттілігін қарастыру керек.

Розувастатин-Теваны миопатияға бейімдейтін немесе рабдомиолиз салдарынан қайталамалы бүйрек жеткіліксіздігінің дамуына бейімдейтін жедел ауыр аурулары (мысалы, сепсис, гипотония, ауыр операция, жарақат, ауыр метаболизмдік, эндокриндік және электролиттік бұзылулар немесе бақыланбайтын құрысулар) бар пациенттерге қабылдауға болмайды.

Бауырға әсері

ГМГ-КоА-редуктазаның басқа тежегіштері жағдайындағы сияқты, шамадан тыс алкоголь тұтынатын және/немесе анамнезінде бауыр ауруы бар пациенттер Розувастатин-Тева препаратын сақтықпен қабылдауы тиіс. Ем басталар алдында және ем басталған соң 3 айдан кейін бауыр функциясының көрсеткіштерін анықтау ұсынылады. Егер қан сарысуы трансаминазаларының белсенділік деңгейі қалыптың жоғарғы шегінен 3 есе асып кетсе, Розувастатин-Тева препаратын қабылдауды тоқтату немесе оның дозасын азайту керек. Бауыр функциясының күрделі бұзылу жағдайларының анықталу жиілігі (негізінен трансаминазалар деңгейінің жоғарылауын қоса) 40 мг дозаны қабылдағанда жоғары. Гипотиреоз немесе нефроздық синдром салдарынан болатын гиперхолестеринемиясы бар пациенттерде негізгі ауруларды емдеу Розувастатин-Тева препаратымен емдеудің басталуына дейін жүргізілуі тиіс.

Нәсілдік топтар

Фармакокинетикалық зерттеулер барысында монғол нәсіліне розувастатин әсерінің артуы еуропалықтардан жоғары болды.

Протеаза тежегіштері

Розувастатиннің жүйелі әсерінің артуы оны ритонавирмен біріктірілімде әртүрлі протеаза тежегіштерімен бір мезгілде қабылдап жүрген пациенттерде байқалады. Протеаза тежегіштерін қабылдайтын АИТВ бар пациенттерге Розувастатин-Тева препараты тағайындалғанда емдеудің басында және Розувастатин-Тева препаратының дозаларын титрлегенде липидтер деңгейінің төмендеу пайдасы да, қан плазмасында розувастатин концентрациясының жоғарылау қаупі де ескерілу керек. Розувастатин-Тева препаратының дозасына түзету жасалатын сәтке дейін протеаза тежегіштерін қатарлас қабылдау ұсынылмайды.

Өкпенің интерстициальді ауруы

Статиндермен қолдану кезінде, әсіресе, ұзақ уақыт ем жүргізілгенде өкпенің интерстициальді ауруының бірлі-жарым жағдайлары хабарланды. Сипатталатын белгілері ентігу, құрғақ жөтел және жалпы жай-күй нашарлауын (шаршау, салмақ жоғалту және қызба) қамтуы мүмкін. Егер пациентте өкпенің интерстициальді ауруының дамуына күмән болса, статиндермен емдеуді тоқтату керек.

Лактоза жақпаушылығы

Галактоза жақпаушылығының, Лапп лактаза тапшылығының немесе глюкоза-галактоза мальабсорбциясы синдромының сирек тұқым қуалайтын аурулары бар пациенттер осы дәрілік препаратты қабылдамауы тиіс.

Қант диабетінің 2-ші типі

Кейбір деректер статиндердің қандағы глюкоза деңгейін арттыратынын айғақтайды, ал одан әрі диабеттің жоғары даму қаупі бар кейбір пациенттерде диабетті талапқа сай емдеу қажет болатын деңгейдегі гипергликемияны тудыруы мүмкін. Бұл қатер, дегенмен, статиндерді қолдану кезіндегі тамыр асқынулары қаупінің төмендеуінен артық болады, сондықтан да ол статиндермен емдеуді тоқтатуға негіз болмауы тиіс. Аш қарындағы қанда глюкоза деңгейі 5,6 – 6,9 ммоль/л болатын пациенттерде розувастатинмен емдеу қант диабетіне шалдығудың жоғары қаупімен байланысты болды.

Педиатриялық практикада қолдану

Розувастатин қабылдап жүрген 6-дан 17 жасқа дейінгі балаларда Таннер шкаласы бойынша ұзына бой өсуін (бой), дене салмағын, ДСИ (дене салмағы индексін) және жыныстық жетілудің екіншілік сипаттамаларын бағалау екі жылдық кезеңмен шектеледі. Зерттелетін препаратты екі жыл алудан кейін бой, салмақ, ДСИ және жыныстық жетілуге ешқандай ықпалы болмады.

Розувастатин қабылдаған балаларда КФК деңгейінің ҚЖШ >10 есе жоғары артуы, дене жүктемесінен кейін немесе физикалық белсенділік жоғарылауынан соң бұлшықеттер тарапынан болатын симптомдар, ересектердегі осындайлармен салыстырғанда, жиірек байқалды.

Жүктілік және бала емізу кезеңінде қолдану

Розувастатин жүктілік және бала емізу кезеңінде қарсы көрсетілімді. Ұрпақ өрбіту жасындағы әйелдер розувастатин қабылдау кезінде контрацепцияның талапқа сай құралдарын қолдануы тиіс.

Холестерин және холестерин биосинтезінің басқа өнімдері шарананың дамуы үшін маңызды болғандықтан, ГМГ-КоА-редуктазаның ықтималды тежелу қаупі жүктілік кезеңінде препаратты қолданудың болжамды пайдасынан асып түседі. Егер жүктілік препаратты қолдану кезінде басталса, емдеу дереу тоқтатылуы тиіс.

Осы кластың басқа дәрілік заты адамның емшек сүтіне түсетінін әрі ГМГ-КоА-редуктаза тежегіштерінің сәбилерде күрделі жағымсыз реакцияларға түрткі болуы мүмкін екенін ескеріп, розувастатинмен емдеу қажет болатын әйелдерге бала емізуден бас тартуға кеңес беру керек. Осы препараттың адамның емшек сүтіне түсуіне қатысты деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті басқару немесе механизмдермен жұмыс істеу барысында ем кезінде бас айналу болуы мүмкін екенін есепке алу керек.

Қолдану жөніндегі нұсқаулар

Таблетканы шайнамай және ұсақтамай, ішке бүтіндей жұтып, сумен ішіп қабылдайды. Розувастатин-Теваны ас ішуге байланыссыз тағайындауға болады. Розувастатин-Тева препаратымен емдеудің басталуына дейін және ем кезінде пациент стандартты гиполипидемиялық диетаны қадағалауы тиіс.

Дозалау режимі

Препарат дозасы ем мақсатына және емдеуге берілетін жауапқа қарай әркімге жеке таңдалуы тиіс.

Гиперхолестеринемияны емдеу

Препаратты қабылдай бастаған пациенттерге немесе ГМГ-КоА-редуктазаның басқа тежегіштерін қабылдаудан ауысқан пациенттерге ұсынылатын бастапқы доза тәулігіне 1 рет 5 немесе 10 мг Розувастатин-Тева препаратын құрауы тиіс. Бастапқы дозаны таңдағанда холестерин мөлшерінің деңгейін жетекшілікке алып, жүрек-қантамыр асқынуларының болжамды қаупін ескеру керек, сондай-ақ жағымсыз әсерлердің ықтималды даму қаупін бағалау қажет. Қажет болған жағдайда, препаратты 4 апта қабылдаудан кейін дозаны арттыруға болады. Препарат дозасын біртіндеп арттыру керек.

40 мг дозаны қабылдау кезінде жағымсыз әсерлерінің дамуы мүмкін екеніне байланысты, дозаны ең жоғары 40 мг дейін арттыруды 20 мг дозаны қолданғанда қалаулы ем нәтижесіне жетпеген ауыр гиперхолестеринемия мен жүрек-қантамыр асқынуларының қаупі жоғары пациенттерде ғана (әсіресе, отбасылық гиперхолестеринемия бар пациенттерде) қарастыруға болады. 40 мг дозаны алатын пациенттер тұрақты бақылауда болуы тиіс. Препаратты 40 мг дозада алатын пациенттерді қадағалауға кеңес беріледі.

Қосалқы ем ретінде атеросклероздық жүрек-қантамыр ауруының даму қаупі жоғары ересек пациенттердегі жүрек-қантамыр асқынуларының профилактикасы

Ұсынылатын доза – тәулігіне бір рет 20 мг.

Препаратты бұрын қабылдамаған пациенттерге 40 мг дозаны тағайындау ұсынылмайды. Емнің 2-4 аптасынан кейін және/немесе Розувастатин-Тева дозасын арттырғанда липид алмасу көрсеткіштерін бақылау қажет (қажет болса, дозаны түзету талап етіледі).

Пациенттердің ерекше топтары

Балалар жасындағы пациенттер

Балаларда тек дәрігердің қадағалауымен қолданылады.

6-дан 17 жасқа дейінгі балалар мен жасөспірімдер (<II-V Таннер шкаласы)

Гетерозиготалы отбасылық гиперхолестеринемия

Гетерозиготалы отбасылық гиперхолестеринемия бар балалар мен жасөспірімдер үшін стандартты бастапқы доза 5 мг құрайды.

- гетерозиготалы отбасылық гиперхолестеринемия бар 6-дан 9 жасқа дейінгі балаларда стандартты доза күніне бір рет ішке 5-10 мг құрайды. Осы қауымда 10 мг мөлшерінен асатын дозалар тиімділігі мен қауіпсіздігі зерттелмеді.

- гетерозиготалы отбасылық гиперхолестеринемия бар 10-нан 17 жасқа дейінгі балаларда стандартты доза күніне бір рет ішке 5-20 мг құрайды. 20 мг-ден асатын дозалар тиімділігі мен қауіпсіздігі зерттелмеді.

Балаларды емдеу жөніндегі нұсқауларға сәйкес, балалар жасындағы пациенттерде титрлеуді әркімдегі жеке жауабына және жағымдылығына сәйкес жүргізген жөн. Балалар мен жасөспірімдер розувастатинмен емдеудің бүкіл барысында және қабылдау басталғанша стандартты гиперхолестеринемиялық диета ұстануы тиіс.

Гомозиготалы отбасылық гиперхолестеринемия

Гомозиготалы отбасылық гиперхолестеринемия бар 6-дан 17 жасқа дейінгі балалар мен жасөспірімдерге ұсынылған ең жоғары доза күніне бір рет ішке 20 мг құрайды.

Ұсынылған бастапқы доза жас шамасына, дене салмағына және статиндерді алдыңғы қабылдауға қарай күніне бір рет 5-тен 10 мг дейін құрайды. Балалар жасындағы пациенттерде күніне бір рет ең жоғары 20 мг дозасына дейін титрлеуді әркімдегі жеке жауап пен жағымдылыққа сәйкес жүргізген жөн. Балалар мен жасөспірімдер розувастатин қабылдау басталғанша және онымен емдеудің бүкіл барысында стандартты гипохолестеринемиялық диетаны қадағалауы тиіс.

Осы қауымда, 20 мг мөлшерінен тыс, розувастатиннің басқа дозаларын қолдану тәжірибесі шектеулі.

6 жасқа толмаған балалар

Розувастатин-Тева препаратының 6 жасқа толмаған балаларда қабылдауға ұсынылмауына байланысты, 6 жасқа толмаған балаларда қауіпсіздік пен тиімділік зерттеуі жүргізілмеді.

Егде жастағы пациенттер

Дозаны түзету қажет емес. 70 жастан асқан пациенттерге препараттың 5 мг бастапқы дозасы ұсынылады.

Бүйрек жеткіліксіздігі бар пациенттер

Ауырлығы жеңіл немесе орташа дәрежедегі бүйрек жеткіліксіздігі бар пациенттерде дозаны түзету қажет емес, препараттың ұсынылатын бастапқы дозасы 5 мг құрайды. Бүйрек функциясының орташа бұзылулары бар (креатинин клиренсі 60 мл/минуттан аз) пациенттерде препараттың 40 мг дозада қолдану қарсы көрсетілімді. Бүйрек жеткіліксіздігі айқын (креатинин клиренсі 30 мл/минуттан аз) пациенттерде Розувастатин-Тева препаратын қолдану қарсы көрсетілімді.

Бауыр жеткіліксіздігі бар пациенттер

Чайлд-Пью шкаласы бойынша баллы 7 немесе одан төмен субъектілерде розувастатиннің жүйелік әсері байқалмады. Алайда, Чайлд-Пью шкаласы бойынша баллы 8 немесе 9 болатын субъектілерде жүйелік әсерінің артуы байқалды. Пациенттердің осы тобында бүйрек функциясына бағалау жүргізілуі тиіс. Чайлд-Пью шкаласы бойынша баллы 9-дан жоғары пациенттерде препаратты қолдану тәжірибесі жоқ. Розувастатин-Тева препараты белсенді сатыдағы бауыр ауруы бар пациенттерге қарсы көрсетілімді.

Ерекше қауымдар – нәсілдік өзгешеліктер. Этникалық топтар

Азиялық тектес пациенттерде жүйелік әсерінің артуы байқалды. Розувастатин-Тева препаратының фармакокинетикалық параметрлерін әртүрлі этникалық топтарға жататын пациенттерде зерттегенде жапондықтар мен қытайлықтарда розувастатиннің жүйелік концентрациясының жоғарылауы білінді. Пациенттердің аталған топтарына розувастатин тағайындалғанда осы дерек ескерілу керек. Азиялық нәсілді пациенттерде ұсынылатын бастапқы доза 5 мг құрайды. Пациенттердің осы тобында 40 мг доза қарсы көрсетілімді.

Генетикалық полиморфизмдер

Пациенттерде SLCO1B1 (OATP1B1) c.521CC және ABCG2 (BCRP) c.421AA генотиптерінің болуы, SLCO1B1 c.521TT және ABCG2 c.421CC типтерімен салыстырғанда, розувастатин әсерінің артуымен (СКМ) байланысты. Пациенттерде c.521CC немесе c.421AA генотиптері болса, Розувастатин-Теваны күніне 1 рет ең төмен күнделікті дозада қабылдау ұсынылады.

Миопатияға бейімділігі бар пациенттер

Миопатияның даумуына бейімділік факторлары бар пациенттерге препаратты 40 мг дозада тағайындау қарсы көрсетілімді. Пациенттердің осы тобына ұсынылатын бастапқы доза 5 мг құрайды.

Қатарлас емдеу

Розувастатин әртүрлі тасымалдаушы ақуыздар (мысалы, OATP1B1 және BCRP) субстраты түрінде болады. Розувастатин-Тева препаратын тасымалдаушы ақуыздармен өзара әрекеттесу салдарынан (оның ішінде, циклоспорин және протеаза тежегіштері, ритонавир мен атазанавир, лопинавир және/немесе типранавир біріктірілімін қоса), қан плазмасында розувастатин мөлшерін арттыруы мүмкін дәрілік препараттармен бірге қабылдағанда миопатияның (рабдомиолизді қоса) даму қаупі артады. Мүмкіндігінше, баламалы препараттар қолдануды немесе Розувастатин-Тева препаратымен емдеуді уақытша тоқтату мүмкіндігін қарастыру керек. Осы дәрілік препараттарды Розувастатин-Тева препаратымен бірге қабылдамауға болмайтын жағдайларда осылай бірге емдеудің пайдасы мен қаупін және дозаның түзетілуін мұқият бағалау қажет.

Енгізу әдісі және жолы

Таблетканы шайнамай және ұсақтамай, ішке бүтіндей жұтып, сумен ішіп қабылдайды. Ас ішуге байланыссыз тағайындауға болады.

Артық дозалану жағдайында қабылдау қажет шаралар

Симптомдары – жағымсыз әсерлер симптомдарының айқындылығы.

Емдеу – симптоматикалық және демеуші емшаралар. Бауыр функциясын және КФК деңгейін бақылау қажет. Гемодиализдің тиімді болу ықтималдығы аз.

Дәрілік препаратты қабылдамас бұрын дәрігер кеңесіне жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз әсерлердің туындау жиілігі келесі конвенция бойынша белгіленеді: жиі (≥ l/100-ден < l/10 дейін), жиі емес (≥ 1/1 000 < l/100), сирек (≥ l/10 000-нан < l/1 000 дейін), өте сирек (< l/10 000) және жиілігі белгісіз (қолда бар деректер негізінде анықтау мүмкін емес).

Жиі:

• диабет, даму жиілігі қауіп факторларының болуына немесе болмауына байланысты (аш қарындағы қанда глюкоза деңгейі ≥ 5,6 ммоль/Л, ДСИ > 30 кг/м2, триглицеридтердің жоғары деңгейі, анамнездегі гипертензия).

• бас ауыру

• іш қату, жүрек айну, іш аумағының ауыруы

• миалгиялар

• астения синдромы

Жиі емес

• қышыну, бөртпе, есекжем

Сирек

• тромбоцитопения

• аса жоғары сезімталдық реакциялары, ангионевроздық ісінуді қоса

• панкреатит

• бауыр трансаминазаларының жоғары деңгейі

• миопатия (миозитті қоса), рабдомиолиз, жегі тәрізді синдром, бұлшықеттердің жыртылуы

Өте сирек

• полинейропатия, есте сақтай алмау

• сарғаю, гепатит

• артралгия

• гематурия

• гинекомастия

Жиілігі белгісіз

• депрессия

• шеткері полинейропатия, ұйқы бұзылулары (ұйқысыздықты және түнгі қорқынышты түстерді қоса)

• жөтел, диспноэ

• диарея

• Стивенс-Джонсон синдромы

• кейде үзілумен асқынатын байламдық аппарат тарапынан бұзылулар, иммунитетке байланысты некроздық миопатия

• ісінулер

ГМГ-КоА-редуктазаның басқа тежегіштерін қолдану кезіндегідей, жағымсыз әсерлердің туындау жиілігі дозаға тәуелді сипатта болады.

Бүйрекке әсері

Розувастатин-Тева препаратын қабылдаған пациенттерде тест-жолақтар көмегімен анықталған, бәрінен жиірек, тубулярлы протеинурия байқалды. 10 және 20 мг препарат қабылдаудан кейін пациенттердің <1%-да және 40 мг препарат қабылдаған пациенттердің 3%-да несептегі ақуыз мөлшерінің нөлден немесе іздерінің ++ дейін немесе одан көп өзгеруі байқалды. 20 мг препарат қабылдағанда нөлден немесе іздерінің + дейін мардымсыз өзгеруі байқалды. Көптеген жағдайларда протеинурия емдеуді жалғастырғанда азаяды немесе жойылады. Клиникалық сынақтардың және тіркеуден кейінгі қадағалаудың қазіргі таңда қолжетімді деректеріне шолу жасалғанда протеинурия мен бүйректің жедел немесе үдемелі ауруы арасындағы себеп-салдарлы байланыс анықталмады. Розувастатин-Тева препаратын қабылдаған пациенттерде гематурия байқалды әрі клиникалық деректерге сәйкес осы құбылыстың туындау жиілігі төмен.

Қаңқа бұлшықетіне әсері

Розувастатин-Тева препаратымен барлық дозаларда ем алып жүрген пациенттерде, әсіресе, > 20 мг дозасында қаңқа бұлшықеттеріне әсері, оның ішінде миалгиялар, миопатиялар (миозитті қоса) және сирек жағдайларда жедел бүйрек жеткіліксіздігімен немесе онсыз рабдомиолиз туралы хабарланды.

Розувастатин қабылдап жүрген пациенттерде креатинкиназа деңгейінің дозаға тәуелді артуы хабарланды, осы орайда көпшілік жағдайларда ауырлығы жеңіл дәрежеде, симптомсыз және қайтымды болды. Креатинкиназа деңгейі қалыптың жоғарғы шегінен 5 еседен артық жоғарылаған жағдайда Розувастатин-Тева препаратымен емдеуді тоқтату керек.

Бауырға әсері

ГМГ-КоА редуктазасының басқа тежегіштерін қолдану кезіндегідей, розувастатин қабылдаған пациенттердің аздаған санында трансаминазалар деңгейінің дозаға тәуелді артуы байқалды, осы орайда көптеген жағдайлардың ауырлығы жеңіл дәрежеде, симптомсыз және қайтымды болды.

Статиндер тобының басқа препараттарын қолдану кезінде келесі жағымсыз құбылыстар хабарланды:

Жыныстық функцияның бұзылуы

Өкпенің интерстициальді ауруының, әсіресе, статиндермен ұзақ уақыт емдеу кезіндегі сирек жағдайлары болды.

Рабдомиолиздің, бүйрек пен бауырдың күрделі аурулары (негізінен трансаминазалар деңгейінің жоғарылауын қоса) 40 мг мөлшеріне тең дозаны қабылдағанда жоғары болды.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат - 5.21 мг, 10.42 мг, 20.83 мг және 41.68 мг кальций розувастатині (5.0 мг, 10.0 мг, 20.0 мг және 40.0 мг розувастатинге баламалы)

қосымша заттар: микрокристалды целлюллоза (Avicel PH 102), лактоза моногидраты (Tablettose 80), Кросповидон В типі (Polyplasone XL 10),

гидроксипропилцеллюлоза (Klucel LXF), натрий гидрокарбонаты, магний стеараты.

5 мг доза үшін қабық құрамы: Оpadry II сары 33К82698 (лактоза моногидраты, гипромеллоза 6сР, титанның қостотығы (Е 171), триацетин, темірдің сары тотығы (Е172)

10 мг, 20 мг, 40 мг дозалар үшін қабық құрамы: Оpadry II Pink 30К84560 (лактоза моногидраты, гипроксипропилметилцеллюлоза 2910/ гипромеллоза 6сР, титанның қостотығы (Е 171), триацетин, темірдің қызыл тотығы (Е172)

Дөңгелек, екі беті дөңес, екі жағы тегіс, сары түсті үлбірлі қабықпен қапталған таблеткалар (5 мг доза үшін)

Дөңгелек, екі беті дөңес, бір жағында сындыру сызығы бар және екінші жағы тегіс, қызғылт түсті үлбірлі қабықпен қапталған таблеткалар (10 мг және 20 мг дозалар үшін)

Сопақша пішінді, екі беті дөңес, бір жағында сындыру сызығы бар және екінші жағы тегіс, қызғылт түсті үлбірлі қабықпен қапталған таблеткалар (40 мг доза үшін)

Шығарылу түрі және қаптамасы

Поливинилхлорид/поливинилиденхлорид үлбірінен/ алюминий фольгадан жасалған пішінді ұяшықты қаптамаға немесе бейімделген полиамид/алюминий фольга/поливинилхлоридтен жасалған қаптамаға 10 таблеткадан салады.

Пішінді ұяшықты 3 (5 мг, 10 мг, 20 мг, 40 мг дозалар үшін) немесе 9 (10 және 20 мг дозалар үшін) қаптамадан қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Teva Pharma S.L.U., Сарагоса, Испания

C/C, n. 4, Poligono Industrial Malpica, Zaragoza, 50016

Телефон: 34-976-571784

Электронды пошта: info@tevapharm.com

Тіркеу куәлігінің ұстаушысы

Teva Pharmaceutical Industries Limited, Израиль

Basel 5 street, Petach-Tikva 4951033

Телефон: 972-3-9267267

Электронды пошта: info@tevapharm.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ратиофарм Қазақстан» ЖШС,

050059 (А15Е2Р), Алматы қ.,

Әл-Фараби даңғылы 17/1, Нұрлы-Тау БО, 5Б, 6 қабат.

Телефон: (727)3251615;

е-mail: info.tevakz@tevapharm.com; веб сайт: www.teva.kz.