Рибоксин (раствор для инъекций, 20 мг/мл, 5 мл) (Inosine)

• русский
• қазақша

• Скачать инструкцию медикамента

Саудалық атауы

Рибоксин

Халықаралық патенттелмеген атауы

Инозин

Дәрілік түрі

Инъекцияға арналған 20мг/мл 5 мл ерітінді

Құрамы

Бір ампуланың (5 мл) ішінде

белсенді зат – 100 мг инозин ( 100% затқа шаққанда),

қосымша заттар: гексаметилентетрамин, 1 М натрий гидроксидінің ерітіндісі, инъекцияға арналған су.

Сипаттамасы

Мөлдір түссіз немесе әлсіз боялған сұйықтық.

Фармакотерапиялық тобы

Жүрек-қантамыры жүйесінің ауруларын емдеуге арналған препараттар. Жүрек ауруларын емдеуге арналған басқа да препараттар.

Басқа да кардиотонустық препараттар.

АТХ коды С01ЕВ

Фармакологиялық қасиеттері

Фармакокинетикасы

Глюкурон қышқылын түзіп, артынан оны тотықтандыра отырып, бауырда метаболизденеді. Несеппен бірге болымсыз мөлшерде бөлініп шығады.

Фармакодинамикасы

Рибоксин – пурин туындысы (нуклеозид) – аденозин-трифосфат (АТФ) ізашары. Метаболизм үдерісін стимуляциялайтын дәрілік заттар тобына жатады. Антигипоксиялық және антиаритмиялық әсер білдіреді. Миокардтың энергетикалық балансын арттырады, коронарлық қанайналымын жақсартады, бүйректің интраоперациялық ишемиясының салдарларының алдын алады. Глюкоза алмасуына тікелей қатысады және гипоксия және АТФ болмаған жағдайда алмасудың белсенділенуіне ықпал етеді. Қалыптағыдай тіндік тыныс алу үдерісін қамтамасыз ету үшін қажетті пирожүзім қышқылының метаболизмін белсенділендіреді, сондай-ақ ксантин-дегидрогеназаның белсенділенуіне ықпал етеді. Нуклеотидтер синтезін стимуляциялайды, Кребс циклінің кейбір ферменттерінің белсенділігін күшейтеді.

Жасушаларға өтіп миокардтағы метаболизм үдерісіне оң әсер етеді – жүректің жиырылу күшін күшейтеді және миокардтың диастолада толық босаңсуына ықпал етеді, соның нәтижесінде екпінді көлемі артады. Аритмияға қарсы әсерінің механизмі толық анықталмаған.

Тромбоциттер агрегациясын төмендетеді, тіндер регенерациясын белсенділендіреді (әсіресе миокард пен АІЖ шырышты қабатының).

Қолданылуы

- миокард инфарктісін, жүректің ишемиялық ауруын, инфекциялық аурулардан кейінгі миокардиодистрофия аясында жүрек гликозидтерін қолданумен байланысты жүрек ырғағының бұзылуындағы кешенді емде;

- бауыр ауруларында (гепатиттер, цирроз, майлы дистрофия).

Қолдану тәсілі және дозалары

Препарат вена ішіне сорғалатып баяу немесе тамшылатып (1 минутта 40-60 тамшы) қолданылады. Емді 200 мг (10 мл ерітінді 20 мг/мл) күніне 1 рет енгізуден бастайды, содан кейін, жақсы көтерімділігінде дозаны күніне 1-2 рет 400 мг дейін (20 мл ерітінді 20 мг/мл) арттырады. Емдеу ұзақтығы 10-15 күн.

Жүрек ырғағының жедел бұзылуында 200-400 мг (10-20 мл ерітінді 20 мг/мл) бір реттік дозада препаратты сорғалатып енгізуге болады.

Ишемияланған бүйректі фармакологиялық қорғау үшін Рибоксинді вена ішіне сорғалатып бір реттік 1,2 г дозада (60 мл ерітінді 20 мг/мл) бүйрек артериясын қысқанға дейін 5-15 минут бұрын, ал содан кейін тағы 0,8 г (40 мл ерітінді 20 мг/мл) дереу қан айналымы қалпына келгеннен кейін енгізеді.

Вена ішіне 20 мг/мл ерітіндіні тамшылатып енгізгенде 5 % декстрозаның (глюкозаның) немесе натрий хлоридінің (250 мл дейін) изотониялық ерітіндісінде сұйылтады.

Жағымсыз әсерлері

- бөрту, қышыну, тері гиперемиясы, есекжем, анафилаксиялық шокты қоса, аллергиялық/анафилаксиялық реакциялар

- липодистрофия;

- тахикардия, бас ауыруы, бас айналуы, жүрек айнуы, құсу, тершеңдікпен қатар жүруі мүмкін артериялық гипотензия

Сирек жағдайларда емдегенде қанда несеп қышқылы деңгейінің жоғарылауы, ұзақ уақыт емдегенде подаграның өршуі байқалуы мүмкін.

Қолдануға болмайтын жағдайлар

- препаратқа жоғары сезімталдық

- подагра

- гиперурикемия

- бүйрек жеткіліксіздігі

- жүктілік, лактация кезеңі

- 18 жасқа дейінгі балаларға

Дәрілермен өзара әрекеттесуі

Бір мезгілде қолданғанда анаболикалық стероидтар мен стероидты емес анаболикалық дәрілердің әсерін күшейтеді.

Теофиллиннің бронхолитикалық әсерін және кофеиннің психостимуляциялайтын әсерін бәсеңдетеді.

Кешенді ем құрамында қолданғанда Рибоксин антиаритмиялық, антиангинальді және инотроптық дәрілік препараттардың тиімділігінің жоғарылауына ықпал етеді.

Рибоксинді бета-адреноблокаторлармен бір мезгілде қолданғанда Рибоксиннің әсері төмендемейді. Жүрек гликозидтерімен біріктіргенде препарат аритмияның пайда болуының алдын алуы және инотропты әсерін күшейтуі мүмкін.

Иммунодепрессанттармен бір мезгілде қолданғанда тиімділігі төмендейді.

Рибоксиннің басқа топтағы дәрілік препараттармен клиникалық мәні бар өзара әрекеттесуі сипатталмаған.

Рибоксинді препараттардың химиялық сыйымсыздығынан сақ болу үшін, басқа дәрілік заттармен бір шприцте араластыруға болмайды.

Айрықша нұсқаулар

Педиатрияда қолдану

Балаларға қолдану қауіпсіздігі жөнінде жеткілікті деректердің болмауына байланысты, балаларға және 18 жасқа дейінгі жасөспірімдерге қолдану ұсынылмайды.

Лейкопения кезінде қолдану

Шеткері қанның нейтрофилдер деңгейі бір литрде 1,5109 төмен болғанда қолдануға болмайды

Рибоксинді тағайындаған кезде бүйрек функциясы бұзылған емделушілерге айрықша сақтық керек. Бұл орайда қандағы несеп қышқылы мен мочевина деңгейін бақылау ұсынылады.

Жүктілік пен лактация кезеңі

Рибоксинді пайда/қауіп арақатынасын есепке ала отырып, жүктілік пен лактация кезінде қолдануға болады.

Препараттың автокөлікті немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын немесе қауіптілігі зор механизмдерді басқару кезінде сақ болу қажет.

Артық дозалануы

Қазіргі кезде препаратпен артық дозалану жағдайлары байқалмаған. Симптомдары: жоғары дозаларды енгізген кезде бүйрек функциясы бұзылған науқастарда жүрек айнуы, асқазанның ауыруы, жүрек ырғағының (блокада типінде) бұзылуы пайда болуы мүмкін.

Емі: препаратты тоқтату, симптоматикалық емдеу, қажет болғанда тері астына 200-400 мг натрий кофеин-бензоатын енгізуге болады. Арнайы антидоты жоқ.

Шығарылу түрі және қаптамасы

Шыныдан жасалған ампулаларда 5 мл-ден.

10 ампуладан ампулаларды ашуға арналған пышағы немесе скарификаторы және медициналық қолдануы жөніндегі нұсқаулықпен бірге гофрлауға арналған қағаздан жасалған гофрланған қосымшасымен полиграфиялық картоннан жасалған қорапқа салынған.

5 ампуладан поливинилхоридті үлбірден жасалған пішінді ұяшықты қаптамаға салынады.

2 пішінді ұяшықты қаптамадан ампулаларды ашуға арналған пышақпен немесе скарификатормен және медициналық қолдану жөніндегі мемлекеттік және орыс тілдеріндегі нұсқаулықпен бірге хром-эрзац

картоннан немесе GC-2 маркалы целлюлоза картоннан жасалған қорапшаға салынған.

10 ампуладан ампулаларды ашуға арналған пышақпен немесе скарификатормен және медициналық қолдану жөніндегі мемлекеттік және орыс тілдеріндегі нұсқаулықпен бірге полиграфиялық картоннан немесе GC-2 маркалы целлюлоза картоннан жасалған ампулаларды бекітуге арналған картон қосымшасымен картон қорапшаға салынған.

Сындыру сақинасы немесе сындыру кертігі және сындыру нүктесімен ампулаларды қолданған жағдайда ампулаларды ашуға арналған пышақ немесе скарификатор салынбайды.

Сақтау шарттары

Жарықтан қорғалған жерде, 15 ºС-ден 25 ºС-ге дейінгі температурада.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші/Қаптаушы

“Борисов медициналық препараттар зауыты” ашық акционерлік қоғамы, Беларусь Республикасы.

Минск обл., Борисов қ, Чапаев көшесі, 64, тел/факс +375(177)734043.

Тіркеу куәлігінің ұстаушысы

“Борисов медициналық препараттар зауыты” ашық акционерлік қоғамы, Беларусь Республикасы

Қазақстан Республикасы аумағында дәрілік заттың қауіпсіздігін тіркеуден кейін бақылауға жауапты ұйымның атауы, мекенжайы және байланыс деректері (телефон, факс, электрондық поштасы)

«МедФармИнтерСервис» ЖШС, 050004, Қазақстан Республикасы, Алматы қ-сы, Абылай хан даңғылы, 30, тел. 87013066011, 87714140258.