Ретиналамин®

• русский
• қазақша

• Скачать инструкцию медикамента

Саудалық атауы

Ретиналамин®

Халықаралық патенттелмеген атауы

Жоқ

Дәрілік түрі

Бұлшықет ішіне және парабульбарлық енгізу үшін ерітінді дайындауға арналған 5 мг лиофилизат

Құрамы

1 құтының ішінде

белсенді зат - 5 мг ретиналамин (Ретиналаминнің® құрғақ сығындысынан бөлініп алынған, суда еритін полипептидті фракциялар кешені),

қосымша зат – глицин.

Сипаттамасы

Ақ немесе сарғыш реңді ақ түсті кеуекті масса немесе лиофилизацияланған ұнтақ

Фармакотерапиялық тобы

Көз ауруларын емдеуге арналған препараттар

Көз ауруларын емдеуге арналған басқа да препараттар

АТХ коды S01XA

Фармакологиялық қасиеттері

Фармакодинамикасы

РЕТИНАЛАМИН – 10 000 Да көп емес молекулярлық массасымен суда еритін полипептидтік фракциялар кешені.

Препарат фоторецепторларға және торқабықтың жасушалық элементтеріне көтермелегіш әсер етеді, дистрофиялық өзгерістері кезінде пигменттік эпителийдің және фоторецепторлардың сыртқы сегменттерінің, глиальді жасушаның функциональдік өзара әрекеттесуінің жақсаруына ықпал етеді, торқабықтың жарыққа сезімталдығының қалпына келуін жылдамдатады. Тамырлардың өткізгіштігін қалпына түсіреді, жергілікті қабыну реакцияларының білінуін азайтады, көз торқабығының ауруы және жарақаты кезінде репаративті үдерістерді көтермелейді.

РЕТИНАЛАМИННІҢ® әсер ету механизмі оның метаболикалық белсенділігімен анықталады: препарат көз тіндерінің метаболизмін жақсартады және жасушалық жарғақшалардың қызметін қалпына келтіреді, ақуыздың жасушаішілік синтезін жақсартады, липидтердің асқын тотықтану үдерісін реттейді, энергетикалық үдерістердің оңтайлануына ықпал етеді.

Фармакокинетикасы

РЕТИНАЛАМИННІҢ® құрамының полипептидтік фракциялар кешені болып табылатын әсер етуші заты, оның жеке компоненттеріне әдеттегі фармакокинетикалық талдау жүргізуге мүмкіндік бермейді.

Қолданылуы

ауруларды кешенді емдеу құрамында:

- компенсацияланған aлғашқы ашық бұрышты глаукомада

- диабеттік ретинопатияда

- торқабықтың жарақаттан және қабынудан болған орталық дистрофиясында

- торқабықтың орталық дистрофиясында

- миопиялық ауруда

- орталық және шеткергі тапеторетинальды абиотрофияда

Қолдану тәсілі және дозалары

Диабеттік ретинопатияда, торқабықтың жарақаттан және қабынудан болған орталық дистрофиясында, орталық және шеткергі тапеторетинальды абиотрофияда парабульбарлы немесе бұлшықет ішіне тәулігіне 1 рет 5 - 10 мг-ден. Емдеу курсы – 5-10 күн; қажет болған кезде 3 – 6 айдан кейін қайталайды.

Компенсацияланған алғашқы ашық бұрышты глаукомада парабульбарлы немесе бұлшықет ішіне тәулігіне 1 рет 5 мг-ден. Емдеу курсы – 10 күн; қажет болған кезде 3 – 6 айдан кейін қайталайды.

Миопиялық ауруда парабульбарлы тәулігіне 1 рет 5 мг-ден. Емдеу курсы – 10 күн. Ангиопротекторлы дәрілермен және В тобының витаминдерімен біріктіру ұсынылады.

Препаратты 1–2 мл инъекцияға арналған суда, 0,9 % натрий хлориді ерітіндісінде немесе прокаиннің (новокаиннің) 0,5 % ерітіндісінде көбіктің түзілуін болдырмау үшін инені құтының қабырғасына қарай бағыттай отырып ерітеді.

Жағымсыз әсерлері

• препараттың компоненттеріне жекелей жоғары сезімталдық жағдайында аллергиялық реакциялар болуы мүмкін

Қолдануға болмайтын жағдайлар

• препараттың компоненттеріне жекелей жоғары сезімталдық

• 18 жасқа дейінгі балалар және жасөспірімдер

• жүктілік және лактация кезеңі (қауіптілігі мен тиімділігі жөнінде деректер жоқ)

Дәрілермен өзара әрекеттесуі

Препараттың дәрілермен өзара әрекеттесуі сипатталмаған.

Айрықша нұсқаулар

РЕТИНАЛАМИНді® тек дәрігердің тағайындауы бойынша пайдаланыңыз!

Сұйытылған дәрілік препараты бар құтыны сақтауға және сақтағаннан кейін пайдалануға болмайды. РЕТИНАЛАМИН® ерітіндісін басқа ерітінділермен араластыру ұсынылмайды.

Инъекцияны өткізіп алған жағдайда дозаны екі еселеп енгізу ұсынылмайды, ал келесі инъекцияны әдеттегідей белгіленген күні жүргізу керек.

Лактация кезеңі

Лактация кезеңінде препаратты тағайындау қажет болса, бала емізуді тоқтату керек

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану көлік құралдарын немесе қауіптілігі зор механизмдерді басқару қабілетіне әсер етпейді.

Артық дозалануы

Препараттың артық дозалануы жөнінде хабарлар жоқ.

Шығарылу түрі және қаптамасы

ISO 8362-1:2009 бойынша сыйымдылығы 5 мл түссіз шыныдан жасалған құтыдағы лиофилизат 22 мг-ден; МемСТ Р ИСО 8871-5-2010 бойынша медициналық резеңке тығынмен немесе ISO 8362-5:2008 бойынша тығынмен тығындалған, МемСТ Р 51314-99 бойынша үзілмелі пластикалық бастырмасы бар алюминий қалпақшамен қаусырылған, немесе ISO 8362-6:2010, немесе ISO 8362-7:2006 бойынша «ГЕРОФАРМ» деген бедерлі жазуы бар. МемСТ 29.1-2001 бойынша құтыға өздігінен жабысатын заттаңба жапсырылады.

МемСТ 25250-88 бойынша поливинилхлоридті үлбірден жасалған және МемСТ 745-2003 бойынша алюминий фольгадан жасалған пішінді ұяшықты қаптамада 5 құтыдан. 2 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге импортты картоннан жасалған қорапшаға салынған.

Топтамалық қаптама және тасымалдаушы ыдыс МемСТ 17768-90 сәйкес.

Сақтау шарттары

Құрғақ, жарықтан қорғалған жерде, 2оС-ден 20оС-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«ГЕРОФАРМ» ЖШҚ,

191119, Ресей, Санкт-Петербург, Звенигородская көшесі, 9-үй

Тел.: (812) 703-79-75 (көп каналдық),

факс: (812) 703-79-76

Тіркеу куәлігінің иесі

«ГЕРОФАРМ» ЖШҚ,

191119, Ресей, Санкт-Петербург, Звенигородская көшесі, 9-үй

Тел.: (812) 703-79-75 (көп каналдық),

факс: (812) 703-79-76

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

Қазақстан Республикасындағы «ГЕРОФАРМ» ЖШҚ өкілдігі,

Алматы қ., Тимирязев к-сі, 42 үй,

15/108-109 павильоны, 339 кеңсе

Тел. 8(727) 334-15-70

Ресей аумағында

«ГЕРОФАРМ» ЖШҚ, Ресей, мына мекенжайда орналасқан:

Ресей, 197022, Санкт-Петербург, Академик Павлов к-сі, 5-үй, литер «В»,

Тел. (812) 703-79-75 (көп каналдық), факс (812) 703-79-76

Шұғыл желі телефоны : 8-800-333-4376 (Ресей бойынша қоңырау тегін )

www.retinalamin.ru

www.geropharm.ru