Реополиглюкин

• русский
• қазақша

• Скачать инструкцию медикамента

Саудалық атауы

Реополиглюкин

Халықаралық патенттелмеген атауы

Декстран

Дәрілік түрі

Инфузияға арналған 10% ерітінді

Құрамы

100 мл ерітіндінің құрамында

белсенді зат - декстран (М 30000-нан 40000-ға дейін) - 10 г

қосымша заттар: натрий хлориді - 0,9 г ,

инъекцияға арналған су – 100 мл-ге дейін.

Теориялық осмолярлығы ~311 мОсм/л.

Сипаттамасы

Мөлдір түссіз немесе сәл сарғыш, иісі жоқ сұйықтық

Фармакотерапиялық тобы

Плазманың орнын алмастырғыш және перфузиялық ерітінділер. Қан плазмасының препараттары және плазманы алмастыратын препараттар.

АТХ коды В05АА05

Фармакологиялық қасиеттері

Фармакокинетикасы

Реополиглюкиннің құрамына кіретін декстран организмнен негізінен бүйректер арқылы шығарылады: алғашқы тәуліктің ішінде шамамен 70%-ы өзгермеген күйінде шығарылады. Декстранның белгілі бір бөлігі ретикулоэндотелиальді жүйеге түседі, онда ол глюкозаға дейін біртіндеп ыдырайды. Көмірсу алмасуына қатыспайды. Декстранның өте аздаған мөлшері асқазан-ішек жолына енуі және нәжістермен бірге шығарылуы мүмкін.

Фармакодинамикасы

Реополиглюкин — молекулалық массасы 30000-40000 глюкоза полимерінің (декстран) (С6Н10О5) 10% коллоидты ерітіндісі. Плазманың орнын алмастыратын, шокқа қарсы гемодинамикалық әсері бар дәрілік зат ретінде қолданылады. Плазма көлемінің енгізілген дәрілік зат көлемімен салыстырғанда 2 есе дерлік артуына мүмкіндік береді, өйткені молекулалық салмағы 30000—40000 глюкоза полимерінің әрбір грамы 20—25 мл сұйықтықтың тіндерден қан арнасына ауысуын тудырады. Онкотикалық қысымының жоғары болуы салдарынан реополиглюкин қантамыр қабырғасы арқылы өте баяу өтеді және қан арнасында ұзақ уақыт айналымда болып, тіндерден қантамырларға концентрация градиенті бойынша сұйықтық ағысы есебінен гемодинамиканы қалыпқа келтіреді. Нәтижесі ретінде, артериялық қысым тез жоғарылайды және ұзақ уақыт жоғары деңгейде сақталады, тіндердің ісінуі азаяды.

Реополиглюкин уытсыздандырғыш дәрі ретінде қолданылуы мүмкін. Оны енгізген кезде қанның тұтқырлығы жақсарады, пішіндік элементтердің бірігуі азаяды. Ол сондай-ақ осмостық механизм бойынша диурезді стимуляциялайды (шумақтарда сүзіледі, алғашқы несепте жоғары онкотикалық қысым жасайды және өзекшелерде судың кері сіңуіне кедергі келтіреді), осымен организмнен улардың, уыттардың, деградациялық зат алмасу өнімдерінің шығарылуына мүмкіндік береді (және күшейтеді).

Қолданылуы

- капиллярлық қан ағысы бұзылғанда

- жарақаттық, операциялық және күйіктік шоктың алдын алуға және емдеуге

- септикалық шокта

- артериялық және көктамырлық қан ағысы бұзылғанда

- тромбоздарды және тромбофлебиттерді, эндартериитті және Рейно ауруын емдеуге және алдын алуға

- жасанды қан айналу аппаратын қолданып, жүрекке операция жасағанда (перфузиялық сұйықтықты қосу үшін)

- қантамырлық және пластикалық хирургияда жергілікті қан айналымын жақсарту үшін (трансплантатта тромбозға тенденцияны азайту үшін)

- күйіктерде, перитонитте, панкреатитте және т.б. уытсыздандыруға

- торқабықтың және көру жүйкесінің ауруларында (торқабық дистрофиясы, асқынған миопатияда және т.б.)

- мөлдір қабықтың және қантамыр қабығының қабыну үдерістерінде

- бүйректің сүзілу қызметі сақталған бүйрек және бүйрек-бауыр қызметінің жеткіліксіздігінде.

Қолдану тәсілі және дозалары

Көктамыр ішіне сорғалатып, сорғалатып-тамшылатып, тамшылатып.

Препарат дозасын және енгізу жылдамдығын көрсетілімдеріне және науқастың жағдайына, артериялық қысымының шамасына, жүректің жиырылу жиілігіне, гематокрит көрсеткіштеріне қарай әр адамға жекелей таңдаған жөн.

Препаратты қолданған кезде міндетті түрде биосынама жүргізу керек: препараттың 5 тамшысын баяу енгізгеннен кейін құюды 3 минутқа тоқтатады, содан кейін тағы 30 тамшы енгізеді және құюды қайтадан 3 минутқа тоқтатады. Реакция жоқ болса, препаратты енгізуді жалғастырады. Биосынама нәтижелері ауру тарихына міндетті түрде тіркеледі.

1. капиллярлы қан ағысы бұзылғанда (шоктың әр түрлері) гемодинамикалық көрсеткіштер тіршілікті қамтамасыз ететін дәрежеде тұрақталғанша 0.5 л-ден 1.5 л дозаға дейін көктамыр ішіне тамшылатып немесе сорғалатып-тамшылатып енгізеді. Қажет болған кезде препарат мөлшері 2 л-ге дейін арттырылуы мүмкін.

Әртүрлі шок кезінде балаларда дене салмағының әр кг-на шаққанда 5-10 мл есебінен енгізеді, доза қажет болғанда дене салмағының әр кг-на шаққанда 15 мл-ге дейін арттырылуы мүмкін. Гематокрит шамасын 25%-дан азға төмендетпеу керек.

2. Жүрек-қантамырлық және пластикалық операцияларда тура хирургиялық араласым алдында көктамыр ішіне ересектер мен балаларға дене салмағының әр кг-на шаққанда 10 мл дозаны, операция кезінде ересектерге 500 мл, балаларға 15 мл/кг дозаны 30 – 60 минут бойы тамшылатып енгізеді.

Операциядан кейін препаратты 5 - 6 күн бойы көктамыр ішіне (60 минут бойы) мынадай дозаларда тамшылатып енгізеді:

ересектерге – бір рет 10 мл/кг,

2 – 3 жасқа дейінгі балаларға – тәулігіне 1 рет 10 мл/кг,

8 жасқа дейінгі балаларға – тәулігіне 1 - 2 рет 7 - 10 мл/кг,

14 жасқа дейінгі балаларға – тәулігіне 1 - 2 рет 5 - 7 мл/кг.

14 жастан асқан балалар үшін доза ересектерге арналған дозадағыдай.

3. Жасанды қан айналым қолданылатын операцияларында препаратты оксигенатор насосын толтыру үшін қанға науқастың дене салмағының әр кг-на шаққанда 10-20 мл есебінен қосады. Декстранның перфузиялық ерітіндідегі концентрациясы 3%-ан аспауы тиіс. Операциядан кейінгі кезеңдегі препарат дозасы капиллярлық қан ағысының бұзылған кезіндегідей болады.

4. Уытсыздандыру мақсатында көктамыр ішіне 500 мл-ден 1250 мл-ге дейінгі (балаларда 5-10 мл/кг) бір реттік дозаны 60 - 90 мин бойы енгізеді. Қажет болғанда алғашқы тәулікте тағы 500 мл препарат құюға болады (балаларда препаратты алғашқы тәулікте енгізу сол дозаларда қайталануы мүмкін). Кейінгі күндері препаратты ересектерге тәуліктік 500 мл доза, балаларға дене салмағының әр кг-на шаққанда 5 – 10 мл доза есебінен тамшылатып енгізеді. Кристаллоидтық ерітінділерді (Рингер және Рингер-ацетаты және т.б.) су-электролиттік тепе-теңдік қалыпқа келетіндей мөлшерде бірге енгізген жөн (әсіресе сусызданған науқастарды және хирургиялық операциялардан кейін), препарат, әдеттегідей, диурезді арттырады (диурездің азаюы науқас организмінің сусызданғанын көрсетеді).

5. Офтальмологиялық іс-тәжірибеде электрофорез арқылы қолданылады, оны жалпыға бірдей тәсілмен жүргізеді. Препараттың бір емшараға шығыны 10 мл құрайды. Емшараны күніне 1 рет жүргізеді, оң, сондай-ақ теріс полюспен енгізеді. Токтың тығыздығы - 1.5 мА/кв.см. дейін. Емшара ұзақтығы - 15-20 мин. Емдеу курсы 5-10 емшарадан тұрады.

Жағымсыз әсерлері

- аллергиялық және анафилактоидтық реакциялар (терінің қышуы, бөртпелер, Квинке ісінуі, артериялық қысымның төмендеуі, коллапс, олигоурия)

- қан айналымының және тыныс алудың бұзылуы

- бүйрек қызметінің жедел жеткіліксіздігі

- жүректің айнуы, қалтырау, қызба.

Қолдануға болмайтын жағдайлар

- асқын сезімталдық

- жүрек-қантамыр қызметінің декомпенсацияланған жеткіліксіздігі

- бассүйек-ми жарақаттары бассүйекішілік қысымды арттыруымен

- геморрагиялық инсульт

- ішкі қан кетулер

- гипокоагуляция

- тромбоцитопения

- бүйрек қызметінің айқын бұзылуларының олиго-және ануриямен қатарласа жүруі

- гиперволемия, гипергидратация және сұйықтықтық мол мөлшерін енгізуге болмайтын басқа да жағдайлар

- артериялық қысымның жоғарылауы.

Дәрілермен өзара әрекеттесуі

Декстранның инфузиялық ерітіндіге енгізуге жоспарланған дәрілермен үйлесімділігін алдын ала тексеру қажет. Басқа да дәстүрлі трансфузиялық дәрілермен бірге қолдануға болады.

Айрықша нұсқаулар

Препаратпен бірге кристаллоидты ерітінділерді (0.9% натрий хлоридінің ерітіндісі, 5% декстроза ерітіндісі) сұйықтықтың және электролиттердің тепе-теңдігінің орнын толтыру және сақтау үшін қажетті мөлшерде енгізген жөн. Бұл сусызданған науқастарды емдегенде және ауыр хирургиялық операциялардан кейін аса маңызды. Антикоагулянттармен бір мезгілде қолданған кезде олардың дозасын төмендету қажет. Диурезді арттырады (егер диурездің азайып, қою шырыш тәрізді несептің бөлініп шығуы байқалса, бұл сусыздануды көрсетуі мүмкін). Мұндай жағдайда су-электролиттік тепе-теңдікті толықтыру және сақтау үшін көктамыр ішіне коллоидтық ерітінділерді енгізу қажет. Олигурия пайда болған жағдайда тұзды ерітінділер және фуросемид енгізу керек. Бүйректің сүзгіштік қабілеті төмендеген науқастарда натрий хлоридін енгізуді шектеу қажет. Декстрандар эритроциттердің бетін қаптап, қан тобын анықтауға кедергі жасауға қабілетті, сондықтан шайылған эритроциттерді пайдалану қажет.

қолданылуы

Реополиглюкинді балаларға және 18 жасқа дейінгі жасөспірімдерге қолданудың қауіпсіздігі мен тиімділігі жөнінде деректер жоқ, сондықтан организм үшін шамаланған пайдасы ықтимал қаупінен басым болған жағдайларда ғана тағайындаған жөн.

Жүктілік және лактация

Препарат жүктілік кезеңінде ана үшін шамаланған пайдасы ұрық үшін ықтимал қаупінен басым болған жағдайда ғана тағайындалуы мүмкін.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Емдеу кезеңінде психикалық және қимыл-қозғалыс реакцияларының шапшаңдығы төмендеуі мүмкін, сондықтан автокөлікті жүргізуді және зейінді жұмылдыруды және психомоторлы реакциялардың шапшаңдығын қажет ететін қауіпті қызмет түрлерімен айналысуды тоқтата тұру қажет.

Сақтықпен Реополиглюкинді бүйректер патологиялық тұрғыдан өзгерген жағдайларда 0,9% натрий хлориді ерітіндісімен бірге енгізбеген жөн.

Артық дозалануы

Симптомдары: кеудені кернеу сезімі, тыныс алудың тарылуы, белдің ауыруы, қалтыраудың, цианоздың басталуы, қан айналымы мен тыныс алудың бұзылуы

Емдеу: көктамырға 10% кальций хлориді ерітіндісін (10 мл), 20 мл 40% глюкоза ерітіндісін енгізеді, жүрек дәрілерін, гистаминге қарсы препараттарды қолданады.

Шығарылу түрі және қаптамасы

Резеңке қоспасы бар тығынмен тығындалған және алюминий қалпақшалармен көмкерілген, қанға, трансфузиялық және инфузиялық препараттарға арналған, сыйымдылығы 250 мл немесе 450 мл шыны бөтелкелерде 200 мл-ден немесе 400 мл-ден.

Әрбір бөтелке қолданылуы жөніндегі нұсқаулықпен бірге картон пәшкеге салынған.

Гофрланған картон жәшікке сыйымдылығы 250 мл 24, 28 бөтелке немесе сыйымдылығы 450 мл 12, 15 бөтелке медицинада қолданылуы жөнінде мемлекеттік және орыс тілдеріндегі нұсқаулықпен бірге, бөтелке санына сәйкес етіп салынған (стационарлар үшін).

Сақтау шарттары

10оС-ден 25 0С-ге дейінгі температурада.

Тасымалдаған кезде препаратты мұздатып қатыруға болады. Препаратта (температура түсіп кеткенде және тасымалдаған кезде) декстранның бөлшектері болып табылатын ақ үлбірлер пайда болған жағдайда ішінде препараты бар бөтелкені қайнап тұрған су моншасында 1 сағат бойы оқтын-оқтын сілкіп қыздыру немесе 20 минут бойы 1200С температурада автоклавтау арқылы шөгіндіні еріткен жөн, препаратты дене температурасына дейін салқындату керек, содан кейін препаратты пайдалануға болады.

Балалардың қолы жетпейтін жерде сақтау керек!

Сақтау мерзімі

4 жыл.

Жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

"Биохимик" ААҚ, Ресей Федерациясы, 430030, Саранск қ-сы, Васенко к-сі, 15 А Тел./факс (8342) 47-36-48, 47-36-78.

Тіркеу куәлігі иесінің атауы және елі

"Биохимик" ААҚ, Ресей Федерациясы

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы:

«ЦентрАзияФарм» ЖШС, 050030, Қазақстан Республикасы

Алматы қ-сы, Сүйінбай д-лы, 290

тел. 727 232-90-50, 727 385 04 00,

e-mail: register@caph.kz