Реклин

МНН: Мелоксикам
Производитель: Хелп С.А.
Анатомо-терапевтическо-химическая классификация: Meloxicam
Номер регистрации в РК: № РК-ЛС-5№022030
Информация о регистрации в РК: 07.04.2021 - 07.04.2031

Инструкция

Саудалық атауы

Реклин

Халықаралық патенттелмеген атауы

Мелоксикам

Дәрілік түрі, дозасы

Бұлшықет ішіне енгізуге арналған 15 мг/1,5 мл, 1,5 мл ерітінді

Фармакотерапиялық тобы

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Оксикамдар. Мелоксикам

АТХ коды М01АС06

Қолданылуы

- мелоксикамды пероральді немесе ректальді қолдану жолы тиімсіз болғанда ревматоидты артрит пен шорбуынданған спондилоартрит асқынуларын қысқа мерзімдік симптоматикалық емдеу үшін қолданылады.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- мелоксикамға немесе препараттың басқа компонентіне жоғары сезімталдық

- ацетилсалицил қышқылына немесе басқа да ҚҚСП жоғары сезімталдық (ацетилсалицил қышқылын немесе басқа да ҚҚСП тағайындағаннан кейін анамнезінде бронх демікпесі, мұрын полиптері, ангионевроздық ісінулер, есекжем симптомдарының болуы)

- қанның ұюын төмендететін препараттар қабылдайтын пациенттерге (бұлшықетішілік гематоманың даму қаупі)

- асқазан мен он екі елі ішек шырышының эрозиялық-ойық жаралы өзгерістері/тесілу (өршу сатысындағы немесе жуықта бастан өткерген)

- асқыну фазасындағы спецификалық емес ойық жара колиті, Крон ауыруы

- бауырдың айқын жеткіліксіздігі, жедел бауыр аурулары

- асқазан-ішектен қан кету, таяуда бастан өткерген цереброваскулярлық қан кету немесе қан ұюдың жүйелік бұзылуы

- бүйректің үдемелі ауруы, айқын бүйрек жеткіліксіздігі (егер гемодиализ жүргізілмесе)

- декомпенсацияланған жүрек жеткіліксіздігі

- аорта-коронарлық шунттаудан кейін (айналып өтетін анастомоздарды салу) операциядан кейінгі ауыру синдромы

- 18 жасқа дейінгі балалар мен жасөспірімдер

-жүктілік және лактация кезеңі.

Қолданған кездегі қажетті сақтандыру шаралары

Жағымсыз әсерлер ең төменгі тиімді дозаны қолдану кезінде және симптомдарды жеңілдетуге қажетті ең аз уақыт ұзақтығын қолданған кезде азаюы мүмкін.

Үйлесімсіздіктің даму мүмкіндігін ескере отырып, ампулалардың ішіндегісін басқа дәрілік препараттармен бір шприцте араластыруға болмайды!

Реклин препараты бөксенің жоғарғы сыртқы бөлігіне бұлшықетке терең инъекция арқылы енгізіледі (асептика ережелерін сақтай отырып). Қайта инъекция кезінде енгізу орны өзгеруі тиіс. Егер инъекция кезінде қатты ауырғаны сезілсе, медициналық қызметкерге хабарлау қажет, өйткені бұл жағдайда препаратты енгізу дереу тоқтатылуы тиіс. Егер пациентте ұршықбуын протезі болса, препаратты басқа жерге енгізеді.

Басқа дәрілік препараттармен өзара әрекеттесуі

Қандағы калийдің жоғарылауы: кейбір препараттар қандағы калийдің жоғарылауына ықпал етуі мүмкін. Оларға калий тұздары, кейбір несеп айдайтын дәрілер, қан қысымын төмендететін дәрілер (өзгертуші фермент тежегіштері, ангиотензин II антагонистері), ҚҚСП, гепариндер (төмен молекулалық немесе фракцияланбаған), циклоспорин, такролимус және триметоприм жатады. Калийдің жоғарылауы байланысты факторлардың болуына байланысты болуы мүмкін. Жоғарыда аталған препараттар Реклин препаратымен бірге енгізілгенде, бұл қауіп артады.

Реклинді басқа ҚҚСП немесе аспиринмен бір реттік дозада > 500 мг немесе жалпы тәуліктік доза> 3 г бір мезгілде тағайындау ұсынылмайды.

Кортикостероидтар (мысалы, глюкокортикоидтар): ойық жара және асқазан-ішек жолынан қан кету қаупінің жоғарылауына байланысты кортикостероидтармен бір мезгілде қолдану сақтықты талап етеді.

Қанның ұюын төмендететін препараттар (антикоагулянттар, мысалы, варфарин) және гепарин қан кету қаупін арттырады. Қарт адамдарға ҚҚСП-ны антикоагулянттармен немесе гепариннің емдік дозаларымен бір мезгілде қабылдау ұсынылмайды. Қабылдау әдісін ескере отырып (бұлшықет ішіне), Реклинді антикоагулянттарды қабылдайтын пациенттерге қолдануға болмайды. Қан кету қаупінің жоғарылауына байланысты басқа жағдайларда, мысалы, гепариннің профилактикалық дозаларын қолданғанда сақ болу керек.

Тромболитиктер және антиагреганттар: тромбоциттер функциясының тежелуіне және асқазан мен он екі елі ішектің шырышты қабығының зақымдалуына байланысты қан кету қаупінің жоғарылауы байқалады.

Антидепрессанттар (серотонинді кері қармайтын селективті тежегіштер): асқазан-ішектен қан кету қаупі жоғары.

Несеп айдайтын, қан қысымын төмендететін препараттар (ангиотензин өзгертуші фермент тежегіштері және ангиотензин II рецепторларының антагонистері): ҚҚСП олардың әсерін төмендетуі мүмкін. Бүйрек функциясының бұзылуы бар кейбір пациенттерде (мысалы, сусыздану немесе қартайғанда) дәрі-дәрмектердің бұл біріктірілімі бүйрек функциясының одан әрі нашарлауына, соның ішінде әдетте қайтымды болатын жедел бүйрек жеткіліксіздігінің дамуына әкелуі мүмкін. Осы типтегі кез-келген біріктіруді әсіресе қарт адамдарға сақтықпен тағайындау керек. Осы біріктірілімді қолданудың басында пациенттер сусызданбауы тиіс. Біріктірілген емді жалғастырған кезде бүйрек функциясын тұрақты бақылау қажет.

Қан қысымын төмендететін басқа препараттар (соның ішінде бета-блокаторлар): олардың әсері төмендеуі мүмкін.

Кальциневрин тежегіштері (мысалы, циклоспорин, такролимус): ҚҚСП кальциневрин тежегіштерінің бүйрекке уытты әсерін арттыруы мүмкін, сондықтан осы біріктірілімді қолданған кезде, әсіресе егде жастағы адамдарда, бүйрек функциясын бақылау қажет.

Деферасирокс: мелоксикам мен деферасироксты бір мезгілде қолдану асқазан-ішек жолы тарапынан жағымсыз әсерлер қаупін арттыруы мүмкін, препараттардың осы біріктірілімін қолданғанда сақ болу қажет.

Литиймен бірге қолданғанда қандағы литий деңгейі жоғарылауы мүмкін, сондықтан бұл біріктірілім ұсынылмайды. Егер дәрігер қолдану қажет деп санаса, емдеудің басында, соңында және Реклин дозасын түзетуден кейін қандағы литий деңгейін бақылау қажет.

Реклин бүйрек арқылы метотрексаттың шығарылуын азайтып, оның қан көрсеткіштеріне уытты әсерін күшейте алады. Реклинді метотрексаттың жоғары дозаларын (аптасына 15 мг астам) қабылдайтын пациенттерге бір мезгілде қолдану ұсынылмайды. Егер дәрігер бұл біріктіруді қажет деп санаса, қан мен бүйрек функциясының көрсеткіштеріне бақылау жүргізіледі (әсіресе бүйрек функциясы бұзылған жағдайда).

Пеметрексед: бүйрек жұмысы бұзылған пациенттерде мелоксикаммен емдеуді пеметрекседті қабылдағанға дейін кемінде бес күн бұрын немесе сол күні тоқтату және пеметрекседті қолданғаннан кейін кемінде екі күннен кейін жалғастыру қажет. Егер мелоксикам мен пеметрекседті бір мезгілде қолдану талап етілсе, пациенттер, әсіресе қандағы бұзылулар мен асқазан-ішек жолы тарапынан жағымсыз әсерлер қаупіне байланысты дәрігердің бақылауында болуы тиіс. Бүйректің ауыр ауруы кезінде мелоксикам мен пеметрекседті бір мезгілде қолдану ұсынылмайды. Бүйрек функциясы қалыпты пациенттерде мелоксикамның 15 мг дозасы пеметрекседтің шығарылуын азайтуы және пеметрекседпен туындаған жағымсыз әсерлердің жиілігін арттыруы мүмкін.

Холестирамин: мелоксикамның шығарылуын тездетеді, сондықтан Реклин препаратының әсерін әлсіретуі мүмкін.

Сульфонилмочевина тобының диабетке қарсы препараттармен және натеглинидпен дәрілік өзара әрекеттесу мүмкіндігі жоққа шығарылмайды. Сульфонилмочевинамен немесе натеглинидпен мелоксикамды бір мезгілде қолданатын пациенттер гипогликемияның даму қаупіне байланысты жағдайды мұқият бақылау қажет.

Антацидтермен, циметидинмен және дигоксинмен бір мезгілде қолданғанда дәрілермен өзара әрекеттесуі анықталған жоқ.

Арнайы ескертулер

Емдік әсері жеткіліксіз болған жағдайда ұсынылатын ең жоғары тәуліктік дозадан асырмау керек, сондай-ақ дәрігердің тағайындауынсыз бір мезгілде басқа препараттарды қабылдауға болмайды, себебі бұл уытты әсерлердің даму қаупін арттыруы мүмкін.

Егде жастағы пациенттерге және жағымсыз реакциялардың даму қаупі жоғары пациенттерге тәулігіне 7,5 мг ең төменгі доза ұсынылады (1,5 мл ампуланың жартысы).

Ауыр бүйрек жеткіліксіздігі бар, диализ қабылдамайтын пациенттерге препаратты қолдануға болмайды, диализ қабылдайтындар үшін - дозаны тәулігіне 7,5 мг (1,5 мл ампуланың жартысы) асырмау керек. Жеңіл / орташа айқын бүйрек жеткіліксіздігі бар пациенттерге дозаны төмендету қажет емес.

Бауыр функциясының ауыр бұзылулары бар пациенттерге препаратты қолдануға болмайды, жеңіл/орташа айқын білінетін бауыр жеткіліксіздігі кезінде - дозаны төмендету қажет емес.

Педиатрияда қолданылуы: 18 жастан кіші балалар мен жасөспірімдерге ұсынылмайды.

Реклин жедел ауырсынуды жеңілдету үшін қолданылмауы тиіс. Бірнеше күн бойы жақсару байқалмаған жағдайда препаратты одан әрі қолдану қажеттілігін анықтау үшін дәрігерге қаралу қажет.

Эзофагит, гастрит және/немесе ойық жара ауруы толық емделгенге дейін Реклин қолданылмауы тиіс. Емдеу аясында осы аурулардың қайталануы дамуы мүмкін.

Емдеудің кез келген кезеңінде асқазан-ішектен қан кету, ойық жаралануы немесе тесілуі, кейде өліммен аяқталған немесе ескертетін симптомдарсыз немесе бұрынғы елеулі оқиғаларсыз дамуы мүмкін. Біріктірілген ем кезінде асқынулардың алдын алу үшін дәрігер қосымша қорғаныс құралдарын (мысалы, мизопростол) тағайындай алады. Бұрын жоғарыда аталған асқынулары болған пациенттер, әсіресе егде жастағылар асқазан-ішек жолдары тарапынан пайда болатын кез келген, көрініс беретін, әдеттен тыс симптомдар туралы (әсіресе қан кету туралы) хабарлауы тиіс, бұл емдеудің басында жиі дамиды.

Ойық жараның немесе қан кетудің даму қаупін арттыратын препараттар қабылдайтын пациенттерге (әсіресе егде жастағыларға) сақ болу ұсынылады. Гепаринмен немесе бір реттік 500 мг дозада немесе 3 г және одан жоғары тәуліктік дозада ацетилсалицил қышқылын қоса, қанның ұюын төмендететін препараттармен емдеу ұсынылмайды. Егер Реклин қабылдайтын пациенттерде қан кету немесе асқазан-ішек жолдарының ойық жарасы дамитын болса, емдеуді дереу тоқтатып, дәрігерге қаралу керек. Реклин препаратымен емдеу аясында ойық жаралы колит пен Крон ауруы өршуі мүмкін.

Реклин препаратымен ем жүргізген кезде артериялық гипертензиясы және/немесе анамнезінде жеңіл/орташа дәрежедегі іркілісті жүрек жеткіліксіздігі бар пациенттерде сұйықтықтың іркілуі және ісіну белгілері байқалуы мүмкін. Мұндай пациенттерге артериялық қысымды бақылау және осы аурулардың өршу мүмкіндігімен және миокард инфарктісі мен инсультті қоса, қан тамырлары тромбозының даму қаупімен байланысты сақ болу ұсынылады.

Бақыланбайтын артериялық гипертензиясы, іркілісті жүрек жеткіліксіздігі, ишемиялық жүрек ауруы, шеткері артериялар аурулары және/немесе цереброваскулярлық аурулары бар пациенттерге дәрігер қатерлерді мұқият бағалағаннан кейін ғана Реклин тағайындайды. Осындай тәсіл жүрек-қан тамырлары ауруларының даму қаупі факторлары бар (мысалы, гипертензия, гиперлипидемия, қант диабеті және шылым шегу кезінде) пациенттерді ұзақ емдеуді бастамас бұрын да қолданылады.

Тері реакциялары: өте сирек күрделі тері реакциялары анықталды, олардың кейбірі өліммен аяқталған (көбінесе емдеудің бірінші айында). Көбінесе күлдіреуіктер түрінде тез тарайтын тері бөртпесі алғаш пайда болған кезде, шырышты қабықтың зақымдануы немесе басқа да аса жоғары сезімталдық белгілері пайда болғанда Реклин қолдануды тоқтату және дереу дәрігерге қаралу қажет. Кез келген күдікті дәрілік препараттарды ерте анықтау және қолдануды дереу тоқтату терінің ауыр аллергиялық реакцияларындағы (Стивенс-Джонсон синдромы және Лайелл синдромы) ағым мен болжамды жеңілдетуге мүмкіндік береді. Егер бұрын мелоксикаммен емдеу кезінде терінің ауыр аллергиялық реакциялары байқалса, оны қайта қолдануға болмайды.

Бауыр мен бүйрек функциясының параметрлері: трансаминаза, билирубин және бауыр функциясының басқа да көрсеткіштері, сондай-ақ креатинин, мочевина азоты және басқа да зертханалық көрсеткіштер (көбінесе өтпелі және елеусіз) деңгейі жоғарылауы мүмкін.

Функционалдық бүйрек жеткіліксіздігі: функционалдық бүйрек жеткіліксіздігі дамуы мүмкін (препараттың дозасына және бұрыннан бар қауіп факторларына байланысты).

Егде жастағы адамдар үшін қауіп факторларына мыналар жатады:

- гипотензивті, несеп айдайтын препараттармен қатар емдеу, сусыздану (себептеріне қарамастан), іркілісті жүрек жеткіліксіздігі, бүйрек аурулары (бүйрек жеткіліксіздігін, жегілік нефропатияны қоса), бауырдың ауыр жеткіліксіздігі.

Сирек жағдайларда, осы топтың препараттары жүрек жеткіліксіздігінің және гипертензияның кейінгі үдеуімен бірге ауыр бүйрек ауруларының (интерстициальді нефрит, гломерулонефрит, бүйректің медуллярлы некрозы немесе нефротикалық синдром) дамуына себеп болуы мүмкін. Гемодиализ қабылдайтын ауыр бүйрек жеткіліксіздігі бар пациенттерде Реклин препаратының дозасы 7,5 мг аспауы тиіс. Жеңіл/ орташа айқын бүйрек жеткіліксіздігі бар пациенттер әдеттегі ұсынылатын дозаны қабылдайды. Препарат натрий, калий және судың іркілуіне ықпал етеді және қан қысымын төмендететін препараттардың әсерін әлсіретеді. Реклин препаратымен емдеу аясында инфекциялық аурулар симптомдары бүркемеленуі мүмкін.

Диабет немесе қатар емдеу қандағы калийдің жоғарылауын тудыруы мүмкін. Мұндай жағдайларда калий көрсеткіштеріне ұдайы мониторинг жүргізу керек.

Егде жастағы адамдарда жағымсыз реакциялардың, әсіресе асқазан-ішектен қан кету және тесілуінің даму жиілігі жоғары болды, олар кейде өлімге әкелуі мүмкін. Егде жастағы, жиі ауыратын немесе әлсіреген пациенттер жағымсыз реакцияларды көтере алмайды, себебі оларда бүйрек, бауыр және жүрек функциясы жиі бұзылады.

Осы топтағы препараттарды қолданған кезде кейде инъекция орнында абсцесстер дамуы және некроз байқалады.

Жеңіл/орташа ауырлық дәрежесіндегі бүйрек жеткіліксіздігі бар пациенттер пеметрекседті қолданудан 5 күн бұрын Реклинді қолдануды тоқтатуы және содан кейін оны пеметрекседті қолданғаннан кейін тағы 2 күн қолданбауы тиіс.

Реклин препаратын ұрықтандырумен проблемалары бар немесе бедеулікке байланысты тексеруден өтетін және жүкті болуға тырысатын жүктілікті жоспарлайтын әйелдер қолданбауы тиіс.

Жүктілік кезінде немесе лактация кезеңі: Реклин препараты жүктілік кезінде түсік тастау қатерінің жоғарылауына, шарананың даму ақауларына, сондай-ақ жүктілік кезінде қан кету қаупіне және босану ұзақтығының кідіруіне немесе ұзаруына байланысты қолданылмауы тиіс.

Лактация кезеңі кезінде Реклин препаратының белсенді заты емшек сүтімен бөлініп шығуы мүмкін, сондықтан бала емізетін әйелдерге оны қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көру жітілігінің бұзылуы, бас айналуы немесе ұйқышылдық сияқты жағымсыз әсерлер дамыған кезде автомокөлікті басқарудан немесе қозғалыстағы механизмдермен жұмыс жүргізуден бас тарту ұсынылады.

Қолдану жөніндегі нұсқаулар

Дозалау режимі

Реклин препаратының ересектер үшін ұсынылатын дозасы - 7,5 немесе 15 мг.

Енгізу әдісі мен жолы

Бұлшықет ішіне енгізуге арналған.

Қабылдау уақытын көрсете отырып қолдану жиілігі

Тәулігіне бір рет (ауыру қарқындылығына және қабыну реакциясының ауырлығына байланысты).

Емдеу ұзақтығы

Бұлшықет ішіне енгізу тек 3-5 күн ішінде жүргізілуі мүмкін (жай-күйдің ауырлығына байланысты). Әрі қарай емдеу үшін дәрігер препараттың басқа түрлерін тағайындайды: ішке қабылдауға арналған таблеткалар немесе ректальді свечалар.

Артық дозаланған жағдайда қабылдануы тиіс шаралар

Артық дозалану симптомдары: сылбырлық, ұйқышылдық, жүрек айнуы, құсу және эпигастрий аумағының ауыруы (әдетте демеуші ем жүргізгеннен кейін қайтады). Асқазан-ішектен қан кету, артериялық гипертензия, жедел бүйрек жеткіліксіздігі, бауыр дисфункциясы, тыныс алудың бәсеңдеуі, кома, құрысулар, жүрек-қантамыр коллапсы және жүректің тоқтап қалуы байқалуы мүмкін. Ауыр аллергиялық реакциялар (анафилактоидты реакциялар) болуы мүмкін.

Емі: симптоматикалық және демеуші, спецификалық антидот жоқ.

Дәрілік препаратты қабылдамас бұрын дәрігерге немесе фармацевтке жүгіну қажет.

Дәрілік препаратты стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар (қажет болған жағдайда)

Өте жиі

- диспепсия, жүрек айнуы, құсу, іштің ауыруы, іш қатуы, метеоризм, диарея.

Жиі

- бас ауыруы, енгізген жердің қатаюы және ауыруы

Жиі емес

- аллергиялық реакциялар

- бас айналуы, тепе-теңдіктің бұзылуы, ұйқышылдық, артериялық қысымның жоғарылауы, қан кернеулер

- жасырын немесе көрінетін асқазан-ішектен қан кету, стоматит, гастрит, кекіру

- анемия, бауыр функциясы көрсеткіштерінің өтпелі өзгеруі (трансаминазалар немесе билирубин белсенділігінің жоғарылауы)

- натрий мен судың тежелуі, калий деңгейінің жоғарылауы, бүйрек функциясының бұзылуы (қан сарысуындағы креатинин және/немесе мочевина деңгейінің жоғарылауы)

- ангионевроздық ісіну, қышыну, бөртпе, ісінулер (аяқтың ісінуін қоса).

Сирек

- қан талдауындағы өзгерістер (лейкоциттер санының өзгеруін қоса), лейкопения, тромбоцитопения

- эмоциялық құбылмалылық, түнгі қорқынышты түстер, құлақтағы шуыл

- көру қабілетінің бұзылуы, оның ішінде анық көрмеу, көздің тұмандануы, конъюнктивит

- жүрек соғуы, жүрек жеткіліксіздігі

- бронх демікпесінің жедел ұстамасы (аспиринге немесе басқа ҚҚСП аллергиядан зардап шегетін бейім пациенттерде)

- колит, гастродуоденальді ойық жара, эзофагит

-ауыр тері реакциялары (уытты эпидермальді некролиз, Стивенс-Джонсон синдромы), есекжем

Өте сирек

- агранулоцитоз, буллездік дерматит, мультиформалы эритема

- асқазан-ішектің тесілуі (асқазан-ішектен қан кету, кейде күрделі және потенциалды өлімге әкелетін ойық жаралануы немесе тесілуі, көбінесе егде жастағы адамдарда), гепатит

- жедел бүйрек жеткіліксіздігі (әсіресе қауіп тобындағы пациенттерде).

Жиілігі белгісіз (қолда бар деректер бойынша анықтау мүмкін емес):

- анафилаксиялық шок, анафилаксиялық, анафилактоидты реакция

ананың шатасуы, бағдардан жаңылу, фотосезімталдық тері реакциялары

-әйелдердегі бедеулік, овуляцияның кідіруі.

Мелоксикамды қолданған кезде байқалмаған, бірақ осы кластың басқа да белсенді заттарын қолданған кезде байқалған жағымсыз реакциялар: жедел бүйрек жеткіліксіздігіне әкелетін бүйректің органикалық зақымдануы.

Жағымсыз дәрілік реакциялар туындаған кезде медицина қызметкеріне, фармацевтке жүгіну немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (іс-қимылдар) бойынша ақпараттық деректер базасына тікелей хабарлама жіберу қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір ампуланың ішінде:

белсенді зат - мелоксикам 15 мг

қосымша заттар: меглюмин, глюкофурол, полоксамер 188, натрий хлориді, глицин, натрий гидроксиді, инъекцияға арналған су.

Сыртқы түрінің иісінің, дәмінің сипаттамасы

Жасылдау сары реңді мөлдір ерітінді.

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Шығарылу түрі және қаптамасы

1,5 мл-ден түссіз шыны ампулаларда.

5 ампуладан қолдану жөніндегі қазақ және орыс тіліндегі нұсқаулықпен бірге пластик тұғырға салады және картон қорапқа орналастырады.

Өндіруші туралы мәлімет

Help S.A., Педини Янина, Янина, 45500, Греция

Тел. +302102815353; +302102811850

Эл. Пошта: info@help.com.gr

Тіркеу куәлігінің ұстаушысы

Vegapharm GmbH., Шоссеш трассе к-сі 59 Д, 10115, Берлин, Германия.

Тел.: +442035982050

Email: info@vegapharm.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Cepheus Medical» (Цефей Медикал) ЖШС өкілдігі, 050000, Қазақстан Республикасы, Алматы қ., Панфилов к-сі 98, «OLD SQUARE» БО, телефон: +7 (727) 300 69 71, эл. пошта: cepheusmedical@gmail.com.

Прикрепленные файлы

Реклин_каз.docx 0.06 кб
Реклин_рус.docx 0.04 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники