РЕАМБЕРИН®

• русский
• қазақша

• Скачать инструкцию медикамента

Саудалық атауы

РЕАМБЕРИН

Халықаралық патенттелмеген атауы

Жоқ

Дәрілік түрі

Инфузияға арналған 1,5 % ерітінді

Құрамы

Сипаттамасы

Мөлдір түсіз сұйықтық

Фармакотерапиялық тобы

Су-электролиттік теңгерімге әсер ететін ерітінділер

АТХ коды В05ВВ

Фармакологиялық қасиеттері

Фармакокинетикасы

Фармакокинетикалық зерттеулерді жүргізгенде N-(1-дезокси- D-глюцитол-1-ил)-N-метиламмоний натрий сукцинаты бірақ сәтте жойылған және қан плазмасында анықталмаған.

Фармакодинамикасы

Реамберин антигипоксиялық және антиоксидантты әсерге ие теңестірілген изотониялық ерітінді болып табылады. Ерітіндінің құрамына енетін компоненттер организмнің метаболиялық үдерістеріне қатысады.

Препарат Кребс циклының ферментативтік үдерістерін белсендіреді (натрий суцинаты жасушаішілік метаболит болып табылатындықтан энергетикалық статусты жақсартады) және жасушалардың май қышқылдары мен глюкозаны жоюына түрткі болады, қышқылдық-сілтілік теңгерімді және қанның газ құрамын қалпына келтіреді.

Препараттың құрамына кіретін негізгі иондардың концентрациясы сол иондардың (натрий, калий, магний, хлор иондарының) қан плазмасындағы концентрациясына барынша сәйкес келеді.

Орташа диуретикалық әсерге ие.

Қолданылуы

– ересектер мен 1 жастан үлкен балалардағы түрлі этиологиядағы жедел улануларда

Қолдану тәсілі мен дозалары

Ересектерге: көктамыр ішіне минутына 90 тамшы (1–4,5 мл/мин) жылдамдықпен тамшылатып енгізеді – тәулігіне 400–800 мл.

Препаратты енгізу жылдамдығы мен дозалауды аурудың ауырлық дәрежесіне сәйкес анықтайды.

Балаларға: күн сайын тәулігіне 1 рет дене салмағына шаққанда 6–10 мл/кг есебімен 3–4 мл/мин жылдамдықпен, бірақ тәулігіне 400 мл-ден асырмай енгізеді.

Препаратты енгізу курсы – 11 күнге дейін.

Жағымсыз әсерлері

Препаратты жылдам енгізгенде мыналар болуы мүмкін:

– енгізген орында жалпы бұзылыстар мен өзгерістер: гипертермия, қалтырау, тершеңдік, әлсіздік, енгізген жердің ауыруы, ісіну, гиперемия, флебит

– иммунитет жүйесі тарапынан бұзылыстар: аллергиялық реакциялар, ангионевротикалық ісінулер, анафилактикалық шок

– тері және тері асты шелі тарапынан өзгерістер: аллергиялық бөртпелер, есекжем, қышыну

– тыныс алудың бұзылуы: ентігу, құрғақ жөтел

– жүрек-қантамыр жүйесі тарапынан бұзылыстар: тахикардия, жүрек қағуы, жүрек аймағының ауыруы, кеуде тұсының ауыруы

– қантамырлық бұзылыстар: артериялық гипотензия/гипертензия, шымылдатып ашыту сезімі түрінде қысқа мерзімдік реакциялар және дененің жоғарғы жағының қызаруы

– асқазан-ішек жолы тарапынан бұзылыстар: жүрек айнуы, құсу, ауызда металл дәмінің шығуы, іштің ауыруы, диарея

– жүйке жүйесі тарапынан бұзылыстар: бас айналуы, бас ауыруы, құрысулар, тремор, парестезия, қозу, мазасыздық.

Жағымсыз реакциялар пайда болған кезде препаратты енгізу жылдамдығын төмендету ұсынылады.

Қолдануға болмайтын жағдайлар

– жекелей көтере алмаушылық

– мидың ісінуімен қатар жүретін бас сүйек-ми жарақатынан кейінгі жағдайлар

– бүйрек функциясының айқын бұзылыстары

– жүктілік пен лактация кезені

– 1 жасқа дейінгі балалар

Алколоз кезінде абайлап қолдану керек.

Дәрілермен өзара әрекеттесуі

Антибиотиктермен, суда еритін витаминдермен, глюкоза ерітіндісімен жақсы сыйымды.

Айрықша нұсқаулар

Препараттың организмдегі аэробты үдерістерді белсендіруіне байланысты метаболиялық алколоздың дамуы, қандағы глюкоза концентрациясының төмендеуі мүмкін.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Көлік құралдары немесе қауіптілігі зор механизмдерді басқару қабілетіне әсер етпейді.

Артық дозалануы

Препараттың артық дозалануы туралы деректер жоқ.

Жағымсыз әсерлері күшейгенде симптоматикалық ем жүргізу керек.

Шығарылу түрі және қаптамасы

Резеңкеден жасалған тығынмен тығындалған және алюминий қалпақшалармен немесе аллюминий және пластмассамен біріктіріліп жасалған қалпақшалармен қаусырылған сыйымдылығы 500 мл шыны бөтелкелерде 400 мл-ден.

Әр бөтелкені медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салады.

Полимерлі контейнерде 250 немесе 500 мл-ден.

32 контейнер 250 мл-ден немесе 20 контейнер 500 мл-ден гофрланған картоннан жасалған топтық ыдысқа салынған. Медицинада қолданылуы жөніндегі мемлекеттік және орыс тілдеріндегі нұсқаулық саны топтық ыдыстағы бірінші қаптаманың санына тең.

Сақтау шарттары

Жарықтан қорғалған жерде, 25 ºС-ден аспайтын температурада сақтау керек.

Препаратты мұздатып қатыруға жол беріледі.

Ерітіндінің түсі өзгергенде немесе шөгінді болғанда препаратты қолдануға болмайды.

Балалардың қолы жетпейтін жерде сақтау керек!

Сақтау мерзімі

Шыны бөтелкеде 5 жыл, полимерлі контейнерде 3 жыл.

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«ПОЛИСАН» ғылыми-технологиялық фармацевтикалық фирмасы» ЖШҚ

(«ПОЛИСАН» ҒТФФ» ЖШҚ).

Ресей, 192102, Санкт-Петербург қ-сы, Салов к-сі, 72 үй, 2 корп, лит. А, тел./факс: (812) 710-82-25.

Тіркеу куәлігінің иесі

«ПОЛИСАН» Ғылыми-технологиялық фармацевтикалық фирмасы» ЖШҚ,

Ресей Федерациясы.

Қазақстан Республикасының аумағында тұтынушылардан өнімнің (тауардың) сапасы жөнінде шағымдарды қабылдайтын ұйымның мекенжайы:

Қазақстан Республикасы, Алматы қ-сы, Бөгенбай батыр к-сі, 136 үй.

Тел.: (7272) 72-57-51. E-mail: doctorkvi@gm