Растель

• русский
• қазақша

• Скачать инструкцию медикамента

Саудалық атауы

Растель

Халықаралық патенттелмеген атауы

Декскетопрофен

Дәрілік түрі

Үлбірлі қабықпен қапталған 25 мг таблеткалар

Құрамы

Бір таблетканың құрамында

белсенді зат – 36,90 мг декскетопрофен трометамолы

(25 мг декскетопрофенге баламалы)

қосымша заттар: микрокристалды целлюлоза (РН 101), жүгері крахмалы, натрий крахмалы гликоляты (А типі), глицерил дистеараты

қабықтың құрамы: Опадрай II 85F18422 ақ*

* поливинил спирті, полиэтиленгликоль 3350 ұнтақ, титанның қостотығы (Е 171), тальк

Сипаттамасы

Ақ түсті, үлбірлі қабықпен қапталған, дөңгелек пішінді, екі жақ бетінде де сындыруға арналған сызығы бар таблеткалар.

Фармакотерапиялық тобы

Қабынуға қарсы және ревматизмге қарсы препараттар. Қабынуға қарсы стероидты емес препараттар. Пропион қышқылының туындылары. Декскетопрофен.

АТХ коды М01АE17

Фармакологиялық қасиеттері

Фармакокинетикасы

Пероральді түрде қабылдағаннан кейін адамда декскетопрофен трометамолы Cmax орта есеппен 30 минуттан соң жетеді. Таралу көлемі 0,35 сағатты құрайды және жартылай шығарылу кезеңі – 1,6 сағат. Плазма ақуыздарымен байланысуы – 99%. Орташа таралу көлемі дене салмағының әр кг-на шаққанда 0,25 л-ден аз. Препараттың негізгі бөлігі бүйректер арқылы метаболиттер түрінде шығарылады (глюкуронирленуден кейін).

Фармакодинамикасы

Растельдің қабынуға қарсы, ауыруды басатын және ыстықты төмендететін әсерлері бар. Препараттың әсер ету механизмі циклооксигеназаның басылуы салдарынан простагландиндер синтезінің тежелуіне негізделеді. Ішке қабылдағаннан кейін Растельдің ауыруды басатын әсері препаратты қабылдағаннан кейін 30 минуттан соң байқалады, әсер ету ұзақтығы 4 сағаттан 6 сағатқа дейінді құрайды.

Қолданылуы

Келесі ауруларда және жағдайларда қарқындылығы жеңіл және орташа ауыру синдромында:

• тірек-қимыл аппаратының жедел және созылмалы қабыну аурулары (ревматоидты артрит, спондилоартрит, артроз, остеохондроз)

• дисменорея

• тіс ауыруы

Қолдану тәсілі және дозалары

Аурудың түріне және қарқындылығына байланысты, ұсынылатын бір реттік доза – қабылдау арасы 4-6 сағаттық аралықпен тәулігіне 1-ден 6 ретке дейін Растельдің 1/2 таблеткасын (12,5 мг) немесе әрбір 8 сағат сайын тәулігіне 1-ден 3 ретке дейін 1 таблеткасын (25 мг) құрайды.

Ең жоғары тәуліктік доза 3 таблетка препаратты (75 мг) құрайды.

Бауыр қызметінің ауырлығы жеңілден орташа дәрежеліге дейінгі бұзылулары бар немесе бүйрек қызметі сәл төмендеген емделушілерде, егде жастағы адамдар препаратты қабылдауды өте төмен дозалардан – тәулігіне Растельдің 2 таблеткасынан (50 мг) аспайтын дозадан бастағаны жөн.

Қатты ауырғанда таблетканы кем дегенде тамақтан 30 минут бұрын қабылдау керек.

Растель препараты ұзақ қолдануға арналмаған: қабылдау ұзақтығы 3-5 күннен аспауы тиіс.

Жағымсыз әсерлері

• анемия, соның ішінде апластикалық және гемолитикалық, пурпура, агранулоцитоз, сүйек кемігінің гипоплазиясы; өте сирек – нейтропения, тромбоцитопения

• жүректің айнуы, құсу; сирек - диспепсия, қыжыл, іштің ауыруы, диарея, іш қату, қан құсу, ауыз қуысының шырышты қабығының құрғауы

• асқазан-ішек жолының эрозивті-ойық жаралы зақымданулары, қан кетуді және перфорацияны қоса еспетегенде, анорексия, бауыр трансаминазасы (аланинаминотрансфераза және аспартатаминотрансфераза) белсенділігінің жоғарылауы, сарғаю; өте сирек – бауыр қызметінің бұзылуы

• бас ауыру, бас айналу, ұйқысыздық, ұйқышылдық; сирек – парестезиялар

• көрудің көмескіленуі, құлақтың шыңылдауы

• АҚ төмендеуі немесе жоғарылауы, ыстықтау сезімі, тері жабындарының гиперемиясы, экстрасистолия, тахикардия, шеткергі ісінулер, сыртқы көктамырлардың тромбофлебиті

• брадипноэ; өте сирек – бронхтың түйілуі

• полиурия, бүйректің шаншуы; өте сирек – нефрит, нефротикалық синдром

• дисменорея

• қуықасты безі қызметінің бұзылуы

• бұлшықеттің түйілуі, буындар қозғалысының қиындауы

• дерматит, бөртпе, тершеңдік; есекжем, безеулер; өте сирек – Стивенс-Джонсон синдромы, Лайелл синдромы, ангионевротикалық ісіну, аллергиялық дерматит, фотосенсибилизация

• гипер- немесе гипогликемия, гипертриглицеридемия

• кетонурия, протеинурия

• аллергиялық реакциялар: анафилактикалық шок, беттің ісінуі

Қолдануға болмайтын жағдайлар

• декскетопрофенге немесе қабынуға қарсы стероидты емес басқа препараттарға жоғары сезімталдық

• асқазан мен он екі елі ішектің ойық жара ауруы (соның ішінде асқазан-ішектік қан кетулер және оған бейімділік)

• генезі әртүрлі белсенді қан кетулер, қатты қанағыштық

• антикоагулянттарды бір мезгілде қабылдау

• Крон ауруы, спецификалық емес ойық жаралы колит

• бронх демікпесі (соның ішінде сыртартқысында), мұрын және мұрынның қосалқы қуыстарының қайталанатын полипозы, ацетилсалицил қышқылының жақпаушылығы

• жүрек қызметінің ауыр жеткіліксіздігі

• бүйрек қызметінің ауыр жеткіліксіздігі (креатинин клиренсі минутына 30 мл-ден кем)

• бауырдың белсенді аурулары, бауыр қызметінің ауыр бұзылулары

• аортокоронарлы шунттау жүргізгеннен кейінгі кезең

• айғақталған гиперкалиемия

• ішектің қабыну аурулары

• балалар және 18 жасқа дейінгі жасөспірімдер

• жүктілік және лактация кезеңі

Дәрілермен өзара әрекеттесуі

• жоғары дозадағы (тәулігіне>3 г) салицилаттарды қоса басқа ҚҚСП-мен бірге: әсер ету синергизмі салдарынан асқазан-ішектік қан кету және ойық жаралардың пайда болу қаупін арттырады;

• антикоагулянттармен бірге: антикоагулянттардың әсерін күшейтеді (бір мезгілде қолдану қажет болғанда – қанның зертханалық көрсеткіштерін мұқият бақылау керек);

• кортикостероидтармен бірге: АІЖ-да ойық жараның және қан кетудің пайда болу қаупін арттырады;

• литий препараттарымен бірге: қан плазмасында литий концентрациясын арттырады, ол уытты деңгейге дейін жетуі мүмкін, сондықтан қандағы литий деңгейін декскетопрофенді тағайындағанда, дозасын өзгерткенде немесе тоқтатқанда бақылаған жөн;

• метотрексатпен бірге: бүйректік клиренсінің төмендеуіне байланысты, метотрексаттың гематологиялық уыттылығын арттырады. Біріктірілген емнің алғашқы апталарында қан көрінісіне апта сайын бақылау жүргізген жөн. Бүйрек қызметі тіпті аздап бұзылғанның өзінде, сондай-ақ егде жастағы адамдарда мұқият бақылау жүргізу қажет;

• гидантоин және сульфаниламид туындыларымен бірге: олардың уытты біліністерінің айқындылығы артуы мүмкін;

• диуретиктермен, АӨФ тежегіштерімен, ангиотензин II рецепторларының антагонистерімен және β-адренорецептор блокаторларымен бірге: диурездік және гипертензияға қарсы басқа да дәрілердің тиімділігін төмендетеді;

• пентоксифиллинмен бірге: қан кету қаупі жоғарылайды, белсенді клиникалық мониторинг және қан кету уақытын жиі бақылау қажет;

• зидовудинмен бірге: біріктірілген емді бастағаннан кейін 1 аптадан соң зидовудиннің ретикулоциттерге уытты әсері білінуі мүмкін, ол ауыр анемияның дамуына әкеп соғуы мүмкін. Біріктірілген емді бастағаннан кейін 1–2 аптадан соң қан жасушаларын және ретикулоциттерді есептеу қажет;

• сульфонилмочевина препараттарымен бірге: қан плазмасы ақуыздарымен байланысқан жерлерден ығыстыру қабілетіне байланысты гипогликемизирлеуші әсерінің жоғарылауы;

• циклоспоринмен және такролимуспен бірге: декскетопрофен олардың нефроуыттылығын арттыруы мүмкін. Біріктірілген ем жүргізген кезде бүйрек қызметін бақылау қажет;

• тромболитикалық препараттармен бірге: қан кетудің пайда болу қаупін арттырады;

• антиагрегантты дәрілер және серотонинді кері қармаудың селективтік тежегіштері: асқазан-ішектік қан кетудің пайда болу қаупі артады;

• пробенецидпен бірге: қан плазмасында декскетопрофеннің концентрациясы жоғарылауы мүмкін, бұл өзекшелік секрецияны тежеу әсері және/немесе глюкурон қышқылымен конъюгациялану арқылы жүзеге асуы мүмкін, бұл декскетопрофен дозасын түзетуді қажет етеді;

• жүрек гликозидтерімен бірге: олардың қан сарысуындағы концентрациясын арттырады;

• хинолондармен бірге: құрысудың пайда болу қаупін арттырады.

Айрықша нұсқаулар

Препаратты егде жастағы емделушілерге, аллергиялық реакциялары бар, дәнекер тіннің жүйелік аурулары бар және қан түзуі бұзылған емделушілерге тағайындағанда сақ болған жөн. Препаратты қабылдау жұқпалы аурулардың симптомдарын бүркемелеуі мүмкін.

Жағымсыз әсерлер пайда болған жағдайда, сондай-ақ 3-5 күн емдеу барысында клиникалық әсерлері болмаса, мұны емдеуші дәрігерге айту қажет.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Растель зейінді жұмылдыруды төмендетуі мүмкін болғандықтан, препаратты зейінді жұмылдыруды және психомоторлы реакциялардың шапшаңдығын қажет ететін қауіпті қызмет түрлерімен айналысатын емделушілерге абайлап тағайындаған жөн.

Артық дозалануы

Симптомдары: жағымсыз әсерлердің күшеюі.

Емдеу: асқазанды шаю, белсенділендірілген көмір тағайындау, симптоматикалық ем жүргізу.

Шығарылу түрі және қаптамасы

ПВХ/ПВДХ мөлдір емес үлбірден және алюминий фольгадан жасалған пішінді ұяшықты қаптамаға 10 таблеткадан салынған.

Пішінді ұяшықты 2 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

"ABDI IBRAHIM "

Хадымкой Стамбул

Түркия

Тіркеу куәлігінің иесі

"ABDI IBRAHIM", Түркия

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы "Абди Ибрахим Глобал Фарм" ЖШС

Қазақстан Республикасы, Алматы қ., Жандосов к-сі 184 «г»,

тел: +7 (727) 309-74-07, 309-47-14

e-mail: globalzavod@mail.ru