Рапиклав 250 DT

Ұсақталатын таблеткалар

Бір таблетканың құрамында

белсенді заттар: амоксициллин тригидраты 286.98 мг,

250 мг амоксициллинге баламалы,

сұйылтылған калий клавуланаты,

62.5 мг клавулан қышқылына баламалы

қосымша заттар: микрокристалды целлюлоза, кросповидон, аспартам, құрғақ апельсин хош иістендіргіші, коллоидты сусыз кремнийдің қостотығы, магний стеараты.

Ақтан ақшыл-сары түске дейінгі сопақша пішінді, екі беті дөңес, екі жағы тегіс таблеткалар

Бета-лактамды бактерияға қарсы препараттар. Бета-лактамазалар тежегіштерімен біріктірілімдегі пенициллиндер. Клавулан қышқылы+амоксициллин.

АТХ коды J01CR02

Фармакокинетикасы

Амоксициллин мен клавулан қышқылының негізгі фармакокинетикалық параметрлері ұқсас. Амоксициллин мен клавулан қышқылы pH физиологиялық мәнімен сулы ерітінділерде жақсы ериді және Рапиклав 250 DT препаратын ішке қабылдағаннан кейін асқазан-ішек жолынан (АІЖ) жылдам және толық сіңеді. Амоксициллин мен клавулан қышқылының белсенді заттарының сіңуі оны тамақтың алдында қабылдағанда оңтайлы.

Амоксициллин мен клавулан қышқылының биожетімділігі ішке қабылдағаннан кейін 70 % жуықты құрайды.

Төменде дені сау еріктілермен күніне екі рет 875 мг/125 мг и 500 мг/125 мг дозада, күніне үш рет 250 мг/125 дозада қабылдағаннан кейінгі амоксициллин мен клавулан қышқылының фармакокинетикалық параметрлері берілген.

Сmax – қан плазмасындағы ең жоғары концентрациясы; Tmax – қан плазмасындағы ең жоғары концентрациясына жету уақыты; AUC – «концентрация-уақыт» қисығы астындағы аудан; T1/2 – жартылай шығарылу кезеңі

Таралуы

Екі компонент те әртүрлі ағзалар, тіндер және организмнің сұйық орталарында ( оның ішінде өкпеде, іш қуысының ағзаларында; май, сүйек және бұлшықет тіндерінде; плевралық, синовиальді және перитонеальді сұйықтықтарда; теріде, өтте, несепте, іріңді бөліністерде, қақырықта, интерстициальді сұйықтықта) жақсы таралуымен сипатталады.

Плазма ақуыздарымен байланысуы орташа: клавулан қышқылы үшін 25 % және амоксициллин үшін 18 %.

Таралу көлемі амоксициллин үшін шамамен 0,3-0,4 л/кг және клавулан қышқылы үшін шамамен 0,2 л/кг.

Амоксициллин мен клавулан қышқылы гематоэнцефалдық бөгет арқылы және ми қабығының қабынбауында өтпейді.

Амоксициллин (пенициллиндердің көбі секілді) емшек сүтімен бөлінеді. Сондай-ақ емшек сүтінде клавулан қышқылының іздік мөлшері анықталған. Амоксициллин мен клавулан қышқылы плаценталық бөгет арқылы өтеді.

Метаболизмі

Амоксициллиннің бастапқы дозасының 10-25 % жуығы бүйректермен белсенді емес пенициллой қышқылы түрінде шығарылады. Клавулан қышқылы адам организмінде 2,5-дигидро-4-(2-гидроксиэтил)-5-оксо-1H-пиррол-3-карбон қышқылы және 1-амино-4-гидрокси-бутан-2-она түзумен қарқынды метаболизмге ұшырайды және бүйректермен, АІЖ арқылы, сондай-ақ көмірсу диоксиді түрінде деммен сыртқа шығарылады.

Шығарылуы Амоксициллин негізінен бүйрекпен, ал клавулан қышқылы бүйрек және бүйректен тыс механизмдер арқылы да шығарылады. 250 мг/125 мг немесе 500 мг/125 мг бір таблетканы бір рет қабылдағаннан кейін шамамен амоксициллиннің 60-70 % және клавулан қышқылының 40-65 % алғашқы 6 сағат ішінде бүйректермен өзгермеген түрінде шығарылады.

Дені сау пациенттерде амоксициллин/клавулан қышқылының орташа жартылай шығарылу (T1/2) кезеңі шамамен бір сағатты құрайды, жалпы орташа клиренсі шамамен 25 л/с құрайды.

Клавулан қышқылының көп мөлшері қабылдағаннан кейін 2 сағат ішінде шығарылады.

Бүйрек функциясының бұзылуымен пациенттер

Амоксициллин/клавулан қышқылының жалпы клиренсі бүйрек функциясының төмендеуіне пропорциональді төмендейді. Клиренсінің төмендеуі амоксициллин үшін клавулан қышқылына қарағанда айқынырақ, өйткен амоксициллиннің көп бөлігі бүйректермен шығарылады. Бүйрек жеткіліксіздігінде препарат дозасы клавулан қышқылының қалыпты деңгейін демеу аясында амоксициллиннің жағымсыз жинақталуын ескеріп таңдалуы керек.

Бауыр функциясының бұзылуымен пациенттер

Бауыр функциясының бұзылуымен пациенттерде препаратты сақтықпен қолданады, бауыр функциясын ұдайы бақылап отыру керек.

Екі компонент те гемодиализбен және аздаған мөлшері – перитонеальді диализбен шығарылады.

Фармакодинамикасы

Әсер ету механизмі

Амоксициллин – жартылай синтетикалық пенициллин, көптеген грамоң және грамтеріс микроорганизмдерге қарсы белсенділікке ие. Амоксициллин бактериялардың жасушалық қабырғаларының құрылымдық компоненті болып табылатын пептидогликан биосинтезін бұзады. Пептидогликан синтезінің бұзылуы жасушалық қабырға бекемдігін жоғалтуға әкеледі, ол микроорганизмдер жасушаларының лизисі мен қырылуына әкеледі. Сонымен қатар, амоксициллин бета-лактамазалармен жойылуға бейім, сондықтан амоксициллииннің белсенділік спектрі осы ферментті өндіретін микроорганизмдерді қамтымайды.

Клавулан қышқылы – пенициллинге құрылымдық ұқсас бета-лактамазалардың тежегіші, пенициллиндер мен цефалоспориндерге төзімді микроорганизмдерде анықталған бета-лактамазалардың кең спектрінің белсенділігін жоюға қабілетті. Клавулан қышқылы бактериялардың төзімділігін білдіретін плазмидті бета-лактамазаларға қатысты жеткілікті тиімділік иеленген және клавулан қышқылын тежемейтін I типті хромосомды бета-лактамазаларға қатысты тиімсіз. Препаратта клавулан қышқылының болуы амоксициллинді бета-лактамазамалар ферменттерімен ыдыраудан қорғайды, ол өз кезегінде амоксициллиннің бактерияға қарсы спектрін кеңейтуге мүмкіндік береді.

Төменде амоксициллиннің клавулан қышқылымен in vitro біріктірілімінің белсенділігі берілген.

Препаратқа сезімтал микроорганизмдермен туындаған инфекциялық-қабыну ауруларын емдеуде:

- тыныс жолдарының жоғарғы бөліктерінің және ЛОР-ағзаларының (оның ішінде жедел және созылмалы синусит, жедел және созылмалы ортаңғы отит, жұтқыншақ артындағы абсцесс, тонзиллит, фарингит) инфекцияларында;

- тыныс жолдарының төменгі бөліктерінің (оның ішінде бактериялық суперинфекциямен жедел бронхит, созылмалы бронхит, пневмония) инфекцияларында;

- несеп шығару жолдарының инфекцияларында;

- гинекологиялық инфекцияларда;

- адам және жануарлардың тістеуін қоса, тері мен жұмсақ тіндер инфекцияларында;

- сүйек және дәнекер тіндер инфекцияларында;

- өт жолдарының инфекцияларында; (холецистит, холангит);

- одонтогенді инфекцияларда.

Таблетканы жарты стакан суда еріту және жақсылап араластырып ішке қабылдау немесе таблетканы толық ерігенше ауызда ұстап, содан кейін жұту керек. АІЖ тарапынан жағымсыз әсерлердің даму қаупін төмендету мақсатында препаратты тамақтың алдында қабылдау керек.

Ересектер мен 12 жастан асқан балалар (немесе дене салмағы ≥ 40 кг):

Дене салмағы 40 кг төмен балалар: бөлінген үш доза түрінде күніне 20мг/5мг/кг – күніне 60мг/15мг/кг.

12 жасқа дейінгі балалар – ішуге арналған педиатриялық түрлерде (суспензиялар, таблеткалар).

Салмағы 40 кг төмен балаларға екі бөлек қабылдаумен күніне 25мг/3,6мг/кг – күніне 45мг/6,4мг/кг тағайындау ұсынылады. Дозалар күніне 70мг/10мг/кг аспауы керек және ортаңғы отит, синусит және төменгі тыныс жолдарының инфекцияларында екі бөлек қабылдаумен тағайындалады.

Бүйрек жеткіліксіздігінде қолданылуы

Креатинин клиренсі 30 мл/мин астам пациенттерде дозаны түзету талап етілмейді.

Ересектер мен дене салмағы ≥ 40 кг балалар

Дене салмағы < 40 кг балалар

Әртүрлі жағымсыз реакциялардың пайда болу жиілігін бағалауда келесі градациялар қолданылды: "өте жиі" –  1/10, "жиі" –  1/100-ден  1/10 дейін, "жиі емес" –  1/1000-нан  1/100 дейін, "сирек" –  1/10000-нан  1/1000 дейін, "өте сирек" –  1/10000, белгісіз (бар деректер бағалау үшін жеткіліксіз).

Өте жиі:

- диарея

Жиі:

- тері мен шырышты қабаттарды зақымдайтын кандидоз

- жүрек айнуы

- құсу

Жиі емес:

- бас айналуы, бас ауыруы

- қорытылмау

- АСТ және/немесе АЛТ деңгейінің жоғарылауы

- терідегі бөрту, қышыну, есекжем,

Сирек:

- реверсивті лейкопения (нейтропенияны қоса), тромбоцитопения

- мультиформалы эритема

Белгісіз:

- сезімтал емес организмдердің өсуінің күшеюі

- реверсивті агранулоцитоз, гемолитикалық анемия, қан кету уақытының және протромбиндік уақыттың 1 ұзару

- Квинке ісінуі, анафилаксия, сарысулыққа ұқсас синдром,

аллергиялық васкулит

- реверсивті аса жоғары белсенділік, құрысулар

- антибиотиктерді қолдану нәтижесінде колит, қара «түкті»

тіл, тістердің түссізденуі

- гепатит, холестаздық сарғаю

- Стивенс-Джонсон синдромы, уытты эпидермальді некролиз,

буллезді эксфолиативті дерматит, жедел жайылған

экзантематозды пустулез (AGEP)

- интерстициальді нефрит

- несептұз диатезі

Болжамды жағымсыз реакциялар туралы хабарлар

Препараттың болжамды жағымсыз реакциялары туралы деректерді анықтау дәрілік заттың пайда/қауіп арақатынасын ұдайы мониторингілеуді жүргізуге мүмкіндік беретін өте маңызды кезең болып табылады. Медицина қызметкерлері кез келген болжамды жағымсыз реакциялар туралы ақпаратты нұсқаулықтың соңында берілген байланысу деректері, сондай-ақ ақпаратты жинаудың ұлттық жүйесі арқылы хабарлау керек.

- амоксициллинге, клавулан қышқылына немесе басқа компоненттеріне жоғары сезімталдық

- пенициллиндер және цефалоспориндер секілді басқа бета-лактамды антибиотиктерге аса жоғары сезімталдық

- анамнезінде амоксициллин/клавулан қышқылын қабылдаумен туындаған холестазды сарғаю немесе бауыр функциясының бұзылуының болуы;

- инфекциялық мононуклеоз;

- лимфолейкоз;

Препаратты анамнезінде жалғанжарғақшалы колитпен пациенттерге, бауыр жеткіліксіздігінде, бүйрек функциясының ауыр бұзылуында, сондай-ақ лактация кезінде сақтықпен тағайындайды.

Рапиклав 250 DT антацидтермен, глюкозаминдермен, іш жүргізетін дәрілермен, аминогликозидтермен бір мезгілде қолданғанда сіңуі баяулайды, аскорбин қышқылымен – артады.

Диуретиктер, аллопуринол, фенилбутазон, ҚҚСП және өзекшелік сөліністі бөгейтін басқа да дәрілік заттар амоксициллиннің концентрациясын арттырады (клавулан қышқылы негізінен шумақтық сүзіліс жолымен шығарылады).

Рапиклав 250 DT және антикоагулянттарды бір мезгілде қолданғанда протромбиндік уақыттың артуы байқалды. Сондықтан аталған біріктірілім сақтықпен тағайындалады.

Бір мезгілде қолданғанда Рапиклав 250 DT метотрексаттың уыттылығын күшейтеді.

Рапиклав 250 DT аллопуринолмен бір мезгілде қолданғанда экзантеманың даму қаупі артады.

Рапиклав 250 DT дисульфираммен бір мезгілде қолдануға болмайды.

Амоксициллиннің рифампицинмен біріктірілімі антагонистік (бактерияға қарсы әсерінің өзара әлсіреуі байқалды).

Рапиклав 250 DT тиімділігі төмендеуі мүмкін болғандықтан Рапиклав 250 DT бактериостатикалық антибиотиктермен (макролидтер, тетрациклиндер) сульфаниламидтермен бір мезгілде қолдануға болмайды Пробенецид оның сарысулық концентрациясын арттырып, амоксициллиннің шығарылуын төмендетеді.

Рапиклав 250 DT бір мезгілде қолданғанда пероральді контрацептивтердің тиімділігін төмендетеді.

Ампициллин қабылдаған, инфекциялық мононуклеозбен және лимфолейкозбен пациенттердің көбінде эритематозды бөртпе пайда болуына байланысты, осы пациенттерде ампициллин тобындағы антибиотиктерді қолдануға болмайды.

Курстық емдеуде қан түзу, бауыр және бүйрек функциясын бақылау керек.

Бүйрек функциясының ауыр бұзылуымен пациенттерде дозалау режимін талапқа сай түзету немесе дозалау арасындағы интервалды ұзарту талап етіледі.

АІЖ жолы тарапынан жағымсыз реакциялардың даму қаупін төмендету мақсатында препаратты тамақпен бірге қабылдау керек.

250 мг+125 мг және 500 мг+125 мг амоксициллин мен клавулан қышқылы біріктірілімінің таблеткалары құрамында клавулан қышқылының 125 мг бірдей мөлшері бар, яғни 250 мг+125 мг 2 таблетка 500 мг+125 мг 1 таблеткаға баламалы болмайды.

Рапиклав 250 DT қолданғанда Бенедикт реактивін немесе Феллинг ерітіндісін қолданғанда несепте глюкоза деңгейін анықтауда жалған оң реакция байқалуы мүмкін (глюкозидазамен ферментативті реакция қолдану ұсынылады).

Жүктілік және лактация кезеңі

Рапиклав 250 DT егер анасы үшін күтілген пайда ұрық үшін әлеуетті қаупінен жоғары болса жүктілік кезінде қолдануға болады. Амоксициллин және клавулан қышқылы аздаған мөлшерде ана сүтімен шығарылады.

Бауыр функциясының бұзылуында қолданылуы

Препаратты бауыр жеткіліксіздігінде пациенттерге сақтықпен тағайындайды.

Бүйрек функциясының бұзылуында қолданылуы

Орташа дәрежедегі ауырлықтағы бүйрек жеткіліксіздігінде (КК 10-30 мл/мин) әрбір 12 сағатта 1 таблеткадан тағайындайды (500+125 мг), ауыр дәрежедегі бүйрек жеткіліксіздігінде (КК <10 мл/мин) – әрбір 24 сағатта 1 таблеткадан (500+125 мг) тағайындайды. Анурияда дозаларды қабылдау аралығын 48 сағатқа дейін және одан да ұзарту керек.

Балаларда қолданылуы

Таблетка түріндегі препаратты 12 жасқа толмаған балаларға тағайындамайды (дене салмағы <40 кг).

Дәрілік заттың көлік құралын жүргізу және қауіпті механизмдерді басқару қабілетіне ықпал ету ерекшеліктері

Сирек жағдайларда Рапиклав 250 DT бас айналуы, құрысулар, аллергиялық реакциялар секілді жағымсыз реакциялар туындатуы мүмкін. Қандай-да болмасын жағымсыз реакциялар пайда болған жағдайда көлік құралын жүргізу немесе қауіпті механизмдерді басқарудан бас тарту керек.

Препараттың артық дозалануы салдарынан өмірге қауіп төндіретін жағымсыз әсерлердің пайда болуы немесе өліммен аяқталуы туралы хабарлар жоқ.

Симптомдары: іштің ауыруы, диарея, құсу; сондай-ақ үрейлі қозу, ұйқысыздық, бас айналуы мүмкін; жекелеген жағдайларды - құрысулар.

Емі: препаратты жуық арада қабылдағанда (4 сағаттан аз уақытта) асқазанды шаю және препараттың сіңуін азайту үшін белсенділендірілген көмір тағайындау керек; пациент дәрігердің бақылауында болуы керек, қажет болған жағдайда симптоматикалық ем жүргізеді. Гемодиализ тиімді.

Шығарылу түрі және қаптамасы

3 таблеткадан алюминий фольгадан жасалған пішінді ұяшықсыз қаптамаға салынады. 5 пішінді ұяшықсыз қаптамадан медициналық қолдануы жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынған.

Құрғақ жерде, 25°C-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін пайдалануға болмайды.

Рецепт арқылы

Өндіруші

«Ipca Laboratories Limited», Үндістан

48, Кандивили, Инд. Эстейт,

Мумбай 400067

Тіркеу куәлігі иесінің атауы мен елі

«Ipca Laboratories Limited», Үндістан

Қаптаушы ұйымның атауы мен елі

«Ipca Laboratories Limited», Үндістан

Тұтынушылардан өнім сапасы жөніндегі шағымдарды Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның мекенжайы

«Ипка Лабораториз Лтд» өкілдігі

Алматы қ-сы, Әйтеке би к-сі, 187, 303 кеңсе

тел./факс: + (727) 395 68 09

Тел. 8 701 717 49 13 - 24 сағат қол жетімді,

www.ipca.co.in