Рапамун (Сиролимус)

Рапамун®

Сиролимус

Дәрілік түрі, дозасы

Қабықпен қапталған таблеткалар, 1 мг

Антинеопластикалық және иммуномодуляциялайтын препараттар. Иммуносупрессанттар. Селективті иммуносупрессанттар. Сиролимус.

АТХ коды: L04AA10

Рапамун® препаратының құрамында иммуносупрессанттар деп аталатын дәрілік препараттар тобына жататын сиролимус әсер етуші заты бар. Ол бүйрек трансплантациясынан кейін Cіздің организміңіздің иммундық жүйесін бақылап отыруға көмектеседі.

Рапамун® препараты ересектерге организммен бүйрек трансплантатының қабылданбай ажырау профилактикасы үшін, әдетте, «кортикостероидтар» деп аталатын басқа иммуносупрессанттармен және алдымен циклоспоринмен (емнің алғашқы 2-3 айы ішінде) біріктірілімде тағайындалады.

Рапамун® препаратын қолдануға тағы бір көрсетілім ауырлығы орташа дәрежедегі өкпенің ауруымен немесе өкпе функциясының төмендеуімен спорадиялық лимфангиолейомиоматоз (ЛАМ) бар пациенттерді емдеу болып табылады. Спорадиялық ЛАМ — бұл көбінесе ұрпақ өрбіту жасындағы әйелдерді жиірек зақымдайтын өкпенің сирек үдемелі ауруы. Ең көп таралған спорадиялық ЛАМ симптомы ентігу болып табылады.

Қолданудың басталуына дейін қажетті мәліметтер тізбесі

• егер Сізде сиролимуске немесе осы дәрілік препараттың басқа қосымша заттарына аллергия болса («Қосымша мәліметтер» бөлімінде атап көрсетілген).

Қолдану кезіндегі қажетті сақтандыру шаралары

Рапамун® препаратын қолданар алдында Cіздің дәрігеріңізбен кеңесіңіз:

• егер Сізде бауыр функциясының бұзылуы болса немесе Сіз Өзіңіздің бауырыңызға теріс ықпал етуі мүмкін аурудан зардап шегіп жүрсеңіз, бұл жөнінде өз дәрігеріңізге мәлімдеңіз, өйткені ол Сізге тағайындалған Рапамун® препаратының дозасына әсер етуі мүмкін, сондай-ақ қосымша қан талдауларын жасауды талап етуі мүмкін.

• Рапамун® препараты, басқа да иммунодепрессанттар сияқты, организмнің инфекциялармен күресу қабілетін әлсіретуі және лимфоидты тін мен тері обырының даму қаупін арттыруы мүмкін.

• егер Сізде дене салмағы индексі (ДСМ) 30 кг/м2 мөлшерінен көп болса, Сізді жарақаттардың жазылу үдерісінің нашарлауы жоғары қауіп тобына жатқызуға болады.

• егер Сіз бүйректің қабылданбай ажырауының жоғары қауіп тобында болсаңыз, мысалы, егер бұрын Сізге трансплантация жасалған және трансплантат қабылданбаған болса.

Рапамун® препаратының қандағы деңгейін бақылау үшін Сізге тиісті талдаулар тағайындалады. Рапамун® препаратымен емдеу кезінде Сіздің дәрігеріңіз бүйрек функциясын, қандағы май (холестерин және (немесе) триглицеридтер) деңгейін және, мүмкін бауыр функциясын бақылау үшін де талдаулар жасайды.

Тері обырының жоғары даму қаупіне орай, теріге түсетін күн және ультракүлгін сәулесінің әсерін, оны қорғағыш киіммен бүркемелеп әрі күннен қорғау факторы (КҚФ) жоғары күннен қорғайтын кремді пайдалана отырып, шектеу керек.

Басқа дәрілік препараттармен өзара әрекеттесуі

Егер Сіз кез келген басқа дәрілік препаратты қабылдап жүрсеңіз, таяуда қабылдасаңыз немесе қабылдауды жоспарлап жүрсеңіз, бұл жөнінде өз дәрігеріңізге мәлімдеңіз.

Кейбір дәрілік препараттар Рапамун® препаратының әсерін өзгертуі мүмкін, осыған байланысты, оның дозасын түзету қажет болуы мүмкін. Атап айтқанда, егер Сіз осындай препараттардың қандай да бірін қабылдап жүрсеңіз, өз дәрігеріңізге мәлімдеңіз:

• кез келген басқа иммунодепрессанттар;

• инфекцияларды емдеуге қолданылатын антибиотиктер немесе зеңге қарсы препараттар, мысалы, кларитромицин, эритромицин, телитромицин, тролеандомицин, рифабутин, клотримазол, флуконазол, итраконазол. Рапамун® препаратын рифампицин, кетоконазол немесе вориконазолмен қабылдауға кеңес берілмейді;

• жоғары артериялық қысымға қарсы препараттар немесе жүрек ауруларын емдеуге арналған препараттар, никардипин, верапамил және дилтиаземді қоса;

• эпилепсияға қарсы препараттар, карбамазепин, фенобарбитал, фенитоинді қоса;

• ойық жараларды немесе асқазан-ішек жолы тарапынан басқа бұзылуларды емдеуге қолданылатын препараттар, мысалы, цизаприд, циметидин, метоклопрамид;

• бромокриптин (Паркинсон ауруын және әртүрлі гормондық бұзылуларды емдеу үшін қолданылады), даназол (гинекологиялық ауруларды емдеу үшін қолданылады) немесе протеаза тежегіштері (АИТВ-инфекциясын және С гепатитін емдеуге қолданылады, мысалы, ритонавир, индинавир, боцепревир және телапревир);

• шілтерленген шайқурай (Hypericum perforatum);

• летермовир (цитомегаловирустық инфекция ауруларын болдырмау үшін қолданылатын вирусқа қарсы препарат);

• каннабидиол (басқаларының арасында, құрысу ұстамаларын емдеуге қолданылады).

Рапамун® препаратымен емдеу кезінде тірі вакциналарды қолданбаған дұрыс. Вакцинация алдында Сіздің Рапамун® препаратын қабылдап жүргеніңізді дәрігерге мәлімдеңіз.

Рапамун® препаратын қолдану нәтижесінде Сіздің қаныңызда холестерин мен триглицеридтер (майлар) артуы мүмкін, бұл емдеуді талап етуі мүмкін. Холестерин мен триглицеридтердің жоғары деңгейін емдеу үшін қолданылатын «статиндер» және «фибраттар» деп аталатын дәрілік препараттар бұлшықет тінінің жоғары ыдырау қаупімен (рабдомиолиз) байланыстырылды. Егер Сіз қандағы май деңгейін төмендетуге арналған препараттарды қабылдап жүрсеңіз, бұл жөнінде өз дәрігеріңізге мәлімдеңіз.

Рапамун® препаратын ангиотензин өзгертуші фермент (АӨФ) тежегіштерімен (артериялық қысымды төмендету үшін қолданылатын препараттар) бір мезгілде қолдану аллергиялық реакциялар туғызуы мүмкін. Егер Сіз осы дәрілік препараттардың қандай да бірін қабылдап жүрсеңіз, бұл жөнінде өз дәрігеріңізге мәлімдеңіз.

Арнайы сақтандырулар

Рапамун® препаратын тамақпен және сусындармен қабылдау

Рапамун® препаратын тұрақты негізде тамақпен де, аш қарынға да қабылдау керек. Рапамун® препаратын қабылдауды тамақпен бастасаңыз, оны үнемі ас ішумен бірге қабылдаңыз. Егер де Сіз Рапамун® препаратын ас ішуден тыс қабылдағанды дұрыс көрсеңіз, онда үнемі тамақтан тыс қабылдаңыз. Ас ішу препараттың қан ағымына келіп түсетін мөлшеріне әсер етуі мүмкін, сондықтан Рапамун® препаратын тұрақты қабылдау қанда оның концентрациясы өте тұрақты күйде қалатынын білдіреді.

Рапамун® препаратын грейпфрут шырынымен қабылдауға болмайды.

Рапамун® препаратының құрамында лактоза мен сахароза бар

Рапамун® препаратының құрамында 86,4 мг лактоза мен 215,8 мг дейін сахароза бар. Егер дәрігер Сізде кейбір қанттар жақпаушылығының барынан Сізді хабарландырса, осы дәрілік препаратты қолданар алдында өз дәрігеріңізбен кеңесіңіз.

Педиатрияда қолдану

Рапамун® препаратын оны балалар мен 18 жасқа дейінгі жасөспірімдерге ұсынуға мүмкін болатындай сипатта қолдану тәжірибесі шектеулі. Рапамун® препаратын пациенттердің осы қауымында қолдануға кеңес берілмейді.

Жүктілік немесе лактация кезінде

Рапамун® препаратын айқын қажеттіліксіз жүктілік кезінде қолдануға болмайды. Рапамун® препаратымен емдеу кезінде және емдеуді тоқтатудан кейін 12 апта бойы тиімді контрацепция әдістерін пайдалану қажет. Егер Сіз жүкті болсаңыз немесе бала емізіп жүрсеңіз, жүкті болып қалдым деп ойласаңыз немесе бала көтеруді жоспарлап жүрсеңіз, осы дәрілік препаратты қабылдар алдында өз дәрігеріңізбен кеңесіңіз.

Рапамун® препаратының ана сүтіне өту-өтпеуі белгісіз. Рапамун® препаратын қабылдап жүрген пациент әйелдерге бала емізуді тоқтату керек.

Рапамун® препаратын қолданумен сперматозоидтар санының төмендеуі байланыстырылады, әдетте олар емдеуді тоқтатқаннан кейін қалып шегіне оралады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Рапамун® препараты көлік құралдарын басқару қабілетіне ықпал етпеуі тиіс, алайда, күмән туындаған жағдайда өз дәрігеріңізбен кеңесіңіз.

Қолдану жөніндегі нұсқаулар

Дозалау режимі

Рапамун® препаратының қажетті дозасын және оны қабылдау жиілігін дәрігер белгілейді. Дәрігер ұсынымдарын дәл қадағалаңыз және ешқашан препарат дозасын өз бетіңізше өзгертпеңіз.

1 мг немесе 2 мг таблеткалар орнына, әртүрлі дозаларды өзара алмастыру үнемі мүмкін бола бермейтіндіктен, дозасы 0,5 мг таблетканың тиісті санын қабылдамаңыз.

Бүйрек трансплантациясы

Бүйректі трансплантациялау операциясынан кейін дәрігер Сізге Рапамун® препаратының бастапқы 6 мг дозасын қысқа мерзімге тағайындайды. Одан кейін Сізге Өз дәрігеріңізден өзге ұсынымдар алуға дейін күн сайын 2 мг препаратты қабылдау қажет. Дәрігер Рапамун® препаратының дозасын Сіздің қаныңыздағы оның концентрациясына қарай түзете алады. Сіздің дәрігеріңіз Рапамун® препаратының концентрациясын қан талдауының көмегімен анықтай алады.

Егер Сіз циклоспоринді де қабылдап жүрсеңіз, бұл препараттарды шамамен 4 сағат аралықпен қабылдау керек.

Рапамун® препаратын алдымен циклоспоринмен және кортикостероидтармен біріктірілімде қолдану ұсынылады. 3 ай өткен соң дәрігер Рапамун® препаратын немесе циклоспоринді тоқтатуы мүмкін, өйткені осы кезең өткеннен кейін аталған препараттарды бірге қабылдау ұсынылмайды.

Спорадиялық лимфангиолейомиоматоз (ЛАМ)

Сізге дәрігеріңіз Рапамун® препаратын тәулігіне 2 мг дозада тағайындайды, ал Сіз оны дәрігеріңізден өзге ұсынымдар алуға дейін қабылдауға тиіссіз. Дәрігер Рапамун® препаратының дозасын оның Сіздің қаныңыздағы концентрациясына қарай түзете алады. Сіздің дәрігеріңіз Рапамун® препаратының концентрациясын қан талдауының көмегімен анықтайды.

Енгізу әдісі және жолы

Рапамун® препараты тек ішке қабылдауға арналған. Таблетканы сындырмаңыз, шайнамаңыз және екі бөлікке бөлмеңіз. Егер Сізде таблетканы қабылдау барысында қиындықтар туындаса, бұл жөнінде өз дәрігеріңізге мәлімдеңіз.

Қабылдау уақытының көрсетілуімен қолдану жиілігі

Рапамун® препаратын тұрақты негізде тамақпен де, аш қарынға да қабылдаған жөн.

Артық дозалану жағдайында қабылдау қажет болатын шаралар

Егер Сіз дәрілік препараттың Сізге ұсынылғанынан артық дозасын қабылдап қойсаңыз, дереу дәрігерге немесе жақын маңдағы жедел жәрдем бөлімшесіне хабарласыңыз. Препарат атауы бар блистерді, тіпті егер ол босап қалса да, үнемі өзіңізбен алып жүріңіз.

Дәрілік препараттың бір немесе бірнеше дозасын өткізіп алу кезіндегі қажетті шаралар

Егер Сіз Рапамун® препаратын қабылдауды ұмытып кетсеңіз, өткізіп алған дозаны ол жөнінде еске түсірген бойда, бірақ циклоспориннің келесі дозасын қабылдаудан кемінде 4 сағат бұрын қабылдаңыз. Одан кейін белгіленген сызбаға сай Өз дәрілік препараттарыңызды қабылдауды жалғастырыңыз. Өткізіп алған дозаны толықтыру үшін препаратты екі есе дозада қабылдамаңыз және үнемі Рапамун® препараты мен циклоспоринді шамамен 4 сағат аралықпен қабылдаңыз. Егер Сіз Рапамун® препаратының дозасын мүлде қабылдамаған болсаңыз, бұл жөнінде өз дәрігеріңізге хабарлаңыз.

Тоқтату симптомдары қаупінің болуына көрсетілім

Рапамун® препаратын қабылдауды өз дәрігеріңіздің тиісті нұсқауынсыз тоқтатпаңыз. Препарат қабылдауды тоқтату трансплантаттың қабылданбай ажырау қаупіне түрткі болады.

Егер Сізде осы дәрілік препаратты қолдану жөнінде қосымша сұрақтар туындаса, өз дәрігеріңізбен кеңесіңіз.

Дәрілік препаратты қолдану тәсілін түсініп алу үшін медициналық қызметкер кеңесіне жүгіну жөніндегі нұсқаулар

Препаратты үнемі Өз дәрігеріңіз ұсынған үлгіде қабылдаңыз. Егер Сізде препаратты қабылдауға қатысты күмән болса, өз дәрігеріңізбен кеңесіңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Басқа да дәрілік заттар сияқты, осы дәрілік препарат пациенттердің бәрінде бірдей болмаса да, жағымсыз әсерлер туғызуы мүмкін.

Аллергиялық реакциялар

Егер Сізде беттің, тілдің және (немесе) ауыз қуысының артқы бөлімінің (жұтқыншақ) ісінуі және (немесе) тыныс тарылуы (ангионевроздық ісіну) немесе терінің қабыршақтануы (эксфолиативті дерматит) сияқты симптомдар болса, дереу дәрігерге қаралыңыз. Бұл күрделі аллергиялық реакция симптомдары болуы мүмкін.

Қанның пішінді элементтері санының төмендеуімен бүйрек зақымдануы (тромбоцитопениялық пурпура/гемолиздік-уремиялық синдром)

«Кальциневрин тежегіштері» деп аталатын препараттармен (циклоспорин немесе такролимус) бір мезгілде қабылдағанда Рапамун® препараты бүйректің зақымдану қаупін арттыруы, сондай-ақ бөртпемен немесе онсыз қандағы тромбоциттер мен эритроциттер санын төмендетуі мүмкін (тромбоцитопениялық пурпура/гемолиздік-уремиялық синдром). Сізде көгерулер немесе бөртпе, несеп түсінің өзгеруі, мінез-құлық өзгерісі сияқты симптомдар немесе кез келген басқа күрделі, әдеттен тыс немесе ұзаққа созылатын симптомдар пайда болған жағдайда өз дәрігеріңізге қаралыңыз.

Инфекциялар

Рапамун® препараты Сіздің организміңіздің қорғаныс механизмдерінің тиімділігін төмендетеді. Демек, Сіздің организміңіздің инфекциялармен күресу қабілеті төмендеуі мүмкін. Сондықтан Рапамун® препаратын қабылдау кезінде Сіз терінің, ауыз қуысының, асқазан-ішек жолының, өкпе және несеп шығару жолдарының инфекциялары сияқты инфекция санының әдеттегіден көптігінен зардап шегуіңіз мүмкін (төменнен тізімді қараңыз). Күрделі, әдеттен тыс немесе ұзаққа созылатын симптомдар туындағанда, дәрігерге қаралыңыз.

Өте сирек

• Бүйрек айналасында сұйықтық жиналуы

• Қол басын және табанды қоса, дененің ісінуі

• Ауырсыну

• Қызба

• Бас ауыру

• Артериялық қысым көтерілуі

• Іштің ауыруы, диарея, іш қату, жүрек айну

• Эритроциттер санының төмендеуі, тромбоциттер санының төмендеуі

• Қандағы май (холестерин және (немесе) триглицеридтер) деңгейінің жоғарылауы, қандағы қант деңгейінің жоғарылауы, қандағы калий деңгейінің жоғарылауы, қандағы фосфор деңгейінің төмендеуі, қандағы лактатдегидрогеназа деңгейінің жоғарылауы, қандағы креатинин деңгейінің жоғарылауы

• Буынның ауыруы

• Акне

• Несеп шығару жолдарының инфекциясы

• Пневмония және басқа бактериялық, вирустық және зеңдік инфекциялар

• Инфекциялармен күресуге жауап беретін қанның пішінді элементтері (лейкоциттер) санының төмендеуі

• Қант диабеті

• Бауыр функциясының биохимиялық көрсеткіштерінің қалып шегінен ауытқуы, бауыр ферменттері - АСТ және (немесе) АЛТ деңгейінің жоғарылауы

• Бөртпе

• Несептегі ақуыз деңгейінің жоғарылауы

• Етеккір оралымының бұзылулары (етеккірлік қан кетудің болмауын, олардың жиілігінің төмендеуін немесе қарқындылығының артуын қоса)

• Жарақаттың жазылу үдерісінің баяулауы (операциядан кейінгі жарақат немесе тігіс аумағындағы тіндердің ыдырауын қамтуы мүмкін)

• Жүректің жиырылу жиілігінің жоғарылауы

• Организмнің әртүрлі тіндерінде жалпы сұйықтық жиналу үрдісі бар.

Жиі

• Инфекциялар (өмірге қатерлі инфекцияларды қоса)

• Аяқ тамырларындағы тромбтар

• Өкпе тамырларындағы тромбтар

• Ауыз қуысындағы ойық жаралар

• Құрсақ қуысында сұйықтық жиналуы

• Бөртпемен немесе онсыз тромбоциттер мен эритроциттер санының төмендеуімен бүйрек зақымдануы (гемолиздік-уремиялық синдром)

• Нейтрофилдер (лейкоциттер типтерінің бірі) санының төмендеуі

• Сүйек тіні жағдайының нашарлауы

• Өкпе зақымдануына алып келуі мүмкін қабыну; өкпенің айналасында сұйықтық жиналуы

• Мұрыннан қан кету

• Тері обыры

• Бүйрек инфекциясы

• Аналық без кисталары

• Кейбір жағдайларда жүректің қан айдау қабілетін төмендетуі мүмкін жүрек маңындағы қалтада сұйықтық жиналуы

• Ұйқы безінің қабынуы

• Аллергиялық реакциялар

• Белдемелі герпес

• Цитомегаловирустық инфекция

Жиі емес

• Лимфа тінінің обыры (лимфома/трансплантациядан кейінгі лимфопролиферациялық ауру), эритроциттер, лейкоциттер және тромбоциттер санының бір мезгілде төмендеуі

• Өкпеден қан кету

• Жағымсыз әсерлермен, мысалы, ісінулермен байланысты несепте кейде едәуір мөлшерде ақуыз болуы

• Бүйрек функциясын төмендетуі мүмкін бүйрек фиброзы (тыртықтану)

• Лимфа түйіндері функциясының бұзылуымен байланысты тіндерде шамадан тыс сұйықтық жиналуы

• Бөртпемен немесе онсыз тромбоциттер санының төмендеуі (тромбоцитопениялық пурпура)

• Терінің қабыршақтануын тудыруы мүмкін күрделі аллергиялық реакциялар

• Туберкулез

• Эпштейн — Барр вирусынан туындаған инфекция

• Clostridium difficile бактериясынан туындаған инфекциялық диарея

• Бауырдың күрделі зақымдануы

Сирек

• Тыныс алуды қиындатуы мүмкін өкпе альвеолаларында ақуыз жиналуы

• Қан жүретін тамырларды зақымдауы мүмкін күрделі аллергиялық реакциялар (жоғарыдан аллергиялық реакцияларға қатысты тармақты қараңыз)

Белгісіз (қолда бар деректер негізінде бағалау мүмкін емес)

• Артқы қайтымды лейкоэнцефалопатия синдромы (АҚЛС), келесі симптомдармен көрініс беретін жүйке жүйесі тарапынан күрделі бұзылу: бас ауыру, жүрек айну, құсу, сананың шатасуы, құрысу ұстамалары және көрмей қалу. Жоғарыдағы тізбеден бірнеше симптом бір мезгілде туындаған жағдайда өз дәрігеріңізге қаралыңыз.

Спорадиялық ЛАМ бар пациенттерде бүйрек трансплантациясы жасалған пациенттердегі әсерлеріне ұқсас, 10 адамның 1-де туындауы мүмкін, дене салмағының қосымша төмендеуімен жағымсыз әсерлер байқалды.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір қабықпен қапталған таблеткада 150 мг/г сиролимустың дисперсті наножүйесі бар.

белсенді зат: 100% сиролимус, 1.0 мг.

қосымша заттар:

Таблетка ядросы: лактоза моногидраты, полиэтиленгликоль 8000 ұнтақ, магний стеараты, тальк.

Таблетка қабығы: полиэтиленгликоль (макрогол) 20000, глицерил моноолеаты, фармацевтикалық жалтыр (шеллак ерітіндісі №4), сусыз кальций сульфаты, микрокристалды целлюлоза, сахароза, титанның қостотығы (E171), полоксамер-188, повидон (К29/32), Е дәрумені (dl-α-токоферол), карнауб балауызы, Red Opacode S-1-15095 сиясы.

Сыртқы түрінің, иісінің, дәмінің сипаттамасы

«RAPAМUNE 1 mg» деген қызыл түсті таңбасы бар қабықпен қапталған ақ түсті үшбұрыш пішінді таблеткалар.

Шығарылу түрі және қаптамасы

10 таблеткадан ламинацияланған ПВХ/ПЭ/ACLAR үлбірінен және алюминий фольгадан жасалған пішінді ұяшықты қаптамада.

10 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшада.

3 жыл.

Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек.

Блистерді жарықтан қорғау үшін сыртқы картон қаптамасында сақтау керек.

Дәрілік препараттарды кәріз жүйесіне немесе тұрмыстық қоқыспен бірге тастамаңыз. Фармацевтен керексіз дәрілік препаратты қалай дұрыс утилизациялауға болатынын сұрап біліңіз. Бұл шаралар қоршаған ортаны қорғауға көмектеседі.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Өндіруші:

Пфайзер Айрлэнд Фармасьютикалз,

Ньюбридж, Ирландия

тел.: +7 (727) 250 09 16

электрондық пошта: PfizerKazakhstan@pfizer.com

Қаптаушы:

Пфайзер Мануфактуринг Дойчланд ГмбХ,

Фрайбург, Германия

тел.: +7 (727) 250 09 16

электрондық пошта: PfizerKazakhstan@pfizer.com

Тіркеу куәлігінің ұстаушысы

Пфайзер Инк.,

66 Хадсон Бульвар Ист, Нью-Йорк, Нью-Йорк штаты 10001-2192, АҚШ

Tел.: +7 (727) 250 09 16

https://www.pfizer.com/contact/email

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

Pfizer Export B.V. (Пфайзер Экспорт Би.Ви.) компаниясының Қазақстан Республикасындағы филиалы

Қазақстан Республикасы, Алматы қ., 050000, Медеу ауданы, Нұрсұлтан Назарбаев даңғылы, 100/4 үй

тел.: +7 (727) 250 09 16

факс: +7 (727) 250 42 09

электрондық пошта: PfizerKazakhstan@pfizer.com