Ранолазин NOBEL® (Ранолазин)

Ранолазин NOBEL®

Ранолазин

Дәрілік түрі, дозасы

Босап шығуы ұзаққа созылатын, үлбірлі қабықпен қапталған таблеткалар, 375 мг, 500 мг, 750 мг, 1000 мг

Жүрек-қантамыр жүйесі. Кардиологиялық препараттар. Басқа кардиологиялық препараттар. Ранолазин.

АТХ коды C01EB18

Ранолазин NOBEL® жеткілікті бақыланбайтын тұрақты стенокардиясы бар немесе бірінші желідегі антиангинальді препараттар (бета-блокаторлар және/немесе кальций антагонистері сияқтылар) жақпайтын пациенттерде симптоматикалық емдеу үшін қосымша ем ретінде ересектерге қолданылады.

Қолдану басталғанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- бүйректің ауыр жеткіліксіздігі (креатинин клиренсі <30 мл/мин)

- орташа немесе ауыр дәрежедегі бауыр жеткіліксіздігі

- CYP3A4 күшті әсер ететін тежегіштерін (мысалы, итраконазол, кетоконазол, вориконазол, позаконазол, АИТВ протеаза тежегіштері, кларитромицин, телитромицин, нефазодонды) бір мезгілде қабылдау

- амиодаронды қоспағанда, Ia класты (мысалы, хинидин) немесе III класты (мысалы, дофетилид, соталол) аритмияға қарсы дәрілермен бір мезгілде қолдану

- жүктілік және бала емізу кезеңі

- 18 жасқа дейінгі балалар мен жасөспірімдер

Қолдану кезіндегі қажетті сақтық шаралары

Әсерінің жоғарылауы күтілетін пациенттерде ранолазинді тағайындағанда немесе дозасын арттырғанда сақтық таныту керек:

- CYP3A4 орташа тежегіштерін бір уақытта қабылдау

- P-gp тежегіштерін бір уақытта қабылдау

- бауырдың жеңіл жеткіліксіздігі

- жеңілден орташаға дейінгі бүйрек жеткіліксіздігі (креатинин клиренсі 30-80 мл/мин)

- егде адамдар

- салмағы төмен пациенттер (≤ 60 кг)

- орташадан ауыр дәрежеге дейінгі (NYHA бойынша III–IV класс) ЖСЖ бар пациенттер

Осы факторлар үйлескен пациенттерде әсердің қосымша ұлғаюы күтіледі. Дозаға байланысты жағымсыз әсерлердің болуы ықтимал. Егер Ранолазин NOBEL® осы факторлардың бірнешеуі үйлескен пациенттерде қолданылса, жағымсыз әсерлерге жиі мониторинг жүргізу, дозаны азайту және қажет болса немесе емдеуді тоқтату қажет.

Аталған әртүрлі қосалқы топтарда жағымсыз құбылыстарға әкелетін әсерлердің жоғарылау қаупі CYP2D6 метаболизмдік қабілеті бар (экстенсивті метаболизаторлар, ЕМ) пациенттерге қарағанда CYP2D6 белсенділігі жеткіліксіз пациенттерде (әлсіз метаболизаторлар, РМ) жоғары болып табылады. Жоғарыда келтірілген сақтық шаралары CYP2D6 РМ бар пациенттегі қауіпке негізделген және CYP2D6 статусы белгісіз болған жағдайда қажет. CYP2D6 ЕМ-статусы бар пациенттерде сақтық шараларының қажеттілігі азырақ. Егер пациенттің CYP2D6 статусы ЕМ болып табылатыны анықталған (мысалы, генотиптеу жолымен) немесе бұрын белгілі болса, оларда жоғарыда аталған қауіп факторларының бірнешеуі біріккен жағдайда Ранолазин NOBEL® бұл пациенттерде сақтықпен пайдалануға болады.

QT ұзаруы

QT аралығы ұзаруы синдромының туа біткен немесе отбасылық анамнезі бар пациенттерді, QT аралығының белгілі жүре пайда болған ұзаруы бар пациенттерді және QTc аралығына ықпал ететін препараттарды қабылдайтын пациенттерді емдеген кезде сақтық таныту керек.

Бүйрек жеткіліксіздігі

Бүйрек функциясы жасқа байланысты төмендейді, сондықтан ранолазинмен емдеу кезінде бүйрек функциясын жүйелі тексеріп тұру маңызды.

Қосымша заттар туралы мәліметтер

Бұл дәрілік заттың құрамындағы натрий босап шығуы ұзаққа созылатын таблеткада 1 ммольден (23 мг) аз, яғни іс жүзінде натрий жоқ.

Басқа дәрілік препараттармен өзара әрекеттесуі

CYP3A4 тежегіштері немесе P-gp

Ранолазин CYP3A4 цитохромының субстраты болып табылады. CYP3A4 тежегіштері қан плазмасындағы ранолазин концентрациясын арттырады. Дозаға байланысты жағымсыз әсерлердің (мысалы, жүйрек айнуы, бас айналуы) ықтималдығы плазмадағы концентрацияның жоғарылауымен де артуы мүмкін. Күніне екі рет 200 мг кетоконазолмен қатарлас емдеу ранолазинмен емдеу кезінде ранолазиннің AUC 3–3,9 есе жоғарылатты. Ранолазинді CYP3A4 күшті тежегіштерімен (мысалы, итраконазолмен, кетоконазолмен, вориконазолмен, позаконазолмен, АИТВ-протеаза тежегіштерімен, кларитромицинмен, телитромицинмен, нефазодонмен) біріктіруге болмайды. Грейпфрут шырыны да CYP3A4 қуатты тежегіші болып табылады.

Дилтиазем (180-360 мг тәулігіне бір рет), CYP3A4 орташа қуатты тежегіші ранолазиннің орташа стационарлық концентрацияларының дозаға байланысты 1,5-2,4 есе жоғарылауын туындатады. Дилтиазем және басқа да CYP3A4 орташа күшті тежегіштерін (мысалы, эритромицин, флуконазол) қабылдап жүрген пациенттерге ранолазин дозасын мұқият титрлеу ұсынылады. Ранолазинді төмендету арқылы титрлеу қажет болуы мүмкін. Ранолазин P-gp субстраты болып табылады. P-gp тежегіштері (мысалы, циклоспорин, верапамил) плазмадағы ранолазин деңгейін жоғарылатады. Верапамил (120 мг тәулігіне 3 рет) ранолазиннің стационарлық концентрациясын 2,2 есе арттырады. P-gp тежегіштерін қабылдап жүрген пациенттерге ранолазин дозасын абайлап титрлеу ұсынылады. Ранолазинді төмендету арқылы титрлеу қажет болуы мүмкін.

CYP3A4 индукторлары

Рифампицин (600 мг тәулігіне бір рет) ранолазиннің стационарлық концентрацияларын шамамен 95% төмендетеді. CYP3A4 индукторларын (мысалы, рифампицин, фенитоин, фенобарбитал, карбамазепин, шайқурай) қабылдау кезінде ранолазин препаратымен емдеуді бастамаған жөн.

CYP2D6 тежегіштері

Ранолазин CYP2D6 ішінара метаболизденеді. Осылайша, бұл ферменттің тежегіштері қан плазмасындағы ранолазин концентрациясын жоғарылатуы мүмкін. CYP2D6 қуатты тежегіші пароксетин тәулігіне бір рет 20 мг дозада плазмада тәулігіне екі рет 1000 мг ранолазиннің стационарлық концентрацияларын орта есеппен 1,2 есе арттырды. Дозаны түзету талап етілмейді. Күніне екі рет 500 мг доза деңгейінде CYP2D6 қуатты тежегішін бірге енгізу ранолазиннің AUC шамамен 62% жоғарылауына әкелуі мүмкін.

Ранолазиннің басқа дәрілік препараттарға ықпалы

Ранолазин күшті әсер ететін P-gp тежегіші және CYP3A4 орташа тежегіші болып табылады әрі P-gp немесе CYP3A4 субстраттарының плазмадағы концентрацияларын жоғарылатуы мүмкін. P-gp арқылы тасымалданатын препараттардың тіндегі таралуы ұлғайюы мүмкін.

CYP3A4 сезімтал субстраттарының (мысалы, симвастатин немесе ловастатин) және CYP3A4 емдік диапазоны тар субстраттарының (мысалы, циклоспорин, такролимус, сиролимус, эверолимус) дозаларын түзету қажет болуы мүмкін, өйткені ранолазин бұл препараттардың плазмадағы концентрацияларын жоғарылатуы мүмкін. Қолда бар деректер ранолазин CYP2D6 әлсіз тежегіші болып табылады деп болжауға мүмкіндік береді. Тәулігіне екі рет 750 мг ранолазин плазмадағы метопролол концентрациясын 1,8 есеге арттырды. Сондықтан, ранолазинмен бір мезгілде қолданған кезде метопрололдың немесе басқа да CYP2D6 субстраттарының (мысалы, пропафенон және флекаинид немесе аз дәрежеде, трициклдық антидепрессанттар мен нейролептиктер) әсері күшеюі мүмкін, және осы дәрілік заттардың неғұрлым төмен дозалары қажет болуы мүмкін.

CYP2B6 тежеу әлеуетіне баға берілмеген. CYP2B6 субстраттарымен (мысалы, бупропион, эфавиренц, циклофосфамид) бір мезгілде қолданған кезде сақтық таныту керек.

Дигоксин. Ранолазин мен дигоксинді және бір мезгілде қолданған кезде дигоксиннің плазмадағы концентрациясының орта есеппен 1,5 есе жоғарылауы туралы хабарланған. Демек, ранолазинмен ем басталғаннан кейін және емді тоқтатқаннан кейін дигоксиннің деңгейін бақылау керек.

Симвастатин. Симвастатиннің метаболизмі және клиренсі CYP3A4-ке қатты тәуелді. Күніне екі рет 1000 мг ранолазин симвастатин лактоны мен симвастатин қышқылының плазмадағы концентрациясын шамамен 2 есеге арттырды. Постмаркетингтік тәжірибеде рабдомиолиз симвастатиннің жоғары дозаларын қабылдаумен байланысты болды, және рабдомиолиз жағдайлары ранолазин мен симвастатинді қабылдаған пациенттерде байқалды. Ранолазин кез келген дозасын қабылдайтын пациенттерде симвастатиннің дозасын тәулігіне бір рет 20 мг дейін шектеңіз.

Аторвастатин. Күніне екі рет 1000 мг ранолазин күніне бір рет 80 мг аторвастатиннің Cmax және AUC сәйкесінше 1,4 және 1,3 есеге ұлғайтты, және аторвастатин метаболиттерінің Cmax және AUC 35%-дан азға өзгертті. Ранолазинді қабылдағанда аторвастатиннің дозасын шектеуді және тиісті клиникалық мониторингті қарастыруға болады.

Ранолазинді қабылдаған кезде CYP3A4 арқылы метаболизденетін басқа статиндердің (мысалы, ловастатиннің) дозасын шектеуді қарастыруға болады.

Такролимус, циклоспорин, сиролимус, эверолимус. Пациенттерде ранолазинді қабылдаудан кейін такролимустың, CYP3A4 субстратының плазмадағы концентрацияларының жоғарылауы байқалды. Ранолазин мен такролимусты бірге қолданған кезде такролимустың қандағы деңгейін бақылау және такролимустың дозасын тиісінше түзету ұсынылады. Бұл сондай-ақ емдік диапазоны тар басқа CYP3A4 субстраттары (мысалы, циклоспорин, сиролимус, эверолимус) үшін де ұсынылады.

Органикалық катиондардың тасымалдағышы-2 (OCT2) тасымалданатын дәрілер. Ранолазин 500 мг және 1000 мг дозада тәулігіне екі рет бір мезгілде қолданғанда 2 типтегі қант диабеті бар субъектілерде метформиннің (тәулігіне екі рет 1000 мг) плазмадағы экспозициясы сәйкесінше 1,4 және 1,8 есе жоғарылады. Басқаларымен қатар пиндолол мен варениклинді қоса, басқа OCT2 субстраттарының әсері осыған ұқсас дәрежеде өзгеруі мүмкін.

Ранолазинмен және QTc аралығын ұзартатыны белгілі басқа дәрілік заттармен бір мезгілде емдеу фармакодинамикалық өзара әрекеттесуді туғызуы және қарыншалық аритмиялардың ықтимал қаупін артуы мүмкіндігінің теориялық қаупі бар. Мұндай препараттардың мысалына белгілі бір антигистаминдік препараттар (мысалы, терфенадин, астемизол, мизоластин), белгілі бір аритмияға қарсы дәрілер (мысалы, хинидин, дизопирамид, прокаинамид), эритромицин және трициклдық антидепрессанттар (мысалы, имипрамин, доксепин, амитриптилин) жатады.

Арнайы ескертулер

Жүктілік немесе лактация кезінде

Ранолазинді жүкті әйелдерде пайдалану туралы деректер саны шектеулі.  Адам үшін әлеуетті қаупі белгісіз. Айқын қажеттілігі болмаса, Ранолазин NOBEL® жүктілік кезінде қолданбау керек. Емшек еметін бала үшін қаупін жоққа шығаруға болмайды. Ранолазин NOBEL® емшек емізу кезеңінде қолданбау керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ранолазин NOBEL® автокөлікті және механизмдерді басқару қабілетіне әсері туралы зерттеулер жүргізілген жоқ. Ранолазин NOBEL® бас айналуын, көрудің бұлыңғырлануын, диплопияны, сананың шатасу жай-күйін, қимыл үйлесімінің бұзылуын, елестеулерді туғызуы мүмкін, бұл автокөлікті басқару және механизмдермен жұмыс істеу қабілетіне әсер етуі мүмкін.

Қолдану бойынша ұсынымдар

Дозалау режимі

Ранолазин NOBEL® препаратының ұсынылатын бастапқы дозасы тәулігіне 2 рет 375 мг құрайды. 2-4 аптадан кейін дозаны тәулігіне 2 рет 500 мг-ға дейін титрлеу керек. Пациенттің реакциясына байланысты ең жоғары доза тәулігіне 2 рет 750 мг (375 мг, 500 мг, 750 мг дозалар үшін).

Ранолазин NOBEL препаратының ұсынылатын бастапқы дозасы тәулігіне екі рет 500 мг құрайды. 2-4 аптадан кейін дозаны тәулігіне екі рет 1000 мг-ға дейін титрлеу керек. Ең жоғары тәуліктік доза 2000 мг құрайды (1000 мг доза үшін).

Ранолазин NOBEL® препаратын қабылдаудан бас айналуы, жүрек айнуы немесе құсу сияқты жағымсыз реакциялар туындаған кезде бір реттік дозаны 500 мг-ға дейін төмендету керек.

Егер дозаны төмендеткеннен кейін симптомдар сақталса, препарат қабылдауды тоқтату керек.

Орташадан ауыр дәрежеге дейінгі (NYHA бойынша III - IV класс) ЖІЖ (жүректің іркілісті жеткіліксіздігі) бар пациенттерде дозаны таңдау сақтықпен жүргізілуге тиіс.

CYP3A4 және P-гликопротеин (P-gp) тежегіштерімен бір мезгілде емдеу: орташа CYP3A4 тежегіштерін (мысалы, дилтиазем, флуконазол, эритромицин) немесе P-gp ингибиторларын (мысалы, верапамил, циклоспорин) қабылдап жүрген пациенттерге дозаны мұқият титрлеу ұсынылады.

CYP3A4 күшті тежегіштерін бір мезгілде қолдануға тыйым салынады.

Салмағы аз: Салмағы аз пациенттерде жағымсыз құбылыстардың жиілігі жоғары болды (≤ 60 кг). Дозаны титрлеуді салмағы аз науқастарда сақтықпен жүргізу керек.

Пациенттердің ерекше топтары

Балалар

Ранолазин NOBEL® 18 жасқа дейінгі балаларға және жасөспірімдерге қолданудың қауіпсіздігі мен тиімділігі анықталмаған.

Егде жастағы пациенттер

Егде жастағы пациенттерде дозаны таңдау сақтықпен жүргізілуі керек. Егде жастағы адамдарда бүйрек функциясының жасқа қатысты төмендеуінен ранолазин әсерінің жоғарылауы мүмкін. Егде жастағы адамдарда жағымсыз құбылыстардың жиілігі жоғары болды.

Бауыр жеткіліксіздігі бар пациенттер

Жеңіл дәрежедегі бауыр жеткіліксіздігі бар пациенттерге дозаны мұқият титрлеу ұсынылады. Ранолазин NOBEL® орташа немесе ауыр дәрежедегі бауыр жеткіліксіздігі бар пациенттерге қолдануға болмайды.

Бүйрек жеткіліксіздігі бар пациенттер

Ауырлық дәрежесі жеңіл немесе орташа бүйрек жеткіліксіздігі бар пациенттерге (креатинин клиренсі 30-80 мл/мин) дозаны мұқият таңдау ұсынылады. Ранолазин NOBEL® бүйректің ауыр жеткіліксіздігі бар (креатинин клиренсі <30 мл/мин) бар пациенттерге қолдануға болмайды.

Енгізу әдісі және жолы

Ранолазин NOBEL® таблеткаларын тұтастай, ұсақтамай, сындырмай және шайнамай жұту керек. Тамақ ішу кезінде қабылдайды.

Артық дозаланған жағдайда қолдану қажет шаралар

Стенокардиясы бар пациенттерде жоғары дозалардың пероральді жағымдылығын зерделеген кезде бас айналу, жүрек айну және құсу пайда болу жиілігі дозаға байланысты артты. Диплопия, летаргия және әлсіздік дамуы мүмкін. Артық дозаланған жағдайда пациентті мұқият бақылау қажет, ал емдеу симптоматикалық және демеуші болуы тиіс.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Егер Сізде препаратты қабылдау туралы қосымша сұрақтарыңыз болса, өз дәрігеріңізге қаралыңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жиі

- бас айналуы, бас ауыруы

- іш қату, құсу, жүрек айнуы

- астения

Жиі емес

- анорексия, тәбеттің төмендеуі, сусыздану

- үрейлену, ұйқысыздық, сананың шатасуы, елестеулер

- летаргия, естен тану, гипестезия, ұйқышылдық, тремор, постуральді бас айналу, парестезия

- анық көрмеу, көрудің бұзылуы, диплопия

- бас айналуы, құлақтың шуылдауы

- қан кернеулері, гипотония

- ентігу, жөтел, мұрыннан қан кету

- іштің ауыруы, ауыздың құрғауы, диспепсия, метеоризм, асқазандағы жайсыздық

- тері қышынуы, гипергидроз

- қол-аяқтың ауыруы, бұлшықеттердің құрысуы, буындардың ісінуі, бұлшықет әлсіздігі

- дизурия, гематурия, хроматурия

- қатты қажу, шеткері ісінулер

- қандағы креатинин деңгейінің жоғарылауы, қандағы мочевина деңгейінің жоғарылауы, QT түзетілген аралығының ұзаруы, тромбоциттердің немесе лейкоциттер санының артуы, салмақтың азаюы

Сирек

- гипонатриемия

- бағдарсыздық

- амнезия, сана деңгейінің төмендеуі, естен тану, қимыл үйлесімінің бұзылуы, жүрістің бұзылуы, паросмия

- естудің бұзылуы

- шеткері салқындау, ортостатикалық гипотензия

- тамақтың қысылуы

- панкреатит, эрозиялық дуоденит, ауыз қуысының гипестезиясы

- ангионевроздық ісіну, аллергиялық дерматит, есекжем, суық тер, бөртпе

- бүйректің жедел жеткіліксіздігі, несеп іркілуі

- эректильді дисфункция

- бауыр ферменттері деңгейінің жоғарылауы

Белгісіз

- миоклонус

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – ранолазин 375.000 мг, 500.000 мг, 750.000 мг, 1000.000 мг

қосымша заттар: гидроксипропилметилцеллюлоза E5 LV Prem., метилакрил қышқылының кополимері және этилакрилат L 100-55, микрокристалды целлюлоза РН 101, натрий гидроксиді, магний стеараты.

Қабығының құрамы:

375 мг дозасы үшін - Үлбірлі қабық Opadry II Complete Film Coating System 85F20694 Blue (титанның қостотығы (Е 171), полиэтиленгликоль / макрогол, поливинил спирті, тальк, FD&C Blue 2 / Индигокармин (Е132));

500 мг дозасы үшін - Үлбірлі қабық Opadry II Complete Film Coating System 85F230020 Orange (ішінара гидролизденген поливинил спирті, титанның қостотығы (Е171), полиэтиленгликоль / макрогол, тальк, темірдің сары тотығы (Е172), темірдің қызыл тотығы (Е172));

750 мг дозасы үшін - Үлбірлі қабық Opadry II Complete Film Coating System 85F210105 Green (ішінара гидролизденген поливинил спирті, титанның қостотығы (Е171), полиэтиленгликоль / макрогол, тальк, FD&C Blue 2 / Индигокармин (Е132), FD&C Blue 1/ Бриллиантты көк FCF (Е133), хинолинді сары (Е104), темірдің сары тотығы (Е172));

1000 мг дозасы үшін - Үлбірлі қабық Opadry II Complete Film Coating System 85F220183 Yellow (ішінара гидролизденген поливинил спирті, титанның қостотығы (Е171), полиэтиленгликоль / макрогол, тальк, темірдің сары тотығы (Е172), темірдің қара тотығы (Е172)).

Сыртқы түрінің, иісінің, дәмінің сипаттамасы

Сопақша пішінді, екі жағы дөңес, босап шығуы ұзаққа созылатын бозғылт-көгілдір түсті үлбірлі қабықпен қапталған, бір жағында «375» өрнегі бар таблеткалар (375 мг дозалануы үшін).

Сопақша пішінді, екі жағы дөңес, босап шығуы ұзаққа созылатын ашық қызғылт-сары түсті үлбірлі қабықпен қапталған, бір жағында «500» өрнегі бар таблеткалар (500 мг дозалануы үшін).

Сопақша пішінді, екі жағы дөңес, босап шығуы ұзаққа созылатын бозғылт-жасыл түсті үлбірлі қабықпен қапталған, бір жағында «750» өрнегі бар таблеткалар (750 мг дозалануы үшін).

Сопақша пішінді, екі жағы дөңес, босап шығуы ұзаққа созылатын ашық сары түсті үлбірлі қабықпен қапталған, бір жағында «1000» өрнегі бар таблеткалар (1000 мг дозалануы үшін).

Шығарылу түрі және қаптамасы

12 (375 мг және 500 мг дозалануы үшін), 6 (750 мг дозалануы үшін) 10 (1000 мг дозалануы үшін) таблеткадан мөлдір емес ақ поливинилхлоридті/полиэтиленді/поливинилиденхлоридті (ПВХ/ПЭ/ПВДХ) үлбірден және баспалы алюминий фольгадан жасалған пішінді ұяшықты қаптамаға салынады.

5 (375 мг және 500 мг дозалануы үшін), 10 (750 мг дозалануы үшін) немесе 6 (1000 мг дозалануы үшін) пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Нобел Илач Санаи ве Тиджарет, А.Ш., Түркия, Дюздже қ.

Sancaklar Mah. Eski Akcakoca Cad. No: 299 81100

Телефон нөмірі: +90 380 5263060, +90 380 5263043

Электронды пошта: nobel@nobel.com.tr

Тіркеу куәлігінің ұстаушысы

«Нобел Алматы Фармацевтикалық Фабрикасы» АҚ,

Қазақстан Республикасы, Алматы қ., Шевченко к-сі, 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта):

«Нобел Алматы Фармацевтикалық Фабрикасы» АҚ,

Қазақстан Республикасы, Алматы қ., Шевченко к-сі, 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz