Ранокардум® (500 мг)

Ранокардум®

Ранолазин

Босап шығуы ұзаққа созылатын, үлбірлі қабықпен қапталған таблеткалар 500 мг, 750 мг, 1000 мг

Бір таблетканың құрамында

белсенді зат – ранолазин 500 мг, 750 мг немесе 1000 мг,

қосымша зат: метакрил қышқылының сополимері (С типі) (Eudragit L100-55), микрокристалды целлюлоза (РН 101), гипромеллоза (НРМС 5cps), натрий гидроксиді, тазартылған су, магний стеараты,

қабығы: Опадрай қызғылт сары 04В530005, макрогол (полиэтиленгликоль 400), изопропил спирті 1, метиленхлорид 1

1 – Өндірістік үдерісте жойылады

Екі жағы бірдей, екі беткейі дөңес, капсула пішінді, қызғылт сары түсті үлбірлі қабықпен қапталған таблеткалар (500 мг доза үшін).

Бір жағында сызығы бар және екінші жағы тегіс, екі беткейі дөңес, капсула пішінді, қызғылт сары түсті үлбірлі қабықпен қапталған таблеткалар (750 және 1000 мг доза үшін).

Жүрек ауруларын емдеуге арналған басқа да препараттар. Кардиотонустық өзге де препараттар. Ранолазин.

ATX коды C01EB18

Фармакокинетикасы

Сіңуі және таралуы: Пероральді қабылдағаннан кейін қан плазмасында ранолазиннің ең жоғары концентрациясына 2-5 сағатта жетеді. 14С-ранолазин ерітіндісін ішке қабылдағаннан кейін дозаның 73%-ы ранолазин немесе оның метаболиттері түрінде болады. Таблетка түрінде қабылдағаннан кейін ранолазиннің биожетімділігі ранолазин ерітіндісін қабылдағаннан кейінгі биожетімділігімен салыстырмалы және 76 % құрайды. Ранолазин Р-гликопротеин субстраты болып табылатындықтан, Р-гликопротеин тежегіштері ранолазиннің сіңірілуін арттыруы мүмкін.

Ас ішу (калориясы жоғары таңғы ас) ранолазиннің Смакс және AUC айтарлықтай әсер етпейді. Сондықтан, ранолазинді ас ішуге байланыссыз қабылдауға болады. 0,25-тен 10 мкг/мл концентрация ауқымында ранолазин шамамен 62 %-ға адамның плазма ақуыздарымен байланысты.

Метаболизмі және шығарылуы: Ранолазин негізінен CYP3А және аз дәрежеде CYP2D6 метаболизденеді. Ранолазин ерітіндісінің бір реттік дозасын ішке қабылдағаннан кейін дозаның шамамен 75 %-ы несеппен және 25 %-ы нәжіспен шығарылады. Ранолазин негізінен бауырда және ішекте тез метаболизденеді; препараттың 5 %-дан азы өзгермеген күйде несеппен және нәжіспен шығарылады. Оның метаболиттерінің фармакологиялық белсенділігі сипатталмаған. Тәулігіне 2 рет 500 мг-ден 1500 мг-ге дейінгі дозаны қабылдау нәтижесінде тепе-тең жағдайға жеткеннен кейін қан плазмасында 4 негізгі метаболит үшін AUC мәндері ранолазин үшін AUC қарағанда шамамен 5-тен 33 %-ға дейінгі ауқымда болды, ал ықтималды жартылай шығарылу кезеңдері 6-дан 22 сағатқа дейінді құрады.

Фармакодинамикасы

Әсер ету механизмі: Ранолазиннің антиангинальді әсер ету механизмі түпкілікті анықталмаған. Ранолазиннің ишемияға қарсы және антиангинальді әсерлері жүректің жиырылу жиілігі мен артериялық қысымды қалпына келтіруге байланысты емес. Препарат жүректің жиырылу жиілігі мен артериялық қысымды ретке келтіретін өнімдерге, сондай-ақ аса жоғары жүктемеде миокардтың жұмыс істеуін өлшеуге әсер етпейді. Ранолазинді емдік концентрацияда қолдану жүректе кешеуілді натрий ағымын тежеуі мүмкін. Алайда мұндай тежелудің стенокардия симптомдарына байланыстылығы анықталмаған.

Беткейлік ЭКГ-де ранолазин туғызған QT аралығының ұзаруы калий өзекшелерінің тежелуінің нәтижесі болып табылады, бұл вентрикулярлық әлеуетті әсер ету ұзақтығына әкеледі.

Препараттың бұл әсері жүректің жиырылу жиілігінің, артериялық қысымның немесе тамырлардың кеңеюінің төмендеуіне байланысты емес.

Гемодинамикаға әсері:

Бұрын жеке ранолазинмен немесе стенокардияны емдеуге арналған басқа да дәрілік заттармен бірге ем қабылдаған пациенттерде бақыланатын зерттеу аясында жүрек жиырылуының орташа жиілігінің (минутына < 2 соққы) және орташа систолалық артериялық қысымның (<3 мм с.б.) ең аз төмендегені байқалды.

Электрокардиография кезінде көрініс беретін әсерлер:

Ранокардум® препаратымен ем қабылдаған пациенттерде қан плазмасындағы (тәулігіне екі рет 1000 мг-ден қабылдағанда шамамен 6 мс) дозаға және концентрацияға байланысты QTc аралығының ұзаруы, Ти тісшесі, кейбір жағдайда екі өркешті Т тісшесі амплитудасының төмендегені байқалды. Ранолазиннің дене беткейінен алынатын электрокардиограмма сипаттамаларына бұл әсерлері калийдің жылдам ағымының тежелуінің нәтижесі болып табылады, ол қарыншалық әсер ету әлеуетін, сондай-ақ қарыншалық әсер ету әлеуетін қысқартатын кешеуілді натрий ағымының тежелуін ұзартады. 1308 пациент пен дені сау еріктілер бойынша біріккен деректердің популяциялық талдауы бастапқы деңгейге қатысты қан плазмасында ранолазиннің 2,4 мс-тен 1000 нг/мл-ге QTc орташа ұзаруын көрсетті. Ұзару жылдамдығы клиникалық маңызды бауыр жеткіліксіздігі бар пациенттерде жоғары болды.

- тұрақты стенокардияда

Ранокардум® препаратының ұсынылған бастапқы дозасы ересектер үшін тәулігіне 2 рет 500 мг құрайды. 2-4 аптадан кейін дозаны қажетіне қарай тәулігіне 2 рет 1000 мг дейін арттырады. Ең жоғары тәуліктік доза 2000 мг құрайды.

Ранокардум® препаратын қабылдаумен байланысты жағымсыз әсерлері (бас айналуы, жүрек айнуы, құсу және басқалар) пайда болған жағдайда бір реттік дозаны 500 мг-ге дейін азайту керек.

Егер мұнан кейін симптомдар жоғалмаса, препаратты қолдануды тоқтату керек.

Созылмалы жүрек жеткіліксіздігі (NYHA жіктелуі бойынша III-IV функционалды кластары), ауырлығы жеңіл және орташа дәрежедегі бүйрек жеткіліксіздігі (КК 30-80 мл/мин), ауырлығы жеңіл дәрежедегі бауыр жеткіліксіздігі (Чайлд-Пью жіктелуі бойынша 5-6 балл) бар пациенттерде, сондай-ақ дене салмағы 60 кг-ден төмен пациенттер және 75 жастан асқан пациенттер үшін препарат дозасын титрлеу ұсынылады.

Ас ішу препараттың биожетімділігіне әсер етпейді, сондықтан оны ас ішуге байланыссыз қабылдауға болады. Таблеткаларды ұнтақтамай, сындырмай және шайнамай, жеткілікті мөлшердегі сұйықтықты іше отырып, тұтастай жұту керек.

Жиі ( ≥1/100-нан <1/10 дейін)

- бас айналуы, бас ауыруы

- іш қату, жүрек айнуы, құсу

- астения

Жиі емес ( ≥1/1000-нан <1/100 дейін)

- тәбеттің төмендеуі, анорексия, дегидратация

- үрейлену, ұйқысыздық, сананың бұлыңғырлануы, елестеулер

- тежелу, естен тану, гипестезия, ұйқышылдық, тремор, постуральді бас айналуы

- көрудің бұлыңғырлануы, көру бұзылыстары

- бетке қан тебу, АҚ айқын төмендеуі

- вертиго, құлақтағы шуыл

- ентігу, жөтел, мұрыннан қан кету

- іштің ауыруы, ауыз қуысы шырышты қабығының құрғап кетуі, диспепсия, метеоризм, асқазан тұсының жайсыздығы

- терінің қышынуы, гипергидроз

- аяқ-қолдың ауыруы, бұлшықет түйілуі, буындардың домбығуы

- дизурия, гематурия, хроматурия

- қан плазмасында креатинин концентрациясының жоғарылауы, қан плазмасында мочевина концентрациясының жоғарылауы, түзетілген QTc аралығының ұзаруы, тромбоцитоз және лейкоцитоз, дене салмағының төмендеуі

- шаршау, шеткері ісінулер

Сирек ( ≥1/10 000-нан <1/1000 дейін)

- бағдардан жаңылу

- амнезия, сананың шатасуы, естен тану, паросмия

- естудің төмендеуі

- аяқ-қолдың суынуы, ортостаздық гипотензия

- тамақта қысуды сезіну

- панкреатит, эрозиялық дуоденит, ауыз қуысының гипестезиясы

- аллергиялық дерматит, есекжем, суық тер, тері бөртпесі, ангионевроздық ісіну

- жедел бүйрек жеткіліксіздігі

- эректильді дисфункция

- бауыр ферменттері белсенділігінің жоғарылауы

- ауыр дәрежедегі бүйрек жеткіліксіздігі (КК<30 мл/мин)

- орташа (Чайлд-Пью жіктелуі бойынша 7-9 балл) немесе ауыр (Чайлд-Пью жіктелуі бойынша 9 балдан жоғары) дәрежедегі бауыр жеткіліксіздігі

- CYP3A4 изоферментінің күшті тежегіштерімен (итраконазол, кетоконазол, позаконазол, АИТВ-протеаза тежегіштері, кларитромицин, телитромицин, нефазодон) бір мезгілде қолдану

- амиодароннан басқа, I A класты (мысалы, хинидин) немесе III класты (мысалы, дофетилид) аритмияға қарсы дәрілерімен; соталолмен бір мезгілде қолдану

- лактаза тапшылығы, тұқым қуалайтын лактозаны көтере алмаушылық, глюкоза-галактоза мальабсорбциясы синдромы (тек 1000 мг үшін)

- препарат компоненттеріне жоғары сезімталдық

- жүктілік және лактация кезеңі

- 18 жасқа дейінгі балалар мен жасөспірімдер

Сақтықпен:

- ауырлығы жеңіл дәрежедегі бауыр жеткіліксіздігі (Чайлд-Пью жіктелуі бойынша 5-6 балл)

- ауырлығы жеңіл немесе орташа дәрежедегі бүйрек жеткіліксіздігі (КК 30-80 мл/мин)

- 75 жастан жоғары

- дене салмағы 60 кг-ден төмен

- созылмалы жүрек жеткіліксіздігі (NYHA жіктелуі бойынша III-IV функционалдық кластары)

- анамнезінде, отбасылық анамнезінде туа біткен QT аралығының ұзаруы синдромы; диагностикаланған жүре пайда болған QT аралығының ұзаруы;

- CYP2D6 изоферментінің жеткіліксіздігі

- әсер ету күші орташа CYP3A4 изоферментінің тежегіштерімен (дилтиазем, флуконазол, эритромицин) бір мезгілде қолдану

- CYP3A4 изоферменті белсенділігінің индукторларымен (рифампицин, фенитоин, фенобарбитал, карбамазепин, шілтерлі шайқурай (Hypericum perforatum) бір мезгілде қолдану

- Р-гликопротеин тежегіштерімен (верапамил, циклоспорин) бір мезгілде қолдану

Бір мезгілде қолдануға болмайды

CYP3A4 изоферментінің күшті тежегіштері

Ранолазин CYP3A4 цитохромының субстраты болып табылады. CYP3A4 изоферменті белсенділігінің индукторларымен бір мезгілде қолдану қан плазмасында ранолазин концентрациясын арттырады. Қан плазмасында препарат концентрациясы артқаннан кейін әлеуетті дозаға тәуелді жағымсыз әсерлер де күшейіп кетуі мүмкін (мысалы, жүрек айнуы, бас айналуы). Тәулігіне 2 рет 200 мг кетоконазолмен бір мезгілде емдеу ранолазиннің AUC 3-3.9 есеге арттырады.

Ранолазин мен CYP3A4 изоферментінің күшті тежегіштерін (мысалы, итраконазол, кетоконазол, вориконазол, позаконазол, АИТВ-протеаза тежегіштері, кларитромицин, телитромицин, нефазодон) бір мезгілде қолдануға болмайды.

Грейпфрут шырыны да CYP3A4 изоферментінің күшті тежегіші болып табылады.

Бір мезгілде сақтықпен қолдану

Әсер ету күші орташа CYP3A4 изоферментінің тежегіштері

Дилтиазем (тәулігіне 1 рет 180-360 мг), әсер ету күші орташа CYP3A4 изоферментінің тежегіші дозаға байланысты қан плазмасында Css орташа мәнінің 1.5-2.4 есеге жоғарылауын туғызады. Дилтиазем мен әсер ету күші орташа CYP3A4 изоферментінің басқа да тежегішін (мысалы, эритромицин, флуконазол) қабылдайтын пациенттер үшін ранолазин дозасын титрлеу ұсынылады. Ранолазин дозасын төмендету қажет болуы мүмкін.

CYP3A4 изоферменті белсенділігінің индукторлары

Ранолазинді CYP3A4 изоферменті белсенділігінің индукторларымен (рифампицин, фенитоин, фенобарбитал, карбамазепин, шілтерлі шайқурай (Hypericum perforatum)) бір мезгілде қолдану препараттың тиімділігінің төмендеуіне әкелуі мүмкін. Мысалы, рифампицин (тәулігіне 1 рет 600 мг) қан плазмасында ранолазин Css шамамен 95%-ға төмендетеді. Сондықтан CYP3A4 изоферменті индукторларымен ем қабылдайтын пациенттерде ранолазинді қолдануды бастауға болмайды.

Р-гликопротеин тежегіштері

Ранолазин Р-гликопротеин (P-gp) субстраты болып табылады. P-gp тежегіштері (мысалы, циклоспорин, верапамил) қан плазмасында ранолазин концентрациясын арттырады. Верапамил (тәулігіне 3 рет 120 мг) ранолазин Css 2.2 есеге арттырады. P-gp тежегіштерімен ем қабылдайтын пациенттер үшін ранолазин дозасын титрлеу ұсынылады. Ранолазин дозасын төмендету қажет болуы мүмкін. Екінші жақтан, ранолазин әсер ету күші орташа P-gp тежегіші және CYP3A4 изоферментінің әлсіз тежегіші болып табылады және қан плазмасында P-gp субстраттарының немесе CYP3A4 изоферменттерінің концентрациясын арттыруы мүмкін. P-gp көмегімен тасымалданатын дәрілік заттардың тіндік таралуы ұлғаюы мүмкін.

CYP2D6 изоферментінің субстраттары

Ранолазин CYP2D6 изоферментінің әлсіз тежегіші болып табылатындығы туралы деректер бар. Тәулігіне 2 рет 750 мг-ден ранолазинді қабылдау қан плазмасында метопролол концентрациясын 1.8 есеге арттырады. Сондықтан ранолазинмен бір мезгілде қолданғанда метопрололдың немесе CYP2D6 изоферментінің басқа да субстраттарының (мысалы, пропафенон және флекаинид, аз дәрежеде, үш циклді антидепрессанттар мен нейролептиктер) әсері күшеюі мүмкін, осының салдарынан осы дәрілік заттардың дозасын төмендету қажет болуы мүмкін.

CYP2B6 изоферментінің субстраттары

CYP2B6 изоферментінің тежелу әлеуеті анықталмаған. CYP2B6 изоферментінің субстраттарымен (мысалы, бупропион, эфавиренз, циклофосфамид) бірге тағайындаған кезде сақ болу ұсынылады.

Дигоксин

Дигоксин мен ранолазинді бір мезгілде қолданғанда қан плазмасында дигоксиннің концентрациясы орта есеппен 1.5 есеге жоғарылағаны туралы деректер бар. Сондықтан ранолазинмен емдеудің басында және ем аяқталғаннан кейін дигоксин деңгейіне мониторинг жүргізу қажет.

CYP3A4 изоферментінің субстраттары

Ранолазин CYP3A4 изоферментінің әлсіз тежегіші болып табылады, бұл қан плазмасында CYP3A4 изоферменті субстраттарының концентрациясының артуына әкелуі мүмкін және CYP3A4 изоферментінің сезімтал субстраттарының (мысалы, симвастатин, ловастатин) және емдік ауқымы аз CYP3A4 изоферменті субстраттарының (мысалы, циклоспорин, такролимус, сиролимус, эверолимус) дозасын түзетуді қажет етуі мүмкін.

Симвастатин

Симвастатиннің метаболизмі мен клиренсі жоғары дәрежеде CYP3A4 изоферментіне байланысты. Тәулігіне 2 рет 1000 мг-ден ранолазинді қабылдау симвастатин лактоны, симвастатин қышқылының концентрациясын арттырады, бұл ГМГ-КоА-редуктазаның тежелуін 1.4-1.6 есеге арттырады. Симвастатинді жоғары дозада қабылдау рабдомиолиздің дамуымен астасқан, сондай-ақ ранолазин мен симвастатинді бір мезгілде қолданғанда рабдомиолиздің даму жағдайлары сипатталған. Бір мезгілде ранолазин қабылдайтын пациенттер үшін симвастатиннің ең жоғары дозасы тәулігіне 20 мг-ден аспауы тиіс. CYP3A4 изоферментінің қатысуымен метаболизденетін басқа статиндер (ловастатин) үшін дозаны шектеу қажет болуы мүмкін.

Такролимус, циклоспорин, сиролимус, эверолимус

Қан плазмасында CYP3A4 изоферменті субстраты такролимус концентрациясының артуы ранолазин қолдану аясында пациенттерде байқалды. Такролимус пен ранолазинді бір мезгілде қолданғанда қан плазмасында такролимус концентрациясына мониторинг жүргізу ұсынылады және қажетіне қарай дозаны түзету қажет. Мұндай тәсіл емдік ауқымы аз CYP3A4 изоферментінің басқа да субстраттары (мысалы, циклоспорин, сиролимус, эверолимус) үшін де ұсынылған.

QТ аралығын ұзартатын препараттар

Ранолазин мен QT аралығын ұзартатын басқа да дәрілік заттарды бір мезгілде қолданғанда фармакодинамикалық өзара әрекеттесу туындауы және қарыншалық аритмияның даму қаупі артуы мүмкіндігіне теориялық ықтималдылық бар. Мұндай дәрілік заттардың қатарына белгілі бір антигистаминді препараттар (мысалы, терфенадин, астемизол, мизоластин), белгілі бір аритмияға қарсы дәрілер (мысалы, хинидин, дизопирамид, прокаинамид), сонай-ақ эритромицин және үш циклді антидепрессанттар (мысалы, имипрамин, доксепин, амитриптилин) жатады.

Ранокардум® препараты тұрақты емдеуге арналған.

Ауырлығы жеңіл немесе орташа дәрежедегі бүйрек жеткіліксіздігі бар (КК 30-80 мл/мин) пациенттер үшін дозаны титрлеу ұсынылады. Ранокардум® препараты ауыр дәрежедегі бүйрек жеткіліксіздігі бар (КК < 30 мл/мин) пациенттерге қолдануға болмайды.

Ауырлығы жеңіл дәрежедегі бауыр жеткіліксіздігі бар пациенттер үшін (Чайлд-Пью жіктелуі бойынша 5-6 балл) дозаны титрлеу ұсынылады. Ранокардум препаратын ауырлығы орташа (Чайлд-Пью жіктелуі бойынша 7-9 балл) немесе ауыр (Чайлд-Пью жіктелуі бойынша 9 балдан жоғары) дәрежедегі бауыр жеткіліксіздігі бар пациенттерге қолдануға болмайды.

Егде жастағы пациенттерде жасына қарай бүйрек функциясының төмендеуіне байланысты Ранокардум препараты әсерінің күшейгені байқалуы мүмкін. Жағымсыз әсерлердің туындау жиілігі жоғарылағаны байқалады.

Дене салмағы 60 кг-ден аз пациенттер үшін дозаны таңдау сақтықпен жүргізілуі тиіс, себебі мұндай пациенттерде жағымсыз әсерлер жағдайлары жиі бақыланған.

Созылмалы жүрек жеткіліксіздігі

Орташа немесе ауыр дәрежедегі созылмалы жүрек жеткіліксіздігі (NYHA жіктелуі бойынша III-IV функционалдық кластары) бар пациенттер үшін дозаны таңдауды сақтықпен жүргізу керек. Жағымсыз әсерлердің дамуына жиі мониторинг жүргізу қажет, қажет болғанда препарат дозасын азайту немесе емдеуді тоқтату керек.

QT аралығының ұзаруы

Пациенттер мен дені сау еріктілерді зерттегенде алынған біріккен деректердің популяциялық талдауы QTc аралығының ұзаруының қан плазмасы концентрациясынан байланыстылығы 1000 нг/мл-ге 2,4 мс ретінде бағалануы мүмкін екендігін көрсетті, бұл тәулігіне 2 рет қабылданатын ранолазиннің 500-ден 1000 мг-ге дейінгі дозасына сәйкес келетін қан плазмасындағы концентрациялар ауқымы үшін шамамен 2-ден 7 мс-ке дейін жоғарылауына тең. Демек, анамнезінде туа біткен QT аралығының ұзаруы синдромы, отбасылық анамнезінде QT аралығының ұзаруы бар, белгілі жүре пайда болған ұзаруы синдромы бар пациенттер, сондай-ақ QT аралығына әсер ететін препараттармен ем қабылдайтын пациенттерді емдеген кезде сақ болу қажет.

CYP2D6 изоферменті белсенділігінің жеткіліксіздігі

Көрсетілген топтарда жағымсыз әсерлердің туындау жиілігінің арту қаупі CYP2D6 изоферментінің метаболизациясына қалыпты қабілеті бар пациенттермен ("жылдам" метаболизмі бар пациенттер) салыстырғанда CYP2D6 изоферменті белсенділігінің жеткіліксіздігі бар пациенттерде ("баяу" метаболизмі бар пациенттер) жоғарылайды. Сақтық шаралары CYP2D6 изоферментінің "баяу" метаболизмі бар пациенттер үшін қауіптерді ескере отырып әзірленген және егер CYP2D6 изоферменті метаболизмінің статусы белгісіз болған жағдайда қажетті болып табылады. CYP2D6 изоферментінің "жылдам" метаболизмі бар пациенттер үшін мұндай сақтық шаралары қажет емес. Анықталған (мысалы, генотиптеу арқылы) немесе CYP2D6 изоферментінің метаболизмі қарқынды статусымен бұрыннан белгілі пациенттерде егер пациентте жоғарыда атап көрсетілген қауіп факторларының бірнешеуімен үйлесімділігі болса, Ранокардум® препараты сақтықпен қолданылуы тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ранолазиннің көлік құралдарын жүргізу және механизмдерді басқару қабілетіне әсері туралы зерттеулер жүргізілген жоқ. Бас айналуы, көрудің бұлыңғырлануы, сананың шатасуы және елестеулер сияқты жағымсыз әсерлердің даму мүмкіндігін ескере отырып, көлік құралдары мен механизмдерді басқарғанда, сондай-ақ жоғары зейін қоюды және психомоторлық реакциялардың шапшаңдығын қажет ететін қауіптілігі зор қызмет түрлерімен айналысқанда сақ болу керек.

Симптомдары: бас айналуы, жүрек айнуы және құсу, диплопия, тежелу, естен тану. Симптомдар дозаны арттырғанда өршуі мүмкін.

Емі: симптоматикалық ем жүргізу. Препаратты қабылдағаннан кейін 30 минут ішінде оның АІЖ-дан сіңірілуін болдырмау бойынша шара қолдануға болады (асқазанды шаю, белсендірілген көмір қабылдау). Гемодиализ тиімділігі аз.

Шығарылу түрі және қаптамасы

Поливинилиденхлоридті мөлдір үлбірден жасалған пішінді ұяшықты қаптамада 10 таблеткадан салынған.

3, 6 немесе 10 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Құрғақ жерде, 25 оС-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Рецепт арқылы

Аджио Фармацевтикалз Лтд, Үндістан

А-38, Найджиот Инд. Эстейт, Курла-Андхери Роуд,

Сейфдпул, Мумбаи- 400 072

«Аргументум Холдин АГ», Швейцария

Зумпфштрассе, 15, 6300 Цуг

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды)қабылдайтын; дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

"Фирма Евросервис-Ист" ЖШС,

ҚР, Алматы қ-сы, Достық д-лы, 12/24 үй, 60 пәтер

Тел.: 8 (727) 389 95 45; Ұялы тел.: 8 702 910 59 50

Е-mail: monkenova@euroservice-east.kz