Пропротен-100 (таблетки для рассасывания)

• русский
• қазақша

• Скачать инструкцию медикамента

Саудалық атауы

Пропротен-100

Халықаралық патенттелмеген атауы

Жоқ

Дәрілік түрі

Соруға арналған таблеткалар

Құрамы

Бір таблетканың құрамында

белсенді заттар: аффинді жолмен тазартылған мидың арнайы S-100 ақуызына антиденелер – 0,003 г*

қосымша заттар: лактоза, микрокристалды целлюлоза, магний стеараты.

*әсер етуші заттың белсенді су-спирт қоспасы түрінде енгізіледі 1

Сипаттамасы

Тегісцилиндр пішініндегі, сызығы мен ойығы бар, ақтан ақ дерлік түске дейінгі таблеткалар. Тегіс жағында сызығы мен MATERIA MEDICA деген жазуы, екінші тегіс жағында PROPROTEN 100 деген жазуы бар.

Фармакотерапиялық тобы

Алкогольдік тәуелділікті емдеуге арналған дәрілер.

АТЖ коды N07BB

Фармакологиялық қасиеттері

Фармакокинетикаcы

Препарат құрамында белсенді заттар өте аз мөлшерде болғандықтан, фармакокинетикалық зерттеулерді жүргізу мүмкін емес.

Фармакодинамикасы

Препарат мидағы ақпараттық және метаболикалық түйісу үрдістерін атқаратын S-100 ақуызының функционалдық белсенділігін модификациялайды. Нейрондық жасуша жарғақшасының сезімталдығын жоғарылатып, нейрондардың синаптикалық ырғақтылығын модулдейді. Алкоголдік тәуелділіктің қалыптасуына қатысатын ми құрылысының функционалдық жағдайына модификациялаушы әсер көрсетеді: гипоталамусқа, гиппокампқа және т.б. Алкогольдік тәуелділік кезінде, латеральды гипоталамустың өзіндік ынталану жиілігін төмендетуге әкелетін, позитивті эмоциональды күш беру жүйесін қалпына келтіруге әсер етеді. Гиппокамп нейрондарының белсенділігін төмендетеді; этанолды қолданылудың төмендеуімен байланысты, перифериялық қан айналымындағы иммундық кешеннің мөлшерін төмендетеді. ОЖЖ-де ГАМК-тың тежегіш әсерінің күшеюіне мүмкіндік туғызады. Препараттың нейромедиаторлық балансты және шартты рефлекторлы әрекетті қалпына келтіретіні тәжірибелі түрде анықталған. Мидың гипоксияға және токсинді әсерлерге төзімділігін жоғарлатады.

Қолданылуы

- созылмалы алкоголизм (алкогольге құштарлықты және рецидивтің болу ықтималдылығын төмендетеді), алкогольге қарсы әсер көрсетеді.

-психопатологиялық бұзылыстардың (мазасыздық, психикалық шиеленіс, ұйқысыздық, тітіркенгіштік, үрей, көңіл күйдің түсуі, ішімдікке құштарлықтың қарқындылығы), сонымен қатар соматовегетативтік бұзылыстардың (әлсіздік, тершеңдік, бас ауыруы, діріл, тахикардия, ас қорытудың бұзылуы) жеңілдеу нәтижесі болып табылатын жеңіл және орташа ауырлықтағы алкогольдік абстиненттік синдромындағы монотерапияда

Қолдану тәсілі және дозалары

Бір рет қабылдауға – 1 таблетканы ауызда толық ерігенге дейін ұстау керек (тамақ қабылдау кезінде болмайды).

Мастықтың салдарында алғашқы 2 сағатта препаратты 1 таблеткадан әр 30 минут сайын, келесі 8-10 сағатта – сағатына 1 таблеткадан қабылдау керек.

Ұйқы басталған жағдайда қабылдауды оянғаннан кейін жалғастырады.

Әрі қарай жағдай жақсарған кезде препаратты әр бір 2-3 сағатта 1 таблеткадан (тәулігіне 4-6 таблеткадан) 2-3 күн қабылдау керек.

Алкогольдік абстиненттік көріністердің ауырлаған жағдайында детоксикация кезінде қолданылатын дәстүрлі препараттарды қосу қажет.

Қайталанудың алдын алу үшін 2-3 ай бойы тәулігіне 1-2 таблеткадан қабылдау керек; алкогольді кездейсоқ қабылдағаннан кейін, қосымша препаратты 2 таблеткадан тәулігіне 2 рет – таңертең және кешке қабылдау керек.

Жағымсыз әсерлері

• препараттың компоненттеріне жекелеген жоғары сезімталдық реакциялары қыжыл, ауыздың кеберсуі, тершеңдің, метеоризм болуы мүмкін

Қолдануға болмайтын жағдайлар

- препараттың компоненттеріне жекелеген жоғары сезімталдық

- жүктілік

- лактация кезеңі

- 18 жасқа дейінгі балалар

Дәрілермен өзара әрекеттесуі

Осы уақытқа дейін басқа да дәрілік заттармен үйлесімсіздігі анықталған жоқ.

Айрықша нұсқаулар

Препараттың құрамында лактоза бар, сондықтан оны туа біткен галактоземиясы, глюкоза мальабсорбциясы синдромы, не болмаса туа біткен лактаза жеткіліксіздігі бар науқастарға тағайындауға болмайды.

Жүктілік және лактация кезеңі

Жүктілік және лактация кезеңінде препаратты қолдануға болмайды.

Дәрілік заттың көлік құралдарын және қауіпті механизмдерді басқару қабілетіне әсер ету ерекшеліктері

Препарат автокөлікті және қауіпті механизмдерді басқару қабілетіне әсер етпейді.

Артық дозалануы

Симптомдары: кездейсоқ артық дозаланған жағдайда, препараттың құрамына кіретін толықтырғыштардың әсерінен диспепсиялық бұзылыстар (іштің жоғарғы бөлімдерінде толып кету сезімі, метеоризм, диарея) болуы мүмкін.

Емі: симптоматикалық емдеу

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 20 таблеткадан.

1 немесе 2 пішінді ұяшықты қаптама мемлекеттік және орыс тілінде жазылған медицинада қолданылуы жөніндегі нұсқаулықпен бірге картоннан жасалған пәшкеге салынған.

Сақтау шарттары

Құрғақ, жарықтан қорғалған жерде, 25°С–ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз.

Өндіруші

«МАТЕРИА МЕДИКА ХОЛДИНГ» ҒӨФ» ЖШҚ;

127473, Ресей, Мәскеу қ-сы, 3-ші Самотечный қысқа көшесі, 9 үй.

Тел./факс: (495) 684-43-33.

Тіркеу куәлігінің иесі

«МАТЕРИА МЕДИКА ХОЛДИНГ» ҒӨФ» ЖШҚ, Ресей

Тұтынушылардан өнім сапасы туралы түскен шағымдарды Қазақстан Республикасы аумағында қабылдайтын ұйымның мекенжайы:

ҚР-дағы «МАТЕРИА МЕДИКА ХОЛДИНГ» ҒӨФ» ЖШҚ өкілдігі

Алматы қаласы, Жібек жолы к-сі 64, кеңсе 1.

Тел./факс: 2734713

E-mail: materiamedica.kz@mail.ru

1 Әсер етуші заттың белсенді түрі – белсенді түрінің құрамында әсер етуші заттар 10-1991 нг/г артық емес.