Пролатан
Инструкция
-
русский
-
қазақша
Саудалық атауы
Пролатан
Халықаралық патентелмеген атауы
Латанопрост
Дәрілік түрі
Көз тамшы дәрісі 0,005%, 2, 5 мл
Құрамы
1мл препараттың құрамында
белсенді зат - 0,05 мг латанопрост,
қосымша заттар: бензалконий хлориді, натрий хлориді, сусыз натрий гидрофосфаты, натрий дигидрофосфаты моногидраты, инъекцияға арналған су.
Сипаттамасы
Мөлдір түссіз ерітінді
Фармакотерапиялық тобы
Көз ауруларын емдеуге арналған препараттар. Глаукомаға қарсы препараттар мен миотиктер. Простагландин аналогтары. Латанопрост
АТХ коды S01EЕ01
Фармакологиялық қасиеттері
Фармакокинетикасы
Латанопрост ізашар дәрілік түр бола тұрып, мөлдір қабық арқылы сіңеді, ол жерде биологиялық белсенді қышқылға дейін оның гидролизі жүреді.
Сулы ылғалда ең жоғары концентрациясына жергілікті қолданғаннан кейін шамамен екі сағаттан соң жетеді.
Латанопрост эстеразалар әсерімен биологиялық белсенді қышқыл түзе отырып, мөлдір қабықта гидролизге ұшырайды. Жүйелі қан ағынына түсетін латанопрост қышқылы негізінен майлы қышқылдардың 1,2-динор- және 1,2,3,4-тетранор-метаболиттер түзе отырып, бета-тотығуы арқылы бауырда метаболизденеді. Таралу көлемі 0,16 ± 0,02 л/кг құрайды. Латанопрост қышқылы сулы ылғалда алғашқы 4 сағат ішінде, ал плазмада – жергілікті қолданудан кейін тек алғашқы бір сағат ішінде анықталады. Латанопрост қышқылы плазмадан жылдам шығарылады (T1/2=17 мин). Жүйелік клиренсі шамамен 7 мл/мин/кг құрайды. Бауырдағы бета-тотығудан кейін метаболиттер негізінен бүйрекпен шығарылады: жергілікті қолданғаннан кейін енгізілген дозаның шамамен 88 %-ы несеппен шығарылады.
Фармакодинамикасы
Пролатан – F2α простагландинінің аналогы – FP рецепторлардың селективті агонисі болып табылады және көзішілік қысымды (КІҚ) сулы ылғалдың ағып шығуын ең бастысы увеосклералық жолмен, сондай-ақ трабекулярлық желі арқылы арттыру есебінен төмендетеді.
Латанопросттың сулы ылғалдың өніміне және гематоофтальмиялық бөгетке елеулі ықпал етпейтіні анықталған.
Емдік дозаларда қолданғанда латанопрост жүрек-қантамыр және тыныс алу жүйесіне маңызды фармакологиялық әсер етпейді.
Қолданылуы
- ашық бұрышты глаукомасы және жоғары офтальмотонусы бар емделушілерде жоғары көзішілік қысымды төмендетуде
Қолдану тәсілі және дозалары
Ересектерге (егде жастағы науқастарды қоса)
Зақымданған көзге бір тамшыдан тәулігіне бір рет.
Оңтайлы тиімділікке Пролатанды кешке қолдану кезінде қол жетеді.
Пролатанды қолдану жиілігі тәулігіне бір реттен аспауы тиіс, өйткені жиі қолданған кезде препараттың тиімділігі төмендейтіні анықталған.
Егер бір дозаны өткізіп алған жағдайда, онда келесі дозаны әдеттегі уақытында қабылдай отырып, емдеуді жалғастыру керек.
Жағымсыз әсерлері
Өте жиі (≥1/10):
- нұрлы қабық пигментациясының күшеюі, конъюнктиваның болымсыз гиперемиясы, көздің тітіркенуі (күйдіру, қышу, шаншу, бөгде заттың болуын сезіну), кірпіктің қалыңдауы мен ұзаруы, олардың санының көбеюі, пигментация
Жиі (≥1/100, <1/10):
- мөлдір қабықтың транзиторлы нүктелік эпителиальді эрозиялары, олар көп жағдайда симптомсыз өтеді, блефарит, көздің ауыруын сезіну
Жиі емес (≥1/1000, <1/100):
- қабақтың ісінуі, көздің құрғауы, кератит, көздің бұлдырауы, конъюнктивит
- тері бөртпесі
Сирек (≥1/10,0000, <1/1000):
- ирит/увеит, макулярлық ісіну (кистозды макулярлық ісінуді қоса), мөлдір қабықтың ісінуі мен эрозиясы, периорбитальді ісіну, кірпіктің өсу бағытының бұзылуы, бұл көзді тітіркендіретін әсер етумен қатар жүруі мүмкін, дистихиаз (қалыпты өскен кірпіктердің артындағы қосымша кірпіктер қатары)
- демікпе, бронх демікпесі ағымының нашарлауы, жедел демікпе ұстамалары және ентігу
- бөртпе, қабақ терісінің қараюы
Өте сирек (<1/10,000):
- бұрыннан ауырып жүрген емделушілерде стенокардия ағымының нашарлауы
- кеуденің ауыруы
Белгісіз (қолда бар деректер бойынша бағалау мүмкін емес)
- бас айналуы, бас ауыруы
- жүрек соғуының жиілеуі
- миалгия, арталгия
- герпестік кератит
Қолдануға болмайтын жағдайлар
- латанопростқа немесе препараттың басқа компоненттеріне жоғары сезімталдық
- 18 жасқа дейінгі балалар мен жасөспірімдерге
Дәрілермен өзара әрекеттесуі
Пролатан монотерапия ретінде әрі көзішілік қысымын төмендететін басқа да препараттармен, мысалы бета-адреноблокаторлармен (тимолол) біріктіріп қолданған кезде де тиімді. Пролатан адреномиметиктермен (дипивалил адреналин), пероральді карбоангидраза тежегіштерімен (ацетазоламид) біріктіріп қолданғанда аддитивті және холиномиметиктермен (пилокарпин) біріктіріп қолданғанда тіпті жоқ дегенде ішінара аддитивті әсер етеді. Біріктірілген ем тағайындағанда әртүрлі көз тамшы дәрілерін кемінде бес минуттық аралықпен енгізу қажет.
Көзішілік қысым көтерілуі мүмкін болғандықтан, екі немесе одан көп простагландиндерді, простагландин аналогтарын қолдануға болмайды.
Пролатан құрамында тиомерсал бар көз тамшы дәрілерімен үйлесімсіз, өйткені бұл преципитацияға алып келеді.
Айрықша нұсқаулар
Пролатанның құрамында бензалконий хлориді бар, ол жанаспалы линзаларға сіңуі мүмкін. Көз тамшы дәрісін тамызар алдында жанаспалы линзаны шешкен жөн, ал оларды дәріні тамызғаннан кейін 15 минуттан соң ғана көзге киюге болады.
Пролатан нұрлы қабықтың пигментациясын күшейтуі мүмкін, ол нұрлы қабық стромасы меланоциттерінде меланин мөлшерінің артуы есебінен, көз түсінің біртіндеп өзгеруімен қатар жүреді. Әдетте қарашық айналасындағы қоңыр пигментация шеткеріге қарай концентрлі таралады да, барлық нұрлы қабық немесе оның бір бөлігі қанық қоңыр түсті болуы мүмкін. Нұрлы қабықтың түсінің өзгеруі көп жағдайларда баяу дамиды және клиникалық тұрғыдан елеусіз күйінде қалуы мүмкін. Бір немесе екі көздегі түстің өзгеруі көбіне негізгі түсі қоңыр болып саналатын нұрлы қабығы аралас түсті науқастарда білінеді. Клиникалық зерттеулер барысында пигменттің трабекулярлық торшасында немесе көздің алдыңғы камерасының қандай да бір басқа бөлігіне жиналып қалуы байқалған жоқ.
Нұрлы қабық пигментациясының күшеюіне қарамастан науқастарда көзішілік қысымның төмендегені байқалған. Осылайша, Пролатанмен емдеу нұрлы қабықтың түсі өзгерген емделушілерде де жалғастырылуы ықтимал. Бұл науқастар тұрақты тексеруден өтіп тұруға тиіс немесе (клиникалық жағдайларға байланысты) емдеу тоқтатылуы мүмкін.
Нұрлы қабық пигментациясының күшеюі әдетте емнің алғашқы жылында кездеседі. Бұл емнің екінші немесе үшінші жылы ішінде сирек болады және төртінші жылдан кейін байқалмаған.
Нұрлы қабықтың пигментациялану дәрежесі уақыт өте келе азаяды. Препаратты тоқтатқаннан кейін қоңыр пигмент мөлшерінің әрі қарай артуы байқалған жоқ, алайда осыған дейін түстің өзгеруі тұрақты болып қалуы мүмкін.
Пролатанды қолданған кезде қабақ терісінің қарайғаны байқалады, ол қайтымды болуы мүмкін.
Пролатанның кірпікті біртіндеп қарайтуы, қалыңдатуы және ұзартуы, олардың санын ұлғайтуы және олардың өсу бағытын бұзуы мүмкін. Бұл өзгерулер емді тоқтатқаннан кейін қайтымды болады.
Макулярлы ісіну, оның ішінде кистозды, негізінен, афакиясы, псевдофакиясы бар, көз бұршағының артқы капсуласы зақымданған емделушілерде немесе макулярлы ісінудің даму қаупінің белгілі факторлары бар емделушілерде кездеседі; осы емделушілерге Пролатанды абайлап қолдану керек.
Макулярлық ісінуі, оның ішінде кистоздық ісінуі негізінен афакиясы, жалған афакиясы бар, көз бұршағы артқы камерасының зақымдануы болған немесе макулярлық ісінудің өршу қаупі бар науқастарда кездескен; бұл емделушілерде Пролатан сақтықпен қолданылуы тиіс.
Пролатанды неоваскулярлық және іштен туа біткен глаукомасы бар науқастарға қолдану жағдайлары туралы шектеулі деректер бар. Демек, осындай жай-күйлерде Пролатанды сақтықпен қолдану керек.
Препаратты демікпесі бар емделушілерге қолдану тәжирбесі шектеулі. Кейбір жағдайларда демікпе және ентігудің асқынуы туралы айтылған. Сондықтан демікпемен емделушілерге препаратты сақтықпен қолдану керек.
Пролатан сыртартқысында герпестік кератиті бар науқастарда сақтықпен қолданылуы тиіс, Herpes simplex туындатқан кератит жағдайларында, және сыртартқысында (әсіресе простагландиндер аналогтарымен байланысты) қайталанатын герпестік кератиті бар емделушілерге препаратты қолданудан аулақ болу қажет.
Жүктілік пен лактация кезеңі
Пролатанды жүктілік кезінде қолдану қауіпсіздігі зерттелмеген. Алайда, оны енгізгенде жүктіліктің өтуіне, ұрыққа және жаңа туған балаға қауіп төнеді. Сондықтан Пролатанды жүктілік кезінде қолдануға болмайды.
Пролатанның белсенді заты мен оның метаболиттері ана сүтіне өтуі мүмкін, сондықтан Пролатанды бала емізетін аналарға қолдануға болмайды немесе бала емізуді тоқтату керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көз тамшы дәрісін тамызу бірнеше минут бойы "көз алды буалдырланатын" транзиторлық сезінуді туғызуы мүмкін, автокөлікті жүргізгенде және қозғалатын механизмдермен жұмыс істегенде мұны ескеру қажет.
Артық дозалануы
Симптомдары: көздің шырышты қабығының тітіркенуі, конъюнктива немесе эписклера гиперемиясы.
Емі: көзді дереу сумен немесе 0,9 % натрий хлориді ерітіндісімен жуу керек, симптоматикалық ем.
Шығарылу түрі мен қаптамасы
0,005% көз тамшы дәрісі
2.5 мл препараттан алғашқы ашылуы бақыланатын көгілдір түсті бұрандалы қалпақшасы бар пластик құтыларға құйылған. 1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.
Сақтау шарттары
Жарықтан қорғалған жерде, 2°С-ден 8°С-ге дейінгі температурада сақтау керек.
Ашылған құтыны 25оС-ден аспайтын температурада 4 аптадан асырмай сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
СЕНТИСС ФАРМА Пвт. Лтд.
212/Д-1, Грин Парк, Нью Дели, Үндістан
Зауытта: Виллидж Кхера Нихла, Техсил Налагарх, р-н Солан, Химачал Прадеш 174 101, Үндістан
Тіркеу куәлігі иесінің атауы мен елі
СЕНТИСС ФАРМА Пвт. Лтд., Үндістан
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:
Қазақстан Республикасы, 050000, Алматы қ., Бөгенбай батыр к-сі 132, 309 кеңсе
Тел/факс: +7 (7272) 96-45-99
Email: sentiss_kz@land.ru