Привитусс

• русский
• қазақша

• Скачать инструкцию медикамента

Саудалық атауы

Привитусс

Халықаралық патенттелмеген атауы

Клоперастин

Дәрілік түрі

708 мг/100 мл, 200 мл ішуге арналған суспензия

Құрамы

100 мл препараттың құрамында

белсенді зат - 708.0 мг L-клоперастин фендизоаты (360.0 мг клоперастинге баламалы),

қосымша заттар: ксантан шайыры, полиоксиэтилен стеарат, ксилитол, метилпарагидроксибензоат (Е 218), пропилпарагидроксибензоат (Е 216), банан эссенциясы, тазартылған су.

Сипаттамасы

Жеміс иісі мен тәтті жағымды иісі бар сүтті қою суспензия

Фармакотерапиялық тобы

Басқа да жөтелге қарсы препараттар.

АТЖ коды R05DB 21

Фармакологиялық қасиеттері

Фармакокинетикасы

Препараттың әсер етуші заты ішекте сіңіріледі және көбіне метаболиттер түрінде несеппен шығарылады. Әсер етуші заттың плазмадағы ең жоғары концентрациясына қолданғаннан кейін 90 - 120 минуттан соң жетеді, ол L –клоперастиннің тіндерде, бірінші кезекте – өкпеде қарқынды бөлінуімен қоса жүреді.

Фармакодинамикасы

Жөтелдің бульбарлы орталығына таңдап тежейтін, жөтел туғызатын шеткергі тітіркендіргішке тыныштандыратын әсер береді; қабыну үдерісі мен бронх түйілуін тежеуге ықпал етеді.

Қолданылуы

- этиологиясы әр түрлі жөтелде

Қолдану тәсілі және дозалары

Ересектер: 5 мл-ден күніне 3 рет

Балалар: 2-ден 4 жасқа дейін: 2 мл-ден күніне екі рет;

4-тен 7 жасқа дейін: 3 мл-ден күніне екі рет;

7-ден 15 жасқа дейін: 5 мл-ден күніне екі рет.

2-3-5 мл бөлінулерімен өлшеуіш қасық қорапқа салынған.

Емдеу ұзақтығы 7 - 10 күнді құрайды.

Қолданар алдында суспензиясы бар құтыны жақсылап шайқау керек.

Жағымсыз әсерлері

Препараттың клиникалық зерттеулерінде жеңіл түрде өткен асқазан-ішек бұзылуының бірлі-жарым жағдайлары байқалғанымен, олардың препаратты қолдануға байланысты екендігі күмән тудырады. Препаратты ұсынылған дозада қолданған кезде орталық жүйке жүйесіне олардың тыныштандыратын немесе көтермелейтін әсерімен байланысты боларлықтай белгілері мен симптомдары анықталмаған.

Қолдануға болмайтын жағдайлар

- препарат компоненттерінің кез келгеніне жоғары сезімталдық

- 2 жасқа дейінгі балаларға

- жүктілік және лактация кезеңі

Дәрілермен өзара әрекеттесуі

L –клоперастиннің орталық жүйке жүйесіне елеулі түрде төмендеген салдарлы әсеріне қарамастан, препарат депрессант препараттармен және орталық жүйке жүйесінің қызметін көтермелегіштермен өзара әрекеттесуі мүмкін. Сондай-ақ бір мезгілде қолданған кезде антигистаминді препараттар мен серотонин антагонистерінің, және де аздаған мөлшерде миорелаксанттар, мысалы, папавериннің әсері күшеюі мүмкін екендігін ескерген жөн.

Айрықша нұсқаулар

Емделушілерде өнімді жөтел болған кезде препаратты монотерапия түрінде де, басқа жөтелге қарсы препараттармен үйлестіріп те қолдануға болады, өйткені Привитусс препараты бронх сөлінісінің құрамы мен тұтқырлығына және қақырық түсіру үдерісіне әсер етпейді.

Бауыр және бүйрек жеткіліксіздігі бар емделушілерге препаратты сақтықпен тағайындау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты ұсынылған дозада қолданған кезде тыныштандыратын әсері байқалмайды және ол емделушінің автомобиль басқару немесе механизмдермен жұмыс істеу қабілетіне әсер етпейді.

Артық дозалануы

Жалпы, препаратты тиісті түрде қолданған жағдайда оның артық дозалануы және уыттану симптомдарының болуы мүмкін емес.

Емі: жедел артық дозалану жағдайында стандартты ем-шараларды жүргізу (асқазанды шаю, белсенділендірілген көмір және осындай басқаларын қабылдау) және аса қозу белгілерінің дамуын анықтау үшін бақылау ұсынылады.

Шығарылу түрі және қаптамасы

200 мл препарат бұрандалы қақпағы – балалардың ашып алуынан сақтандыратын капсуласы, пластик пломбасы мен сақинасы бар III типті сары шыныдан (ЕФ*) жасалған құтыға құйылған. Әр құтыға желімді заттаңба жапсырылады.

1 құты өлшеуіш қасығымен медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қаптамаға салынған.

Сақтау шарттары

25 0С -ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Mitim s.r.l.», Италия

Тіркеу куәлігінің иесі

«Aesculapius Farmaceutici S.r.l.», Via Cozzaglio, 24-25125 Brescia, Италия

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«AVITA (АВИТА)» ЖШС, Алматы қ., Чайковский к-сі, 15-а телефон/факс 8/727/2795639