Препенем®

• русский
• қазақша

• Скачать инструкцию медикамента

Саудалық атауы

Препенем

Халықаралық патенттелмеген атауы

Жоқ

Дәрілік түрі

Көктамыр ішіне енгізу үшін ерітінді дайындауға арналған ұнтақ

Құрамы

Бір құтының ішінде

имипенем, циластатин және натрий бикарбонатының стерильді қоспасы бар, соның ішінде:

белсенді заттар: 500.0 мг имипенем

(сусыз имипенемге шаққанда)

500.0 мг натрий циластатині

(циластатинге шаққанда)

қосымша зат: натрий бикарбонаты.

Сипаттамасы

Ақтан сәл сарғыш түске дейінгі ұнтақ.

Фармакотерапиялық тобы

Жүйелі пайдалануға арналған бактерияға қарсы препараттар. Басқа да бактерияға қарсы бета-лактамды препараттар. Карбапенемдер. Имипенем және дегидропептидаза тежегіші.

АТХ коды J01DH51

Фармакологиялық қасиеттері

Фармакокинетикасы

Көктамыр ішіне (к/і) енгізген соң имипенем биожетімділігі 98% құрайды. Организмнің көптеген тіндері мен сұйықтықтарында тез және кең таралады. Қан плазмасы ақуыздарымен байланысуы – 20%. Жартылай шығарылу кезеңі – 1 сағат. Бүйрек дегидропептидазасының әсер етуімен бета-лактамды сақина гидролизі арқылы бүйректе метаболизденеді.

Имипенем/циластатин ерітіндісін көктамыр ішіне енгізген соң екі компоненттің де плазмадағы ең жоғары концентрациясына (TСmax) жету уақыты 20 минут құрайды. Бұл орайда имипенем/циластатиннің ең жоғары концентрациясы (Сmax) имипенем үшін 21-ден 58 мкг/мл дейінгі, ал циластатин үшін 31-ден 49 мкг/мл дейінгі мәндерге жетеді. Имипенем/циластатин енгізілгеннен кейін Сmax 1 мкг/мл және төмен мәніне дейін 4-6 сағат ішінде төмендейді.

Компоненттердің әрқайсысына тән жартылай шығарылу кезеңі 1 сағат құрайды. Плазма ақуыздарымен байланысуы имипенем үшін 20% және циластатин үшін 40% құрайды. К/і енгізілген имипенем/циластатиннің 70% шамасы бүйрекпен 10 сағат ішінде шығарылады. Имипенем/циластатин к/і енгізілген соң 8 сағат бойы несепте антибиотиктің 10 мкг/мл-ден астам концентрациясы сақталуы мүмкін. Циластатиннің 70% жуығы препаратты к/і енгізген соң 10 сағат ішінде бүйрекпен шығарылады.

Имипенем/циластатин к/і енгізілгеннен кейін адам организмінің мынадай тіндері мен орталарында: көз алмасының шыны тәрізді денесінде, көзішілік сұйықтықта, өкпе тінінде, плевра сұйықтығында, перитонеальді сұйықтықта, өтте, ликворда, дәнекер, сүйек тіндерінде анықталады.

Фармакодинамикасы

Препенем – екі компоненттен: имипенем мен циластатиннен тұратын әсер ету ауқымы кең антибиотик.

Имипенем бактериялардың жасушалық қабырғасының синтезін тежеп, грамоң және грамтеріс патогенді микроорганизмдердің кең ауқымына қатысты бактерицидті әсер көрсетеді. Имипенем осыған дейін әсер ету ауқымы тар бета-лактамды антибиотиктер ғана белсенді болған грамоң түрлерге қатысты белсенді.

Дигидропептидаза-І бәсекелеc, қайтымды және спецификалық тежегіші – натрий циластатині метаболизденетін және имипенем белсенділігін жоятын бүйрек ферменті болып табылады, бұл оны бактерияға қарсы өзіндік белсенділігінен айырады, бірақ имипенемнің бактерияға қарсы белсенділігіне ықпал етпейді.

Имипенем/циластатиннің әсер ету ауқымы өзінде құрамы бойынша әртүрлі, әдетте, басқа антибиотиктерге төзімді проблемалық патогенді микроорганизмдердің Pseudomonas aeruginosa, Staphylococcus aureus, Enterococcus faecalis және Bacteroides fragilis тобын қамтиды.

Имипенем бактериялық бета-лактамазаның ыдырауына төзімді, бұл оны бета-лактамды антибиотиктердің көпшілігіне төзімді Pseudomonas aeruginosa, Serratia spp. және Enterobacter spp. сияқты көп микроорганизмдерге қатысты тиімді етеді.

Имипенем/циластатин микробқа қарсы ауқымында іс жүзінде клиникалық мәні бар патогенді микроорганизмдердің бәрін қамтиды.

Имипенем/циластатин аэробты грамтеріс бактерияларға қатысты in vitro белсенді: Achromobacter spp., Acinetobacter spp. (бұрынғы Mima - Herellea), Aeromonas hydrophila, Alcaligenes spp., Bordetella bronchicanis, Bordetella bronchiseptica, Bordetella pertussis, Brucella melitensis, Campylobacter spp., Capnocytophaga spp., Citrobacter spp. (соның ішінде Citrobacter diversus, Citrobacter freundii), Eikenella corrodens, Enterobacter spp. (соның ішінде Enterobacter aerogenes, Enterobacter agglomerans, Enterobacter cloacae), Escherichia coli, Gardnerella vaginalis, Haemophilus influenzae, Haemophilus ducreyi (бета-лактамазалар өндіретін штаммдарды қоса), Haemophilus parainfluenzae, Hafnia alvei, Klebsiella spp. (соның ішінде Klebsiella oxytoca, Klebsiella pneumoniae, Klebsiella ozaenae), Legionella spp., Moraxella spp., Morganella morganii (бұрынғы Proteus morganii), Neisseria gonorrhoeae (пенициллиназа өндіретін штаммдарды қоса), Neisseria meningitidis, Pasteurella multocida, Proteus spp. (соның ішінде Proteus mirabilis, Proteus vulgaris) Plesiomonas shigelloides, Providencia spp. (соның ішінде Providencia rettgeri (бұрынғы Proteus rettgeri), Providencia stuartii), Pseudomonas spp. (соның ішінде Pseudomonas aeruginosa, Pseudomonas fluorescens, Pseudomonas pseudomallei, Pseudomonas putida, P.stutzeri), Salmonella spp. (соның ішінде Salmonella typhi), Serratia spp. (соның ішінде Serratia liquefaciens, Serratia marcescens), Shigella spp., Yersinia spp. (соның ішінде Yersinia enterocolitica, Yersinia pseudotuberculosis);

Аэробты грамоң бактерияларға: Bacillus spp., Enterococcus faecalis, Erysipelothrix rhusiopathiae, Listeria monocytogenes, Staphylococcus epidermidis (пенициллиназа өндіретін штаммдарды қоса), Staphylococcus saprophyticus, Streptococcus spp. B тобы (соның ішінде Streptococcus agalactiae), Streptococcus spp. C, G топтары, Streptococcus pneumoniae, Streptococcus viridans (гемолитикалық альфа және гамма штаммдарын қоса);

Анаэробты грамтеріс бактерияларға: Porph romonas asaccharolytica (бұрынғы Bacteroides asaccharolytica), Prevotella bivia (бұрынғы Bacteroides bivius), Prevotella disiens (бұрынғы Bacteroides disiens), Prevotella intermedia (бұрынғы Bacteroides intermedius), Bacteroides melaninogenicus, Bacteroides uniformis, Bilophila wadswerthia, Fusobacterium spp. (соның ішінде Fusobacterium necrophorum, Fusobacterium nucleatum), Veillonella spp.;

Анаэробты грамоң бактерияларға: Actinomyces spp., Clostridium spp. (соның ішінде Clostridium perfringens), Eubacterium spp., микроаэрофильді стрептококк, Peptococcus spp., Peptostreptococcus spp., Propionibacterium spp. (Propionibacterium acnes қоса), Bifidobacterium spp., Lactobacillus spp., Mobiluncus spp., Mycobacterium fortuitum, Mycobacterium smegmatis.

Имипенем/циластатинге Xanthomonas maltophilia (бұрынғы Pseudomonas maltophilia) және Pseudomonas cepacia кейбір штаммдары төзімді.

Іn vitro тестілері имипенем/циластатиннің кейбір Pseudomonas aeruginosa изоляттарына қарсы аминогликозидтер тобына жататын антибиотиктермен синергиялық әсер ететінін көрсетеді.

Қолданылуы

Ересектерге және 1 жастан асқан балаларға мына жұқпаларды емдеу үшін: •асқынған интра-абдоминальді жұқпалар

• ауыр пневмония, соның ішінде ауруханаішілік пневмония және өкпені жасанды желдетумен байланысты пневмония

• босану кезіндегі және босанудан кейінгі жұқпалар

• несеп шығару жолдарының асқынған жұқпалары

• терінің және жұмсақ тіндердің асқынған жұқпалары

Препенемді бактериялық жұқпадан күдіктенгенде нейтропениясы бар қызуы көтерілген емделушілерді емдегенде, жоғарыда аталған жұқпалардың кез келгенімен біріккен күйде болатын немесе олардың болуы күдік тудыратын бактериемиямен науқастарды емдегенде пайдалануға болады.

Бактерияға қарсы агенттерді тиісінше пайдалану жөніндегі ресми нұсқауды пайдалану керек.

Қолдану тәсілі және дозалары

Препенем дозаларын тағайындау бойынша нұсқаулар:

тәуліктік дозасы жұқпаның типі мен ауырлығына, бөлінген қоздырғышқа (қоздырғыштарға), емделушінің бүйрек функциясы мен дене салмағына байланысты.

Ересектер мен жасөспірімдер

Бүйрек функциясы қалыпты емделушілер үшін (креатинин клиренсі > 70 мл/мин/1.73 м2) мына дозалары ұсынылады:

500 мг/500 мг әр 6 сағат сайын НЕМЕСЕ

1000 мг/1000 мг әр 8 сағат сайын НЕМЕСЕ әр 6 сағат сайын.

Жұқпа күдік тудырғанда немесе бактерияның сезімталдығы аз түрімен байланысты дәлелденген жұқпада (мысалы, көкіріңді таяқша) және өте ауыр жұқпаларда (нейтропениясы бар қызуы көтерілген науқастарда) әр 6 сағат сайын 1000 мг/1000 мг тағайындау ұсынылады.

Дозаны азайту қажет:

- ≤ 70 мл/мин/1.73 м2 креатинин клиренсінде (1 кестені қараңыз) немесе

- < 70 кг дене салмағында.

Доза < 70 кг емделушілер үшін мына формула бойынша есептеледі:

Науқастың дене салмағы (кг) * препараттың стандартты дозасы

70 кг

Ең жоғары жалпы тәуліктік дозасы күніне 4000 мг/4000 мг-ден аспауы тиіс.

Бүйрек жеткіліксіздігі

Бүйрек функциясы бұзылған ересек науқастарға арналған дозаны белгілеу:

1. Тәуліктік дозаны (яғни, 2000/2000, 3000/3000 немесе 4000/4000 мг), әдетте, бүйрек функциясы қалыпты емделушілерді емдегенде пайдалануға болады.

2. 1 кестеге сай науқастың креатинин клиренсіне сәйкес дәрілік препарат дозасын азайту мақсатқа сай келеді. Инфузиялар ұзақтығы - «Қолдану тәсілі» бөлімін қараңыз.

1 кесте: Бүйрек функциясы бұзылған және дене салмағы >70 кг* ересек науқастарда дозаны азайту

* Дене салмағы <70 кг науқастар үшін науқастың дене салмағын (кг) 70 кг-ге бөлу және 1 кестеге сай тиісінше ұсынылатын дозаға көбейту арқылы дозаның әріқарай пропорционал азайтылуын есептеген жөн.

** Креатинин клиренсі 6-дан 20 мл/мин/1.73 м2 дейінгі науқастарда 500 мг/500 мг дозалары пайдаланылғанда құрысулардың даму қаупі болады.  

Креатинин клиренсі < 5мл/мин/1.73 м2 науқастар

Препенемді® мұндай науқастарға, олар 48 сағат бойы гемодиализ алған жағдайларды қоспағанда, тағайындауға болмайды.

Гемодиализде жүрген емделушілер

Гемодиализде жүрген креатинин клиренсі ≤ 5мл/мин/1.73 м2 емделушілерді емдегенде креатинин клиренсі 6-дан 20 мл/мин/1.73 м2 дейінгі емделушілер үшін 1 кестеде көрсетілген дозаларды пайдалану ұсынылады (1 кестені қараңыз).

Имипенем мен циластатин қан айналымынан гемодиализ кезінде шығарылады. Емделуші гемодиализ сеансы аяқталған соң 12 сағаттық аралықпен Препенем® алуы тиіс. Гемодиализ алатын, әсіресе, орталық жүйке жүйесінің қатар жүретін аурулары бар емделушілерді мұқият бақылау керек. Гемодиализде жүрген емделушілерге Препенем® егер пайдасы құрысулардың зор даму қаупінен басым болса ғана ұсынылады («Айрықша нұсқаулар» бөлімін қараңыз).

Қазіргі уақытта перитонеальді диализде жүрген емделушілерге Препенем® пайдалануды ұсынуға болатындай сенімді деректер жоқ.

Бауыр жеткіліксіздігі

Бауыр функциясы бұзылған науқастар үшін дозаны түзету қажет емес («Фармакодинамикасы/фармакокинетикасы» бөлімін қараңыз).

Гериатрияда қолдану

Бүйрек тарапынан патологиясы жоқ егде жастағы науқастар үшін дозаны өзгерту қажет емес («Фармакодинамикасы/фармакокинетикасы» бөлімін қараңыз).

Педиатрияда қолдану

1 жастан асқан балаларға ұсынылатын дозасы әр 6 сағат сайын 15/15 немесе 25/25 мг/кг құрайды.

Жұқпа күдік тудырғанда немесе сезімтал емес бактериялық түрлер анықталғанда (мысалы: көкіріңді таяқша) және өте ауыр жұқпаларда (мысалы: нейтропениясы бар қызуы көтерілген науқастарда) дозаны әр 6 сағат сайын 25/25 мг/кг есебінен тағайындау ұсынылады.

<1 жастағы балалар үшін

Дозаларды 1 жасқа дейінгі балаларға ұсынуға болатындай клиникалық деректер жеткіліксіз.

Бүйрек жеткіліксіздігі бар бала жасындағы тұрғындар

Айрықша нұсқаулар

Қолдану тәсілі

К/і инфузияға арналған ерітіндіні дайындау

Құтыдағы ұнтаққа 100 мл еріткіш қосу керек. Еріткіш ретінде: натрий хлоридінің изотониялық ерітіндісін; 5% декстрозаның сулы ерітіндісін; 10% декстрозаның сулы ерітіндісін; 5% декстроза және 0.9% натрий хлориді ерітіндісін; 5% декстроза және 0.45% натрий хлориді ерітіндісін; 5% декстроза және 0.225% натрий хлориді ерітіндісі; 5% декстроза және 0.15% калий хлориді ерітіндісі; 5% және 10% маннитол пайдалануға болады. Алынған ерітіндіні (5 мг/мл имипенем концентрациясы) мөлдір сұйықтық түзілгенше сілку қажет. Ерітіндінің сарыдан түссізге дейін боялу айырмашылығы препарат белсенділігіне әсер етпейді.

Препенем ерітіндісін дайындау үшін құрамында сүт қышқылының тұзы (лактат) бар еріткіштер қолданылмайды.

Әрбір ≤ 500 мг/500 мг доза көктамыр ішіне 20-30 минут ішінде енгізілуі тиіс. Әрбір > 500 мг/500 мг дозаны 40-60 минут ішінде енгізу керек. Егер емделушіде енгізу кезінде жүрек айну пайда болса, инфузия жылдамдығын төмендетуге болады.

Жағымсыз әсерлері

Клиникалық зерттеулерде (1723 науқас көктамыр ішіне имипенем/циластатин алған) осы еммен байланысты мынадай жүйелі жағымсыз реакциялар көбірек жиі хабарланды: жүрек айну (2,0%), диарея (1,8%), құсу (1,5%), бөртпе (0,9 %), қызба (0,5%), артериялық гипотензия (0,4%), құрысулар (0,4%), бас айналу (0,3%), қышыну (0,3%), есекжем (0,2%), ұйқышылдық (0,2%). Жергілікті жағымсыз реакциялардан көбірек жиі анықталғандар: флебит/тромбофлебит (3,1%), инъекция орнындағы ауыру (0,7%), инъекция салған жердегі эритема (0,4%) және көктамырлардың қатаюы (0,2%). Сонымен қатар: сарысулық трансаминазалардың және сілтілік фосфатазаның жоғарылауы тіркелген.

Клиникалық және постмаркетингтік зерттеулерде мынадай жағымсыз реакциялар тіркелген:

Барлық жағымсыз реакциялар ағзалық жіктемесіне және жиілігіне сай тізбеленген: өте жиі (≥1/10), жиі (≥1/100-ден <1/10 дейін), жиі емес (≥1/1000-нан <1/100 дейін), сирек (≥ 1/10000-нан <1/1000 дейін), өте сирек (<1/10000) және жиілігі белгісіз (қолда бар деректер бойынша бағалау мүмкін емес).

Әрбір жиілік тобында жағымсыз әсерлері жағымсыз құбылыстар күрделілігінің кему ретімен берілген.

Педиатриялық тәжірибеде

Балалар (≥ 3 ай)

Науқас ≥ 3 айлық 178 бала қатысқан зерттеудегі жағымсыз реакциялар ересек науқастар арасындағы деректерге сәйкес болды.

 

Қолдануға болмайтын жағдайлар

• белсенді заттарға немесе қосымша заттардың кез келгеніне аса жоғары сезімталдық

• бактерияға қарсы карбапенемдік қатардың кез келген басқа препаратына жоғары сезімталдық

• бактерияға қарсы бета-лактамды агенттердің (мысалы, пенициллиндер немесе цефалоспориндер) кез келген басқа типіне аса жоғары айқын сезімталдық (мысалы, анафилактикалық реакция, ауыр тері реакциялары)

• 1 жасқа дейінгі балаларға

• бүйрек функциясы бұзылған балаларға (сарысулық креатинин > 2 мг/л)

• креатинин клиренсі 5 мл/мин аз ересек емделушілер

Дәрілермен өзара әрекеттесуі

Жайылған құрысулар ганцикловир және имипенем/циластатин алған емделушілерде тіркелген. Бұл дәрілік препараттар, егер тек әлеуетті пайдасы асқынулардың даму қаупінен басым түспесе, бір мезгілде тағайындалмауы тиіс.

Имипенем/циластатин енгізу құрысу белсенділігінің жоғарылау қаупімен астасқан вальпрой қышқылы сарысулық концентрациясының төмендеуімен қатар жүреді (клиникалық тәжірибеде тіркелген жағдайлар), сондықтан Препенеммен емделу кезеңінде вальпрой қышқылының сарысулық концентрациясына мониторинг жасау ұсынылады.

Препенемді басқа антибиотиктермен бір еккіште араластыруға болмайды, бұл орайда басқа антибиотиктермен (аминогликозидтермен) бір мезгілде, бірақ оқшау енгізуге рұқсат етілген.

Антибиотиктерді варфаринмен бір мезгілде енгізу соңғысының антикоагулянттық әсерін арттыруы мүмкін. Дәл осы уақытта антибиотиктер алған емделушілерде ішуге арналған антикоагулянттар, соның ішінде варфариннің коагуляцияға қарсы әсерінің артуы жөнінде көптеген хабарламалар бар. Қауіптер жұқпаның түріне, емделушінің жасы мен жалпы ахуалына қарай өзгеруі мүмкін, өйткені антибиотиктің ХҚҚ (халықаралық қалыптасқан қатынас) артуындағы үлесін бағалау қиын. Антибиотиктерді антикоагулянттардың ішуге арналған түрлерімен бірге енгізу кезінде және одан кейін бірден ХҚҚ бақылауы ерекше жиі ұсынылады.

Имипенем/циластатин мен пробенецидті бір мезгілде тағайындау плазмадағы имипенем деңгейінің өте аз ұлғаюына және оның плазмадан жартылай шығарылу кезеңінің ұзаруына алып келеді. Имипенем/циластатин пробенецидпен енгізілгенде белсенді (метаболизденбеген) имипенемнің несепте қалпына келуі шамамен 60% төмендейді. Бір мезгілде имипенем/циластатин және пробенецид қабылдау плазмадағы циластатин деңгейі мен оның жартылай ыдырау кезеңін екі еселейді, бірақ оның несепте қалпына келуіне еш ықпалын тигізбейді.

Айрықша нұсқаулар

Жалпы

Имипенем/циластатин нақты бір емделушіні емдеу үшін таңдалғанда жұқпаның ауырлығы, басқа антибиотиктерге төзімділік және карбапенемге төзімді бактерияларды таңдау қаупі сияқты факторлар негізінде карбапенемді тағайындаудың мақсатқа сай болатынын есепке алу қажет.

Жоғары сезімталдық

Күрделі және кейде өлімге соқтыратын аса жоғары сезімталдық реакцияларының (анафилактикалық) жағдайлары бета-лактамдармен ем алатын емделушілерде тіркелген. Сыртартқысында кейбір аллергендерге сезімталдығы болған адамдарда бұл реакциялардың ықтималдығы зор. Препенеммен® емдеуді бастар алдында карбапенемдерге, пенициллиндерге, цефалоспориндерге және басқа бета-лактамдар мен аллергендерге аса жоғары сезімталдықтың алдыңғы реакцияларына қатысты науқасты мұқият сұрастыру қажет («Қолдануға болмайтын жағдайлар» бөлімін қараңыз).

Егер Препенемге® аллергиялық реакция пайда болса, емді дереу тоқтату керек. Күрделі анафилактикалық реакциялар шұғыл жәрдем көрсетілуін талап етеді.

Бауыр тарапынан

Препенеммен® емделу кезінде бауыр уыттануының даму қаупіне орай (мысалы, трансаминазалардың жоғарылауы, бауыр жеткіліксіздігі мен шұғыл ағымды гепатиттің дамуы), бауыр функциясын мұқият бақылап отыру керек.

Бауыр ауруларымен науқастарда Препенем® тағайындалғанда емделу кезінде бауыр функциясын бақылау қажет. Препенем® дозасын реттеу міндетті емес («Қолдану тәсілі» бөлімін қараңыз).

Гематология

Препенеммен® емделу кезінде оң Кумбс сынамасы (тіке немесе тікелей емес) дамуы мүмкін.

Бактерияға қарсы ауқымы

Эмпириялық емдеуге кіріспес бұрын, әсіресе, науқастың өміріне қатер төндіретін жай-күйлерде Препенемнің® бактерияға қарсы өрісін ескеру қажет. Бұдан басқа, мысалы, терінің және жұмсақ тіндердің бактериялық жұқпасын туғызатын спецификалық патогендердің шектеулі сезімталдығына орай, Препенем® тағайындалғанда сақтық таныту қажет. Препенем® осындай жұқпаларды емдеу үшін қоздырғышты анықтайтын, оған оң сезімталдық айқындалатын сәтке дейін және осы қоздырғыштың емдеуге жауап беру ықтималдығы жоғары болғанда тағайындалмауы тиіс. Егер MRSA жұқпасы күдік тудырған немесе қолданылуындағы көрсетілімдерде дәлелдер болған жағдайда сәйкесті анти-MRSA дәрілерді бір мезгілде тағайындауға болады. Препенем® мен аминогликозидті бір мезгілде қолдану көкіріңді таяқша туғызған жұқпа күдік тудырғанда және осы нұсқаулықта бекітілген көрсетілімдерге дәлелдер болғанда көрсетілуі мүмкін («Қолданылуы» бөлімін қараңыз).

Вальпрой қышқылымен өзара әрекеттесуі

Препенем® мен вальпрой қышқылы/натрий вальпроатын бір мезгілде қолдану ұсынылмайды («Дәрілермен өзара әрекеттесуі» бөлімін қараңыз).

Clostridium difficile

Препенем тағайындалғанда, барлық антибиотиктермен дерлік сияқты, ауырлығы жеңілден өмірге қатер төндіретін дәрежеге дейін ауытқитын антибиотикпен астасқан және жалған жарғақшалы колит тіркелген. Препенем қолдану кезінде немесе одан кейін диареясы болған науқастарда осы диагнозды ескеру маңызды («Жағымсыз әсерлері» бөлімін қараңыз). Науқастардың осы санаты үшін Препенеммен емді тоқтатып, спецификалық Clostridium difficile емін тағайындау мүмкіндігін қарастыру қажет. Ішек перистальтикасын тежейтін дәрілік заттарды тағайындау ұсынылмайды.

Менингит

Препенем® менингитті емдеуге ұсынылмайды.

Бүйрек жеткіліксіздігі

Препенем® бүйрек функциясы төмендеген науқастарда жиналып, егер антибиотик дозасы талапқа сай таңдалмаса, орталық жүйке жүйесі тарапынан жағымсыз реакциялар туғызуы мүмкін («Қолдану әдісі» бөлімін қараңыз).

Орталық жүйке жүйесі

Науқастың дене салмағының және креатинин клиренсінің негізінде есептеліп, ұсынылған дозалардан асырылғанда басталған миоклониялық белсенділік, құрысулар, бағдардан жаңылу, сананың шатасуы сияқты ОЖЖ тарапынан болатын жағымсыз реакциялар анықталған. Бұл жағымсыз реакциялар ОЖЖ бұзылулары (мысалы, ми зақымдануы немесе науқас сыртартқысында құрысулардың болуы) және/немесе препараттың енгізілген дозаларының жиналуы пайда болатын бүйрек функциясының бұзылулары бар емделушілерде жиірек тіркелген. Осыған орай, науқастардың осы санатында препараттың енгізілген дозаларының есебін қатаң ұстану ұсынылады («Қолдану тәсілі және дозалары» бөлімін қараңыз). Құрысу синдромы байқалған науқастарда құрысуға қарсы емді жалғастыру қажет.

Сыртартқысында неврологиялық симптомдары және құрысулары бар балаларда, әсіресе, құрысулар дамуының белгілі қауіп факторлары болғанда немесе сезімталдықтың құрысу шегін төмендететін дәрілік заттармен қатарлас емделгенде айрықша сақтану шарасын қадағалау керек. Ұсақ тремор, клоникалық құрысулар немесе ұстамалар пайда болғанда, құрысуға қарсы ем тағайындау үшін шұғыл неврологтың кеңесі қажет. Егер ОЖЖ тарапынан симптомдар жалғасса, Препенем дозасы азайтылуы немесе препарат қабылдау толық тоқтатылуы тиіс.

Креатинин клиренсі ≤5 мл/мин/1,73 м2 емделушілер, 48 сағат бойы гемодиализ жүргізілген жағдайларды қоспағанда, Препенем® қабылдамауы тиіс. Гемодиализде жүрген емделушілер үшін имипенем/циластатин, егер пайдасы құрысулардың әлеуетті даму қаупінен артық болса ғана, ұсынылады («Қолдану тәсілі және дозалары» бөлімін қараңыз).

Педиатриялық қауым

1 жасқа дейінгі балаларда немесе бүйрек функциясы бұзылған (сарысу креатинині > 2 мг/дл) балаларда имипенем/циластатин пайдалануды ұсынуға болатындай клиникалық деректер жеткіліксіз. Жоғарыдағы «Орталық жүйке жүйесі» бөлімшесінен қараңыз.

Препенем® 500 мг/500 мг құрамында 37,5 мг натрий (1,6 ммоль) бар, ол емдәмді таңдау кезінде натрий мөлшерін есептегенде ескерілу керек.

Жүктілік және лактация кезеңі

Жүктілік

Жүкті әйелдерде имипенем/циластатин пайдалану жөніндегі сенімді бақыланатын зерттеулер жоқ.

Буаз маймылдар арасындағы зерттеуде репродуктивтік уыттылық болатыны анықталған. Адам үшін әлеуетті қаупі белгісіз.

Жүктілік кезінде Препенем, егер ана үшін емдеудің пайдасы ұрыққа төнетін әлеуетті қауіпті ақтап шығатын жағдайда ғана, пайдаланылу керек.

Емшекпен қоректендіру

Имипенем/циластатин аздаған мөлшерде адамның емшек сүтінен табылады. Егер Препенем қолдану қажет болып табылса, онда емізудің пайдасы мен сәбиге төнуі мүмкін қауіптің арақатынасын салыстыру қажет.

Бала туу

Имипенем/циластатиннің ерлер мен әйелдердің фертильділік функцияларына әлеуетті әсер етуіне қатысты деректер жоқ.

Дәрілік заттың көлік құралын және қауіптігі зор механизмдер басқару қабілетіне әсер ету ерекшеліктері

Препараттың автокөлік басқару қабілетіне әсерін зерттеу бойынша клиникалық зерттеулер жүргізілмеген. Алайда, Препенем® препаратымен емделу аясында жағымсыз әсерлер дамуы мүмкін екенін (елестеулер мен ұйқышылдықтың болуы) ескеріп, автокөлік пен аса қауіпті механизмдерді басқару кезінде айрықша сақтық таныту керек.

Артық дозалануы

Cимптомдары: құрысулар, сананың шатасуы, тремор, жүрек айну, құсу, гипотензия, брадикардия қамтылуы мүмкін препараттың жағымсыз әсерлерінің күшеюі.

Емі: имипенем/циластатинмен артық дозалануды емдеу жөнінде арнайы ақпарат жоқ. Препарат гемодиализ жүргізілгенде шығарылады, дегенмен препарат артық дозаланғанда осы емшараның тиімділігі белгісіз.

Шығарылу түрі және қаптамасы

Алюминий қалпақшалармен немесе «FLIPP OFF» біріктірілген қалпақшалармен қаусырылған герметикалық резеңкелі тығынмен тығындалған құтыларға 500 мг белсенді заттан салады.

Әр құтыға заттаңбалық немесе жазу қағазынан жасалған заттаңба немесе өздігінен желімденетін импортты өндіріс заттаңбасы жапсырылады. Әр құты медициналық қолдану жөніндегі мемлекеттік және орыс тілдерінде бекітілген нұсқаулықпен бірге картон қорапшаға салынады.

Медициналық қолдану жөніндегі мемлекеттік және орыс тілдерінде бекітілген нұсқаулықтан мәтінді қорапшаға жазуға жол беріледі.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Химфарм» АҚ, Қазақстан Республикасы

Тіркеу куәлігінің иесі

«Химфарм» АҚ, Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

«Химфарм» АҚ, Шымкент қ., Қазақстан Республикасы,

Рашидов к-сі, 81, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы: infomed@santo.kz