Преднизолон (мазь 0,5%)

МНН: Преднизолон
Производитель: Биосинтез ОАО
Анатомо-терапевтическо-химическая классификация: Prednisolone
Номер регистрации в РК: № РК-ЛС-5№010273
Информация о регистрации в РК: 02.08.2018 - 02.08.2023
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Предельная цена закупа в РК: 91.02 KZT
Предельная цена реализации в РК: 159.61 KZT

Инструкция

Саудалық атауы

Преднизолон

Халықаралық патенттелмеген атауы

Преднизолон

Дәрілік түрі

Сыртқа қолдануға арналған 0.5% жақпамай

Құрамы

100 г жақпамайдың құрамында

белсенді зат - преднизолон 0.5 г,

қосымша заттар - глицерол (дистилденген глицерин), вазелин, стеарин қышқылы, эмульгатор №1, метилпарагидроксибензоат (нипагин), пропилпарагидроксибензоат (нипазол), тазартылған су

Сипаттамасы

Ақ түсті жақпамай

Фармакотерапиялық тобы

Тері ауруларын жергілікті емдеуге арналған глюкокортикостероидтар. Белсенділігі әлсіз глюкокортикостероидтар. Преднизолон.

АТХ коды D07AA03

 

Фармакологиялық қасиеттері

Фармакокинетикасы

Преднизолонның сіңірілуі жергілікті қолданған кезде жүзеге асады және белсенді заты қан ағымына түседі. Плазмада 90% преднизолон байланысқан күйде (транскортинмен және альбуминмен) болады. Көбінесе бауырда тотығу арқылы биоөзгеріске ұшырайды; тотыққан түрлері глюкуронданады немесе сульфаттанады.

Метаболиттер түрінде бүйрекпен және өтпен, ішінара өзгеріссіз күйде шығарылады. Плаценталық бөгет арқылы өтеді және аздаған мөлшерлерде емшек сүтінен табылады.

Фармакодинамикасы

Преднизолон қабынуға қарсы, аллергияға қарсы, қышынуға қарсы және антиэкссудаттық әсер көрсетеді.

Қабыну медиаторларының (гистамин, кинин, лизосомалық ферменттер) түзілуін, босап шығуын және белсенділігін азайтады. Жасушалардың қабынған жерге көшуін бәсеңдетеді; қабыну ошағындағы тамырлардың вазодилатациясын және жоғары өткізгіштігін азайтады.

Вазоконстрикторлық әсерінің арқасында экссудацияны азайтады.

Қолданылуы

Шығу тегі микробтық емес терінің қабыну және аллергиялық ауруларын кешенді емдеуде:

- есекжем

- атопиялық дерматит

- қарапайым созылмалы теміреткі (шектеулі нейродермит)

- экзема- себореялық дерматит - дискоидты қызыл жегі- қарапайым және аллергиялық дерматит- токсидермия- эритродермия- псориаз- алопеция- эпикондилит, тендовагинит, бурсит, иық-жауырын периартриті- келоидты тыртықтар- ишиалгия- Дюпюитрен контрактурасы.

Қолдану тәсілі және дозалары

Сыртқа. Жақпамайды терінің зақымданған жерлеріне тәулігіне 1-3 рет жұқалап жағады. Емдеу курсының ұзақтығы аурудың сипаты мен ем тиімділігіне байланысты, әдетте 6-14 күн құрайды.

Тиімділігін күшейту үшін шектеулі ошақтарда окклюзиялық таңғыштар пайдалануға болады. Жақпамайды 1 жастан бастап және одан үлкен балаларда қолданған кезде емдеудің жалпы ұзақтығын шектеп, стероидтың сіңу резорбциясын күшейтетін шараларды (қыздырғыш, бекіткіш және окклюзиялық таңғыштар) жасамаған жөн.

Жағымсыз әсерлері

- гиперемия (әсіресе, жеке көтере алмаушылығы бар науқастарда)

- препарат жағылған жер аумағындағы ісіну, қышыну

- ұзақ уақыт қолданған кезде терінің салдарлы жұқпалы зақымдануларының, ондағы атрофиялық өзгерістердің, гипертрихоздың дамуы мүмкін

- жақпамайды ұзақ уақыт, әсіресе, аумақты зақымданған жерлерде преднизолонның сіңірілу әсерінің көрінісі ретінде гиперкортицизм дамуы мүмкін. Бұл жағдайларда препарат тоқтатылады.

Қолдануға болмайтын жағдайлар

- аса жоғары сезімталдық

- терінің жарақатты, ойық жаралы, бактериялық, вирустық, зеңдік зақымданулары

- туберкулез

- мерез

- тері ісіктері

- кәдімгі безеулер, қызғылт безеулер (аурудың өршуі мүмкін)

- жүктілік, лактация кезеңі

- 1 жасқа дейінгі балаларға.

Дәрілермен өзара әрекеттесуі

Преднизолон антикоагулянттардың ұюға қарсы әсерін күшейтеді. Салицилаттар қабылдау аясында қан кетулер ықтималдығын арттырады. Диуретиктермен бір мезгілде қабылдағанда электролиттік алмасудың бұзылу мүмкіндігін жоғарылатады. Жүрек гликозидтерімен уыттану қаупін күшейтеді. Диабетке қарсы препараттардың гипогликемиялық әсерін азайтады және рифампициннің бактерияға қарсы белсенділігін төмендетеді. Антацидті препараттармен үйлестіру ұсынылмайды.

Айрықша нұсқаулар

Препаратты қолдану ұзақтығы 14 күннен аспауы тиіс.

Балаларда бет аумағында және окклюзиялық таңғыштардың астынан қолданған жағдайларда емдеу курсының ұзақтығын қысқарту қажет.

Балалар жасында бүйрек үсті безінің қыртысы қызметінің бәсеңдеуі жылдам дамуы мүмкін. Бұған қоса, өсу гормонының аз бөлініп шығуы байқалады. Препаратты ұзақ уақыт бойы қолданғанда дене салмағын, бой өсуін, плазмадағы кортизол деңгейін қадағалау қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратпен емделу кезеңінде автокөлік басқарғанда және жоғары зейін шоғырландыру мен психомоторлық реакциялар шапшаңдығы талап етілетін қауіптілігі зор қызмет түрлерімен айналысқанда сақ болу керек.

Артық дозалануы

Симптомдары: препарат үлкен дозаларда ұзақ уақыт қолданылғанда гиперкортицизм белгілерінің білінуі мүмкін.

Емі: препаратты біртіндеп тоқтату, белгісіне қарай емдеу.

Шығарылу түрі және қаптамасы

10 г препараттан төмен қысымды полиэтилен бушондары бар ішкі жағы лакпен қапталған алюминий сықпаларға салады.

Әр сықпа медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Биосинтез» ААҚ, Ресей Федерациясы

440033, Пенза қ., Дружба көшесі, 4, тел/факс (8412) 57-72-49,

e-mail: certificate@biosintez.com

Тіркеу куәлігі иесінің атауы мен елі

«Биосинтез» ААҚ, Ресей Федерациясы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Биосинтез» ААҚ, Ресей Федерациясы

440033, Пенза қ., Дружба көшесі, 4, тел/факс (8412) 57-72-49,

e-mail: certificate@biosintez.com

 

Прикрепленные файлы

410234951477976904_ru.doc 72.5 кб
307600661477978066_kz.doc 68 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники