Посдизол (Позаконазол)

Посдизол

Позаконазол

Дәрілік түрі, дозалануы

Ішуге арналған суспензия, 40 мг/мл, 105 мл

Жүйелі пайдалануға арналған инфекцияға қарсы препараттар. Жүйелі қолдануға арналған зеңге қарсы препараттар. Триазол туындылары. Позаконазол

АТХ коды J02AC04

Ересектердегі зеңдік инфекцияларды емдеу:

- В амфотерицинге, итраконазолға резистенттілігі бар пациенттердегі немесе осы препараттар жақпайтын пациенттердегі инвазиялық аспергиллез

- B амфотерицинге резистенттілігі бар пациенттердегі немесе В амфотерицин жақпайтын пациенттердегі фузариоз

- итраконазолға резистенттілігі бар немесе итраконазол жақпайтын пациенттердегі хромобластомикоз және мицетома

- В амфотерицинге, итраконазолға немесе флуконазолға резистенттілігі бар немесе бұл препараттар жақпайтын пациенттердегі кокцидиоидомикоз

- жергілікті емге жеткіліксіз реакция күтілетін иммунитеті төмендеген пациенттердегі орофарингеальді кандидоз және ауыр ауруларда бірінші желідегі ем ретінде

Төзімділігі инфекцияның өршуі немесе зеңге қарсы кем дегенде 7 күн емдеуден кейін жақсарудың болмауымен анықталады.

Инвазиялық зеңдік инфекциялар профилактикасы:

- жедел миелогендік лейкозды немесе инвазиялық зеңдік инфекциялар дамуының жоғары қаупімен ұзақ нейтропенияға әкеліп соғуы мүмкін миелодисплазиялық синдромды емдеген кезде ремиссияны индукциялау үшін химиялық ем

- инвазиялық зеңдік инфекциялары дамуының жоғары қаупімен «иесіне қарсы трансплантат» реакциясына жол бермеу үшін иммунодепрессанттардың жоғары дозаларын қабылдап жүрген, гемопоэздік дің жасушалары трансплантаттарының реципиенттерінде

Дәрілік препаратты қолданудың басталуына дейінгі қажетті мәліметтер тізбесі

• әсер етуші затқа немесе қосымша заттардың кез келгеніне аса жоғары сезімталдық

• қастауыш алкалоидтарымен бір мезгілде қолдану

• CYP3A4 субстраттарымен: терфенадинмен, астемизолмен, цизапридпен, галофантринмен, пимозидпен немесе хинидинмен бір мезгілде қолдану, өйткені осы дәрілік заттардың жоғары плазмалық концентрациялары QT аралығының ұзаруына және, өте сирек – «пируэт» типті қарыншалық тахикардияның (torsades de poіntes) дамуына әкеліп соғуы мүмкін

• ГМГ-КоА-редуктаза тежегіштерімен: симвастатинмен, ловастатинмен және аторвастатинмен бір мезгілде қолдану

Басқа дәрілік препараттармен өзара әрекеттесуі

Рифабутин (300 мг тәулігіне 1 рет) Посдизол препаратының Сmax және AUC мәндерін, сәйкесінше, 57%-ға және 51%-ға төмендетті. Посдизол препараты мен рифабутинді және ұқсас индукторларды (мысалы, рифампицин), оларды қолданудың пациент үшін артықшылығы қаупінен басым жағдайлардан басқасында, бір мезгілде қолдануға жол бермеген жөн.

Эфавиренз (тәулігіне 1 рет 400 мг) Посдизол препаратының Сmax және AUC мәндерін, сәйкесінше, 45%-ға және 50%-ға төмендетті. Егер қолданудың пациент үшін артықшылығы қаупінен басым болмаса, Посдизол препараты мен эфавирензді бір мезгілде қолдануға жол бермеген жөн.

Фосампренавир

Фосампренавирді Посдизол препаратымен бірге қолдану қан плазмасында Посдизол препаратының концентрациясының төмендеуіне әкеліп соғуы мүмкін. Фосампренавирді Посдизол препаратымен бірге қолдану қажет болған жағдайда зеңдік инфекциялардың таралуы мүмкін болғандықтан, емдеу тиімділігін өте мұқият бақылау қажет.

Фосампренавир дозасын (10 күн бойы тәулігіне 2 рет 700 мг) қайталап енгізу Посдизол ішуге арналған суспензиясын (1 Күні тәулігіне 1 рет 200 мг, 2 Күні тәулігіне 2 рет 200 мг, содан кейін тәулігіне 2 рет 400 мг 8 күн бойы) Сmax және AUC мәндерін, сәйкесінше, 21%-ға және 23%-ға төмендетеді. Фосампренавирді ритонавирмен бірге қолданғанда позаконазолдың фосампренавирдің деңгейіне ықпалы қазіргі уақытта анықталған жоқ.

Фенитоин

Фенитоин (тәулігіне 1 рет 200 мг) Посдизол препаратының Сmax және AUC мәндерін, сәйкесінше, 41%-ға және 50%-ға төмендетті. Егер қолданғанда пациент үшін артықшылығы қаупінен басым болмаса, Посдизол препаратын және фенитоинды және соған ұқсас индукторларды (мысалы, карбамазепин, фенобарбитал, примидон сияқты) бір мезгілде қолдануға жол бермеген жөн.

H2-гистаминдік рецепторларының антагонистері, протонды помпа тежегіштері (ППТ)

Позаконазол циметидинмен (тәулігіне 2 рет 400 мг) қабылданғанда асқазанда тұз қышқылын өндірудің төмендеуі аясында салдарлы болуы мүмкін сіңірілуінің төмендеуі нәтижесінде, плазмадағы позаконазол концентрациялары (Сmax және AUC) 39% қысқарды. Позаконазол мен H2-рецепторлар антагонистерін бір мезгілде қолданудан (егер мүмкін болса) сақтану қажет.

Осыған ұқсас 400 мг позаконазолды эзомепразолмен (күнделікті 40 мг) қабылдау Сmax және AUC орташа мәндерін 400 мг дозада позаконазолды ғана қабылдаумен салыстырғанда тиісінше 46% және 32%-ға төмендетеді.

Мүмкіндік болса позаконазолды протонды помпа тежегіштерімен бір мезгілде қабылдаудан аулақ болу керек.

Тамақ ішу

Позаконазолдың сіңірілуі тамақ ішу кезінде айтарлықтай төмендейді

Позаконазолдың басқа дәрілік препараттарға әсері

Позаконазол CYP3A4 күшті тежегіші болып табылады. Позаконазолды CYP3A4 субстраттарымен (такролимуспен, сиролимуспен, атазанавирмен және мидазоламмен) бір мезгілде тағайындау соңғыларының әсерін едәуір күшейтуі мүмкін. Позаконазолды вена ішіне (в/і) енгізілетін CYP3A4 субстраттарымен абайлап тағайындаған жөн; CYP3A4 субстраттарының дозасын төмендету қажет болуы мүмкін. Позаконазолды кейбір ішілетін CYP3A4 субстраттарымен бірге қабылдағанда соңғыларының плазмалық концентрациясының артқаны байқалады, ол қолайсыз жағымсыз реакциялардың дамуымен қатар жүруі мүмкін. Мұндай жағдайда CYP3A4 субстраттарының плазмалық концентрацияларының және/немесе жағымсыз реакциялардың бақылануын қамтамасыз ету, және қажет болғанда дәрілік препараттың дозасын түзету қажет.

Позаконазолдың CYP3A4 субстраттарына әсері дені сау адамдарға қарағанда науқастарда аздап әлсіздеу болуы мүмкін және күткендегідей, әртүрлі пациенттерде айырмашылығы болады. Егер позаконазолмен ас ішудің айтарлықтай өзара әрекеттесуін ескере отырып, позаконазолды тамақпен бірге қатаң стандартты түрде енгізбесе, позаконазолды CYP3A4 субстраттарының плазмалық деңгейлеріне бірге енгізудің ықпалы да өзгеруі мүмкін.

Терфенадин, астемизол, цизаприд, пимозид, галофантрин және хинидин (CYP3A4 субстраттары)

Позаконазол мен терфенадинді, астемизолды, цизапридті, пимозидті, галофантринді немесе хинидинді бірге тағайындауға болмайды. Бірге енгізу осы дәрілік заттардың плазмалық концентрацияларының артуына әкелуі мүмкін, ол QT аралығының ұзаруына және сирек жағдайларда «пируэт» типті қарыншалық тахикардияның дамуына әкеліп соғады.

Қастауыш алкалоидтары

Позаконазол қастауыш алкалоидтарының (эрготамин және дигидроэрготамин) плазмалық концентрацияларын арттыруы мүмкін, ол эрготизмді туындатуы мүмкін. Қастауыш алкалоидтары мен Посдизол препаратын бір мезгілде қолдануға болмайды.

CYP3A4 арқылы алғаш метаболизденетін ГМГ-КоА-редуктаза тежегіштері (мысалы, симвастатин, ловастатин және аторвастатин)

Позаконазол CYP3A4 метаболизденетін ГМГ-КоА-редуктаза тежегіштерінің плазмалық деңгейін айтарлықтай арттыруы мүмкін. ГМГ-КоА-редуктазасының осы тежегіштерін пайдалануды позаконазолмен ем жүргізу кезінде тоқтатқан жөн, өйткені жоғары деңгейлері жедел рабдомиолиздің дамуына әкеліп соғуы мүмкін.

Қабіршөп алкалоидтары

Қабіршөп алкалоидтарының көпшілігі (мысалы, винкристин және винбластин) CYP3A4 субстраттары болып табылады. Позаконазол мен винкристинді қоса, азольді фунгицидтерді бірге қолдану күрделі жағымсыз реакцияларға әкеліп соғуы мүмкін. Позаконазол қанда қабіршөп алколоидтарының концентрациясын арттыруы мүмкін, ол нейроуыттылыққа және басқа күрделі жағымсыз реакцияларға әкеліп соғуы мүмкін. Сондықтан, зеңге қарсы емдеудің баламалы нұсқалары болмаған жағдайда винкристинді қоса, қабіршөп алколоидтарын қабылдайтын пациенттерге азольді фунгицидтерді, оның ішінде позаконазолды сақтықпен қолдану керек.

Рифабутин

Позаконазол рифабутиннің Сmax және AUC мәндерін, сәйкесінше, 31%-ға және 72%-ға арттырды. Егер қолданғанда пациенттер үшін артықшылығы қаупінен басым болмаса, Посдизол препараты мен рифабутинді бір мезгілде қолдануға жол бермеген жөн. Осы препараттарды бір мезгілде қолданғанда қан формуласын және рифабутин концентрациясының жоғарылауымен байланысты жағымсыз әсерлердің (мысалы, увеиттің) дамуын мұқият бақылау ұсынылады

Сиролимус

Позаконазолдың ішуге арналған суспензиясының қайталанған (16 күн бойы тәулігіне 2 рет 400 мг) дозасын енгізу дені сау пациенттерде сиролимустың (бір реттік дозасы - 2 мг) Сmax және AUC мәндерін орта есеппен, сәйкесінше, 6.7 және 8.9 есеге (3.1 - 17.5 есе ауқымда) арттырды. Қазіргі таңда позаконазолдың экспозициясының жекелей құбылмалылығына байланысты өзгеріп отырады деп болжам жасалса да, позаконазолдың сиролимусқа әсері жөнінде деректер жоқ. Позаконазол мен сиролимусты бірге тағайындау ұсынылмайды және, мүмкіндігінше, оған жол бермеген жөн. Егер мұндай тағайындауға жол бермеу мүмкін болмаса, онда позаконазолмен емдеуді бастаған кезде сиролимустың дозасын едәуір төмендету ұсынылады. Сондай-ақ позаконазолмен бірге емдеуге дейін, емдеу кезінде және емдеуден кейін қандағы сиролимустың ең төмен концентрациясын ұдайы бақылау және сиролимустың дозасына тиісінше түзету жүргізу қажет. Позаконазолмен бірге тағайындаған кезде қан плазмасында сиролимустың ең төмен концентрациясы мен AUC арақатынасы өзгеруі мүмкін. Осылай тағайындаудың нәтижесінде әдетте емдік шекте болатын сиролимустың ең төмен концентрациясы емдік жауап беру үшін жеткіліксіз болуы мүмкін. Сондықтан сиролимустың ең төмен концентрациясын емдік шектің жоғарғы шегіне жеткізуге ерекше көңіл бөлу қажет. Клиникалық белгілер мен симптомдарды, зертханалық көрсеткіштерді және тіндердің биопсиясын бақылау қажет.

Циклоспорин

Жүрегін ауыстырып салған және циклоспориннің тұрақты дозасын қолданып жүрген пациенттерде, тәулігіне 1 рет 200 мг дозада позаконазолдың ішуге арналған суспензиясы қанда циклоспорин концентрациясын арттырды, бұл соңғысының дозасын төмендетуді қажет етті. Нефроуыттылыққа әкеліп соққан циклоспорин деңгейінің жоғарылауы салдарынан ауыр жағымсыз реакциялардың даму жағдайлары және өліммен аяқталған лейкоэнцефалопатияның бір жағдайы орын алды. Посдизол препаратын циклоспоринді қабылдап жүрген пациенттерге қолдануды бастар алдында соңғысының дозасын (мысалы, нақты дозаның 3/4 бөлігіне дейін) төмендету керек. Посдизол препаратымен емдеу кезінде және оны аяқтағаннан кейін қандағы циклоспорин концентрациясын, қажет болғанда соңғысының дозасын түзете отырып, мұқият бақылаған жөн.

Такролимус

Позаконазол такролимустың (бір ретік доза – дене салмағының әр кг шаққанда 0.05 мг) Сmax және AUC мәндерін, сәйкесінше, 121%-ға және 358%-ға арттырды. Ауруханаға жатқызуды және/немесе позаконазолды тоқтатуды қажет ететін клиникалық тұрғыдан маңызды дәрілік өзара әрекеттесу жағдайлары белгілі. Посдизол препаратын такролимусты қабылдап жүрген пациенттерге қолдануды бастар алдында, соңғысының дозасын (мысалы, нақты дозаның 1/3 бөлігіне дейін) төмендету қажет. Посдизол препаратымен емдеу кезеңінде және оны аяқтағанда қандағы такролимус концентрациясын, қажет болғанда соңғысының дозасын түзете отырып, мұқият бақылау керек.

АИТВ-протеаза тежегіштері

АИТВ-протеаза тежегіштері CYP3A4 субстраты болып табылатындықтан, позаконазол плазмада олардың деңгейін арттырады деп күтіледі. Посдизол ішуге арналған суспензиясын (дені сау пациенттерде 7 күн бойы тәулігіне 2 рет 400 мг) қолдану атазанавирдің (7 күн бойы тәулігіне 1 рет 300 мг) Сmax және AUC мәндерін орта есеппен, сәйкесінше, 2.6 және 3.7 есеге (1.2 - 26 есе ауқымында) арттырады. Позаконазол ішуге арналған суспензиясын (7 күн бойы тәулігіне 2 рет 400 мг) бірге тағайындағаннан кейін ритонавирмен бір мезгілде қолданғанда (7 күн бойы тәулігіне 1 рет 300 мг атазанавир + 100 мг ритонавир) атазанавирдің Сmax және AUC мәндері орта есеппен, сәйкесінше, 1.5 және 2.5 есеге (0.9-4.1 есе ауқымында) жоғарылайды. Позаконазолды атазанавирмен немесе атазанавир + ритонавирмен емдеуге қосу қан плазмасында билирубин деңгейінің жоғарылауына әкелді. CYP3A4 цитохромы арқылы метаболизденетін антиретровирустық препараттарды Посдизол препаратымен бірге қолданған жағдайда ықтимал жағымсыз және/немесе уытты реакцияларды дер кезінде анықтау мақсатында мұқият бақылау жүргізу ұсынылады.

Мидазолам және CYP3A4 изоферментімен метаболизденетін бензодиазепиндер

Ішке қабылдауға арналған позаконазол суспензиясына (10 күн бойы тәулігіне 2 рет 200 мг) мидазоламның (0.05 мг/кг в/і) AUC экспозициясы 83%-ға артқанын көрсетті. Позаконазолдың қайталанған дозасын (7 күн бойы тәулігіне 2 рет 200 мг) енгізу мидозоламның Сmax және AUC мәндерін (бір реттік доза - 0.4 мг в/і) орта есеппен, сәйкесінше, 1.3 және 4.6 есеге арттырды (1.7-6.4 есе ауқымында). Ішуге арналған суспензиясын 7 күн бойы тәулігіне 2 рет 400 мг дозада қолдану мидазоламның Сmax және AUC мәндерін (оны в/і енгізгенде), сәйкесінше, 1.6 және 6.2 есеге (1.6-7.6 есе ауқымда) арттырды. Позаконазолды дозалаудың екі режимі де мидазоламның (бір реттік доза – ішке 2 мг) Сmax және AUC мәндерін, сәйкесінше, 2.2 және 4.5 есеге арттырды. Ішке қабылдауға арналған суспензияны (200 мг немесе 400 мг) мидазоламмен бір мезгілде қолданғанда мидазоламның жартылай шығарылу кезеңін шамамен 3 - 4 сағаттан 8 - 10 сағатқа дейін ұзартады.

Позаконазолды CYP3A4 изоферментімен метаболизденетін бензодиазепиндермен (мысалы, мидазолам, триазолам, алпразолам) бірге тағайындағанда, седативтік әсерінің ұзару қаупіне байланысты, дозаны түзету ұсынылады.

CYP3A4 изоферментімен метаболизденетін кальций өзекшелерінің блокаторлары (мысалы, дилтиазем, верапамил, нифедипин, нисолдипин)

Посдизол препаратымен бір мезгілде қолданғанда кальций өзекшелерінің блокаторларын қолданумен байланысты жағымсыз және уытты реакцияларға жиі мониторинг жүргізу және қажет болғанда олардың дозасын түзету ұсынылады.

Дигоксин

Басқа азолдарды енгізу дигоксин деңгейінің жоғарылауымен байланысты болды. Позаконазол қан плазмасында дигоксиннің концентрациясын арттыруы мүмкін, сондықтан позаконазолмен емдеуге түрткі болғанда немесе тоқтатқанда дигоксиннің деңгейін тексерген жөн.

Сульфонилмочевина туындылары

Кейбір дені сау еріктілерде позаконазолды глипизидпен бір мезгілде енгізген кезде глюкоза концентрациясының төмендегені байқалды. Қант диабеті бар науқастарда глюкоза деңгейіне мониторинг ұсынылады.

Арнайы сақтандырулар

Аса жоғары сезімталдық

Қазіргі таңда позаконазол мен зеңге қарсы азолдар тобына жататын басқа да препараттар арасында айқаспалы сезімталдыққа қатысты ақпараттар жоқ. Позаконазолды басқа азолдарға аса жоғары сезімталдығы бар пациенттерге қолданғанда сақтық танытқан жөн.

Бауыр жеткіліксіздігі

Бауыр тарапынан реакциялар (мысалы, АЛТ, АСТ, сілтілік фосфатаза белсенділігінің, қан сарысуындағы жалпы билирубин мөлшерінің әлсіз немесе орташа жоғарылауы, және/немесе клиникалық айқын гепатит). Бауырдың функционалдық сынамалары көрсеткіштерінің жоғарылауы әдетте емді тоқтатқаннан кейін қайтымды, кейбір жағдайларда функционалдық көрсеткіштердің қалыпқа келуі емдеуді тоқтатпай-ақ байқалған. Бауыр тарапынан өліммен аяқталған ауыр бұзылулар өте сирек туындады. Посдизол препаратын бауыр функциясы бұзылған пациенттерде, клиникалық тәжірибесінің шектеулі болуына байланысты және мұндай пациенттерде плазмадағы позаконазол деңгейлері жоғары болуы мүмкін болғандықтан, абайлап пайдаланған жөн.

Бауыр функциясына мониторинг жүргізу

Позаконазолмен емдеуді бастар алдында және емдеу барысында бауыр функциясын тексеру қажет. Тестілер деректерінің ауытқуы бауырдың өте ауыр зақымдалуының даму дабылы болуы мүмкін, сондықтан бауыр тестілерінде өзгерістері бар пациенттердің жағдайын ұдайы бақылау қажет. Ем барысында, бауыр сынамаларын және билирубин деңгейін бақылауды қоса, бауыр функциясына зертханалық талдама жүргізу қажет. Егер клиникалық белгілер мен симптомдар бауыр ауруының бар екенін көрсетсе, Посдизол препаратымен емдеуді тоқтату мүмкіндігін қарастыру қажет.

QT аралығының ұзаруы

Кейбір азолдар QT аралығының ұзаруына әкелді. Позаконазолды CYP3A4 субстраттары болып табылатын және QT аралығын ұзартатын препараттармен бірге қолданбаған жөн. Посдизол препаратын жүрек ырғағының бұзылу қаупі жоғары пациенттерге қолданғанда сақтық танытқан жөн, атап айтқанда:

- QT аралығының туа біткен немесе жүре пайда болған ұзаруында

- кардиомиопатия бар болғанда, әсіресе жүрек жеткіліксіздігімен бірге

- синустық брадикардияда

- диагностикаланған симптоматикалық аритмияда

- QT аралығын ұзартатын дәрілік заттарды пайдаланғанда

Электролиттік теңгерімді, әсіресе қан сарысуындағы калий, магний және кальций мөлшерін бақылаған және, қажет болғанда, Посдизол препаратымен емдеуді бастар алдында және емдеу кезінде тиісті түзету жүргізген жөн. Позаконазол CYP3A4 тежегіші болып табылады және CYP3A4 изоферментімен метаболизденетін басқа дәрілік заттармен емдеу кезіндегі көрсетілімдері бойынша белгілі бір жағдайларда ғана пайдаланылуы тиіс.

Винкристиннің уыттылығы

Азольді фунгицидтерді, позаконазол мен винкристинді қоса, бірге қолдану құрысуларды, шеткері нейропатияны, диурезге қарсы гормонның (ДҚГ) талапқа сай емес секрециясы синдромын және ішектің салданған бітелісін қамтитын басқа да күрделі жағымсыз реакцияларға әкеліп соғуы мүмкін. Зеңге қарсы емдеудің баламалы нұсқалары болмаған жағдайда, қабіршөп алкалоидін, оның ішінде винкристинді қабылдайтын пациенттерге азольді фунгицидтерді, позаконазолды қоса, сақтықпен қолдану керек.

Асқазан-ішек жолы (АІЖ) тарапынан бұзылулар

Қазіргі таңда ауыр диареяны қоса, АІЖ бұзылулары бар пациенттерде фармакокинетикасы жөнінде деректер жеткіліксіз. Сондықтан ауыр дәрежедегі диареясы немесе құсу орын алған пациенттердің жағдайын зеңдік инфекцияларды анықтау үшін бақылау қажет.

Бактерияларға қарсы рифампицин препараттары (рифампицин, рифабутин), құрысуға қарсы кейбір препараттар (фенитоин, карбамазепин, фенобарбитал, примидон), эфавиренз және циметидин

Осы препараттармен бірге тағайындаған кезде позаконазолдың концентрациясы едәуір төмендеуі мүмкін, сондықтан пациент үшін пайдасы қаупінен басым болған жағдайларды қоспағанда, осы препараттарды позаконазолмен бірге қолдануға жол бермеген жөн.

Мидазолам және CYP3A4 цитохромы арқылы метаболизденетін басқа да бензодиазепиндер

Ұзақ седативтік әсердің дамуы және тыныс орталығының тежелу қаупінің дамуы мүмкін болғандықтан, позаконазолды CYP3A4 цитохромы арқылы метаболизденетін бензодиазепамдармен (мысалы, мидазолам, триазолам, алпразолам) бірге тағайындау көрсетілімдер бойынша ғана мүмкін болады. CYP3A4 қатысуымен метаболизденетін бензодиазепиндердің дозаларын түзету мүмкіндігін қарастыру қажет.

Қосымша заттар

Дәрілік препарат құрамында әр 1 мл суспензияға 350 мг жуық глюкоза бар. Сондықтан глюкоза-галактоза сіңуінің жеткіліксіздік синдромы бар пациенттерге осы дәрілік препаратты қабылдау ұсынылмайды.

Натрий

Препарат құрамында құтыда кемінде 1 ммоль натрий бар (23 мг), ол клиникалық маңызды емес болып табылады.

Педиатрияда қолдану

Позаконазолды қолдану қауіпсіздігі мен тиімділігі 18 жасқа толмаған балаларда анықталмаған.

Жүктілік және лактация кезінде

Қазіргі таңда позаконазолды жүкті әйелдерге қолдану жөнінде ақпарат жеткіліксіз. Адам үшін әлеуетті қаупі белгісіз. Бала туа алатын жастағы әйелдер ем кезінде тиімді контрацепцияны пайдалануы тиіс. Позаконазол, пайдасы шарана үшін қаупінен басым болатын жағдайлардан басқасында, жүктілік кезінде қолданылмауы тиіс.

Позаконазолдың емшек сүтіне бөлініп шығуы зерттелген жоқ. Позаконазолмен ем тағайындаған кезде емшек емізу тоқтатылуы тиіс.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Посдизол препаратын сақтықпен тағайындаған жөн, өйткені позаконазолды қабылдаған кезде байқалған кейбір жағымсыз реакциялар (мысалы, бас айналу, ұйқышылдық және т.б.) автомобильді және механизмдерді басқару қабілетіне әлеуетті ықпалын тигізуі мүмкін.

Қолдану жөніндегі нұсқаулар

Дозалану режимі

Ішке қабылдауға арналған таблеткалар мен суспензия арасында өзара алмасудың болмауы

Дозалау сызбаларының айырмашылығы салдарынан Посдизол ішке қабылдауға арналған таблеткалар мен суспензиясы өзара алмастырылатын дәрілік түрлер болып табылмайды. Сондықтан әрбір дәрілік түр үшін дозалау режимі бойынша ұсынымдарды орындау қажет.

Жоғары қауіп тобындағы пациенттерде емдеуді зеңдік инфекцияны емдеу немесе алдын алу тәжірибесі бар дәрігер жүргізуге тиіс.

1-кесте. Көрсетілімдеріне сәйкес ұсынылған дозалар

Пациенттердің ерекше топтары

Бүйрек жеткіліксіздігі бар пациенттер

Бүйрек функциясының бұзылуы позаконазолдың фармакокинетикалық көрсеткіштерінің өзгеруіне себеп болады деп күтілмейді, сондықтан препарат дозасын түзетудің қажеті жоқ.

Бауыр жеткіліксіздігі бар пациенттер

Позаконазолдың фармакокинетикасына бауыр жеткіліксіздігінің (бауырдың созылмалы жеткіліксіздігінің Чайлд-Пью бойынша С класын қоса) ықпалы жөнінде аздаған деректер бар, бұл бауыр функциясы қалыпты пациенттермен салыстырғанда, бауыр функциясы бұзылған пациенттерде қан плазмасында соңғысының мөлшерінің артқанын көрсетеді, бірақ дозаны түзету қажет деп санауға негіз болмайды. Қан плазмасында препарат деңгейінің жоғарылауы мүмкін екенін ескеріп, сақтық таныту ұсынылады.

Енгізу әдісі мен жолы

Ішке қабылдауға арналған. Қолданар алдында Посдизол суспензиясы бар құтыны жақсылап сілку қажет.

Артық дозалану жағдайында қабылдау қажет болатын шаралар

Ішке қабылдауға арналған позаканазол суспензиясына жүргізілген клиникалық зерттеулерде ішке тәулігіне 1600 мг-ге дейін қабылдағанда төменірек дозаларды енгізген кезде байқалғаннан айырмашылығы бар жағымсыз құбылыстар анықталған жоқ. Байқаусызда артық дозалану позаконазол суспензиясын 3 күн бойы тәулігіне 2 рет 1200 мг-ден қабылдаған 1 пациентте тіркелді. Жағымсыз реакциялар анықталған жоқ.

Емі. Позаконазол гемодиализ кезінде шығарылмайды. Позаконазолдың артық дозалануы кезінде спецификалық емі жоқ. Демеуші ем жүргізу туралы мәселені қарастыруға болады.

Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөніндегі ұсынымдар

Жоғары қауіп тобындағы пациенттерде емдеуді зеңдік инфекцияны емдеу немесе алдын алу тәжірибесі бар дәрігер жүргізуге тиіс.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз реакциялар* пайда болу жиілігі бойынша орналастырылды: өте жиі (˃1/10), жиі (1/100, <1/10), жиі емес (≥1/1 000, <1/100), сирек (≥1/10 000, <1/1 000), өте сирек (<1/10 000), белгісіз (қолда бар деректермен анықтау мүмкін емес).

Өте жиі

- жүрек айну

Жиі

- нейтропения

- электролиттік теңгерімсіздік, анорексия, тәбеттің төмендеуі, гипокалиемия, гипомагниемия

- парестезия, бас айналу, ұйқышылдық, бас ауыру, дәм сезудің бұзылуы

- артериялық гипертензия

- бөртпе, қышыну,

- құсу, іштің ауыруы, диарея, диспепсия, ауыздың құрғауы, метеоризм, іш қату, аноректальді жайсыздық,

- бауырдың функционалдық көрсеткіштерінің жоғарылауы (АСТ, АЛТ, сілтілі фосфатаза, ГГТ, билирубинді қоса)

- бөртпе, қышыну

- гипертермия (қызба), астения, шаршау

Жиі емес

- тромбоцитопения, лейкопения, анемия, эозинофилия, лимфаденопатия, көкбауыр инфарктісі

- аллергиялық реакциялар

- гипергликемия, гипогликемия

- құрысулар, невропатия, гипестезия, тремор, сөйлеудің бұзылуы, ұйқысыздық

- көрудің бұлыңғырлануы, көздің қарығуы, көру жітілігінің төмендеуі

- QT аралығының ұзаруы, ЭКГ ауытқулары, жүректің қағуы, брадикардия, қарыншалық экстрасистолия, тахикардия, артериялық гипотензия, васкулит

- жөтел, мұрыннан қан кету, ықылық, мұрынның бітелуі, кеуденің ауыруы, тахипноэ

- панкреатит, іштің кебуі, энтерит, эпигастрий аймағындағы жайсыздық, кекіру, гастроэзофагеальді рефлюкс ауруы, ауыз қуысының ісінуі

- гепатоциттердің зақымдануы, гепатит, сарғаю, гепатомегалия, холестаз, уытты гепатит, бауыр функциясының бұзылуы

- ауыз қуысының шырышты қабығының афтозды зақымдануы, алопеция, дерматит, эритема, петехиялар

- арқаның ауыруы, мойын аймағындағы ауырсыну, сүйек-бұлшықет ауыруы, аяқ-қолдың ауыруы

- бүйрек жеткіліксіздігі (оның ішінде жедел), қандағы креатинин деңгейінің жоғарылауы

- етеккір оралымының бұзылулары

- ісіну, ауыру, қалтырау, дімкәстік, кеудедегі жайсыздық, дәрі жақпаушылығы, үрей сезімі, шырышты қабықтың қабынуы

- басқа дәрілік заттардың сарысулық концентрациясының өзгеруі, фосфор деңгейінің төмендеуі, кеуде қуысы ағзалары ауруларының рентенологиялық белгілері

Сирек

- гемолиздік-уремиялық синдром, тромбоздық тромбоцитопениялық пурпура, панцитопения, қан ұюының бұзылуы, қан кетулер

- аса жоғары сезімталдық

- бүйрек үсті безінің жеткіліксіздігі, панкреатит, гонадотропиндер деңгейінің төмендеуі

- әдеттен тыс түстер көру, сананың шатасуы, ұйқының бұзылуы

- ми қанайналымының бұзылуы, энцефалопатия, шеткері нейропатия, естен тану

- диплопия, скотома

- естудің бұзылуы

- қарыншалық тахикардия (оның ішінде "пируэт" типті), кенеттен өліп кету,

жүректің және тыныс алудың тоқтап қалуы, жүрек жеткіліксіздігі, миокард инфарктісі, өкпе артериясының тромбоэмболиясы, терең веналар тромбозы

- өкпе гипертензиясы, интерстициальді пневмония, пневмонит

- асқазан-ішектен қан кету, ішектің бітелуі

- бауыр жеткіліксіздігі, холестаздық гепатит, гепатоспленомегалия, бауырдың ауыруы, астериксис (бауыр треморы),

- Стивенс-Джонсон синдромы, везикулярлық бөртпе

- интерстициальді нефрит, бүйрек-өзекшелік ацидоз

- сүт безінің ауыруы

- тілдің ісінуі, беттің ісінуі

Белгісіз: психикалық бұзылыстар, депрессия

Жекелеген жағымсыз реакциялардың сипаттамасы

Гепатобилиарлық жүйе тарапынан бұзылулар

Позаконазолды ішке қабылдауға арналған суспензия түрінде қолдануды маркетингтен кейінгі бақылау барысында өліммен аяқталған бауырдың ауыр зақымдануы туралы хабарланды.

Эндокриндік бұзылулар

Псевдоальдостеронизм

Жағымсыз реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 мл суспензияның құрамында

белсенді зат - 40 мг позаконазол,

қосымша заттар: полисорбат-80, симетикон эмульсиясы, натрий бензоаты, натрий цитрат дигидраты, лимон қышқылы моногидраты, глицерин, ксантан шайыры, сұйық глюкоза, титанның қостотығы (Е 171), шие хош иістендіргіші, тазартылған су

Сыртқы түрінің, иісінің, дәмінің сипаттамасы

Шие иісі бар ақ түсті суспензия

Шығарылу түрі және қаптамасы

105 мл препараттан қоңыр шыныдан (III типті) жасалған, балалардың ашып алуынан қорғайтын бұрап жабылатын ақ түсті пластик қақпақпен тығыздалып жабылған құтыларда.

1 құтыдан өлшеуіш қасықпен (1.25 мл, 2.5 мл және 5 мл бөліктері бар) және медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл; құтыны алғаш ашқаннан кейінгі қолдану мерзімі – 28 күн.

Жарамдылық мерзімі өткеннен кейін қолдануға болмайды.

25ºС-ден аспайтын температурада сақтау керек.

Балалардың қолы жетпейтін жерде сақтау керек.

Рецепт арқылы

Өндіруші туралы мәліметтер

«Нобел Алматы Фармацевтикалық Фабрикасы» АҚ, Қазақстан,

Алматы қ., Шевченко к-сі 162Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы: nobel@nobel.kz

Тіркеу куәлігінің ұстаушысы

«Нобел Алматы Фармацевтикалық Фабрикасы» АҚ, Қазақстан,

Алматы қ., Шевченко к-сі 162Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы: nobel@nobel.kz

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы Фармацевтикалық Фабрикасы» АҚ, Қазақстан,

Алматы қ., Шевченко к-сі 162Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы: nobel@nobel.kz