Полиглюкин
Инструкция
-
русский
-
қазақша
Саудалық атауы
Полиглюкин
Халықаралық патенттелмеген атауы
Декстран
Дәрілік түрі
Инфузияға арналған 6 ерітінді
Құрамы
1 л препараттың құрамында
белсенді зат: декстран [орт.мол.салмағы 50000-70000] – 60 г;
қосымша заттар: натрий хлориді, инъекцияға арналған су.
Теориялық осмолярлығы ~ 309 мОсм/л
Сипаттамасы
Түссіз мөлдір немесе аздап сарғыштау сұйықтық.
Фармакотерапиялық тобы
Қан плазмасының препараттары мен плазма алмастырғыш препараттар.
АТХ коды В05АА05
Фармакологиялық қасиеттері
Фармакокинетикасы
Организмнен негізінен бүйрек арқылы шығарылады; бастапқы 24 сағаттың ішінде 50 % жуығы, ал 3 тәуліктен кейін қанда оның тек іздер концентрациясы ғана анықталады. Препараттың аздаған мөлшері ретикулоэндотелиальді жүйе жасушаларында жинақталады, мұнда ол біртіндеп глюкозаға дейін ыдырайды, алайда Полиглюкин қуат көзі болып саналмайды.
Фармакодинамикасы
Полиглюкин молекулярлық салмағы 50000-нан 70000-ға дейінгі глюкоза полимері - жоғары молекулалық декстран препараты болып саналады.
Қан алмастырғыш, осмолярлығы 0,34 - 0,37 ммоль/кг гиперосмостық ерітінді. Айналымдағы қан көлемін толтықтыратын плазма алмастырғыш, шокқа қарсы және антиагрегантты әсер етеді. Плазма ақуыздарының онкотикалық қысымынан 2.5 есе асып түсетін жоғары осмостық қысым салдарынан тін сұйықтығының (1 г полимерге 20-25 мл) белсенді тартылуын туғызады және оны қан арнасында жеткілікті түрде ұзақ ұстап тұрады. Жүйелі гемодинамиканың бұзылуын жояды, айналымдағы қан көлемін қалпына келтіреді, артериялық қысымды көтереді, шеткергі тамырлардың түйілуін жояды. Енгізілуі қанның негізгі қышқылды-негізгі жағдайы мен газдық құрамы басты көрсеткіштерінің қалпына келуіне ықпал етеді. Қанның суспензиялық орнықтылығын жоғарылатады, оның тұтқырлық сипаттарын азайтады, тромбоциттерге айқын адгезивті және антиагреганттық әсері бар, эритроциттердің шеткергі стаздары мен агрегациясын жоюға ықпал етеді, қанның реологиялық қасиеттерінің жақсаруына, микроайналымды белсенді етуге және тіндегі қан ағысының күшеюіне әкеледі.
Инфузиялар диссеминирленген тамыр ішілік ұю синдромының даму қаупін төмендетеді.
Уытты емес, апирогенді.
Қолданылуы
- гиповолемиялық шокта (геморрагиядан кейінгі айқын гиповолемия, жатырдан тыс жүктіліктің нәтижесінде босанған кезде қанды көп жоғалтуда және т.с.с.)
- жарақаттық шокта (операциялық шокта)
- күйіктік шокта
- жаншылу синдромы
- сепсистік шокта
- уыттану нәтижесіндегі шокта
- қанның микроайналымының (қылтамырлық қан ағысының), реологиялық қасиеттерінің бұзылуларында
- операция алдында және операциядан кейін эмболияның алдын алуда;
- тромбофлебиттің алдын алуда
- жасанды қан айналу аппараттарын толтыру үшін (қанмен белгілі бір пропорцияда)
Қолдану тәсілі және дозалары
Көктамыр ішіне тамшылатып, жедел қан жоғалтуда – артерия ішіне (стационар жағдайында) енгізеді. Енгізу көлемі мен жылдамдығы емделушінің жағдайына, артериялық қысымның шамасына, жүректің жиырылу жиілігіне, гематокрит көрсеткішіне қарай анықталады. Құю трансфузия жүргізудің ережелерін сақтай отырып, әдеттегі тәсілмен жүзеге асырылады: құяр алдында биологиялық сынама жүргізеді (5-10 тамшы енгізгеннен кейін 3 минут үзіліс жасайды, содан соң тағы 10-15 тамшы құяды және осындай үзілістен кейін реакция симптомдары (тамырдың соғуының жиілеуі, артериялық қысымның төмендеуі, тері гиперемиясы, тыныс алудың қиындауы) болмаса, құюды жалғастырады.
Шок дами бастағанда немесе қанды көп жоғалтқанда – к/і сорғалатып, 0,4-2 л (5-25 мл/кг). Артериялық қысым 80-90 мм. с.б.-на дейін жоғарылағаннан кейін әдетте минутына 3-3,5 мл жылдамдықпен тамшылатып енгізуге көшеді (минутына 60-80 тамшы). Артерия ішіне енгізу тәсілі қолданылуы мүмкін (осындай дозада). Препарат инфузиясы жүйелік гемодинамиканың негізгі көрсеткіштерін тұрақты түрде бақылай отырып, жүзеге асырылуға тиіс. Орталық веноздың қысымы едәуір артқан кезде дозаны және енгізу жылдамдығын азайтады немесе толық тоқтатады.
500-750 мл қан жоғалтқанда және науқаста айқын анемизация болған кезде препарат енгізуді, тіндік гипоксияны жою үшін, қан, эритроцитарлы масса немесе эритроциттер қоспасын құю, сондай-ақ гемостаза жүйесінің факторлары бар жаңа мұздатылған плазманы құюмен біріктіреді. Операциялық қан жоғалтудың алдын алу үшін, жасанды гемодилюциясына қол жеткізу, сондай-ақ тромбтың пайда болуына жол бермеу және қанның диссеминирленген тамырішілік ұю синдромының дамуына немесе өршуіне тенденцияны төмендету мақсатында препарат операциялық араласымнан 30-60 бұрын 5-10 мл/кг дозада (балаларға 10-15 мл/кг) енгізіледі (артериялық қысым едәуір төмендеген жағдайда сорғалатып енгізуге, артериялық қысым 60 мм с.б. төмендеген кезде артерия ішіне (а/і) енгізуге ауысады). Хирургиялық әсер ету кезіндегі инфузия көлемі операциялық қан жоғалту шамасымен анықталады (гематокрит 0,3-тен төмендемеуі тиіс).
Операциядан кейінгі кезеңде сорғалата-тамшылата енгізу шоктың алдын алудың тиімді тәсілі болып табылады.
Күйіктен болатын шокта: алғашқы 24 сағатта 2-3 л, келесі 24 сағатта - 1,5 л енгізеді.
Балаларға алғашқы 24 сағатта - 40-50 мл/кг, кейінгі тәуліктерде - 30 мл/кг.
Ауқымды және терең күйіктерде плазма, альбумин, гамма-глобулин енгізумен; дене беткейінің 30-40%-дан астам күйігінде - қан құюмен біріктіреді.
Тіндердің сусыздануына жол бермеу үшін препарат инфузиясын кристаллоидты ерітіндіні 1:2 үлестік арақатынаста енгізумен біріктіру керек.
Жағымсыз әсерлері
Сирек
- аллергиялық реакциялар (гиперемия және терінің қышуы, ангионевротикалық ісіну)
Қолдануға болмайтын жағдайлар
- декстран препарттарына жоғары сезімталдық
- жүрек-қан тамыр жеткіліксіздігі
- ішкі қан (бауыр, өкпе; бүйрек) кетудің жалғасуы
- бас сүйек ішілік қысымы жоғары бас сүйек-ми жарақаты
- геморрагиялық инсультте
- анурияда
- бүйректің ауыр созылмалы жеткіліксіздігі
- тромбоцитопения
- сұйықтықты үлкен көлемде енгізу жағымсыз болатын клиникалық жағдайлар (оның ішінде артериялық гипертензия, гематокриттің көрсеткіші 0.3 төмен болуы аясындағы гиперволемия).
Сақтықпен: айқын дегидратация
Дәрілермен өзара әрекеттесуі
Басқа да кеңінен қолданылатын трансинфузиялық дәрілермен бірге пайдалануға жол беріледі.
Айрықша нұсқаулар
Препарат мұздатып қатыруға төзімді және -10 °С-ге дейінгі температурада тасымалдануы мүмкін. Қаптаманың герметикалылығы сақталған жағдайда препаратты мұздатып қатыру қолдануға қарсы көрсетілім болып табылмайды. Айқын дегидратациясы бар емделушілерде декстрандарды енгізгенге дейін сұйықтық тапшылығын қалпына келтіру талап етіледі, оларды енгізудің жылдамдығы 500 мл/сағаттан аспауға тиіс. Ұсынылған дозаларды енгізу іс жүзінде гемостаз жүйесіне әсер етпейді. Ұсынылған дозалардан асыру қан кету уақытын ұзартуы ықтимал.
Декстрандар туғызатын гемодилюция аясында қан плазмасындағы ақуыз бен гемоглобин концентрациясының азаюы мүмкін. Декстрандардың енгізілетін мөлшері едәуір ұзақ немесе аз уақыт ішінде гемоглобинді 90 г/л (27 % гематокрит) төмен етіп азайтып алмайтындай есептелуі тиіс. Декстранды енгізу қан тобын анықтауға және стандартты тәсілдермен айқаспалы сынамалар алуға кедергі келтірмейді (зерттеуге дейін эритроциттерді 0,9% натрий хлоридінің ерітіндісімен шаю керек). Декстранның қанда болуы папаинге негізделген ферменттік тәсілдердің нәтижелеріне ықпал етуі мүмкін.
Қандағы глюкоза мөлшерін күкірт және сірке қышқылдарын пайдалана отырып зерттегенде іс жүзінде барынан артық глюкоза концентрациясын алуға болады (соңғылары декстранды гидролиздеуі мүмкін).
Декстран қанның мөлдірлігін төмендетеді және оның қанда болуы билирубин мен ақуыздың концентрациясын өлшеу нәтижелерін өзгертуі мүмкін. Билирубин мен ақуыз концентрациясын анықтауға арналған қан сынамаларын декстранды енгізгенге дейін алу ұсынылады.
Декстранды үлкен дозада жылдам енгізу сол жақ қарыншалық жедел жеткіліксіздік пен өкпе ісінуі дамуына түрткі болуы мүмкін.
Кеуденің қысылуына, тыныс алудың қиындауына, белдің ауыруына шағымданғанда, сондай-ақ қалтырау, цианоз, қан айналымы мен тыныс алудың бұзылуы басталған кезде трасфузияны тоқтату, к/і кальций хлоридінің 10 мл 10% ерітіндісін, 20 мл 40% декстроза ерітіндісін, антигистаминді дәрілік заттарды, глюкокортикостероидты дәрілерді енгізіп, тиісті симптоматикалық ем жүргізу қажет.
Жүктілік пен лактация
Препарат жүктілік кезінде анасы үшін болжамды пайдасы ұрыққа төнетін ықтимал қатерден асып түскенде ғана қолданылуы мүмкін.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары: артық дозалануы жүрек жұмысының бұзылуына әкелуі мүмкін.
Емі: симптоматикалық, препаратты енгізуді тоқтату керек.
Шығарылу түрі және қаптамасы
Инфузияға арналған 6 % 200 немесе 400 мл ерітінді резеңке тығындармен тығындалып, алюминий қалпақшамен қаусырылған қанға, инфузиялық және трансинфузиялық препараттарға арналған сыйымдылығы тиісінше 250 немесе 450 мл шыны бөтелкелерге құйылған.
Бөтелкеге заттаңбалық, немесе борланған, немесе жазу қағазынан жасалған заттаңбаны жапсырады.
Сыйымдылығы 250 мл 24, 28 бөтелке немесе сыйымдылығы 450 мл 12, 15 бөтелке тиісінше қолданылуы жөніндегі нұсқаулықпен бірге бөтелке санына сәйкес мөлшерде гофрланған картоннан жасалған жәшікке салынады (стационарлар үшін).
Сақтау шарттары
Құрғақ жерде, -10 °С-ден +20 °С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін препаратты қолдануға болмайды.
Дәріханалардан босатылу шарттары
Рецепт арқылы
Өндіруші
"Биохимик" ААҚ, Ресей Федерациясы,
430030, Саранск қ., Васенко к-сі, 15 А
Тел./факс (8342) 47-36-48, 47-36-78.
Тіркеу куәлігі иесінің атауы мен елі
"Биохимик" ААҚ, Ресей Федерациясы,
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
«ЦентрАзияФарм» ЖШС, 050030, Қазақстан Республикасы,
Алматы қ., Сүйінбай даңғылы, 290
тел. 727 290 27 80, 727 385 04 00,
e-mail: register@caph.kz
6