Повидон-йодин
Инструкция
-
русский
-
қазақша
Саудалық атауы
Повидон-йодин
Халықаралық патенттелмеген атауы
Жоқ
Дәрілік түрі
200 мг қынаптық суппозиторийлер
Құрамы
Бір суппозиторий құрамында
белсенді зат - 200 мг повидон-йод,
қосымша зат полиэтиленгликоль
Сипаттамасы
Сұр түсті, спецификалық йод иісі бар, торпеда пішінді суппозиторийлер. Кесіндісінде қуыс стержень немесе шұңғыл тәрізді болуы мүмкін.
Фармакотерапиялық тобы
Гинекологиялық ауруларды емдеуге арналған басқа да антисептиктер мен микробқа қарсы препараттар.
АТЖ коды G01AX11
Фармакологиялық қасиеттері
Фармакокинетикасы
Қынаптың шырышты қабығымен жанасқанда йод біртіндеп біркелкі босанып шығады (тек кешеннің 30% йодидқа айналады).
Сіңу барысында йодтың таралу көлемі 38% құрайды, жартылай шығарылу кезеңі 2 күнді құрайды. Бүйрекпен шығарылады.
Қалқанша безінің қызметі қалыпты емделушілерде йодтың жоғары сіңуі оның гормональдық қызметінде ешбір елеулі өзгерістер туындатпайды.
Йод плацентарлық кедергі арқылы өтеді және омырау сүтімен бөлінеді.
Повидонның сіңуі және оның бөлінуі молекулярлық салмаққа тәуелді.
Фармакодинамикасы
Препарат антисептикалық, зарасыздандыратын, зеңге қарсы және протозойға қарсы әсер етеді. Микробқа қарсы кең ауқымды әсері бар. Грамоң және грамтеріс бактерияларға, Gardnerella vaginalis, микоплазмалар, Treponema pallidum, хламидиялар, зеңдерге (мысалы, Candida тұқымдастығына), вирустарға, қарапайымдыларға (оның ішінде трихомонадқа) және спораларға қатысты алғанда белсенді.
Белсенді зат –йод –йод - поливинилпирролидоны кешені түрінде берілген. Бұл кешеннен элементарлы йод біртіндеп және біркелкі босап шығады, бұл белсенді бос йодтың тұрақты концентрациясын қамтамасыз етеді.
Белсенді йод концентрациясы 0,1-1% құрайды.
Әсер ету механизмі: бактериялық қабырға ақуыздарымен немесе ферментті ақуыздармен жанасуда йодаминдер түзеді, және олардың әсерін бөгей отырып микроорганизмдерге бактерицидті әсер етеді. Препарат қынаптың қалыпты флорасының қалпына келуін жеңілдетеді.
Йодтың біртіндеп босап шығуы есебінен препарат ұзақ уақыт әсер етеді.
Йод поливинилпирролидонмен кешенде жергілікті тітіркендіргішітігін елеулі жоғалтады және сондықтан шырышты қабыққа, теріге және жарақатты беткейлерге жаққанда жағымды, жақсы әсер береді.
Қолданылуы
Жедел және созылмалы қынаптық жұқпаларда, аралас жұқпаларда:
- спецификалық емес жұқпаларда (бактериялық вагинозда, Gardnerella vaginalis), антибиотиктермен және стероидты препараттармен ем салдарынан болған кандидозды қоса алғандағы зеңдік жұқпаларда (Candida albicans)
- генитальді герпесте
- трихомониазда (қажет болған жағдайда жүйелік біріктірілген ем жасау керек).
Қынапқа жасалатын хирургиялық операцияларға дейін және кейінгі операция алдындағы және операциядан кейінгі өңдеуде (алдын алу мақсатында), сондай-ақ акушерлік және диагностикалық емшараларда.
Қолдану тәсілі және дозалары
Қынап ішіне енгізуге арналған.
Суппозиторий қабығынан шығарылады және қынапқа терең енгізіледі. Белсенді зат әбден еруі үшін және жергілікті тітіркенуді болдырмау үшін суппозиторийді енгізер алдында ылғалдау керек.
Жедел вагинитте -1 суппозиторийден тәулігіне 2 реттен 7 күн бойы.
Жеделдеген және созылмалы вагиниттерде - 1 суппозиторийден тәулігіне 1 реттен 14 күн бойы ұйықтар алдында.
Хирургиялық араласулар мен диагностикалық емшаралар алдында– күніне 1 суппозиторийден бірнеше күн бойы.
Емдеу кезінде гигиеналық төсеуіш қолдану ұсынылады. Препаратты етеккір оралымы фазасына байланыссыз күнде қолдану керек.
Жағымсыз әсерлері
Сирек:
- псориаз сияқты қызыл майда буллезды элементтер түзілумен жүретін жанаспалы дерматит түріндегі асқын сезімталдық реакциялары
Жекелеген жағдайларда:
- қынаптық суппозиторийлерді ұзақ қолданғандағы бейім тұлғалардағы йодпен индукцияланған гипертиреоз
- артериялық қысым төмендеуімен және/немесе тыныс алудың қиындауымен (анафилактикалық реакциялар) жүретін жайылған жедел тері реакциялары
Қолдануға болмайтын жағдайлар
- йодқа және препараттың басқа компоненттеріне жоғары сезімталдықта
- гипертиреоз немесе қалқанша бездің қызметінің басқа да айқын бұзылуында
- герпес пішінді Дюринг дерматиті
- гипертиреозды емдеудегі (толық жазылғанға дейінгі) радиоактивті йод қолданғанға дейінгі және одан кейінгі күйде
- жыныстық жағынан толық жетілмеген қыз балаларға
Дәрілермен өзара әрекеттесуі
Повидон-йод пен сутегі асқын тотығын, сондай-ақ жараны өңдеуге арналған құрамында күміс және толуидин бар ферментті препараттарды, антисептикалық препараттарды бірге қолдану өзара тиімділігін төмендетуге алып келеді.
Препарат құрамында сынап, тотықтырғыштар, сілтілік тұздар және қышқыл реакциялы заттар бар зарарсыздандыратын дәрілік заттармен үйлесімсіз.
Қанда болуы бактерицидтік әсерді төмендетуі мүмкін.
Айрықша нұсқаулар
Препаратты қолдану қалқанша бездің йодты жұтуын төмендетуі мүмкін, бұл кейбір зерттеулер мен емшаралардың нәтижесіне әсер етуі мүмкін (қалқанша бездің сцинтиграфиясы, йодтың ақуызбен байланысуын анықтау, радиоактивті йод қолданумен жасалатын диагностикалық емшаралар),осыған байланысты қалқанша без ауруларын йод препараттарымен емдеуді жоспарлау мүмкіндігі болмауы мүмкін. Препарат қолдануды тоқтатқаннан кейін 1-4 аптадан кем болмайтын аралықты сақтау керек.
Препараттың тотықтырғыш әсері әртүрлі диагностикалық сынамалардың жалған-оң нәтижесіне алып келуі мүмкін (мысалы, несеп пен нәжісте толуидин және гваяк шайырын қолдану арқылы гемоглобин мен глюкозаны анықтау).
Клиникалық қалпына келетін гипертиреоз, латентті гипертиреоз және басқа да қалқанша без аурулары жағдайында (әсіресе егделерде) препаратты тек дәрігер бақылауымен ғана қолдану керек.
Жыныстық жұп жұқпаланған жағдайда және қайта жұқпалану мүмкіндігін жоққа шығару үшін екі жұпты да бір уақытта емдеу міндетті болып табылады. Жоғары сезімталдықтың бірінші белгілері білінісімен препаратты қолдануды тоқтату керек.
Препарат тоқыма немесе басқа да материалдардан жылы сабынды сумен жеңіл тазаланады. Тазалануы қиын дақты аммиак ерітіндісімен немесе натрий тиосульфатымен өңдеу керек.
Жүктілік және бала емізу
Йод плацентарлық кедергі арқылы енеді және омырау сүтімен бөлінеді. Препаратты жүктілік кезінде қолдану ұрықта және жаңа туған нәрестеде транзиторлы гипотериоз дамуын туындатуы мүмкін.
Екі айдан жоғары жүктілік мерзімінде , сондай-ақ бала емізу кезеңінде препаратты тек қатаң көрсетілімдермен ғана қолдануға болады, ана мен баланың қалқанша без қызметін мұқият бақылауды талап етеді.
Бұл жағдайларда препаратты тек қысқа мерзімге ғана қабылдау мүмкіндігі бар.
Препаратты жүктіліктің екінші триместрінен бастап қолдануға болмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препаратты қолдану автокөлік және қауіптілігі зор механизмдерді жүргізу қабілетіне әсер етпейді.
Артық дозаланғанда
Жедел йодты уыттанудың симптомдары төмендегідей: ауыздағы дәмнің темір татуы, сілекейдің бөлінуінің ұлғаюы, ауызда немесе жұтқыншақта күйдіру немесе ауыру сезімдері; көздің тітіркенуі және ісінуі, тері реакциялары; асқазан-ішек бұзылулары және диарея, бүйрек қызметі бұзылулары және анурия; қан айналымының жеткіліксіздігі; салдарлы асфиксиялы көмей ісінуі, өкпе ісінуі, метаболикалық ацидоз, гипернатриемия.
Емдеу: бүйрек және қалқанша без қызметіне, электролиттік балансқа ерекше бақылауымен демеуші және симптоматикалық ем. Қан сарысуындағы йодтың уыттылық концентрациясын перитонеальді диализбен немесе гемодиализбен тиімді төмендетуге болады. Одан басқа, қалқанша без қызметін мұқият клиникалық бақылау йодтан туындаған гипертиреозды ерте анықтауға немесе бар-жоғын анықтау үшін жүргізілуі тиіс.
Ішке қабылдағаннан кейінгі уыттану: құрамында крахмал немесе ақуыз бар тамақ өнімін дереу енгізу (мысалы, крахмалдың судағы немесе сүттегі ерітіндісі). Асқазанды қажетіне қарай үш сағаттық аралықпен тиосульфат натрийдің 5%-ерітіндісімен шаю (тиосульфат натрийдің 10 мл 10%-ерітіндісін көктамыр ішіне енгізу).
Шығарылу түрі және қаптамасы
Поливинилхлоридті/полиэтиленді үлбірден жасалған пішінді ұяшықты қаптамада 7 суппозиторийден.
2 пішінді ұяшықты қаптама қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Құрғақ, жарықтан қорғалған жерде, 15 0С-ден 250С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін пайдалануға болмайды.
Дәріханадан босатылу шарттары
Рецептісіз
Өндіруші
ФАРМАПРИМ ЖШС,
MD-2028, Молдова Республикасы,
Кишинэу қ., Г. Тудор к., 3
Тіркеу куәлігінің иесінің атауы мен елі
ФАРМАПРИМ ЖШС, Молдова Республикасы
Қаптаушы ұйымның елі мен атауы
ФАРМАПРИМ ЖШС, Молдова Республикасы
Тұтынушылардан өнім сапасына қатысты шағымдарды қабылдайтын ұйымның мекенжайы:
Алматы қ., Айнабұлақ ы/а -1, 20 үй, 67 пәтер
Телефон/факс: 252-64-13, 8-777-242-46-49
Email: tissa@indox.ru