ПИРФЕКТ

ПИРФЕКТ

Пирфенидон

Капсулалар, 267 мг

Антинеопластикалық және иммуномодуляциялайтын препараттар. Иммуносупрессанттар. Басқа иммуносупрессанттар. Пирфенидон.

АТХ коды L04AX05

- ересек пациенттерде өкпенің ауырлығы жеңіл және орташа дәрежелі идиопатиялық фиброзында

Қолдануды бастағанға дейін қажетті мәліметтер тізбесі

• әсер етуші затына немесе қосымша заттарының кез келгеніне аса жоғары сезімталдық

• анамнездегі пирфенидонды қабылдаудың нәтижесіндегі ангионевроздық ісіну

• флувоксаминмен бірге қолдану

• бауырдың ауыр жеткіліксіздігі немесе бауыр ауруының терминальді сатысы

• бүйректің ауыр жеткіліксіздігі (креатинин клиренсі <30 мл/мин) немесе бүйрек жеткіліксіздігінің диализ жүргізуді қажет ететін терминальді сатысы

• балалар мен 18 жасқа дейінгі жасөспірімдерге

Қолданған кездегі қажетті сақтандыру шаралары

Бауыр функциясы

ПИРФЕКТ препаратын қабылдап жүрген пациенттерде АЛТ және АСТ деңгейлерінің қалыптың жоғарғы шегінен (ҚЖШ) 3 еседен артыққа дейін жоғарылауы байқалуы мүмкін. Сирек жағдайларда ондай жоғарылаулар сарысудағы жалпы билирубин деңгейінің бір мезгілде жоғарылауымен қатар жүреді. Бауырдың функционалдық сынамаларын (АЛТ, АСТ және билирубин) емдеу басталғанға дейін, содан соң емдеудің алғашқы 6 айы ішінде ай сайын, және ары қарай – әр 3 ай сайын жүргізу керек. Бауыр аминотрансферазалары деңгейлері едәуір жоғарылаған жағдайда, төмендегі нұсқауларды басшылыққа ала отырып, препараттың дозасын төмендету немесе емдеуді толығымен тоқтату керек. Емдеу кезінде АСТ, АЛТ немесе билирубин деңгейінің жоғарылағаны расталған пациенттер үшін дозасын төменде көрсетілгендей түзету қажет болуы мүмкін.

АЛТ/АСТ деңгейлері жоғарылаған жағдайдағы ұсынымдар

Емдеу басталғаннан кейін аминотрансферазалар деңгейлері ҚЖШ >3х еседен артық және ≤5 еседен аз шектерде жоғарылаған жағдайда, бірге қабылданып жүрген, ондай жоғарылауына ықпал ететін препараттарды тоқтатып, болуы мүмкін басқа себептерін анықтау және пациентті мұқият қадағалауды бастау қажет. Клиникалық көрсетілімдері болған жағдайда, пирфенидонның дозасын төмендетуге немесе тоқтатуға болады. «Бауыр» ферменттері қалыпқа түскеннен кейін, жақпаушылығы болмаған жағдайда, препараттың дозасын біртіндеп, ұсынылған тәуліктік деңгейіне дейін арттыруға болады.

Аминотрансферазалар деңгейлері ҚЖШ ≤5 есе немесе одан аз жоғарылаған жағдайда, гипербилирубинемия симптомдарымен қатар жүреді, препаратты қабылдауды тоқтату керек.

Егер пациентте аминотрансферазалар деңгейлерінің ҚЖШ >5 еседен артық жоғарылағаны байқалса, препаратты қабылдауды тоқтату керек.

Бауыр жеткіліксіздігі

Бауырдың ауырлығы орташа дәрежелі жеткіліксіздігі (Чайлд-Пью бойынша B класы) бар пациенттерде, пирфенидонның жүйелі әсері 60%-ға жоғарылайды. Препаратты бауырдың ауырлығы жеңіл және орташа жеткіліксіздігі (Чайлд-Пью бойынша А және B кластары) бұрыннан бар пациенттерде сақтықпен қолдану керек. Ондай пациенттерде, әсіресе, егер пациенттер CYP1A2 тежегішін бір мезгілде қабылдап жүрсе, уытты реакциялардың дамуын мұқият қадағалау қажет. Бауырдың ауыр жеткіліксіздігі бар пациенттерде препараттың қауіпсіздігін зерттеу жүргізілмеген, сондықтан ондай пациенттерге ПИРФЕКТ препаратын тағайындауға болмайды.

Фотосенсибилизация реакциясы және бөртпе

ПИРФЕКТ препаратымен емдеу кезінде тікелей түсетін күн сәулесінің (күн сәулесі шамдарын қоса) әсерінен қорғану немесе әсеріне аз ұшырау керек. Пациенттерге күннен қорғайтын құралдарды күнделікті пайдалануға, күннің әсерінен қорғайтын киім киюге, және фотосенсибилизация реакциясын туғызуға қабілетті басқа дәрілік препараттарды қабылдамауға кеңес беру керек. Пациенттер фотосенсибилизация реакциясы немесе бөртпе симптомдары туралы өзінің емдеуші дәрігеріне хабарлау қажеттігінен хабардар болуы тиіс. Фотосенсибилизацияның ауыр реакциялары жиі байқалмайды. орташа Фотосенсибилизация реакциясы немесе ауырлық дәрежесі жеңіл немесе орташа бөртпе дамыған жағдайда, дозасын төмендету немесе емді уақытша тоқтата тұру қажеттілігі туындауы мүмкін.

Терінің ауыр реакциялары

Пирфенидонмен емдеу кезінде өмірге қауіп төндіретін және ықтимал өлімге әкелетін Стивенс-Джонсон синдромы (СДС) және уытты эпидермальды некролиз (УЭН) туралы маркетингтен кейінгі кезеңде хабарланды.

Егер осы реакцияларды көрсететін симптомдар пайда болса, пирфенидонды қабылдауды дереу тоқтату керек. Егер пациентте пирфенидонды қолдану кезінде СДС немесе УЭН дамыса, пирфенидонмен емдеуді қайта бастауға болмайды және оны біржола тоқтату керек.

Ангионевроздық ісіну

Пирфенидон препаратын қабылдағанда беттің, еріннің және/немесе тілдің ісінуін қоса, ангионевроздық ісіну (кейде ауыр дәрежелі) дамуы, ол тыныстың тарылуымен немесе сырылдап дем алумен қатар жүруі мүмкін. Сондықтан, препаратты қабылдағаннан кейін ангионевроздық ісінудің немесе жедел аллергиялық реакцияның белгілері немесе симптомдары дамыған пациенттер емделуді дереу тоқтатуы тиіс. Ангионевроздық ісіну симптомдарын басу медициналық көмек көрсету стандарттарына сәйкес жүргізіледі. Анамнезінде пирфенидонды қабылдаудан туындаған ангионевроздық ісіну болған пациенттерге ПИРФЕКТ препаратын тағайындамайды.

Бас айналуы

Пирфенидон қабылдап жүрген пациенттер, зейін қоюды немесе қимыл-қозғалыс үйлесімін қажет ететін әрекеттерге кірісердің алдында препаратқа бас айналу реакциясының болатындығын есте ұстауы тиіс. Көп жағдайда бас айналуы орташа алғанда 22 күн ішінде басылған. Егер бас айналуы басылмаса немесе оның симптомдары ушығып кетсе, дозасын емдеудің тоқтатылуына дейін төмендету қажет болуы мүмкін.

Қажу

Зейін қоюды немесе қимыл-қозғалыс үйлесімін қажет ететін әрекеттерді атқармас бұрын, пациенттер осы дәрілік затқа қалай реакция беретіндігін есте сақтау керек.

Салмақ жоғалту

Пациенттің салмағын қадағалау және, қажет болса, егер салмақ жоғалтылуы елеулі болса, рационының калориялылығын арттыру керек.

Гипонатриемия

Пирфенидон қабылдаған емделушілерде гипонатриемия жағдайлары хабарланған («Жағымсыз әсерлері» бөлімін қараңыз). Симптом ретінде гипонатриемия ілеспелі және жасырын аурулардың болуымен жасырын болуы мүмкін және тиісті зертханалық көрсеткіштерді, әсіресе жүрек айнуы, бас ауруы немесе бас айналу сияқты белгілер мен симптомдар болған жағдайда жүйелі түрде тексеріп отыру ұсынылады.

Басқа дәрілік препараттармен өзара әрекеттесуі

Шамамен 70–80% пирфенидон CYP1A2 цитохромы, азғантай дәрежеде CYP2C9, 2C19, 2D6 және 2E1 сияқты CYP цитохром жүйесінің басқа изоферменттері арқылы метаболизденеді.

Грейпфрут шырынын қабылдау CYP1A2 белсенділігін тежеуі мүмкін. Сондықтан, пирфенидонмен емделу кезінде ас мәзірінен грейпфрут шырынын алып тастау керек.

Флувоксамин және CYP1A2 тежегіштері

Пирфенидон мен флувоксаминді (CYP1A2 күшті тежегіші, сонымен қатар CYP басқа изоферменттеріне (CYP2C9, 2C19 и 2D6) тежегіш әсері бар) бірге қабылдау шылым шекпейтін пациенттерде пирфенидон әсерінің 4 есе жоғарылауына алып келеді.

Пирфенидонды флувоксаминмен бірге қабылдауға болмайды. Емдеуді бастар алдында флувоксаминді қабылдауды тоқтату және емдеу кезінде флувоксаминді пайдаланбау қажет. Сонымен қатар, емдеу кезінде CYP1A2 және пирфенидон метаболизміне қатысатын CYP бір немесе бірнеше басқа изоферменттерін (мысалы, CYP2C9, 2C19 және 2D6) де тежейтін басқа препараттарды қабылдамаған дұрыс.

In vitro - in vivo экстраполяциялау, CYP1A2 күшті және селективті тежегіштері (мысалы, эноксацин) пирфенидонның жүйелі әсер ету деңгейін шамамен 2-4 есе арттыруға қабілетті екендігін көрсетіп отыр. Егер пирфенидонды CYP1A2 күшті және селективті тежегішімен бірге қабылдамауға болмайтын болса, ПИРФЕКТ препаратының дозасын тәулігіне 801 мг (267 мг бір капсула тәулігіне үш рет) дейін төмендету керек. Пациенттерде пирфенидонмен емдеумен байланысты жағымсыз реакциялардың дамуын мұқият бақылау қажет. Қажет болған жағдайда, препаратты қабылдауды тоқтату керек.

Пирфенидон мен ципрофлоксацинді (CYP1A2 орташа тежегіші) бірге қабылдау пирфенидонның жүйелі әсерін 81 %-ға арттырады. Егер ципрофлоксацинді тәулігіне екі рет 750 мг дозада қабылдау қажет болса, пирфенидонның дозасын тәулігіне 1602 мг (тәулігіне үш рет екі капсулаға) дейін төмендету керек. Егер тәулігіне бір-екі рет 250 мг немесе 500 мг дозадағы ципрофлоксацин бір мезгілде қабылданып жүрсе, ПИРФЕКТ препаратын сақ болып тағайындау керек.

CYP1A2 басқа орташа тежегіштерін (мысалы, амиодарон, пропафенон) қабылдап жүрген пациенттерде ПИРФЕКТ препаратын сақтықпен пайдалану керек. Сонымен қатар, егер CYP1A2 тежегіштері CYP2C9 (мысалы, амиодарон, флуконазол), 2C19 (мысалы, хлорамфеникол) және 2D6 (мысалы, флуксетин, пароксетин) қоса, пирфенидон метаболизміне қатысатын CYP басқа изоферменттерінің біреуінің немесе бірнешеуінің күшті тежегіштерімен бірге пайдаланылып жүрсе, ерекше сақтық таныту қажет.

Шылым шегу және CYP1A2 индукторлары

Шылым шегу бауыр ферменттерінің синтезін индукциялауға, сол арқылы препараттың клиренсін арттыруға және оның жүйелі экспозициясын азайтуға қабілетті. Шылым шегу мен ықтимал CYP1A2 индукциясы арасындағы өзара байланыстылықты ескерсек, емдеу кезінде шылым шегуді қоса, CYP1A2 күшті индукторларын бірге қолданбаған дұрыс. Пациенттерге емдеуді бастар алдында, сондай-ақ, емдеу кезінде CYP1A2 күшті индукторларын қабылдауды тоқтатуға және шылым шегуден бас тартуға қатаң түрде кеңес беру керек.

CYP1A2 орташа индукторларын (мысалы, омепразол) бірге қабылдау, теориялық тұрғыдан пирфенидонның плазмадағы деңгейінің төмендеуіне алып келуі мүмкін.

ПИРФЕКТ препаратын CYP1A2 күшті индукторлары ретінде әсер ететін дәрілік препараттармен бірге және пирфенидон метаболизміне қатысатын басқа CYP изоферменттерін (мысалы, рифампицинді) қабылдау, пирфенидонның плазмадағы деңгейінің едәуір төмендеуіне алып келуі мүмкін. Мүмкіндігінше, ондай препараттарды ПИРФЕКТ препаратымен бірге пайдаланбаған дұрыс.

Арнайы ескертулер

Педиатрияда қолдану

Пирфенидонның балаларда ӨИФ емдеу үшін қолданылғаны туралы деректер жоқ.

Егде жастағы пациенттер

65 жас шамасындағы және одан үлкен пациенттер үшін дозасын түзету қажет емес.

Жүктілік немесе лактация кезінде

Жүктілік

Пирфенидонды жүкті әйелдерде қолданылғаны жөнінде деректер жоқ

Жануарларда пирфенидонның және/немесе оның метаболиттерінің плацента арқылы өтіп, пирфенидонның және/немесе оның метаболиттерінің қағанақ сұйықтығында жинақталу ықтималдығы орын алады.

Препараттың жоғары (тәулігіне ≥1000 мг / кг) дозаларын енгізу егеуқұйрықтарда буаздық мерзімінің ұзарғаны және шаранасының тіршілікке қабілеттілігі төмендегені білінді.

Сақтық шарасы ретінде, пирфенидонды жүктілік кезінде пайдаланбаған дұрыс

Бала емізу

Пирфенидонның немесе оның метаболиттерінің емшек сүтімен бөлініп шығатын-шықпайтындығы белгісіз. Бала емізуді тоқтату немесе ПИРФЕКТ препаратын тағайындау туралы шешім емшек емудің бала үшін артықшылықтарын және препаратпен емделудің анасы үшін пайдасын ескере отырып қабылдануы тиіс.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ПИРФЕКТ бас айналуы мен қажуды туғызуы және механизмдерді жүргізу және пайдалану қабілетіне ықпал етуі мүмкін. Аталған симптомдар дамыған жағдайда, пациенттер сақтық танытуы және көлік құралдарын немесе қауіптілігі зор механизмдерді басқарудан бас тартуы керек.

Қолдану жөніндегі нұсқаулар

ПИРФЕКТ препаратымен емдеу ӨИФ диагностикасы мен емдеуде тәжірибесі бар дәрігердің қадағалауымен жүргізілуі тиіс.

Дозалануы

Ересектер

Емдеу басталғаннан кейін дозасын келесі ретпен біртіндеп, ұсынылған, 14 күн бойы тәулігіне тоғыз капсула дозасына дейін жоғарылату керек:

• 1-7 күндері: бір капсуладан тәулігіне үш рет (тәулігіне 801 мг)

• 8-14 күндері: екі капсуладан тәулігіне үш рет (тәулігіне 1602 мг)

• 15-інші күннен бастап: үш капсуладан тәулігіне үш рет (тәулігіне 2403 мг)

ӨИФ бар пациенттерде ПИРФЕКТ препаратының ұсынылатын тәуліктік демеуші дозасы: тәулігіне үш капсуладан (267 мг) ас ішумен бірге, яғни, тәулігіне барлығы 2403 мг.

Тәуліктік дозасын тәулігіне 2403 мг асыру ұсынылмайды.

ПИРФЕКТ препаратымен емделуді қатарынан 14 немесе одан да көп күн өткізіп алған пациенттер, емделуді бастапқы 2 апталық, ұсынылған тәуліктік дозасына дейін титрлеуден қайта бастауы тиіс.

Егер препаратты қабылдаудағы үзіліс қатарынан 14 күннен азды құраса, дозаларын қабылдауды титрлеусіз, препаратты жоғарыда көрсетілген ұсынылған тәуліктік дозасында қабылдаудан қайта бастауға болады.

Пациенттердің ерекше топтары

Асқазан-ішек жолы (АІЖ) тарапынан бұзылулар: АІЖ тарапынан жағымсыз әсерлердің себебінен ем жақпайтын пациенттерге, препаратты тамақпен бірге қабылдау қажеттігін еске салу керек. Егер симптомдары сақталып қалса, ПИРФЕКТ препаратының дозасын тамақпен бірге тәулігіне 267-534 мг 2-3 рет 1-2 капсулаға дейін төмендетіп, ары қарай жақпаушылығы болмаса, дозасын ұсынылған деңгейге дейін жоғарылатуға болады. Егер симптомдары бұдан кейін де сақталса, симптомдар жойылуы үшін, пациенттерге емделуді 1-2 аптаға үзе тұруға кеңес беруге болады.

Фотосенсибилизация реакциясы немесе бөртпе: фотосезімталдықтың жеңіл және орташа реакциялары немесе бөртпесі бар пациенттерге күннен қорғайтын құралдарды пайдалану және күн астында болудан сақтану қажеттілігі туралы еске салу керек. ПИРФЕКТ препаратының дозасын тәулігіне 801 мг дейін қысқартуға болады (күніне үш рет 1 капсуладан). Егер 7 күннен соң бөртпе басылмаса, препаратты қабылдауды 15 күнге үзе тұру керек, содан кейін пациентке емдеуді басындағыдай, дозасын ұсынылған деңгейге дейін біртіндеп арттыру курсынан қайта өту қажет болады. Пациенттерге, фотосенсибилизация реакциясы немесе бөртпе дамыған жағдайда, препаратты қабылдауды тоқтатуға және медициналық көмекке жүгінуге кеңес беру керек. Бөртпе басылғаннан кейін, препаратты қабылдауды қайта бастауға және дозасын емдеуші дәрігердің шешімі бойынша, ұсынылған деңгейіне дейін арттыруға болады.

Бауыр тарапынан бұзылу: билирубиннің жоғарылауымен немесе жоғарылауынсыз, аланин және/немесе аспартатаминотрансфераза (AЛT/AСT) едәуір жоғарылаған жағдайда, 4.4 бөлімде атап келтірілген ұсынымдарға сәйкес, пирфенидонның дозасын түзету немесе емдеуді тоқтату керек.

Егде жастағы адамдар

65 жас шамасындағы және одан үлкен пациенттер үшін дозасын түзету қажет емес.

Бауыр жеткіліксіздігі

Бауырдың ауырлығы жеңіл және орташа дәрежелі жеткіліксіздігі (Чайлд-Пью жіктемесі бойынша А және B кластары) бар пациенттер үшін препараттың дозасын түзету қажет емес. Алайда, бауырдың ауырлығы жеңіл/орташа дәрежелі жеткіліксіздігі бар кейбір пациенттерде пирфенидонның плазмадағы деңгейі жоғарылауы мүмкіндігі фактісін ескерсек, ондай пациенттерді емдегенде сақтық таныту керек.

Препаратты бауырдың ауыр жеткіліксіздігі немесе бауыр ауруының терминальді сатысы бар пациенттерге тағайындамайды.

Бүйрек жеткіліксіздігі

Бүйректің ауырлығы жеңіл және орташа дәрежелі жеткіліксіздігімен пациенттер үшін препараттың дозасын түзету қажет емес. Бүйректің орташа жеткіліксіздігімен (КК 30-50 мл/мин) пациенттерге препаратты сақтықпен тағайындау керек. ПИРФЕКТ препаратын бүйректің ауыр жеткіліксіздігі бар (креатинин клиренсі < 30 мл/мин) немесе бүйрек ауруының диализді қажет ететін терминальді сатысындағы пациенттерге тағайындауға болмайды.

Балалар

Пирфенидонның балаларда ӨИФ емдеу үшін қолданылғаны туралы деректер жоқ.

Енгізу әдісі мен жолы

Препарат пероральді қолданылады.

Жүрек айнуы мен бас айналуының пайда болуы ықтималдығын азайту үшін, капсуланы тұтастай жұтып, су немесе тамақ ішумен бірге қабылдау қажет.

Артық дозаланған жағдайда қабылдануы тиіс шаралар

Артық дозалануына күдіктенген жағдайда, өмірлік маңызы бар функцияларды мониторингілеуді және пациенттің клиникалық жай-күйін мұқият қадағалауды қоса, медициналық демеуші көмек көрсету керек.

Дәрілік препаратты қолдану тәсілін түсіну үшін медицина қызметкерінен кеңес алу жөніндегі ұсынымдар

Препаратты қолдануды дәрігердің тағайындауымен жүзеге асыру қажет

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Өте жиі

• жоғарғы тыныс жолдарының инфекциясы

• салмақ төмендеуі, тәбеттің төмендеуі

• ұйқысыздық

• бас ауыруы, бас айналуы

• ентігу, жөтел

• диспепсия, жүрек айнуы, диарея, гастроэзофагеальді рефлюкс ауруы, құсу, іштің қатуы

• бөртпе

• артралгия

• әлсіздік

Жиі

• несеп шығару жолдарының инфекциясы

• ұйқышылдық, дисгевзия

• қан кернеулері

• қарқынды жөтел

• іштің кебуі, іштегі жайсыз сезімдер, іш ауыруы, іштің жоғарғы бөлігінің ауыруы, асқазанның тітіркенуі, гастрит, метеоризм

• АЛТ, АСТ, гамма-глутамилтрансфераза деңгейлерінің жоғарылауы

• фотосенсибилизация реакциясы, қышыну, эритема, терінің құрғауы, эритемалық бөртпе, макулалық бөртпе, қышынумен жүретін бөртпе

• миалгия

• астения, кеудедегі кардиальді емес ауыру

• күнге күю

Жиі емес

• гипонатриемия

Сирек

• ангионевроздық ісіну

Өте сирек

• агранулоцитоз

• АЛТ және АСТ деңгейлерінің жоғарылауымен бірге сарысудағы жалпы билирубин деңгейлерінің жоғарылауы, дәріден туындаған бауыр жарақаты

Белгісіз

• анафлаксия

• Стивенс-Джонсон синдромы; токсикалық эпидермальді некролиз

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында:

белсенді зат – 267 мг пирфенидон,

қосымша заттар: Сусыз кальций гидрофосфаты, натрий кроскармеллозасы (AC-DI-SOL), магний стеараты

Корпусы

Титанның қостотығы (Е 171)

Желатин

Қақпақшасы

Титанның қостотығы (Е 171)

Желатин

Сыртқы түрінің, иісінің, дәмінің сипаттамасы

Өлшемі №1, корпусы мен қақпақшасы ақ түсті, қатты желатинді капсулалар.

Капсуланың ішіндегісі – ақтан ақшылдау түске дейінгі ұнтақ.

Шығарылу түрі және қаптамасы

Мөлдір ПВХ/ПЭ/ПВДХ үлбірден және баспалы алюминий фольгадан жасалған пішінді ұяшықты қаптамаға 10 немесе 15 капсуладан салынған.

Пішінді ұяшықты 9 (10 капсула үшін) немесе 6 (15 капсула үшін) қаптама медициналық қолдану жөніндегі қазақ және орыс тілдеріндегі нұсқаулықпен бірге, өндіруші фирманың голограммасы бар картон қорапшаға салынады.

2 жыл

Жарамдылық мерзімі өткеннен кейін қолдануға болмайды.

Құрғақ жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

«Нобел Алматы Фармацевтикалық Фабрикасы» АҚ

Қазақстан Республикасы,

Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта nobel@nobel.kz

Тіркеу куәлігінің ұстаушысы

«Нобел Алматы Фармацевтикалық Фабрикасы» АҚ

Қазақстан Республикасы,

Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта nobel@nobel.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы Фармацевтикалық Фабрикасы» АҚ

Қазақстан Республикасы,

Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта nobel@nobel.kz