Пирантел (250мг/5мл)

• русский
• қазақша

• Скачать инструкцию медикамента

Саудалық атауы

Пирантел

Халықаралық патенттелмеген атауы

Пирантел

Дәрілік түрі

Ішуге арналған суспензия, 250 мг/5 мл

Құрамы

1 мл суспензияның құрамында

белсенді зат – 50.000 мг пирантел

(144.000 мг пирантел эмбонаты түрінде),

қосымша заттар: натрий бензоаты, карбоксилденген метилцеллюлозаның натрий тұзы, 70 % сорбитол, глицерин, магний-алюминий силикаты, полисорбат-80, повидон, симетикон эмульсия, лимон қышқылының моногидраты, натрий гидроксиді, өрік хош иістендіргіші, тазартылған су.

Сипаттамасы

Өзіне тән иісі бар, ашық-сары түсті суспензия.

Сұйық қабат пен шөгіндіге бөлінуіне жол беріледі, оны шайқағаннан кейін біртекті суспензияға айналады.

Фармакотерапиялық тобы

Гельминтке қарсы препараттар. Тетрагидропиримидин туындылары. Пирантел.

АТХ коды Р02 СС 01

Фармакологиялық қасиеттері

Фармакокинетикасы

Пирантел эмбонаты – суда іс жүзінде ерімейді және ас қорыту жолынан аздаған дәрежеде сіңеді, дене салмағының әр кг 10 мг бір реттік дозасын қабылдағаннан кейін қан плазмасындағы препараттың концентрациясы 1-3 сағат ішінде 0,005- 0,13 мкг\мл құрайды.

Шамамен 7% өзгермеген түрде несеппен (0,2-1,6%) және ішінара метаболиттер түрінде (0,8-5,6%) шығарылады. Бауырда метаболизденеді, негізгі метаболиті N-метил-1,3-пропанодиамин болып табылады. Препаратты ішу арқылы қабылдағаннан кейін шамамен 93% өзгермеген түрде ішек арқылы шығарылады.

Фармакодинамикасы

Пирантел ішектің жұмыр құрттарын жұқтырғанда гельминтке қарсы тиімді препарат болып табылады. Олардың жүйке-бұлшықеттік деполяризациялау және холинэcтераза әсерін бөгеу арқылы ішек нематодтарының бұлшықеттеріне әсер етеді. Жылжымайтын паразиттер ішектен перистальтикалық қимылдар әсерінен шығарылады. Гельминттердің жылжуын тудырмайды, тітіркендіруші әсері жоқ. Паразиттердің жетілген түрлеріне, сондай-ақ дамуының ерте сатыларындағыларға әсер етеді және балаңқұрттарға олар тіндердегі көшірулеріне әсер етпейді. Препаратты ең алдымен острицаларды (Enterobius vermicularis) және аскаридаларды (Ascaris lumbricoides) жұқтырғанда қолданады.

Анкилостома жұқтырылғанда қолдануға болады; некаторозды емдеуге қарағанда анкилостомидозды емдегенде тиімді әсер етеді.

Қолданылуы

- энтеробиозда

- аскаридозда

- анкилостомозда

- некаторозда

Қолдану тәсілі және дозалары

Ішке тамақтану кезінде немесе одан кейін.

Тамақтану кезінде немесе одан кейін ішуге арналған.

Энтеробиозда және аскаридозда (сондай-ақ осы паразиттермен аралас инвазияларда): ересектер мен балаларға - дене салмағының әр кг 10 мг есебінен, бір рет.

Пациенттің жасына және дене салмағына байланысты мынадай дозалар қолданылады:

Аскаридозда

Дене салмағының әр 1 кг 5 мг Пирантелді бір рет.

Анкилостомозда емдеу ұзағырақ:

3 күн бойы тәулігіне дене салмағының әр кг 10 мг немесе 2 күн бойы тәулігіне дене салмағының әр кг 20 мг бір рет.

5 мл суспензияда (1 өлшем) - 250 мг пирантел бар.

Қабылдар алдында бір текті жүзінді алғанға дейін сілку керек.

Іш жүргізетін дәрілерді қабылдау қажет емес.

Энтерoбиозда отбасының барлық мүшелері ем қабылдауы керек.

Қолданғаннан кейін 14 күннен соң паразитологиялық бақылау зерттеулерін жүргізу міндетті.

Жағымсыз әсерлері

Препарат әдетте жақсы көтерімді.

Сирек (>1/10 000, <1/1 000)

- тәбеттің бұзылуы, жүрек айнуы, құсу, іштің ауыруы, диарея

- бас ауыру, бас айналу, ұйқышылдық, ұйқысыздық

- тері бөртпесі

- астения, бауыр энзимдері концентрациясының артуы

Бірлі-жарым жағдайларда

- тенезмалар, бағдарсыздықпен елестеулер, парестезия, қызба, естудің бұзылуы

Қолдануға болмайтын жағдайлар

- препарат компоненттеріне жоғары сезімталдық

- бір мезгілде пиперазинді қабылдау

- миастения (емдеу кезеңінде).

Дәрілермен өзара әрекеттесуі

Қан плазмасында теофиллин концентрациясын жоғарылатуы мүмкін.

Пирантел пиперазинмен бір мезгілде қолданылмауы тиіс, өйткені бұл препараттар антагонистер болып табылады.

Айрықша нұсқаулар

2 жасқа дейінгі балаларға, әлсіреген науқастарға, сондай ақ бауыр функциясы бұзылған жағдайда (аспартаттрансaминаза деңгейінің уақытша артуын туындатады) сақтықпен қабылдау керек.

Энтеробиозды емдегенде бірге тұратын адамдардың барлығы бір мезгілде емделулері тиіс. Гигиенаны мұқият қадағалау (тұрғын үй жайларды жинау және гельминттер жұмыртқаларын кетіру үшін киімдерді тазалау) инфекцияны қайта жұқтырудың профилактикасы болып саналады.

Препарат құрамында сорбит ерітінісі болғандықтан, оны сирек тұқым қуалайтын фруктоза жақпаушылығы бар пациенттерге тағайындалмау керек. Препарат жеңіл іш жүргізетін әсер беруі мүмкін.

Жүктілік және лактация кезеңі

Жануарларға жүргізілген зерттеулерде пирантелдің ұрыққа жағымсыз әсер етуі айқындалмаған. Алайда, пирантелді жүктілік кезінде қолдануға бақыланатын зерттеулер жүргізілмеуі салдарынан, препаратты жүкті әйелдерге, анаға болжамды пайдасы ұрыққа төнетін ықтимал қауіптен асып түсетін болғанда ғана, тағайындауға болады.

Пирантелді бала емізетін әйелдерге қолдану жөніндегі деректер жоқ.

Пирантелді бала емізетін әйелдерге тағайындау ұсынылмайды.

Препаратты лактация кезеңінде қолдану қажет болғанда, емшекпен қоректендіруді тоқтату туралы мәселені шешіп алған жөн.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Көлік құралдарын жүргізу және механикалық жабдықтармен қызмет көрсету қабілетіне препараттың әсер етуіне зерттеу жүргізілмеген.

Артық дозалануы

Симптомдары: көрудің бұзылуы, бағдарсыздық, бас айналуы, жатқан немесе отырған қалыптан тұрғанда естен тану немесе бас айналу сезімі, қатты тершеңдік, бұрын байқалмаған шаршағыштық немесе әлсіздік сезімі, тамырдың тұрақты соқпауы, бұлшықеттің түйілуі, тремор және әлсіздік, жүдеу, асфиксия (тыныс алудың қиындауы, естен тану).

Емі: арнайы у қайтарғысы жоқ. Артық дозаланған жағдайда симптоматикалық және демеуші шаралар қабылдау қажет: асқазанды шаю, іш жүргізетін дәрілерді қолдану, тыныс жолдары өткізгіштігін қамтамасыз ету және тыныс алуды қолдау, артериялық қысым деңгейін демеу.

Шығарылу түрі

15 мл препараттан полиэтиленнен жасалған қақпағы бар қызғылт сары шыны құтыға салынған.

Шкалаға бөлінген өлшемі бар 1 құты қолданылуы жөніндегі мемлекеттік және орыс тіліндегі нұсқаулықпен бірге картон қорапқа салынады.

Сақтау шарттары

25°С-ден аспайтын температурада сақтау керек. Жарықтан қорғау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптаманы алғаш ашқаннан кейін сақтау мерзімі – 21 күн.

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші ұйымның атауы мен елі

Медана Фарма АҚ                                                                    

98-200 Серадз, В. Локетка к-сі, 10, Польша

Тіркеу куәлігінің иесі

«Химфарм» АҚ, Қазақстан Республикасы

Қаптаушы ұйымның атауы мен елі

«Медана Фарма» АҚ, Польша                                                                    

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Химфарм» АҚ, Шымкент қ., Қазақстан Республикасы,

Рашидов к-сі, 81

Телефон нөмірі 7252 (561342)

Факс нөмірі 7252 (561342)

Электронды поштасы infomed@santo.kz