Пиперациллин и Тазобактам

Пиперабактам

Жоқ

Инъекция үшін ерітінді дайындауға арналған ұнтақ 4.5 г

Препараттың 1 құтысының ішінде:

белсенді заттар: натрий пиперациллині және натрий тазобактамы стерильді қоспасы (8 : 1) (пиперациллинге және тазобактамға баламалы) – 4.746 г (4,0 г және 0,5 г).

Ақ немесе ақ дерлік түсті кристалды ұнтақ.

Жүйелі қолдануға арналған инфекцияға қарсы препараттар.

Жүйелі қолдануға арналған бактерияға қарсы дәрілер.

Бактерияға қарсы бета-лактамды препараттар, пенициллиндер.

Бета-лактамаза тежегіштерімен біріктірілген пенициллиндер.

Пиперациллин және бета-лактамаза тежегіші.

АТХ коды J01C R05

Фармакокинетикасы

Сіңуі.

Пиперациллиннің және тазобактамның плазмадағы тепе-тең күйдегі концентрациясының орташа мәндері 1-2 кестелерде көрсетілген. Пиперациллин және тазобактам плазмадағы ең жоғарғы концентрацияларына вена ішіне енгізу аяқталғаннан кейін дереу жетеді.

1-кесте

Пиперациллинді және тазобактамды вена ішіне бес минуттық енгізуден кейін ересектерде плазмадағы тепе-тең концентрация деңгейлері.

Пиперациллиннің плазмадағы концентрация деңгейлері (мкг/мл)

Тазобактамның плазмадағы концентрация деңгейлері (мкг/мл)

** 5 минуттық енгізудің аяқталуы

2-кесте

Пиперациллин/тазобактамды вена ішіне отыз минуттық енгізуден кейін ересектерде плазмадағы тепе-тең концентрация деңгейлері.

Пиперациллиннің плазмадағы концентрация деңгейлері (мкг/мл)

Тазобактамның плазмадағы концентрация деңгейлері (мкг/мл)

** 30 минуттық енгізудің аяқталуы

Таралуы.

Пиперациллиннің де, тазобактамның да ақуыздармен байланысуы шамамен 30% құрайды, мұндайда тазобактамның бар болуы пиперациллиннің байланысуына, ал пиперациллиннің бар болуы – тазобактамның байланысуына ықпал етпейді.

Пиперациллин және тазобактам организмнің тіндері мен сұйықтықтарында, оның ішінде, асқазан-ішек жолының шырышты қабығында, өт қалтасында, өкпеде, өтте және сүйектерде кеңінен таралады.

Метаболизмі.

Метаболизмнің нәтижесінде пиперациллин белсенділігі төмен дезэтил туындысына; тазобактам – белсенді емес метаболитке айналады.

Шығарылуы.

Пиперациллин мен тазобактам шумақтық сүзілу және өзекшелік сөлініс арқылы бүйрекпен шығарылады. Пиперациллин өзгермеген күйде жылдам шығарылады, енгізілген дозаның 68%-ы несеппен шығарылады, Тазобактам мен оның метаболиттері бүйрек арқылы жылдам шығарылады. енгізілген дозаның 80%-ы өзгермеген күйде, ал қалған бөлігі – жеке метаболит ретінде шығарылады. Пиперациллин, тазобактам және дезэтилпиперациллин де өтпен шығарылады.

Вена ішіне енгізген кезде пиперациллин мен тазобактамның жартылай шығарылу кезеңі дозаға және құю ұзақтығына байланыссыз 0,7-ден 1,2 сағатқа дейінді құрайды. Пиперациллин мен тазобактамның жартылай шығарылу кезеңі креатинин клиренсі азайған кезде артады. Креатинин клиренсі 20 мл/мин төмен болғанда жартылай шығарылу кезеңі бүйрек функциясы қалыпты пациенттермен салыстырғанда пиперациллин үшін екі есеге және тазобактам үшін төрт есеге артады.

Гемодиализ пиперациллин мен тазобактамның 30%-дан 50%-ға дейінгісін және қосымша тазобактам метаболиті ретінде тазобактам дозасының 5%-ын шығарады. Перитонеальді диализ пиперациллин мен тазобактам дозасының тиісінше шамамен 6% және 21% шығарады, бұл ретте тазобактам дозасының 18%-ға дейінгісі тазобактам метаболиті ретінде шығарылады.

Пиперациллин мен тазобактамның жартылай шығарылу кезеңі дені саулармен салыстырғанда бауыр циррозы бар пациенттерде тиісінше шамамен 25% және 18%-ға жоғарылайды.

Фармакодинамикасы

Пиперациллин әсер ету ауқымы кең жартылай синтетикалық бактерицидті антибиотик болып табылады, көптеген грамоң және грамтеріс аэробты және анаэробты бактерияларға қатысты белсенділік көрсетеді. Пиперациллин микроорганизмнің жасуша қабырғасының жарғақшасының синтезін тежейді. Тазобактам – триазолметилпенициллан қышқылының сульфонды туындысы, көптеген бета-лактамазалардың (плазмидті және хромосомалық бета-лактамазаларды қоса) күшті тежегіші болып табылады, ол көбінесе пенициллиндерге және цефалоспориндерге, оның ішінде үшінші буындағы цефалоспориндерге төзімділік тудырады. Біріктірілген препарат құрамында тазобактамның болуы микробқа қарсы белсенділікті күшейтеді және пиперациллинге әдетте пиперациллинге және басқа бета-лактамдық антибиотиктерге төзімді бета-лактамаза бактерия-продуценттерін қосу есебінен оның әсер ету ауқымын кеңейтеді.

Грамтеріс аэробты бактерияларға қатысты белсенді:Escherichia coli, Salmonella spp., Shigella spp., Citrobacter spp. (Citrobacter freundii, Citrobacter diversus қоса), Klebsiella spp. (оның ішінде Klebsiella oxytoca, Klebsiella pneumoniae), Morganella morganii, Moraxella spp. (Moraxella catarrhalis қоса), Proteus spp. (оның ішінде Proteus mirabilis, Proteus vulgaris), Pseudomonas aeruginosa (тек қана пиперациллинге сезімтал штаммдары) және басқа Pseudomonas spp. (Burkholderia cepacia, Pseudomonas fluorescens қоса), Neisseria spp. (оның ішінде Neisseria meningitidis, Neisseria gonorrhoeae), Haemophilus spp. (Haemophilus influenzae, Haemophilus parainfluenzae қоса), Serratia spp. (Serratia marcescens, Serratia liquifaciens қоса), Pasteurella multocida, Yersinia spp., Campylobacter spp., Gardnerella vaginalis, Enterobacter spp. (Enterobacter cloacae, Enterobacter aerogenes қоса), Providencia spp, Stenotrophomonas maltophilia, Acinetobacter spp. (хромосомды бета-лактамазаны өндіретін және өндірмейтін); грамтеріс анаэробты бактерияларға қатысты: Bacteroides spp. (Bacteroides fragilis, Bacteroides disiens, Bacteroides capillosus, Bacteroides melaninogenicus, Bacteroides oralis, Bacteroides distasonis, Bacteroides uniformis, Bacteroides ovatus, Bacteroides thetaiotaomicron, Bacteroides vulgatus, Bacteroides bivius, bacteroides asaccharolyticus), Fusobacterium nucleatum; грамоң аэробты бактерияларға қатысты: Streptococcus spp. (оның ішінде Streptococcus pneumoniae, Streptococcus pyogenes, Streptococcus agalactiae, Streptococcus bovis), Streptococcus группы viridans (C және G), Enterococcus spp. (Enterococcus faecalis, Enterococcus faecium), Staphylococcus spp. (Staphylococcus aureus метициллинге сезімтал штаммдары, Staphylococcus epidermidis, Staphylococcus saprophyticus), Listeria monocytogenes, Nocardia spp.; грамоң анаэробты бактерияларға қатысты: Clostridium spp. (Clostridium perfringens, Clostridium difficile қоса), Peptostreptococcus spp., Eubacter spp.; Veillonella spp., Actinomyces spp.

Пиперациллинге және тазобактамға сезімтал микроорганизмдерден туындаған инфекциялық-қабыну аурулар.

Ересектер және 12 жастан асқан балалар:

-несеп шығару жолдарының инфекциялары (асқынған және асқынбаған)

- интраабдоминальді инфекциялар

- терінің және жұмсақ тіндердің инфекциясы

- ауруханадан тыс пневмония

- ауруханаішілік (нозокомиальді) пневмония

- септицемия

- нейтропениясы бар пациенттердегі бактериялық инфекциялар

2-ден 12 жасқа дейінгі балалар:

- интраабдоминальді инфекциялар

- нейтропения аясындағы инфекциялар

Препаратты баяу вена ішіне инъекция (3-5 минут бойы) немесе инфузия (20-30 минут бойы) жасау арқылы енгізуге болады.

Емдеу ұзақтығы инфекциялық үдерістің ауырлығына және клиникалық және бактериологиялық көрсеткіштердің динамикасына қарай анықталады.

Бүйрек функциясы қалыпты ересектер және 12 жастан асқан балалар

Препараттың бүйрек функциясы қалыпты ересектер және 12 жастан асқан балалар үшін ұсынылатын дозасы әр 8 сағат сайын тағайындалады және 4,5 г (4 г пиперациллин/ 0,5 г тазобактам) құрайды.

Жалпы тәуліктік доза инфекцияның ауырлық дәрежесі мен ошағына байланысты және препарат әрбір 6, 8 және 12 сағат сайын енгізілетін 2,25 г-ден (2 г пиперациллин/ 0,25 г тазобактам) 4,5 г-ге (4 г пиперациллин/ 0,5 г тазобактам) дейін ауытқуы мүмкін.

Нейтропениясы бар пациенттер (ересектер мен 12 жастан асқан балалар)

Нейтропениясы бар пациенттерде бүйрек функциясы қалыпты ересектер және балалар үшін әдеттегі вена ішілік дозасы аминогликозидпен үйлесімде 30 минуттық құю ретінде әр 8 сағат сайын 4.5 г препаратты құрайды. Жалпы тәуліктік доза ауырлық дәрежесі мен инфекцияның ошағына байланысты және әрбір 6 немесе 8 сағат сайын енгізілетін 2.25-тен 4.5 г Пиперациллин мен Тазобактамға дейін ауытқуы мүмкін.

Бүйрек жеткіліксіздігі бар пациенттер:

Бүйрек жеткіліксіздігі бар науқастарға немесе гемодиализдегі науқастарға, енгізу дозасы мен жиілігін бүйрек жеткіліксіздігінің ауырлық дәрежесін ескере отырып төмендегідей түзету керек:

Гемодиализдегі пациенттер үшін 2 г пиперациллин/0.25 г тазобактамның

бір қосымша дозасын диализдің әр сеансынан кейін енгізеді, өйткені гемодиализ пиперациллиннің 30%-50%-ын 4 сағат ішінде шығарады.

Бауыр жеткіліксіздігі бар пациенттер

Дозаны түзету қажет емес.

Балалық жастағы пациенттер (2-ден 12 жасқа дейін)

Бүйрек функциясы қалыпты балаларға ұсынылатын доза әр 8 сағат сайын дене салмағының әр кг-ге 100 мг пиперациллин/12.5 мг тазобактамды құрайды. Жалпы тәуліктік дозасы инфекцияның ауырлық дәрежесіне және ошағына байланысты болады және әр 6 немесе 8 сағат сайын енгізілетін дене салмағының әр кг-ге 80 мг пиперациллин/10 мг тазобактамнан 100 мг пиперациллин/12.5 мг тазобактамға дейін ауытқуы мүмкін. Ең жоғары тәуліктік доза 4 г пиперациллин/ 0.5 г тазобактамнан аспауы тиіс.

Бүйрек жеткіліксіздігі бар балаларға препарат төмендегіше тағайындалады:

Гемодиализдегі балалар үшін дене салмағының әр кг-ге 40 мг пиперациллин/5 мг тазобактамның бір қосымша дозасын диализдің әр сеансынан кейін енгізеді.

Нейтропенияда (2 -ден12 жасқа дейінгі балалар)

Бүйрек функциясы қалыпты және дене салмағы 50 кг-ден аз, нейтропения аясында туындаған қызбасы бар науқас балаларда препарат дозасы дене салмағының әр кг-ге 90 мг (80 мг пиперациллин/10 мг тазобактам) құрайды, оны әр 6 сағат сайын аминогликозидтің тиісті дозасымен біріктіріп енгізеді.

Дене салмағы 50 кг-ден асатын балаларда дозасы ересектердікімен бірдей, оны аминогликозидтермен біріктіріп енгізеді.

Интраабдоминальді инфекцияда

Дене салмағы 40 кг дейінгі және бүйрек функциясы қалыпты балаларда ұсынылатын дозасы әр 8 сағат сайын 112,5 мг/кг препаратты құрайды (100 мг пиперациллин/12,5 мг тазобактам).

Дене салмағы 40 кг-ден асатын және бүйрек функциясы қалыпты балаларға ересектердегі сияқты дозаны тағайындайды, яғни 4,5 г препарат (4 г пиперациллин/ 0,5 г тазобактам) әр 8 сағат сайын.

Емдеуді инфекцияның клиникалық белгілері жойылғаннан кейін кем дегенде 48 сағат бойы препаратты енгізуді жалғастыру керектігін ескере отырып, 5 күннен кем емес және 14 күннен асырмай жүргізу керек.

Ауруханаішілік (нозокомиальді) пневмонияда

Препараттың ұсынылатын дозасы аминогликозидтерді қосқанда әр 6 сағат сайын 4,5 г құрайды. Пиперациллинмен және Тазобактаммен емдеу ұзақтығы 7-ден 14 күнге дейін.

Ерітіндіні дайындау тәсілі

Препаратты төменде көрсетілген еріткіштердің біреуімен көрсетілген көлемдерге сәйкес ерітеді. Құтыны ішіндегісі толық ерігенге дейін айналдыра қозғайды (ұдайы айналдырған кезде әдетте 5 – 10 минут бойы). Дайын ерітінді түссіз немесе ақшыл сары сұйықтық болады.

Препаратпен үйлесетін еріткіштер

0,9% натрий хлориді ерітіндісі, инъекцияға арналған стерильді су, 5% декстроза ерітіндісі, Рингер лактаты ерітіндісі.

Вена ішіне инфузия үшін, алынған ерітіндіні әрі қарай төменде келтірілген 50 – 150 мл үйлесімді еріткіштердің біреуімен ерітеді:

0,9% натрий хлориді ерітіндісі, инъекцияға арналған стерильді су (ұсынылатын ең жоғары көлемі – 50 мл), 5% декстроза ерітіндісі, 6% декстран тұзды ерітіндісі, Рингер лактаты ерітіндісі.

Жағымсыз әсерлерінің жиілігі келесі критерийлермен анықталады: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000).

- пенициллиндерге, цефалоспориндерге, бета-лактамды антибиотиктердің басқа да тежегіштеріне жоғары сезімталдық (аллергиялық реакциялар)

- анамнездегі ауыр қан кетулер

- муковисцидоз

- жалған жарғақшалы энтероколит

- инфекциялық мононуклеоз

- созылмалы бүйрек жеткіліксіздігі (креатинин клиренсі 20 мл/мин төмен)

- бір мезгілде антикоагулянттарды қолдану

- 2 жасқа дейінгі балалар

- жүктілік және лактация кезеңі

Кураре сияқты деполяризацияламайтын дәрілер

Пиперациллин оны векурониймен бір мезгілде пайдаланғанда векуронийдің нейробұлшықеттік блокадасын ұзартуға ықпал етуі мүмкін. Әсер ету механизмінің ұқсастығынан деполяризацияламайтын бұлшықет релаксанттарынан туындайтын нейробұлшықеттік блокада пиперациллин әсерінен ұзартылуы мүмкін деп болжанады.

Ішуге арналған антикоагулянттар

Гепаринді, ішуге арналған антикоагулянттарды және тромбоциттер функциясын қоса, қан ұю жүйесіне әсер етуі мүмкін басқа да заттарды бір мезгілде қолданғанда қан ұю жүйесіне жиірек бақылау жүргізу керек.

Метотрексат

Пиперациллин метотрексат шығарылуын төмендетуі мүмкін. Сондықтан препараттың уыттылық әсерінен аулақ болу үшін пациенттерде метотрексаттың қан сарысуындағы деңгейін бақылау керек.

Пробенецид

Басқа да пенициллиндер жағдайындағы сияқты, пробенецид пен пиперациллин/тазобактамды бір мезгілде енгізу пиперациллин мен тазобактам үшін жартылай ыдырау кезеңінің ұлғаюын және бүйрек клиренсінің төмендеуін туындатады. Дегенмен екі заттың да плазмадағы шыңдық концентрациялары өзгермейді.

Аминогликозидтер

Пиперациллин, өз бетінше, сондай-ақ тазобактаммен бірге де бүйрек функциясы қалыпты және елеусіз немесе орташа дәрежедегі бүйрек жеткіліксіздігі бар пациенттердегі тобрамицин фармакокинетикасын елеулі өзгертпейді. Тобрамицин енгізгеннен кейін пиперациллиннің, тазобактамның және М1 метаболитінің фармакокинетикасы елеулі өзгермеген. Ауыр дәрежедегі бүйрек жеткіліксіздігі бар пациенттерде пиперациллин әсерінен тобрамицин және гентамицин белсенділігі бәсеңдегені байқалды.

Ванкомицин

Пиперациллин мен тазобактам және ванкомицин арасында ешқандай фармакокинетикалық өзара әрекеттесулер анықталмады.

Емдеуді бастар алдында пенициллиндерге, цефалоспориндерге немесе басқа аллергендерге жоғары сезімталдық реакциялары ықтималдығын анықтау үшін науқастан жан-жақты сұрастыру керек. Ауыр аллергиялық реакциялардың бірнеше аллергендерге жоғары сезімталдығы бар пациенттерде даму ықтималдығы зор. Мұндай реакциялар препаратты енгізуді тоқтатуды және эпинефрин (адреналин) тағайындауды және басқа да шұғыл шараларды жүргізуді талап етеді.

Антибиотиктерден туындаған жалған жарғақшалы колит өмірге қауіп төндіретін ауыр, тұрақты диарея түрінде көрініс беруі мүмкін. Жалған жарғақшалы колит бактерияға қарсы ем кезеңінде де, ол аяқталғаннан кейін де дамуы мүмкін. Мұндай жағдайларда препаратты енгізуді дереу тоқтатып, тиісті ем тағайындау керек (мысалы, ішке метронидазол, ванкомицин). Перистальтиканы тежейтін препараттарды қолдануға болмайды.

Әсіресе ұзақ емдеу кезінде, лейкопения және нейтропения дамуы мүмкін, сондықтан шеткері қан көрсеткіштерін мезгіл-мезгіл бақылап отыру қажет.

Бірқатар жағдайларда (көбінесе бүйрек жеткіліксіздігі бар науқастарда) қан кетудің жоғарылауы және сонымен қатар қан ұю жүйесінің зертханалық көрсеткіштерінің (қан ұю уақыты, тромбоциттер агрегациясы және протромбин уақыты) өзгеруі ықтимал. Қан кету пайда болғанда препаратпен емдеуді тоқтатып, тиісті ем тағайындау керек.

Төзімді микроорганизмдердің пайда болуы мүмкін екенін ескеру керек, олар әсіресе ұзақ емдеу курсында суперинфекцияны тудыруы ықтимал.

Бұл препарат құрамында пиперациллиннің грамына 2,79 мЭкв. (64 мг) натрий бар, ол пациенттердің организміне натрийдің келіп түсуінің жалпы ұлғаюына әкелуі мүмкін. Гипокалиемиядан зардап шегетін немесе калийдің шығарылуына жағдай жасайтын препараттарды қабылдайтын науқастарда, емдеу барысында гипокалиемия дамуы мүмкін (қан сарысуындағы электролиттер мөлшерін ұдайы тексеру қажет).

2 жасқа толмаған балаларға қолдану тәжірибесі жоқ.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Орталық жүйке жүйесі тарапынан патологиялық әсерлер дамуы мүмкіндігін ескере отырып, сақтық жасау керек.

4.5 г ұнтақтан бромобутил резеңке тығындармен тығындалған және қақпағы бар алюминий қалпақшалармен қаусырылған шыны құтыларда.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Рецепт арқылы

Өндіруші

VMG Pharmaceuticals Pvt. Ltd., Үндістан

619/19, Чатарпур Мейн Роад, Нью-Дели, 110074, Үндістан

Қаптаушы

VMG Pharmaceuticals Pvt. Ltd., Үндістан

Тіркеу куәлігінің ұстаушысы

VMG Pharmaceuticals Pvt. Ltd., Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды(ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері(телефон,факс, электронды пошта)

Көктем-3 шағын ауданы, 12 үй, 50 пәтер, 050040, Алматы қ-сы, Қазақстан Республикасы

Тел: +7 747 289 4920, эл.поштасы: zhanna.al@mail.ru