Пауэркорт (крем)

• русский
• қазақша

• Скачать инструкцию медикамента

Саудалық атауы

Пауэркорт

Халықаралық патенттелмеген атауы

Клобетазол

Дәрілік түрі

Крем, 15 г

Құрамы

100 г препараттың құрамында

белсенді зат - клобетазол пропионаты 0.05 мг,

қосымша заттар: жұмсақ ақ парафин, сұйық парафин, эмульгациялайтын цетомакрогол балауыз, пропиленгликоль, метилпарабен, пропилпарабен, бутилденген гидрокситолуол, натрий гидрофосфаты, натрий дигидрофосфаты, тазартылған су.

Сипаттамасы

Жартылай қатты ақ крем.

Фармакотерапиялық тобы

Тері ауруларын жергілікті емдеу арналған глюкокортикостероидтар. Өте белсенді глюкокортикостероидтар. Клобетазол.

АТХ коды D07AD01

Фармакологиялық қасиеттері

Фармакокинетикасы

Препаратты жергілікті қолданғанда, әсіресе окклюзиялық таңғыш пайдаланғанда немесе тері зақымданғанда глюкокортикоидтар жүйелік жағымсыз әсерлері дамуымен клобетазол пропионатының сіңірілуі мүмкін. Клобетазол пропионатының гидрокортизонмен салыстырғанда қан плазмасы ақуыздарымен байланысу қабілеті аздау, бірақ жартылай шығарылу кезеңі ұзағырақ болады. Клобетазол пропионаты плазмада орташа ең жоғары концентрациясына бірінші аппликациядан кейін 13 сағаттан соң және 0,05% жақпамай түрінде 30г клобетазол пропионатын сау теріге қайталап жаққаннан кейін 8 сағаттан соң жетеді және 0.63 нг/мл құрайды. Крем түрінде клобетазол пропионатынының екінші дозасы (30г) аппликациясынан кейін 10 сағаттан соң оның плазмадағы орташа ең жоғары концентрациясы жақпамайдың осындайынан аздап асып түседі. Клобетазол пропионатының 25г 0.05% жақпамайын бір реттік қолданудан кейін 3 сағаттан соң псориазы және экземасы бар емделушілерде препараттың орташа ең жоғары концентрациясы плазмада сәйкесінше 2.3 нг/мл және 4.6 нг/мл құрайды.

Негізінде бауырмен, қалған бөлігі – бүйрекпен метаболизденеді.

Несеппен шығарылады.

Фармакодинамикасы

Сыртқа қолдануға арналған глюкокорстикостероид. Нейтрофилдердің шеткергі жиналуының алдын алады, қабыну экссудациясын және лимфокиндер өнімін азайтады, макрофагтар көшуін тежейді, инфильтрация және түйіршіктелу үдерістері қарқындылығын төмендетеді, жергілікті қабынуға қарсы, қышынуға қарсы, аллергияға қарсы және экссудацияға қарсы әсер етеді.

Қолданылуы

- псориазда (жайылған түйіндақты және пустулезді псориазды қоспағанда)

- экземада

- қызыл жайпақ теміреткіде

- дискоидты қызыл жегі

• белсенділігі аз глюкокортикоидтармен емдеуге төзімді басқа да тері ауруларында

Қолдану тәсілдері және дозасы

Крем әсері болғанға дейін зақымданған теріге күніне бір-екі рет жұқалап жағылады. 5 күн бойы емдеу ұсынылады. Емдеуді оны жалғастырудың қажеттілігін бағалап алмай, 2 аптадан артық жүргізуге болмайды. Өршіген тері ауруларын емдеу үшін Пауэркортпен қысқа қайталау курстарын жүргізуге болады. Егер глюкокортикостероидтармен емдеуді жалғастыру қажет болса, белсенділігі аздау препараттарды пайдаланған жөн. Айрықша төзімділік жағдайларында, әсіресе гиперкератоз болғанда түнге қарай препарат қолданатын аймаққа полиэтилен үлбірден таңғышты қолданып, Пауэркорт кремінің қабынуға қарсы әсерін күшейтуге болады, әдетте мұның оң әсері байқалып келеді. Қол жеткен әсерін бұдан әрі окклюзиялық таңғыш қолданбай демеуге мүмкіндік бар.

Жағымсыз әсерлері

жергілікті реакциялар:

• ұзақ және қарқынды емдеуде – теріде атрофиялық өзгерістер - стриялар, терінің жұқаруы, беткейлік қантамырларының кеңеюі, пигментацияның бұзылуы, гипертрихоз, аллергиялық жанаспалы дерматит, тері мацерациясы

• сирек жағдайларда жергілікті қолдануға арналған глюкокортикостероидтармен псориазды емдеу (немесе оларды тоқтату) пустулезді псориаз дамуына түрткі болады

жүйелік реакциялар:

• жоғары дозада ұзақ қолданғанда гиперкортицизм симптомдары пайда болуы мүмкін, әсіресе балаларда

• гипергликемия

• глюкозурия

Қолдануға болмайтын жағдайлар

• препараттың белсенді және қосымша заттарына аса жоғары сезімталдық

• қызғылт безеу, дөрекі безеулер

• тері обыры

• периоральді дерматит

• перианальді және генитальді қышыну

• терінің бактериялық, вирустық және зеңдік аурулары (қарапайым герпес,

желшешек, тері туберкулезі, актиномикоз және т.б.)

• жайылған түйіндақты және пустулезді псориаз

• 12 жасқа дейінгі балаларға

• лактация кезеңі

Дәрілермен өзара әрекеттестігі

Анықталмаған

Айрықша нұсқаулар

Псориаз, дискоидты қызыл жегі, экзема сияқты ауруларды емдегенде дененің басқа бөліктеріне қарағанда бет терісінде анағұрлым айқын атрофиялық өзгерістер туындайды.

Псориазды емдеген кезде препаратты қолдануда қайталануын, төзімділік дамуын, жайылған пустулезді псориаз туындауын және тері функциясының бөгеттік бұзылуына байланысты жергілікті немесе жүйелік реакциялар дамуын болдырмау мақсатында емделушілерді мұқият бақылау қажет болады.

Жұқпалар қосылып кеткен жағдайда Пауэркорт кремін тоқтатқан және тиісті ем тағайындаған жөн.

Препаратқа жоғары сезімталдық белгілері пайда болғанда емдеуді дереу тоқтату керек.

Препаратты үздіксіз ұзақ қолданғанда гипофиз және бүйрек үсті безі қабығы функциясы бәсеңдеуі мүмкін. Егер ересек емделушілерді емдегенде препараттың апталық дозасы 50 г аспаса, онда бұл жүйелік әсері көбіне уақытша сипатта болады және гипофиз және бүйрек үсті безі қабығы функциясы стероидты емдеу курсын тоқтатқаннан кейін қалпына келеді. Окклюзиялық таңғыштарды қолдану сыртқа қолдануға арналған ГКС сіңірілуін ұлғайтады.

Препаратты көзге тигізіп алмау үшін, кремді қабаққа жаққанда сақтану шараларын қолдану қажет.

Жүктілік және лактация кезеңі

Пауэркорт кремін жүктілік кезінде үлкен дозада ұзақ қолдануға болмайды. Препаратты лактация кезеңінде қолданудың қауіпсіздігі туралы деректер жоқ, сондықтан лактация кезеңінде қолданылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автомобиль басқаруға және күрделі техникалық қондырғылармен жұмыс істеуге әсер етпейді.

Артық дозалануы

Жедел артық дозаланудың даму ықтималдығы аз. Алайда, созылмалы артық дозалану немесе дұрыс қолданбау жағдайында гиперкортицизм симптомдарының дамуы мүмкін, бұл препаратты дәрігердің бақылауымен біртіндеп тоқтатуды қажет етеді.

Шығарылу түрі мен қаптамасы

15 г препараттан ішкі лакталған жабыны бар алюминий сықпада.

1 сықпадан медицинада қолданылуы жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші ұйымның атауы мен елі

Гленмарк Фармасьютикалз Лтд, Үндістан

ПЛОТ № Е 37,39, МИДС Ареа, Саптур, Насик - 422007, Махараштра, Үндістан

Тіркеу куәлігі иесінің атауы мен елі

Гленмарк Фармасьютикалз Лтд, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Гленмарк Фармасьютикалз ЛТД ҚР өкілдігі, 050005, Алматы қ., Әл-Фараби,7, «Нұрлы Тау» бизнес орталығы, 4 А блок, 7 кеңсе. тел: + 7(727) 311 04 41.