ПАСК-натриевая соль

• русский
• қазақша

• Скачать инструкцию медикамента

Саудалық атауы

ПАСК-натрий тұзы

Халықаралық патенттелмеген атауы

Жоқ

Дәрілік түрі

Инфузия үшін ерітінді дайындауға арналған лиофилизацияланған 3 г ұнтақ

Құрамы

Бір бөтелкенің/құтының ішінде

белсенді зат – натрий аминосалицилаты (натрий аминосалицилаты дигидраты түрінде) – 3 г.

Сипаттамасы

Ақ немесе сарғыш реңді ақ немесе қызғылт реңді ақ түсті кеуекті масса немесе ұнтақ.

Фармакотерапиялық тобы

Туберкулезге қарсы препараттар. Аминосалицил қышқылы және оның туындылары. Натрий аминосалицилаты.

АТХ коды J04AA02

Фармакологиялық қасиеттері

Фармакокинетикасы

Қан ақуыздарымен байланысуы – 50-60 %. Ағзалар мен тіндерге тез таралады, жұлынми сұйықтығына орташа өтеді (тек қабығының қабынуында). Бауырда (50 % астамы) белсенді емес метаболиттерге дейін метаболизденеді және аздап асқазанда ацетилденеді. 80 % шумақтық сүзілу (50% – ацетилденген туындылары түрінде) жолымен бүйрекпен шығарылады. Жалпы клиренсі метаболизм жылдамдығына және бүйректермен шығарылуына байланысты. Т1/2 бүйректердің қалыпты қызметінде – 30-60 минут, СБЖ (ХПН) – 23 сағатқа дейін. Емшек сүтіне өтеді.

Фармакодинамикасы

Препарат туберкулездің микобактерияларына қатысты бактериостатикалық белсенділікке ие. Әсері парааминобензой және пантотен қышқылдарымен, сондай-ақ микроб жасушасының биотинімен бәсекелес өзара әрекеттесуіне байланысты. Монотерапия түрінде қолданғанда төзімділік тез дамиды.

Туберкулостатикалық белсенділігі бойынша препарат изониазид пен стрептомицинге жол береді, сондықтан оны белсенділігі жоғары туберкулезге қарсы дәрілермен (оның ішінде, изониазидпен немесе изоникотин қышқылының гидразидінің басқа препараттарымен, циклосеринмен, канамицинмен) біріктіреді.

Біріктірілген ем дәрілік төзімділіктің дамуын баяулатады және емдеудің тиімділігін арттырады.

Қолданылуы

- мультирезистентті туберкулезде (формалары және орналасуы әртүрлі).

Қолдану тәсілі және дозалары

Инфузиялық ерітінді дайындау үшін 1 бөтелке/құты ішінде 3 г болатын ПАСК - натрий тұзын инъекцияға арналған 100 мл суда ерітеді. Дайындалған ерітінді құрамында 100 мл суда 3 г ПАСК натрий тұзы (3 % ерітінді) бар

Бөтелке/құты ішіндегісін толық еріту керек. Жаңадан дайындалған ерітінділерді қолдану керек.

Көктамырішілік инъекция үшін 3 % препарат ерітіндісін қолданады. Препаратты көктамыр ішіне тамшылатып енгізеді.

Енгізуді минутына 30 тамшы ерітіндіден бастайды және, жергілікті және жалпы реакция болмаса, 15 минуттан соң инфузия жылдамдығын минутына 40-60 тамшыға дейін арттырады. Алғашқы құюда 200 мл аспайтын ерітінді, келесілерде жағымсыз әсерлері болмаса 400 мл ерітіндіден енгізеді.

Құюды аптасына 5-6 рет немесе күнара, ПАСК - натрий тұзын ішке қабылдаумен кезектестіріп жүргізеді.

ПАСК - натрий тұзының ересектерге арналған дозасы: 33-49 кг салмақта– 8 г; 50-70 кг – 8-10 г; 70 кг-ден жоғарыда– 10-12 г құрайды.

Балаларда: тәулігіне 0,15 г/кг. Балаларға арналған ең жоғарғы тәуліктік дозасы – 10г.

Қажыған, егде жастағы емделушілерге және көтерімділігі нашар болса, тәулігіне 6 г дозада тағайындайды.

Жағымсыз әсерлері

Жиі:

- тәбеттің төмендеуі немесе жоғалуы, сілекейдің көп бөлінуі, жүрек айнуы, құсу, метеоризм, іштің ауыруы, диарея

- іш қатуы

- гипокалиемия, pH төмендеуі

- гепатоспленомегалия, «бауыр» трансаминазалары белсенділігінің жоғарылауы, протромбиндік уақыттың ұзаруы

- гипербилирубинемия

- протеинурия, гематурия, кристаллурия

- D витамині алмасуының бұзылуы есебінен кальций және калий теңгерімінің бұзылуы

- бүйрек жеткіліксіздігі

- қандағы мочевина деңгейінің жоғарылауы, глюкозурия

- жұқпалы мононуклеоз немесе лимфоманы еске салатын симптом

- аллергиялық реакциялар (қызба, дерматит, эозинофилия, артралгия, бронх түйілуі, есекжем, пурпура)

Сирек:

- энантема, эксфолативті дерматит

- эозинофилия, Квинке ісінуі, анафилактикалық шок

- шок жағдайлары болуы мүмкін

- тромбоцитопения, лейкопения (тіпті агранулоцитозға дейін), B12- тапшылығымен мегалобластты анемия, Кумбстың оң сынамасымен гемолитикалық анемия

- дәрілік гепатит, соның ішінде өліммен аяқталатын

- оң жақ қабырға астының ауыруы, бауыр көлемінің ұлғаюы

- лимфаденопатия

- артериялық қысымның ауытқулары, жүрек тұсының ауыруы, бас ауыруы

- салдану, тонико-клоникалық құрысулар, психоз симптомдары байқалуы мүмкін

Енгізілген орындағы реакциялар: гематомалар мен флебиттер пайда болуы мүмкін. Енгізу техникасы бұзылғанда (тез енгізу, ерітінді енгізілетін жүйені жеткілікті тазаламау, жүйеде алдыңғы енгізуден кейін препарат қалдықтарының болуы).

Жоғары дозаларда пайдаланғанда – антитиреоидты әсері, зобтық әсері, гипотиреоз, микседема, перикардит, гипогликемия, көру жүйкесінің невриті, энцефалопатия, Леффлер синдромы, васкулит, асқын жұқпа.

Қолдануға болмайтын жағдайлар

- аминосалицил қышқылына және оның тұздарына аса жоғары сезімталдық

- бүйрек және/немесе бауыр жеткіліксіздігі

- гепатит

- бауыр циррозы

- ішкі ағзалар амилоидозы

- асқазан мен 12-елі ішектің ойық жарасы

- энтероколит (өршуі)

- ауыр атереосклероз

- қан ұюының бұзылуы

- декомпенсацияланған гипотиреоз

- микседема

- шығу тегі туберкулездік емес нефрит

- қалпына келмейтін созылмалы жүрек жеткіліксіздігі

- тромбофлебит

- гипокоагуляция

- эпилепсия

- жүктілік және лактация кезеңі

Дәрілермен өзара әрекеттесуі

Басқа туберкулезге қарсы препараттармен үйлесімді. Изониазидпен бірге қолданғанда оның қандағы концентрациясын жоғарылатады. B12 витаминінің қорытылуын бұзады (анемия даму қаупі).

Қандағы дигоксин концентрациясын 40%-ға төмендетеді. Антацидтік дәрілер препараттың сіңірілуін бұзбайды. Тікелей емес антикоагуляттар – кумарин мен индандион туындыларының әсерін күшейтеді (антикоагулянттардың дозасын түзету қажет). Қалқанша бездің құрамында йод бар гормондарын, олардың аналогтары мен антагонистерін (антитиреоидтық дәрілерді қоса) қолданғанда, ПАБК аясында қандағы Т4 және ТТГ концентрациясы өзгеретінін ескеру керек. Аммоний хлориді кристаллурияның даму қаупін арттырады. Этионамидпен бір мезгілде қабылдау гепатоуыттылық қаупін арттырады. Дифенгидрамин аминосалицил қышқылының тиімділігін төмендетеді.

Пробенецид препараттың уыттылығын оның бүйректік шығарылуын бұзу және плазмадағы концентрациясын жоғарылату арқылы арттыруы мүмкін.

Препараттың және салицилаттардың жағымсыз әсерлері аддитивті сипатқа ие.

Айрықша нұсқаулар

Препаратты асқазан-ішек жолдарының айқындығы орташа патологиясында сақтықпен қолдану керек.

Емдеу барысында несеп пен қанды жүйелі талдау және бауырдың функционалдық жағдайын бақылауға алу қажет.

Мультирезистентті туберкулезді емдеу үшін тек белсенділігі жоғары туберкулезге қарсы дәрілік заттармен біріктіріп қолданылады.

Протеинурия және гематурияның дамуы препараты уақытша тоқтатуды талап етеді.

Препараттың ерітіндісін көктамыр ішіне дәрігердің мұқият бақылауымен енгізеді. Енгізу орнындағы гематомалар мен флебиттің алдын алу үшін жіңішке ине алу, ерітіндіні енгізу үшін көктамырларға кезектестіре енгізу керек.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Препарат көлік құралын және қауіптілігі зор механизмдерді басқару қабілетіне әсер етпейді.

Артық дозалануы

Симптомдары: препараттың жағымсыз әсерлері күшеюі мүмкін.

Емі: препаратты қабылдауды тоқтату, симптоматикалық ем көрсетілген.

Шығарылу түрі және қаптамасы

Инфузия үшін ерітінді дайындауға арналған лиофилизацияланған 3 г ұнтақ.

3 г-ден тығындармен тығындалған және алюминий қалпақшалармен қаусырылған, номиналды сыйымдылығы 100 мл қанға арналған шыны бөтелкелерде немесе резеңке тығындармен тығындалған және алюминий немесе алюмопластик қалпақшалармен қаусырылған шыны құтыларда.

Бір бөтелкені немесе құтыны медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салады.

Стационарлар үшін қапталуы: 56 бөтелке немесе құтыдан медицинада қолданылуы жөніндегі мемлекеттік және орыс тілдеріндегі нұсқаулықтардың тең санымен гофрланған картоннан жасалған жәшіктерге салынады.

Сақтау шарттары

Құрғақ, жарықтан қорғалған жерде 25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы.

Өндіруші

«Белмедпрепараты» РУК, Беларусь Республикасы

Заңды мекенжайы және шағымдарды қабылдайтын мекенжайы:

220007, Минск қ-сы, Фабрициус к-сі, 30,

т./ф.: (+375 17) 220 37 16,

e-mail: medic@belmedpreparaty.com.

Тіркеу куәлігі иесінің атауы мен елі

«Белмедпрепараты» РУК, Беларусь Республикасы

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«КазБелМедФарм» ЖШС, 050028, Қазақстан Республикасы,

Алматы қ., Қызыл гвардяшылар жолы 258 В

232-90-50, 285-04-00, admin@caph.kz

 

 

6