ПАСК АФ

ПАСК АФ

Жоқ

Инфузияға арналған ерітінді 3%, 100 мл, 200 мл, 400 мл

100 мл ерітіндінің құрамында:

Белсенді зат - 30.0 мг натрий аминосалицилаты (100% затқа шаққанда)

қосымша заттар: динатрий эдетаты, натрий сульфиті (100% затқа шаққанда), инъекцияға арналған су.

Мөлдір, түссіз немесе сарғыш ерітінді.

Туберкулезге қарсы препараттар. Аминосалицил қышқылы және оның туындылары. Натрий аминосалицилаты

АТХ коды J04AА02

Фармакокинетикасы

ПАСК АФ вена ішіне енгізгенде іс-жүзінде дереу ағзалар мен тіндерге өтіп, оларда жоғары концентрацияларда анықталады. Гистогематиялық бөгеттен жеңіл өтеді және тіндерге таралады. Жұлын сұйықтығына препарат тек қана ми қабықтары қабынған кезде өтеді. Ақуыздармен байланысуы 50-60%. Препарат негізінен бауырда метаболизденеді, сол жерде 30-60 минуттан кейін оның ацетилденуі және глицинмен қосылуы жүреді. Жартылай шығарылу кезеңі - 12 сағат. Тәулік ішінде енгізілген дозаның 90-100%-ы бүйрек арқылы шумақтық сүзіліс жолымен шығарылады.

Фармакодинамикасы

ПАСК АФ Mycobacteriumtuberculosis бактериостатикалық белсенділік танытады, басқа туберкулезге қарсы препараттармен бірге дәрі-дәрмектік төзімділіктің дамуын баяулатады және сәйкес препараттардың әсерін күшейтеді. Препараттың әсері оның микобактериялардың өсу факторы болып табылатын парааминобензой және пантотен қышқылдарымен әрі биотинмен бәсекелі өзара әрекеттесуімен шартталған. Препарат микобактерияларға белсенді көбею сатысында әсер етеді, тыныштық күйіндегі немесе жасуша ішінде орналасқан микобактерияларға әлсіз әсер етеді.

Өкпе және өкпеден тыс мультирезистентті туберкулезді басқа туберкулезге қарсы препараттармен (IV санат) кешенді емдеуде

ПАСК АФ минутына 15 тамшыдан бастап, вена ішіне тамшылатып енгізеді. Үш минут аралығында жергілікті және жалпы реакциялар болмаса, енгізу жылдамдығын минутына 40-60 тамшыға дейін арттырады. Алғаш құйғанда 3% 200 мл-ден аспайтын ерітіндіні енгізеді. Жағымсыз реакциялары болмаған ересектерге дозаны тәулігіне 400 мл-ге дейін арттырады және оны аптасына 6 рет немесе ішу арқылы ПАСК қабылдаумен кезектестіріп енгізеді. ІV санаттағы науқастарды емдеу курсы 6 ай қарқынды және 12-18 ай демеуші фазаны құрайды. Дене салмағы 50 кг-ден кем емес ересектерге және 14 жастан асқан балаларға арналған тәуліктік доза 400 мл құрайды, натрий аминосалицилатының жиынтық дозасы 10-15 г артық болмауы тиіс; дене салмағы 50 кг кем пациенттерге 200 мл құрайды, натрий аминосалицилатының жиынтық дозасы 6 г артық болмауы тиіс. Балаларға, жасына қарамастан, препаратты дене салмағына қарай 0,2 г/кг есебімен тағайындайды (баланың дене салмағының 1 кг – шамамен 6,5 мл 3 % ерітінді). Балаларға арналған тәуліктік доза 100-300 мл құрайды, натрий аминосалицилатының жиынтық дозасы 8 г артық болмауы тиіс.

Жүрек-қантамыр жүйесі тарапынан: артериялық қысымның ауытқулары, жүрек аймағының ауыруы, васкулит

Жүйке жүйесі тарапынан: бас айналу, бас ауыруы

Қан түзілу және лимфалық жүйе тарапынан: лейкопения, протромбин синтезінің бұзылуы, тромбоцитопения, агранулоцитоз, эозинофилия, гемолитикалық анемияның дамуы

Асқазан-ішек жолының тарапынан: тәбеттің нашарлауы немесе жоғалуы, жүрек айнуы, құсу, іштің ауыруы, диарея немесе іш қату, метеоризм, бауыр және/немесе өт шығаратын жол функциясының бұзылуы, протромбин уақытының және бауыр трансаминазалары белсенділігінің артуы, оң жақ қабырға астында ауырудың пайда болуы және бауыр көлемінің ұлғаюы, бауыр энцефалопатиясы (сананың шатасуы, ұйқышылдық), сарғаю, гепатит

Несеп-жыныс жүйесі тарапынан: глюкозурия, кристаллурия, протеинурия, гематурия

Қаңқа-бұлшықет және дәнекер тіндер тарапынан: буындардың ауыруы

Тыныс алу жүйесі тарапынан: бронх түйілуі, өкпедегі эозинофильді инфильтрат

Иммун жүйесі тарапынан: демікпе құбылыстарын, гипертермияны, Леффлер синдромын қоса, аса жоғары сезімталдық реакциялары

Эндокринді жүйе тарапынан: үлкен дозаларды қабылдағанда – антитиреоидты әсер, ұзақ қабылдағанда – зобогенді әсер етеді.

Аллергиялық реакциялар: есекжем, пурпура, қызба, эозинофилия, энантема, демікпе құбылыстары, буындардың ауыруы (артралгия), сирек – анафилаксиялық шок.

Тері және тері асты тіндері тарапынан: есекжем, пурпура, энантема, экзантема, эксфолиативті дерматит

Басқалары: плазма калийінің концентрациясын және рН деңгейін төмендету, D дәруменінің алмасуы бұзылуынан кальций және фосфор теңгерімінің бұзылуы, енгізу орнындағы өзгерістер, қызаруды, ауыруды, флебитті қоса.

- препаратқа немесе қосымша заттарға жоғары сезімталдық

- асқыну фазасындағы жедел және созылмалы гепатит

- бауыр циррозы

- нефрозонефрит, гломерулонефрит, амилоидоз, бауыр жеткіліксіздігі

- микседема

- ІІ-ІІІ сатыдағы жүрек-қантамыр жеткіліксіздігі

- ауыр атеросклероз

- тромбофлебит

- қан ұюының бұзылулары

- эпилепсия

- асқазан және он екі елі ішектің ойық жаралы ауруы

- жүктілік және емшек емізу кезеңінде

ПАСК АФ басқа туберкулезге қарсы дәрілік заттармен бірге қабылдауға жол беріледі. Жағымсыз әсерлердің пайда болуын болдырмау үшін пациенттің жағдайын үнемі бақылау керек. Метаболизмнің жалпы жолдары үшін бәсекелесу нәтижесінде қандағы изониазид концентрациясын арттырады, изониазидке резистенттіліктің пайда болуын бәсеңдетеді. Рифампициннің, эритромициннің, линкомициннің сіңуін бұзады және тиімділігін азайтады. В12 дәруменінің қорытылуын бұзады, соның салдарынан анемияның дамуы ықтимал. Препарат фолий қышқылының сіңірілуін тежейді және мысалы метотрексат сияқты фолий қышқылы антагонисінің уыттылығын күшейтуі мүмкін. Нәтижесінде, препаратпен емделу барысында фолий қышқылын қабылдауға болмайды.

Оң жақ қабырға астында білінетін ауырулар және бауырдың ұлғаюы, әдетте, препараттың дозасын азайтқанда немесе енгізілуін қысқа мерзімге тоқтатқанда басылады, олар үш мезгіл тұрақты дұрыс тамақтанғанда аз көрініс береді. Аллергиялық көріністерде препаратты қабылдауды тоқтатып, десенсибилизациялайтын емді жүргізу керек. Гематомалар мен флебиттердің пайда болуын болдырмау үшін жіңішке инелерді қолданып, әртүрлі веналарға кезектестіре енгізеді. Шок жай-күйлеріне жол бермеу үшін ерітіндіні баяу енгізу керек. Емделген кезде қан, несеп пен бауырдың, бүйректің функциялық жағдайына зертханалық бақылау жүргізу қажет. Ұзақ қолданғанда препарат гипотиреозы бар зоб немесе онсыз микседема байқалуы мүмкін, сондықтан қалқанша бездің гипофункциясы бар науқастарға абайлап тағайындайды.

Көлік құралдарын және қауіптілігі зор механизмдерді басқару қабілетіне әсер ету ерекшеліктері

Препараттың көлік құралын басқару және жоғары зейін қою мен психомоторлық реакциялардың жылдамдығын талап ететін қауіптілігі зор қызмет түрлерімен шұғылдану қабілетіне әсер етуді зерттеу бойынша деректер жоқ. Сондықтан препаратпен емделген кезде осы қызмет түрлерімен айналысудан аулақ болған жөн.

Симптомдары: диспепсиялық құбылыстар, қызба, шок жай-күйлері, психоз, жағымсыз әсерлердің күшеюі ықтимал.

Емі - препаратты тоқтату, симптоматикалық.

Шығарылу түрі және қаптамасы

100 мл, 200 мл, 400 мл препараттан бір немесе екі порты бар полимер контейнерлерге құйылады. Контейнерлер контейнерлердің тең санымен медициналық қолдану жөніндегі мемлекеттік және орыс тіліндегі нұсқаулықтармен бірге картон қорапқа қапталады.

25 оС-ден аспайтын температурада, жарықтан қорғалған жерде сақтау керек.

Мұздатып-қатыруға болмайды!

Балалардың қолы жетпейтін жерде сақтау керек!

1,5 жыл

Жарамдылық мерзімі өткеннен кейін қолдануға болмайды.

Рецепт арқылы.

«НУР-МАЙ ФАРМАЦИЯ» ЖШС, Қазақстан Республикасы, 050000, Алматы қ., Жетісу ауд., Первомайский ш.а, Қапшағай көш, 17 үй.

Тіркеу куәлігі иесінің атауы мен елі

«НУР-МАЙ ФАРМАЦИЯ» ЖШС, Қазақстан Республикасы, 050000, Алматы қ., Жетісу ауд., Первомайский ш.а, Қапшағай көш, 17 үй.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«НУР-МАЙ ФАРМАЦИЯ» ЖШС, Қазақстан Республикасы, 050000, Алматы қ., Жетісу ауд., Первомайский ш.а, Қапшағай көш, 17 үй.

Телефон:+7 (727) 260 39 74, факс: +7 (727) 260 39 74

Электронды поштасы: office@nm-pharm.kz