Пантакаинд (Пантопразол)

Пантакаинд

Пантопразол

Дәрілік түрі, дозалануы

Ішекте еритін қабықпен қапталған таблеткалар, 40 мг

Ас қорыту жолы және зат алмасу. Қышқылдылықтың бұзылуымен байланысты ауруларды емдеуге арналған препараттар. Ойық жараға қарсы  препараттар және гастроэзофагальді рефлюксті (gastro-oesophageal reflux disease – GORD) емдеуге арналған препараттар. Протонды сорғы тежегіштері. Пантопразол.

АТХ коды: A02BC02

Ересектер мен 12 жастағы және одан асқан жасөспірімдер үшін:

- рефлюкс-эзофагитті емдеу.

Пантакаинд ересектерге арналған:

- асқазан мен он екі елі ішектің ойық жарасын емдеу.

H. pylori инфекциясымен байланысты ойық жаралары бар пациенттерде тиісті бактерияға қарсы еммен біріктірілген Helicobacter pylori (H. pylori) эрадикациялау (жойылуы)

- Золлингер-Эллисон синдромын және басқа патологиялық гиперсекреторлық жағдайларды емдеу.

Қолдануды бастағанға дейін қажетті мәліметтер тізбесі

- белсенді затқа, орын басқан бензимидазолдарға немесе қосымша заттардың кез келгеніне жоғары сезімталдық;

- пантопразолды атазанавирмен бірге қолдану;

- 12 жасқа дейінгі балалар;

- жүктілік және лактация кезеңі. 

Қолдану кезіндегі қажетті сақтық шаралары

Бауыр функциясының бұзылуы 

Бауырдың ауыр жеткіліксіздігі бар пациенттерде, әсіресе ұзақ уақыт бойы қолданғанда, пантопразолмен емдеу кезінде бауыр ферменттері үнемі бақыланып отыруы тиіс. Бауыр ферменттерінің белсенділігі жоғарылаған жағдайда Пантакаинд таблеткаларын қолдануды тоқтату керек.  

Біріктірілген ем 

Біріктірілген ем жағдайында тиісті дәрілік заттар өнімінің қысқаша сипаттамасын сақтау керек.  

Асқазанның қатерлі жаңа түзілімдері

Пантопразолға симптоматикалық жауап асқазанның қатерлі жаңа түзілім симптомдарын бүркемелеуі және диагноз анықтауды кешіктіруі мүмкін.

Үрейлі симптомдар туындаған кезде (мысалы, еріксіз айтарлықтай салмақ жоғалту, қайталанатын құсу, дисфагия, қан аралас құсу, анемия немесе мелена) және асқазан ойық жарасына күдік болған кезде қатерлі процесті жоққа шығару қажет.

Симптомдар сақталған жағдайда, жүргізілген емге қарамастан, қосымша тексеру жүргізу керек.

Атазанавирмен бірге қолдану 

Атазанавирді протонды сорғы тежегіштерімен бірге қолдану ұсынылмайды. Егер атазанавирдің протонды сорғы тежегішімен біріктірілімі шарасыз деп есептелсе, атазанавирдің дозасын 100 мг ритонавирден 400 мг-ға дейін арттырумен бірге мұқият клиникалық мониторинг (мысалы, вирустық жүктеме) жүргізу ұсынылады. Пантопразолдың дозасы күніне 20 мг аспауы тиіс.  

В12 дәруменінің сіңуіне әсері

Золлингер-Эллисон синдромына шалдыққан және ұзақ емдеуді қажет ететін жоғары секрециямен қатар жүретін басқа патологиялық жағдайлары бар пациенттерде пантопразол, асқазан сөлінің секрециясын бөгейтін басқа препараттар сияқты, гипо- және ахлоргидрияға байланысты B12 дәруменінің (цианокобаламин) сіңуін төмендетуі мүмкін. Мұны организмде осы дәруменнің қоры төмендеген пациенттерді емдеу кезінде немесе В12 дәрумені тапшылығының қауіп факторлары бар пациенттерді ұзақ емдеу кезінде немесе тиісті клиникалық симптомдарды бақылау кезінде ескеру керек.

Ұзақ мерзімді емдеу  

Ұзаққа созылатын емдеу кезінде, әсіресе емдеу кезеңі 1 жылдан асқан кезде пациенттер тұрақты бақылауда болуы тиіс.

Бактериялардан туындаған асқазан-ішектік инфекциялар 

Пантопразол, барлық протонды сорғының тежегіштері (ППТ) сияқты, асқазан-ішек жолының жоғарғы бөлімдерінде кездесетін бактериялардың санын көбейтеді деп күтуге болады. Пантопразолмен емдеу Salmonella, Campylobacter немесе C. difficile сияқты бактериялардан туындаған асқазан-ішек инфекцияларының біршама жоғары қаупіне әкелуі мүмкін.

Гипомагнемия 

Кемінде 3 ай ішінде, ал көп жағдайда бір жыл ішінде ПСТ алған пациенттерде ауыр гипомагниемияның дамуы туралы хабарламалар бар. Шаршау, тетания, делирий, құрысулар, бас айналу және қарыншалық аритмия сияқты гипомагниемияның ауыр көріністері байқалмай басталуы мүмкін және оларды байқамай қалуға болады. Гипомагнемиясы бар пациенттердің көпшілігінде магний препараттарымен алмастыру емінен және ПСТ тоқтатылғаннан кейін ол азаяды.

Ұзақ ем қолдануы тиіс пациенттерге немесе протонды сорғы тежегіштерін дигоксинмен немесе гипомагнемияны туындатуы мүмкін дәрілік заттармен (мысалы, диуретиктер) бірге қабылдайтын пациенттерге протонды сорғы тежегіштерімен емдеуді бастар алдында және емдеу кезінде мезгіл-мезгіл магний деңгейін анықтау ұсынылады.

Сүйек сынуы 

Протонды сорғы тежегіштері, әсіресе жоғары дозаларды және

ұзақ уақыт бойы (>1 жыл) пайдаланғанда, көбінесе егде жастағы адамдарда немесе басқа да танылған қауіп факторлары болған кезде ортан жіліктің, білезіктің және омыртқа сүйектерінің сыну қаупін біршама арттыруы мүмкін. Бақылау зерттеулерінің деректері протонды сорғы тежегіштерін сынудың жалпы қаупін 10-40% арттыруы мүмкін екенін көрсетеді. Кейбір жағдайларда мұндай өсу басқа қауіп факторларының болуына байланысты болуы мүмкін. Остеопороздың даму қаупі бар пациенттер қолданыстағы клиникалық нұсқауларға сәйкес емдеуді және D дәрумені мен кальцийдің жеткілікті мөлшерін алуы тиіс. 

Жеделге жуық терінің қызыл жегісі (ЖЖТҚЖ)

Протонды сорғының тежегіштерімен емдеу кезінде ЖЖТҚЖ дамуы өте сирек кездеседі.

Зақымдану пайда болған кезде, әсіресе терінің күн сәулесінің әсеріне ұшыраған бөлігінде, сондай-ақ қатарлас артралгия болған кезде пациент дереу медициналық көмекке жүгінуі тиіс және медицина қызметкері Пантакаинд препаратпен емдеуді тоқтату қажеттілігін бағалауы керек. Протонды сорғының тежегішімен алдыңғы емдеуден кейін ЖЖТҚЖ пайда болуы протонды сорғының басқа тежегіштерімен емдеу кезінде ЖЖТҚЖ даму қаупін арттыруы мүмкін.

CYP2C19 тежейтін немесе индукциялайтын дәрілік заттар: 

Флувоксамин сияқты CYP2C19 тежегіштері пантопразолдың жүйелік әсерін күшейте алады. Дозаның төмендеуі пантопразолдың жоғары дозаларын ұзақ уақыт қабылдаған пациенттер немесе бауыр жеткіліксіздігі бар пациенттер үшін қаралуы мүмкін. 

Зертханалық зерттеулермен өзара әрекеттесу

Хромогранин А (CgA) деңгейінің жоғарылауы нейроэндокринді жаңа түзілімдерді зерттеуге кедергі келтіруі мүмкін. Бұл кедергіні болдырмау үшін CgA зерттеуіне дейін кемінде 5 күн бұрын Пантакаинд препаратымен емдеуді тоқтату керек. Егер бастапқы зерттеуден кейін CgA және гастрин деңгейі қалпына келмесе, талдауларды протонды сорғы тежегішін емдеуді тоқтатқаннан кейін 14 күн өткен соң қайталау керек.

Қосымша заттар

Пантакаинд құрамында бір таблеткада 1 ммольден аз (23 мг) натрий бар, яғни «құрамында натрий жоқ».

Басқа дәрілік препараттармен өзара әрекеттесуі

Фармакокинетикасы pH-қа тәуелді дәрілік препараттар

Асқазан секрециясының айқын және ұзақ уақыт бәсеңдеуіне байланысты пантопразол асқазанның рН-ы пероральді қол жетімділіктің маңызды факторы болып табылатын басқа препараттардың, мысалы, кейбір зеңге қарсы азолдардың (кетоконазол, итраконазол, позаконазол) және басқа дәрілердің, мысалы, эрлотинибтің сіңуін бұзуы мүмкін.

АИТВ протеаза тежегіштері

Пантопразолды сіңірілуі интрагастральді рН-ға байланысты АИТВ протеаза тежегіштерімен бірге, мысалы, атазанавирмен, олардың биожетімділігінің айтарлықтай төмендеуіне байланысты қолдану ұсынылмайды.

Егер АИТВ протеаза тежегішін протонды помпаның тежегішімен біріктіріп пайдалану әлі де қажет деп есептелсе, мұқият клиникалық бақылау жүргізу ұсынылады (мысалы, вирустық жүктемені анықтау). Пантопразолдың дозасы күніне 20 мг-дан аспауы тиіс. АИТВ протеаза тежегішінің дозасын түзету қажет болуы мүмкін.

Кумаринді қатардың антикоагулянттары (фенпрокоумон немесе варфарин)

Пантопразолды варфаринмен немесе фенпрокумонмен бірге қолдану варфарин, фенпрокумон немесе ХҚҚ фармакокинетикасына әсер еткен жоқ. Алайда варфаринмен немесе фенпрокумонмен бірге ХҚҚ алатын пациенттерде ХҚҚ және протромбиндік уақыттың ұлғаюы туралы хабарламалар бар. ХҚҚ және протромбиндік уақыттың ұлғаюы

патологиялық қан кетуге және тіпті өлімге әкелуі мүмкін. Варфаринмен немесе фенпрокумонмен пантопразол алатын пациенттер ХҚҚ және протромбиндік уақыттың ұлғаюын анықтау үшін бақылауда болуы тиіс.

Метотрексат

Кейбір пациенттерде оны жоғары дозаларда (мысалы, 300 мг) протонды сорғы тежегіштерімен бірге қолданған кезде қандағы метотрексат деңгейінің жоғарылауы туралы хабарламалар бар. Сондықтан метотрексаттың жоғары дозаларын, мысалы, обыр немесе псориаз кезінде, пантопразолды уақытша тоқтату туралы мәселені қарастыру қажет болуы мүмкін.

Өзара әрекеттесудің басқа зерттеулері

Пантопразол P450 цитохромының ферменттік жүйесінің көмегімен бауырда белсенді метаболизденеді. Метаболизмнің негізгі жолы CYP2C19 изоферментімен деметилдену болып табылады, ал метаболизмнің басқа жолдарының арасында CYP3A4 изоферментімен тотығу байқалады.

Осы изоферменттердің (карбамазепин, диазепам, глибенкламид, нифедипин және құрамында левоноргестрел және этинилэстрадиол бар пероральді контрацептивтер) көмегімен метаболизденетін басқа дәрілік препараттармен өзара әрекеттесуді зерттеуде клиникалық маңызды өзара әрекеттесу анықталған жоқ.

Пантопразолдың басқа дәрілік препараттармен немесе сол ферменттік жүйенің көмегімен метаболизденетін заттармен өзара әрекеттесуін жоққа шығаруға болмайды.

Өзара әрекеттесудің әртүрлі зерттеулерінің нәтижелері пантопразолдың CYP1A2 (мысалы, кофеин, теофиллин), CYP2C9 (мысалы, пироксикам, диклофенак, напроксен), CYP2D6 (мысалы, метопролол), CYP2E1 (мысалы, этанол) изоферменттерінің көмегімен метаболизденетін белсенді заттардың метаболизміне әсер етпейтінін және P-гликопротеинмен байланысты дигоксиннің сіңуіне кедергі болмайды.

Бірге қабылданған антацидтермен өзара әрекеттесуі байқалмады.

Сондай-ақ, пантопразолдың тиісті бірге қабылданған антибиотиктермен (кларитромицин, метронидазол, амоксициллин) өзара әрекеттесуіне зерттеулер жүргізілді. Клиникалық маңызды өзара әрекеттесу табылған жоқ.

CYP2C19 изоферментінің белсенділігін басатын немесе күшейтетін дәрілік препараттар:

Флувоксамин сияқты CYP2C19 изоферменті белсенділігінің тежегіштері пантопразолдың жүйелік экспозициясын арттыруы мүмкін. Пантопразолдың жоғары дозаларымен ұзақ уақыт бойы ем алатын пациенттерге немесе бауыр жеткіліксіздігі бар пациенттерге дозаны төмендету қажет болуы мүмкін.

Рифампицин және шайқурай (Hypericum perforatum) сияқты CYP2C19 және CYP3A4 изоферменттерінің белсенділік индукторлары осы ферменттік жүйелер арқылы метаболизденетін ПСТ плазмасындағы концентрацияны төмендетуі мүмкін.

Арнайы ескертулер

Натрий

Пантакаинд құрамында бір таблеткада 1 ммольден аз (23 мг) натрий бар, яғни «құрамында натрий жоқ».

Педиатрияда қолдану

Пантакаиндті 12 жасқа дейінгі балаларда қолдану ұсынылмайды, өйткені осы жас тобында препаратты қолданудың қауіпсіздігі мен тиімділігі туралы деректер аз.

Жүктілік және лактация кезінде

Сақтық шарасы ретінде жүктілік кезінде Пантакаинд препаратын қолдануды болдырмау ұсынылады. Пантопразолдың емшек сүтіне бөлінуі туралы хабарланды. Жаңа туған нәрестелер/еметін сәбилер үшін қауіпті жоққа шығаруға болмайды. Сондықтан бала емізудің пайдасы мен әйел үшін Пантакаинд препаратымен емдеудің пайдасын ескере отырып, емшек емізуді тоқтату немесе Пантакаинд препаратымен емдеуді уақытша тоқтату/тоқтату туралы шешім қабылдау қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Пантопразол көлік құралын басқару қабілетіне әсер етпейді немесе шамалы әсер етеді.

Бас айналу және көру қабілетінің бұзылуына байланысты көбірек назар аударуды қажет ететін көлік құралдарын және басқа механизмдерді басқарудан аулақ болу керек.

Қолдану бойынша ұсынымдар

Дозалау режимі

Рефлюкс-эзофагит 

Ересектер мен 12 жастан асқан балаларға күніне 1 таблеткадан тағайындайды, қажет болған жағдайда дозаны күніне 2 таблеткаға дейін арттыруға болады.

Ұсынылатын емдеу курсы 4 апта, қажет болған жағдайда емдеуді тағы 4 аптаға дейін ұзартуға болады. 

Ересектер 

Н. pylori-мен байланысты асқазанның және он екі елі ішектің ойық жарасы бар пациенттерде екі тиісті антибиотикпен бірге Н. Pylori эрадикациясына патогенді біріктірілген емнің көмегімен жою арқылы қол жеткізіледі. Бактериялардың резистенттілігіне және бактерияға қарсы препараттарды тиісінше пайдалануға және тағайындауға қатысты ресми жергілікті нұсқаулықты (мысалы, ұлттық ұсынымдарды) ескерген жөн. Резистенттілік түріне байланысты H. pylori жою үшін мынадай біріктірілімдер ұсынылуы мүмкін:

H. pylori эрадикациясы үшін біріктірілген ем жағдайында екінші таблетканы кешкі ас ішкеннен кейін 1 сағат бұрын ішу керек.

Біріктірілген ем 7 күн бойы жүргізіледі және тағы 7 күн (емдеудің жалпы ұзақтығы 2 аптаға дейін) жалғастырылуы мүмкін.

Одан әрі емдеу он екі елі ішектің және асқазанның ойық жарасы кезінде препаратты дозалау жөніндегі ұсынымдарды қарастырғаннан кейін мүмкін болады.

H. pylori-ге теріс нәтижесі бар пациенттерде Пантакаинд препаратымен монотерапия кезінде мынадай дозалар пайдаланылуы мүмкін:

Асқазанның ойық жарасын емдеу 

Тәулігіне 40 мг, кейбір жағдайларда, оның ішінде емнің тиімсіздігі кезінде, тәулігіне 80 мг Пантакаинд препаратын тағайындауға болады. Асқазанның ойық жарасын емдеу үшін 4 апта емдеу курсы қажет. Егер бұл жеткіліксіз болса, жақсартуға келесі 4 апта ішінде қол жеткізіледі. 

Он екі елі ішектің ойық жарасын емдеу 

Тәулігіне 40 мг-ден, кейбір жағдайларда, оның ішінде емнің тиімсіздігі кезінде тәулігіне 80 мг Пантакаинд препаратын тағайындауға болады, онда емдеуге әдетте емнің келесі 2 аптасы ішінде қол жеткізуге болады. Егер емдеудің 2 аптасы жеткіліксіз болса, келесі 2 апта ішінде барлық жағдайларда жақсартуға қол жеткізіледі. 

Золлингер-Эллисон синдромы және басқа патологиялық гиперсекреторлық жағдайлар

Золлингер-Эллисон синдромын және басқа патологиялық гиперсекреторлық жағдайларды ұзақ емдеу үшін пациенттер өз емін 80 мг тәуліктік дозадан бастауы тиіс (40 мг Пантакаинд 2 таблеткасы). Содан кейін, қажет болған жағдайда, асқазан сөлінің қышқылдық көрсеткіштеріне байланысты дозаны арттыруға немесе азайтуға болады. Күніне 80 мг жоғары дозаларда дозаны бөліп, күніне екі рет қабылдау керек. Дозаның 160 мг пантопразолдан жоғары уақытша ұлғаюы мүмкін, бірақ қышқылдықты жеткілікті бақылау үшін талап етілгеннен ұзақ қолданылмауы тиіс. 

Золлингер-Эллисон синдромы кезінде және басқа патологиялық гиперсекреторлық жағдайлар кезінде емдеу ұзақтығы шектелмейді және емдеу мерзімдері клиникалық қажеттілікке байланысты айқындалуы мүмкін. 

Пациенттердің ерекше топтары

Бауыр жеткіліксіздігі бар пациенттер

Бауырдың ауыр жеткіліксіздігіне шалдыққан пациенттерде пантопразолдың тәуліктік дозасы күніне 20 мг (20 мг пантопразолдың 1 таблеткасы) аспауы тиіс. Пантакаиндті H. pylori эрадикациясы мақсатында біріктірілген емдеу кезінде бауыр функциясының орташа және ауыр бұзылуы бар пациенттерде пайдалануға болмайды, өйткені қазіргі уақытта осы пациенттерді емдеу кезінде Пантакаиндтің тиімділігі мен қауіпсіздігі туралы деректер жоқ.

Бүйрек жеткіліксіздігі бар пациенттер

Бүйрек функциясы бұзылған пациенттерге дозаны түзету талап етілмейді. Пантакаиндті бүйрек функциясы бұзылған пациенттерде H. pylori эрадикациясы мақсатында біріктірілген емдеу кезінде пайдалануға болмайды, өйткені қазіргі уақытта осы пациенттерді емдеу кезінде Пантакаиндтің тиімділігі мен қауіпсіздігі туралы деректер жоқ.

Егде жастағы пациенттер

Егде жастағы адамдарға дозаны түзету қажет емес.

Балалар

Пантакаиндті 12 жасқа дейінгі балаларда қолдану ұсынылмайды, өйткені осы жас тобында препаратты қолданудың қауіпсіздігі мен тиімділігі туралы деректер аз.

Енгізу әдісі мен жолы

Таблеткаларды шайнамай және сындырмай, тамақ ішкенге дейін 1 сағат бұрын жеткілікті мөлшерде су іше отырып, тұтастай жұту керек.

Артық дозалану жағдайында қабылдануы қажет шаралар

Симптомдары: белгісіз

240 мг дейінгі жүйелік экспозиция 2 сағат ішінде жақсы қабылданады.   

Пантопразол қан ақуыздарымен жақсы байланысатындықтан, диализ жүргізілмейді. 

Емі: артық дозалануға күдіктенгенде демеуші және симптоматикалық ем жүргізу ұсынылады. Препарат гемодиализ арқылы шығарылмайды

Дәрілік препаратты қолдану тәсілін түсіндіру үшін медициналық қызметкердің кеңесіне жүгіну жөніндегі ұсынымдар

Дәрілік препаратты қабылдамас бұрын дәрігермен немесе фармацевтпен кеңесіңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жиі

• Асқазан түбінің безді полиптері (қатерсіз)

Жиі емес

• Ұйқының бұзылуы

• Бас ауыру, бас айналу

• Диарея, жүрек айнуы/құсу, ентігу және метеоризм, іш қату, ауыздың құрғауы, жайсыздық және іштің ауыруы

• Бауыр ферменттері белсенділігінің жоғарылауы (трансаминазалар, ГГТП)

• Бөртпе, экзантема, бөрту

• Қышыну

• Ортан жіліктің, білезіктің немесе омыртқаның сынуы

• Астения, қатты қажу және дімкәстану

Сирек

• Агранулоцитоз

• Аса жоғары сезімталдық (анафилаксиялық реакциялар және анафилаксиялық шок)

• Гиперлипидемия және липидтердің жоғары концентрациясы (триглицеридтер, холестерин), дене салмағының өзгеруі

• Депрессия (және оның симптомдарының барлық нашарлау жағдайлары)

• Дәм сезудің бұзылуы

• Көрудің бұзылуы/көрудің бұлыңғырлануы

• Билирубин деңгейінің жоғарылауы

• Есекжем, ангионевроздық ісіну

• буынның ауыруы

• бұлшықеттің ауыруы 

• Гинекомастия

• Дене температурасының жоғарылауы, шеткері ісінулер

Өте сирек

• Тромбоцитопения, лейкопения, панцитопения

• Бағдардан адасу (және оның симптомдарының барлық нашарлау жағдайлары)

Белгісіз жиілік

• Гипонатриемия, гипомагниемия, гипокальциемия, гипокалиемия, елестеулер

• Сананың шатасуы (әсіресе бейім пациенттерде, сондай-ақ егер симптомдар бұрын болған болса, олардың нашарлауы)

• Парестезия

• Микроскопиялық колит

• Гепатоцеллюлярлық зақымданулар, сарғаю, гепатоцеллюлярлық жеткіліксіздік

• Стивенс-Джонсон синдромы, Лайелл синдромы

• мультиформалы эритема

• фотосезімталдық

• Жеделге жуық терінің қызыл жегісі

• бұлшықеттің түйілуі

• Интерстициальді, нефрит (бүйрек жеткіліксіздігіне дейін үдеуі мүмкін)

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында:

белсенді зат - натрий пантопразолы (пантопразолға баламалы) 42.280 мг (40 мг пантопразолға баламалы)

қосымша заттар: сусыз натрий карбонаты, маннитол (Pearlitol 25 C), сахароза, тазартылған су, кремнийдің қостотығы (Syloid 244FP), тальк, кальций стеараты

қабық: гипромеллоза (Pharma coat 603 cps), тальк, макрогол (Lutrol E400)

ішекте еритін бірінші қабық: метакрил қышқылы – этилакрилат сополимері (1:1) дисперсия 30% (Eudragit L30 d55), тальк, триэтилцитрат

ішекте еритін екінші қабық: Метакрил қышқылы – этилакрилат сополимері (1:1) дисперсия 30% (Eudragit L30 d55), тальк, титанның қостотығы (Е171), триэтилцитрат

бояғыштардың қабығы: гипромеллоза (Pharma coat 603 cps), тальк, темірдің қызыл тотығы (Е172), макрогол (Lutrol E400), темірдің қара тотығы (Е172)

Сыртқы түрінің, иісінің, дәмінің сипаттамасы

Дөңгелек пішінді, екі жағынан тегіс, диаметрі (7.65 ± 0.2) мм және қалыңдығы (3.95 ± 0.3) мм, ашық-қоңыр түсті ішекте еритін қабықпен қапталған таблеткалар.

Шығарылу түрі және қаптамасы

10 таблеткадан алюминий фольгадан жасалған пішінді ұяшықты қаптамаға салынады.

6 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

Жарықтан және ылғалдан қорғалған жерде, 30 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Mankind Pharma Limited, Үндістан

Unit-II, Village-Kishanpura, P.O. Jamniwala,

Tehsil-Paonta Sahib, District Sirmour-173 025,

Химачал-Прадеш, ҮндістанТел.: +91-1704-645952

Email: amit.singh@mankindpharma.com

Тіркеу куәлігінің ұстаушысы

Mankind Pharma Limited, Нью Дели, Үндістан

208, Okhla Industrial Estate, Phase-3, New Delhi-110020 (India)

110020, Нью Дели, Үндістан

Тел.: +91-47476600

Веб-сайт: mankindpharma.com

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және тіркеуден кейінгі дәрілік заттың қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«LS Pharm» (Лс Фарм) ЖШС, Қазақстан Республикасы, Алматы қаласы, Медеу ауданы, Нұрсұлтан Назарбаев даңғылы, 118Б үй, 3 пәтер, пошта индексі 050000

Тел/факс: +7(727)3900375

Электронды пошта: office@ls-pharm.com