Пантаз

• русский
• қазақша

• Скачать инструкцию медикамента

Саудалық атауы

Пантаз

Халықаралық патенттелмеген атауы

Пантопразол

Дәрілік түрі

Ішекте еритін қабықпен қапталған таблеткалар, 40 мг

Құрамы

Бір таблетканың құрамында

белсенді зат – 45,200 мг пантопразол натрий сесквигидраты, 40 мг пантопразолға сәйкес,

қосымша заттар: маннитол, гидроксипропилметилцеллюлоза, сусыз натрий карбонаты, кальций стеараты, кросповидон,

қабықтың құрамы: метакрил қышқылының кополимері, дибутилфталат, тазартылған тальк, гидроксипропилметилцеллюлоза, макрогол 6000, титанның қостотығы (Е171), темірдің сары тотығы (Е172).

Сипаттамасы

Дөңгелек, екі беті дөңес, ішекте еритін қабықпен қапталған, ақшыл сары түсті, екі жағы тегіс таблеткалар.

Фармакотерапиялық тобы

Ойық жараға қарсы препараттар және гастроэзофагеальді рефлюксті (GORD) емдеуге арналған препараттар. Протон сорғысының тежегіші.

АТЖ коды A02BC02

Фармакологиялық қасиеттері

Фармакокинетикасы

Сіңуі: пантопразол жылдам және толығымен дерлік ішекте сіңеді. Ішке қабылдаған кезде пантопразолдың қан плазмасындағы ең жоғары концентрациясы (Сmax) 2-2,5 сағаттан соң жетеді және 20 мг дозада 1,15 мкг/мл, 40 мг дозада 2-3 мкг/мл құрайды. Абсолюттік биожетімділігі шамамен 77 %. Таралу көлемі шамамен 0,15 л/кг, клиренсі – 0,1 л/кг жуық. Пантопразолдың қан плазмасы ақуыздарымен байланысуы шамамен 98% құрайды.

Шығарылуы және метаболизмі: пантопразол түгелімен дерлік Р450 жүйесінің CYP2C19 изоферменті көмегімен кейіннен сульфаттану арқылы бауырда метаболизденеді. Пантопразол метаболиттерінің маңызды фармакодинамикалық белсенділігі жоқ. Негізгі метаболит – дезметилпантопразол сульфаты. Препараттың 80% жуығы бүйректер арқылы, қалғандары нәжіспен шығарылады. Негізгі метаболиттің жартылай шығарылу кезеңі шамамен 1,5 сағатты, пантопразолдікі – шамамен 1 сағатты құрайды. Жартылай шығарылу кезеңі қысқалығына қарамастан,

пантопразолдың (Н+ - К+) АТФ-азамен ковалентті байланысуынан кейін, антисекреторлық белсенділігі 24 сағаттан аса сақталады.

Пантопразолдың плазмалық клиренсі егде адамдарда шағын немесе орташа деңгейде төмендеуі мүмкін. Пантопразолдың фармакокинетикасы бүйрек жеткіліксіздігі кезінде өзгермеген қалпында қалады, бірақ метаболизмі мен ағзадан шығуы осындай ауруы бар емделушілерде бұзылуы мүмкін.

Фармакодинамикасы

Пантаз - H+-K+-АТФ-азаның тежегіші. Пантопразол - препараттың белсенді заты – асқазанның париетальдік жасушаларында Н+-К+-АТФ-аза белсенділігін тежеу жолымен асқазандағы тұзды қышқылдың базальді және көтермеленген (тітіркендіргіш түріне қарамастан: ацетилхолин, гистамин, гастрин) сөлініс деңгейін төмендетеді, әрі сонысымен тұзды қышқыл (хлорлысутек) сөлінісінің соңғы сатысын бөгейді. Талғамдылығы Пантаздың тек белгілі бір қышқылдықта (рН  3) әсер етуімен түсіндіріледі. Helicobacter pylori-мен астасқан он екі елі ішектің ойық жара ауруы кезінде асқазан сөлінісінің мұндай төмендеуі микроорганизмдердің антибиотиктерге сезімталдығын жоғарылатады. Пантаз Helicobacter pylori-ге қатысты алғанда дербес микробқа қарсы белсенділікке ие. Секреторлық белсенділігі препаратты қабылдау аяқталғаннан кейін 3-4 күннен соң қалпына келеді. АІЖ моторикасына әсері жоқ. Препаратты қабылдау барысында сарысу гастринінің жоғарылаған деңгейі байқалады, бұл жағдай емдеуді тоқтатқаннан кейін қалпына түседі.

 

Қолданылуы

- асқазан және он екі елі ішек ойық жарасы ауруында, оның ішінде Helicobacter pylori-мен астасқанда (бактерияға қарсы еммен біріктірілгенде)

- Золлингера-Эллисон синдромында

- стероидты емес қабынуға қарсы дәрілерді (СҚҚД) қолданудан туындаған гастропатияда

- гастроэзофагеальды рефлюкс ауруында

Қолдану тәсілі мен дозалары

Ересектерге: орташа емдік доза тәулігіне 20 мг құрайды.

Ең жоғары доза – тәулігіне 80 мг. Таблеткаларды жеткілікті мөлшердегі суды іші отырып, тұтасымен (үгітпестен және ерітпестен) ішке қабылдайды. Препарат таңғы асқа дейін 1 сағат бұрын, тәулігіне 2 рет қабылдаған кезде екінші дозаны - кешкі асқа дейін 1 сағат бұрын қабылдау ұсынылады.

Емдеу курсының ұзақтығы көрсетілімге байланысты белгіленеді, бірақ ол 8 аптадан аспауы тиіс.

Асқазан және он екі елі ішектің ойық жара ауруы

Препараттың ұсынылған дозасы күніне бір рет 40 мг. Он екі елі ішек ойық жара ауруының өршуі кезінде емдеу курсы 2-4 апта, асқазанның ойық жара ауруында - 4-8 апта.

Helicobacter pylori-мен астасқан асқазан мен он екі елі ішектің ойық жара ауруы

Препараттың 7- 14 күн бойы кешенді ем құрамында ұсынылған дозасы күніне екі рет 40 мг.

Золлингера-Эллисон синдромы

Дозасы және емдеу ұзақтығы жеке таңдалуы керек. Препараттың бастапқы ұсынылатын дозасы тәулігіне 2 рет 40 мг-ден (препаратты тәулігіне 240 мг дейінгі дозада қолдану тәжірибесі бар). Жекелеген емделушілерде емдеу курсының ұзақтығы 2 жылға жеткен.

Гастроэзофагеальді рефлюкс ауруында

Ұсынылатын доза 4 апта бойы күніне 1 рет 40 мг.

Емделушінің жағдайына қарай емдеу курсын 8 аптаға дейін созуға болады.

Стероидты емес қабынуға қарсы дәрілерді қабылдаумен астасқан асқазан-ішек жолдары эрозивті- ойық жаралық зақымданулары кезінде ұсынылатын доза 4 – 8 апта бойы тәулігіне 1 рет 40 мг.

Препаратты тамаққа дейін, күннің бірінші жартысында қабылдау керек, таблеткаларды шайнауға немесе ұнтақтауға болмайды. Таблетканы тұтастай жұтып, әрбір дозаның артынан 1 стакан су ішу керек.

Бауыр қызметі айқын бұзылған емделушілерде дозаны 2 күнде 1 рет 40 мг-ге дейін төмендеткен жөн, мұнымен қоса қанның биохимиялық көрсеткіштерін бақылап отыру қажет. Бауыр ферменттерінің белсенділігі жоғарылаған кезде препаратты тоқтатқан жөн.

Жағымсыз әсерлері

Жиі

- бас ауыруы

- диарея

Сирек

- жүрек айнуы, іштің жоғары бөлігінің ауыруы, іштің қатуы, метеоризм

- әлсіздік, бас айналуы

- интерстициалді нефрит, ісіну

-аллергиялық реакциялар (тері бөртпесі, қышу, тері гиперемиясы, анафилактикалық шок)

Өте сирек

- депрессия, әлсіздік, бас айналу

- көру және естудің бұзылуы (амблиопия, диплопия, құлақ ауыру, құлақтың ызыңдауы)

Жекелеген жағдайларда

- бауырдың сары аурумен гепатоцеллюлярлық зақымдануы, бауыр қызметінің бұзылуы

- анемия, эозинофилия, нейтропения, тромбоцитопения

- гематурия, протеинурия

- артралгия, бұлшықет әлсіздігі, миалгия

- депрессивті күйдің бастапқы көріністері: мазасыздық, астения, ашушаңдық, ұйқының бұзылуы, көңіл-күй тұрақсыздығы, ұйқышылдық

- афтозды стоматит, ауыздың құрғауы, дәм сезудің қалыптан тыс болуы, анорексия, колит

- бронхит, ларингит, демікпе, мұрыннан қан кету, ықылық

- төс артының ауыруы

- бүйректің ауыруы, глюкозурия, дизурия, несеп шығарудың бұзылуы

- дисменорея, импотенция

Қолдануға болмайтын жағдайлар

- пантопразолға немесе препараттың басқа құрамдас бөлігіне жоғары сезімталдықта

- шығу тегі невротикалық диспепсияда

- АІЖ қатерлі ауруларында

- 18 жасқа дейінгі балалар мен жасөспірімдерге

- бүйрек қызметінің айқын бұзылуында

Дәрілермен өзара әрекеттесуі

Осы уақытқа дейін басқа дәрілік заттармен елеулі клиникалық мәні бар өзара әрекеттесулері анықталмаған. Омепразолмен және лансопразолмен салыстырғанда, пантопразол Р450 цитохроммен өзара аздау әрекеттеседі.

Пантопразолды антипирин, диазепам, фенитоин, пироксикам, карбамазепин, нифедипин, кофеин, диклофенак, этанол, глибенкламид, метопролол, напроксен, фенпрокумон, теофилин, дигоксинмен және ішілетін контрацептивтермен біріктіре қабылдағанда метаболизмнің басылғаны анықталмаған. Пантопразол мен варфаринді бірге қабылдау варфариннің коагуляциялық факторларына әсер етпейді.

Пантопразолдың антацидті препараттармен бәсекелі өзара әрекеттесуі анықталмаған.

Пантопразолды бір мезгілде қолдану биожетімділігі асқазанның рН ортасына байланысты болатын дәрілік заттардың сіңуін азайтуы мүмкін (мысалы, кетоконазол, ампициллин эфирлері, темір тұздары).

Айрықша нұсқаулар

Ем алдында асқазан мен өңеште қатерлі ісік аурулары жоқтығына көз жеткізген дұрыс, себебі пантопразолды қабылдау симптомдар айқындығын төмендетеді және диагнозды дұрыс қою мерзімін ұзартып жіберуі мүмкін. Рефлюкс-эзофагит диагнозы міндетті түрде эндоскопиялық растауды талап етеді.

Бауыр қызметі бұзылған емделушілерге қолданған кезде қан плазмасындағы бауыр ферменттері белсенділігін үнемі бақылап отырған жөн және олар жоғарылап кеткен жағдайда пантопразолды тоқтату керек.

Педиатрияда қолданылуыПрепаратты балаларға қолдану тәжірибесі туралы деректер жоқ.Жүктілік және лактацияПантопразолды жүктілік кезінде қолданған кезде болжамды түрде анаға пайдасы мен іштегі балаға төнетін қатерін таразылап алу қажет. Пантаз сүтпен бөлінеді, сондықтан лактация кезеңінде қолдану қажет болған жағдайда бала емізуді тоқтату мәселелесін шешіп алған абзал.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескере отырып, көлік құралдарын басқаруда және қауіптілігі зор механизмдермен жұмыс істегенде сақ болу қажет. Артық дозаланғандаСимптомдары: көрудің бұзылуы, ұйқышылдық, қозу, бас ауыру, тершеңдіктің жоғарылауы, ауыздың құрғауы, жүрек айну, тахикардия. Емдеу: препаратты тоқтату немесе оның дозасын төмендеткен дұрыс. Арнайы емдеуі жоқ, симптоматикалық ем жүргізеді.

Шығарылу түрі және қаптамасы

Алюминий фольгадан жасалған пішінді ұяшықты қаптамада 10 таблеткадан.

1, 3, 10 пішінді ұяшықты қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салады.

 

Сақтау шарттары

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

MEDLEY Pharmaceuticals Limited, Индия

Medley House, D2, MIDS Area, Andheri (East), Mumbai – 400 093

Тіркеу куәлігінің иесі

MEDLEY Pharmaceuticals Limited, Индия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Медлей Фармасьютикалз Лтд» компаниясының ҚР-дағы өкілдігі, сенімді тұлғасы Амит Шривастава

Алматы қ-сы, Құрмангазы к-сі 48А

E.mail: registration1@kazeuropharm.com

Тел./факс: 261-51-41