ОФЛОМЕЛИД®

• русский
• қазақша

• Скачать инструкцию медикамента

Саудалық атауы

ОФЛОМЕЛИД®

Халықаралық патенттелмеген атауы

Жоқ

Дәрілік түрі

Сыртқа қолдануға арналған жақпамай

Құрамы

100 г жақпамайдың құрамында

белсенді заттар: офлоксацин – 1 г,

метилурацил – 4 г,

лидокаин гидрохлоридінің моногидраты (лидокаин гидрохлоридіне шаққанда) 3 г,

қосымша заттар: нипагин – 0,08 г, нипазол - 0,02 г, пропиленгликоль – 10 г, макрогол-1500, макрогол-400

Сипаттамасы

Түсі ақ немесе ақ дерлік жақпамай

Фармакотерапиялық тобы

Микробқа қарсы басқа да препараттар

АТХ коды D06BX

Фармакологиялық қасиеттері

Фармакокинетикасы

Препараттың фармакокинетикасы жөніндегі деректер ұсынылмаған.

Фармакодинамикасы

Офломелид® біріктірілген препарат, микробқа қарсы, қабынуға қарсы, жергілікті жансыздандыратын, регенерациялаушы әсер етеді. Белсенді заттары офлоксацин, метилурацил және лидокаин болып табылады.

Офлоксацин фторхинолондар тобынан шыққан әсер ету ауқымы кең микробқа қарсы дәрі. Бактериялық жасушалардағы ДНҚ-гираза блокадасы есебінен бактерицидті әсер етеді. ДНҚ-гиразасы бактериялық ДНҚ репликациясы, транскрипциясы, репарациясы және рекомбинациясы үшін қажет. Оның тежегіштігі бактериялық тарқату мен дестабилизацияны тудырады және оның нәтижесінде микробтық жасуша өледі.

Офлоксацинге аса сезімтал микроағзалар (МПК ≤ 0.5 мг/л):

грамоң аэробтар – Staphylococcus aureus methi-S (метициллинге сезімтал штаммдар), Staphylococcus coagulase negative (коагулаз-теріс стафилококтар: Staphylococcus epidermidis, Staphylococcus saprophyticus, Staphylococcus haemolyticus, Staphylococcus hominis және т.б.);

грамотеріс аэробтар – Aeromonas hydrophila, Bordetella spp., Brucella spp., Campylobacter jejuni, Citrobacter spp. (Citrobacter freundii қосқанда), Enterobacter spp. (Enterobacter cloacae, Enterobacter aerogenes, Escherichia coli, Haemophilus ducreyi, Haemophilus influenzae, Haemophilus parainfluenzae, Klebsiella spp. қосқанда (Klebsiella pneumonia қосқанда), Moraxella (Brahamella) catarrhalis, Morganella morganii, Neisseria gonorrhoeae, Neisseria meningitides, Plesiomonas spp., Proteus spp. (Proteus mirabilis, Proteus vulgaris (indole + и indole -)), Providencia spp., Salmonella spp., Serratia (Serratia marcescens қосқанда), Shigella spp. (Shigella sonnei қосқанда), Vibrio spp. (Vibrio cholerae, Vibrio parahaemolyticus қосқанда), Yersinia spp. (Yersinia enterocolitica қосқанда);

анаэробтар – Clostridium perfringens, Helicobacter pylori, Propionibacterium acnes;

басқалары – Chlamydia trachomatis, Legionella spp., Mycoplasma spp. (Mycoplasma hominis қосқанда).

Офлоксацинге қалыпты сезімтал микроорганизмдер: Acinetobacter spp. (Acinetobacter calcoaceticus қосқанда), Bacteroides fragilis, Bacteroides urealyticus, Chlamydia psittaci, Gardnerella varginalis, Enterococcus faecalis, Mycobacterium tuberculosis, Mycobacterium leprae, анаэробты грамоң кокктар (Peptococcus spp., Peptostreptococcus spp., Pseudomonas spp. (Pseudomonas aeruginosa қосқанда), Streptococcus pyogenes, Streptococcus pneumoniae, Streptococcus viridians) – тек қана пенициллинге сезімтал штаммдар, Ureaplasma urealyticum.

Офлоксацинге резистентті микроорганизмдер (МПК > 1 мг/мл): Acinetobacter baumannii, Enterococcus spp. көптеген штаммалары, Listeria monocytogenes, Nocardia spp., (соның ішінде Nocardia asteroids), метициллинге резистентті штаммдар Staphylococcus aureus и Staphylococcus spp. (Staphylococcus methi-R), Treponema pallidum.

Метилурацил тіндер репарациясының ынталандырғышы. Анаболикалық белсенділікке ие. Тіндердің өсуі мен бітуін жетілдіруді жеделдете отырып, жаралардағы жасушалық регенерация үдерістерін және эпителизацияны жылдамдатады.

Na+ - жолдарының блокадасы салдарынан жергілікті жансыздандыратын әсер береді, бұл сезімтал нейрондар ұштарындағы импульстар генерациясы мен импульстардың жүйке талшықтарымен өтуіне кедергі жасайды. Жақпамайдың суда еритін және (гидрофильді) және аса шайырлы негізін тіндерге әсер ету күші жағынан 10 % натрий хлориді ерітіндісінен 20 есе асып түсіп 18-20 сағатқа созылатын дегидраттаушы және осмотикалық әсермен қамтамасыз ететін молекулярлық массасы 400 және 1500 полиэтиленоксидтер (полиэтиленгликоль) қоспасы (ПЭО-400 және ПЭО-1500 немесе ПЭГ-400 және ПЭГ-1500) құрайды.

Қолданылуы

- II-IV дәрежелі жұқпа-жұқтырылған күйіктер

- тесілулерде

- трофикалық ойық жараларда

- операциядан кейінгі және жарақаттанудан кейінгі жаралар мен жыланкөздерде

- абсцесстерді, флегмондарды тіліп ашқаннан кейінгі, абсцесс түзуші фурункулдарды, карбункулдарды, гидрадениттерді, іріңдеген атероманы, липоманы хирургиялық өңдеуден кейінгі жараларда және т.б.

Қолдану тәсілі мен дозалары

Сыртқа, 1-2 апта бойы күніне 1 рет. Жара мен күйікті стандартты өңдеуден кейін жақпамайды тікелей жара беткейіне жұқалап (мұнан соң стерильді дәке таңғышты салады) немесе зақымдану ошағына аппликация салу арқылы дәке таңғышқа жағады. Іріңді жаралардың қуыстарын оларды хирургиялық өңдегеннен кейін жақпамай сіңдірілген тампондармен қопсыта толтырады, ал жақпамайы бар дәке білтелерді жыланкөздер жолдарына кіргізеді. Іріңді жараларды емдеу кезінде жақпамайды тәулігіне 1 рет, күйікті емдеу кезінде – күнделікті немесе іріңді бөлінудің мөлшеріне қарай аптасына 2-3 рет. Ең жоғары тәуліктік доза 100 г аспауы тиіс. Емдеудің ұзақтығы жараларды іріңді экссудаттан тазарту динамикасына және қабыну үдерісін басу мерзіміне байланысты.

Жағымсыз әсерлері

Аллергиялық реакциялар: сирек - тері бөртпесі, қышу, есекжем

Қолдануға болмайтын жағдайлар

- препарат компоненттеріне жеке жоғары сезімталдықта

- жүктілік және лактация кезеңі

- 18 жасқа дейінгі балалар және жасөспірімдер

Дәрілермен өзара әрекеттесуі

Препарат организмге жүйелік әсер етпейтіндіктен, басқа дәрілік заттармен өзара әрекеттесу жағдайлары анықталмаған.

Айрықша нұсқаулар

Дәрілік заттың көлік немесе қауіптілігі зор механизмдерді басқару қабілетіне ықпал ету ерекшелігі

Анықталмаған.

Артық дозаланғанда

Осы уақытқа дейін препараттың артық дозалануы жөніндегі деректер жоқ.

Шығарылу түрі мен қаптамасы

30 г, 50 г, 100 г алюминий сықпаға салынады.

Алғашқы ашуды бақылаумен полимерлік банкаға салынады.

Медицинада қолданылуы жөніндегі мемлекеттік және орыс тілдеріндегі 5 нұсқаулықпен бірге стационарға арналған алғашқы ашуды бақылаумен полимерлік банкаға 200 г, 400 г салынады.

Медицинада қолданылуы жөніндегі мемлекеттік және орыс тілдеріндегі 5 нұсқаулықпен бірге стационарға арналған бұралатын қақпағы бар полимерлік банкаға 1000 г салынады.

30 г, 50 г, 100 г әр сықпаны немесе 200 г банканы медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Жарықтан қорғалған жерде, 15°С-ден 25°С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

Сықпалар: 4 жыл

Банкалар: 4 жыл. Банканы ашқаннан кейін 3 ай ішінде пайдалану қажет. Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Синтез» ААҚ.

640008, Ресей Федерациясы, Қорған қ., Конституция даңғылы, 7.

Тел./факс (3522) 48-16-89

E-mail: real@kurgansintez.ru

Ғаламтор-сайты: www.kurgansintez.ru

Тіркеу куәлігінің ұстаушысы

"МС-Вита" ЖШҚ, Ресей Федерациясы

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«СТОФАРМ» ЖШС, 000100, Қазақстан Республикасы,

Қостанай облысы, Қостанай қ., Орал к-сі, 14

тел. 714 228 01 79