Офломак-200

ОФЛОМАК-200

Офлоксацин

Үлбірлі қабықпен қапталған таблеткалар, 200 мг

Бір таблетканың құрамында

белсенді зат - офлоксацин 200 мг,

қосымша заттар: микрокристалды целлюлоза, лактоза, натрий лаурилсульфаты, повидон, натрий крахмалы гликоляты (А типі), микрокристалды целлюлоза РН-302, кросповидон, сусыз коллоидты кремний, тазартылған тальк, магний стеараты,

үлбірлі қабық: гипромеллоза (Е 15), тазартылған тальк, титанның қостотығы (Е 171), магний стеараты, хинолинді сары (Е 104), полиэтиленгликоль 6000, диэтилфталат.

Сопақша пішінді, екі беті дөңес, үлбірлі қабықпен қапталған таблеткалар.

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Микробқа қарсы препараттар - хинолон туындылары. Фторхинолондар. Офлоксацин.

АТХ коды J01MA01

Фармакокинетикасы

Офлоксацин ішке қабылдағаннан кейін АІЖ іс жүзінде толық сіңіріледі. Бір реттік 200 мг дозаны қабылдағаннан кейін қан плазмасындағы офлоксациннің ең жоғарғы концентрациясы бір сағаттан соң 2,5-тен 3 мкг/мл дейінді құрайды. Жартылай шығарылу кезеңі 6-7 сағатты құрайды және дозаға тәуелді болып табылады. Таралу көлемі 120 литрді құрайды. Көп реттік дозалаудан кейін қан плазмасындағы концентрация аса ұлғаймайды (көбею коэффициенті 1,5 жуық). Офлоксациннің несептегі және несеп шығару жолдары инфекциялары орнындағы концентрациясы қан плазмасында өлшенген концентрациядан 5-100 есе артық. Офлоксацин негізінен, өзгермеген күйде несеппен шығарылады. Бүйрек жеткіліксіздігінде дозаны азайту керек.

Фармакодинамикасы

Офлоксацин хинолонның туындысы болып табылады және грамоң және грамтеріс бактерияларға қатысты антибактериялық белсенділіктің кең ауқымына ие. Офлоксацин жасушаның генетикалық материалының көбеюге дайындығы үшін жауапты болатын бактериялық ДНҚ-гиразаны бөгей отырып, осылайша бактериялық жасушалардың қырылуын тудыратын өз әсерін жүзеге асырады.

Аралық бейімділігі бар микроорганизмдерді қоса, әдеттегі бейімді түрлері

Аэробты грамоң микроорганизмдер: Bacillus anthracis, Bordetella pertussis, Corynebacteria, Streptococci

Аэробты грамтеріс микроорганизмдер: Campylobacter, Enterobacter, Haemophilus influenza, Legionella pneumophila, Moraxella catarrhalis, Morganella morganii, Proteus vulgaris, Salmonella, Shigella, Yersinia

Басқа микроорганизмдер: Chlamydia, Chlamydophila pneumonia, Mycoplasma hominis, Mycoplasma pneumonia, Ureaplasma urealyticum

Жүре пайда болған резистенттілік проблема болуы мүмкін түрлері

Аэробты грамоң микроорганизмдер: Staphylococci коагулазды теріс, Staphylococcus aureus (метициллинге сезімтал), Streptococcus pneumoniae

Аэробты грамтеріс микроорганизмдер: Acinetobacter baumannii, Citrobacter freundii, Escherichia coli, Klebsiella oxytoca, Klebsiella pneumonia, Neisseria gonorrhoeae, Proteus mirabilis, Pseudomonas aeruginosa, Serratia

Резистентті микроорганизмдер

Аэробты грамоң микроорганизмдер: Enterococci, Listeria monocytogenes, Nocardia, Staphylococci methi-R

Анаэробты микроорганизмдер: Bacteroides spp., Clostridium difficile

Офломак-200 келесі бактериялық инфекцияларды емдеу үшін қолданылады:

- пиелонефрит және несеп жолдарының асқынған инфекциялары

- простатит, эпидидимоорхит

- кіші жамбас ағзаларының қабыну аурулары, біріктірілген ем кезінде

Төменде тізілген инфекциялар үшін Офломак-200 әдетте осы инфекцияларды бастапқы емдеу үшін ұсынылатын бактерияға қарсы дәрілерді пайдалану дұрыс емес деп есептелгенде ғана пайдалану керек:

- асқынбаған цистит

- уретрит

- тері мен жұмсақ тіндердің күрделі инфекциялары

- созылмалы бронхиттің жедел өршуі

- ауруханадан тыс пневмония

Бактерияға қарсы дәрілерді тиісті түрде пайдалану бойынша ресми нұсқаулықтарды қарау керек.

Таблетканы жеткілікті мөлшердегі сұйықтықпен жұтып, шайнамастан тұтастай, аш қарынға немесе тамақтану кезінде қабылдайды. Антацидтерді немесе құрамында Mg, Al, Fe және Zn бар препараттарды Офломак-200 қабылдауға дейін 2 сағат бұрын немесе одан кейін қабылдау керек.

Офлоксацин дозасы инфекцияның түріне және ауырлығына байланысты және жеке қажеттілігіне сәйкес дәрігер анықтайды және күніне 200-ден 800 мг дейін. Офлоксациннің 400 мг дейінгі тәуліктік дозасын бір рет, дұрысы таңертең қабылдауға болады. Анағұрлым жоғарғы дозаларын тең уақыт аралығымен екі жеке қабылдауға бөлу қажет.

Созылмалы бронхиттің жедел өршуі, ауруханадан тыс пневмония: күніне бір рет 400 мг, қажет болса дозаны инфекцияның ауырлығына және асқындыратын факторлардың болуына байланысты күніне екі рет 400 мг дейін ұлғайтады.

Тері мен жұмсақ тіндердің асқынған инфекциялары: күніне екі рет 400 мг.

Төменгі несеп жолдарының инфекциялары: күніне екі рет 200 мг.

Жоғарғы несеп жолдарының инфекциялары: күніне екі рет 200 мг, қажет болса күніне екі рет 400 мг дейін ұлғайтады.

Уретра мен жатыр мойнының асқынбаған созы: бір реттік 400 мг доза.

Гонококктық емес уретрит және цервицит: күніне екі рет 200 мг.

Емдеу курсының ұзақтығы

Емдеу курсының ұзақтығы инфекцияның аурылығына және емге деген реакцияға байланысты. Әдеттегі емдеу ұзақтығы, бір реттік 400 мг доза (1 күн) ұсынылатын асқынбаған созды және 3 күн бойы тәуліктік 200 мг немесе 400 мг (1 күн) доза ұсынылатын асқынбаған циститті қоспағанда, 5-10 күнді құрайды. Ұзақ емдеу қажет болғанда Офломак-200 препаратымен емдеу ұзақтығы 2 айдан аспауы тиіс.

Бүйрек функциясы бұзылғанда қолдану

Әдеттегі бастапқы дозадан кейін бүйрек функциясы бұзылған науқастарда дозаны төмендету керек. Креатинин клиренсі 20-50 мл/мин (сарысулық креатинин 1,5-5,0 мг/дл) болғанда доза екі есе (тәулігіне 100-200 мг) азайтылуы тиіс. Креатинин клиренсі 20 мл/мин (сарысулық креатинин 5 мг/дл жоғары) аз болғанда препаратты 24 сағат сайын 100 мг дозада қабылдау керек. Гемодиализдегі немесе перитонеальді диализдегі пациенттерде препаратты 24 сағат сайын 100 мг дозада қабылдау керек.

Бауыр функциясы бұзылғанда қолдану

Офлоксациннің шығарылу көлемінің ықтимал төмендеуіне байланысты ең жоғарғы тәуліктік 400 мг дозаны арттырмаған жөн.

Егде жастағы пациенттер

Бүйрек немесе бауыр функциясын есептеу жағдайларын қоспағанда, егде адамдарда дозаны түзету керек емес.

Бала пациенттер

Офлоксацин балаларда немесе жасөспірімдерде қолданылмайды.

Жағымсыз әсерлер

Жиі емес (≥ 1/1000 <1/100 дейін)

- зеңдік инфекциялар, патогендерге төзімділік

- жүрек айнуы, құсу, диарея, іш ауыруы

- бас ауыруы, бас айналуы, ұйқының бұзылуы, қозу және сананың шатасуы, мазасыздық

- жөтел, мұрыннан су ағу, көздің тітіркенуі

- вертиго, тері бөртпесі, қышыну

Сирек (≥ 1/10000 <1/1000 дейін)

- есекжем, қан кернеу, гипергидроз, пустулезді бөртпе

- анафилаксиялық реакциялар, анафилактоидты реакциялар, ангионевроздық ісіну, Квинке ісінуі

- ұйқышылдық, ұю, парестезия және гиперестезия, патологиялық түстер көру (кейде – тіпті қорқынышты түске дейін)

- психоздық бұзылыс (мысалы, елестеу, үрей, ретсіз жағдай, қорқынышты түстер, депрессия)

- бауыр ферменттері (ALAT, ASAT, LDH, гамма-GT және/немесе сілтілік фосфатаза) деңгейлерінің жоғарылауы, гипербилирубинемия, қандағы креатинин деңгейінің жоғарылауы

- тәбеттің болмауы, энтероколит, кейде геморрагиялық

- көру өткірлігінің және жітілігінің төмендеуі

- тахикардия, гипотензия, диспное, ентігу, бронх түйілуі

- тендинит

Өте сирек (<1/10000)

- лейкопения, эозинофилия, анемия, тромбоцитопения, гемолиздік және апластикалық анемия

- анафилаксиялық шок, анафилактоидты шок

- шеткері сенсорлық невропатия, шеткері сенсорлық-моторлық невропатия, конвульсия, экстрапирамидалық симптомдар немесе бұлшықет координациясының басқа бұзылыстары

- орнықыз жүріс және тремор (дірілдеу) (бұлшықет координациясының бұзылыстары салдарынан), естен тану, дискинезия, дәм және иіс сезудің бұзылуы (дәм мен иісті сезбей қалуды қоса)

- тиннит және естудің бұзылуы (ерекше жағдайларда тіпті естімей қалу)

- мультиформалы экссудативті эритема, уытты эпидермальді некролиз, фотосенсибилизация реакциясы, дәрілік дерматит, қантамырлық пурпура, гиперсенситивті васкулит (ерекше жағдайларда тері некрозына әкелуі мүмкін)

- холестаздық сарғаю, жалған жарғақшалы энтероколит

- миалгия, артралгия, тендосиновит, сіңірдің үзілуі (мысалы, ахилл сіңірі), ол емді бастағаннан кейін 48 сағат ішінде орын алуы мүмкін және екі жақты болуы мүмкін

- бүйректің жедел жеткіліксіздігі

Белгісіз (көрініс табу жиілігі қолда бар деректер негізінде бағалануы мүмкін емес)

- агранулоцитоз, қан түзудің бәсеңдеуі немесе сүйек кемігі функциясының бәсеңдеуі

- гипергликемия, гипогликемия (әсіресе инсулин немесе пероральді гипогликемиялық дәрілер алатын қант диабеті бар пациенттерде), гипогликемиялық кома

- суицидтік ойлар мен тенденцияны, күйгелектікті қоса, науқастың өзі үшін қауіпті мінез-құлық көрсетуіне әкелетін психикалық бұзылыстар және депрессия

- нашар есту

- қарыншалық тахикардия, ол жүрек тоқтауына әкелуі мүмкін

- қарыншалық аритмия және қарыншалардың дірілдеуі-жыпылықтауы (негізінен QT аралығы ұзаруының қауіп факторлары бар пациенттерде байқалады), ЭКГ-де QT аралығының ұзаруы

- аллергиялық пневмонит, ауыр ентігу

- диспепсия, метеоризм, іш қатуы, панкреатит

- гепатит, бауырдың жедел жеткіліксіздігі жағдайларын қоса, кейде өліммен аяқталатын (негізінен анамнезінде бауыр функциясы бұзылған пациенттерде) бауырдың ауыр зақымдануы

- Стивенс-Джонсон синдромы, жедел жайылған экзантематозды пустулез, эксфолиативті дерматиттер, дәрілік бөртпе, стоматит,

- рабдомиолиз және/немесе миопатия, бұлшықет әлсіздігі (миастения грависі бар пациенттерде), бұлшықет тампонадасы, бұлшықет үзілуі, байламдардың үзілуі, артрит

- жедел интерстициальді нефрит, порфирия, увеит

- кеуде қуысының ауыруы, дененің ауыруы, астения, қызба жағдайы (дене температурасының жоғарылауы, қалтырау)

- офлоксацинге, басқа хинолондарға немесе препараттың кез келген басқа компоненттеріне жоғары сезімталдық

- анамнезінде эпилепсиясы бар пациенттер, сондай-ақ орталық жүйке жүйесінің зақымдануы салдарынан төмендеген церебральді құрысу шегі бар адамдар (бассүйек-ми жарақатынан, ОЖЖ маңындағы қабыну үдерістерінен кейін немесе ми қан айналымының бұзылуы салдарынан)

- фторхинолондар қабылдаумен байланысты анамнезінде тендиниті бар пациенттер

- глюкоза-6-фосфатдегидрогеназа тапшылығында

- тұқым қуалайтын фруктоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдар

- балалар мен 18 жасқа дейінгі жасөспірімдер

- жүктілік және лактация кезеңі

QT-аралығын ұлғайту әсері белгілі ДЗ

Офлоксацинді, басқа да фторхинолондар сияқты QT-аралығын ұзартатыны белгілі препараттарды (мысалы, аритмияға қарсы, трициклдық антидепрессанттар, макролидтер, IA және III класты нейролептиктер) қабылдайтын пациенттерде сақтықпен пайдалану керек.

Антацидтер, сукральфат, металл катиондары

Құрамында магний/алюминий бар антацидтерді, сукральфатты, мырышты немесе темір препараттарын қатар қолдану офлоксациннің сіңірілуін төмендетуі мүмкін. Осылайша, офлоксацинді осындай препараттарды қабылдауға дейін 2 сағат бұрын қолдану керек. Офломак-200 пен антикоагулянттарды қатар енгізгенде қан кету ұзақтығы ұлғаюы мүмкін.

Теофиллин, фенбуфен немесе баламалы қабынуға қарсы стероидты емес препараттар

Хинолондарды құрысу шегін төмендететін басқа препараттармен, мысалы, теофиллинмен немесе баламалы қабынуға қарсы стероидты емес препараттармен қатар қолданғанда құрысуға дайындықтың церебральді шегінің төмендеуі орын алуы мүмкін.

Конвульсивті ұстамалар кезінде офлоксацинмен емдеуді тоқтату керек.

Глибенкламид

Офлоксацин оны қатар қолданғанда сарысулық глибенкламид концентрациясының аздаған ұлғаюын туындатуы мүмкін; препараттардың осы біріктірілімін қабылдайтын пациенттерде мұқият мониторингті қамтамасыз ету қажет.

Пробенецид, циметидин, фуросемид және метотрексат

Пробенецид офлоксациннің жалпы клиренсін 24%-ға төмендетеді және AUC көрсеткішін 16%-ға ұлғайтады. Ұсынылған механизм бәсекелестікте және бүйректік өзекшелік экскреция кезінде белсенді тасымалды тежеуде болып табылады. Офлоксацинді бүйректік өзекшелік экскрецияға ықпал ететін препараттармен, мысалы, пробенецидпен, циметидинмен, фуросемидпен және метотрексатпен қатар қолданғанда сақтық таныту керек.

К дәруменінің антагонистері

Осы препараттарды қатар қолданғанда коагуляция деңгейлерін бақылау қажет.

Офлоксацин пневмококктар немесе микоплазма туындатқан пневмонияны немесе P-гемолиздік стрептококк туындатқан бадамша бездердің қабынуын емдеуге арналған бірінші таңдаудағы препарат емес.

Фторхинолондарды алғашқы енгізуден кейін аса жоғары сезімталдық және аллергиялық реакциялар тіркелген. Анафилаксиялық және анафилактоидты реакциялар тіпті бірінші енгізуден кейін де өмірге қауіп төндіретін шокқа дейін өршуі мүмкін. Бұл жағдайларда офлоксацин қабылдауды тоқтату және тиісті ем (мысалы, шокты емдеу үшін) бастау керек.

Clostridium difficile туындатқан аурулар. Офлоксацинмен емдеу уақытында немесе одан кейін, әсіресе персистирлеуші және (немесе) қан бөліністермен қатар жүретін ауыр формадағы диарея жалған жарғақшалы колиттің симптомы болуы мүмкін. Жалған жарғақшалы колитке күдіктенгенде офлоксацин қабылдауды дереу тоқтату қажет. Көп созбай антибиотиктермен (мысалы, пероральді ванкомицин, пероральді тейкопланин немесе метронидазол) тиісті арнайы емді бастау қажет. Перистальтиканы тежейтін өнімдерді бұл клиникалық жағдайда қолдануға болмайды.

Құрысуларға бейім пациенттер. Конвульсивті ұстамалар жағдайында офлоксацинмен емдеуді тоқтату керек.

Жүрек тарапынан болатын бұзылыстар. Өте сирек жағдайларда фторхинолондар қабылдаған пациенттерде QT-аралығының ұзарғаны туралы хабарланды. QT-аралығының ұзару қаупінің белгілі факторлары бар пациенттерде офлоксацинді қоса, фторхинолондарды пайдалану кезінде сақтық таныту керек, мысалы:

• туа біткен ұзақ QT-аралық синдромы

• QT-аралықты ұзартатыны белгілі препараттарды (мысалы, IA және III класты аритмияға қарсы дәрілер, трициклдық антидепрессанттар, макролидтер, нейролептиктер) бір уақытта қабылдау

• түзетілмеген электролиттік дисбаланс (мысалы, гипокалиемия, гипомагниемия)

• жүрек ауруы (мысалы, жүрек жеткіліксіздігі, миокард инфаркті, брадикардия)

Егде жастағы пациенттер мен әйелдер QT-аралықты ұзартатын препараттарға анағұрлым сезімтал болуы мүмкін. Сондықтан аталған топтағы пациенттерде офлоксацинді қоса, фторхинолондарды пайдаланғанда сақтық таныту керек.

Офлоксацинмен емделетін пациенттерге күннің астында шамадан тыс жүрмеуі керек және ультракүлгін сәулелердің (күнмен істейтін шам, солярий) әсерінен аулақ болу ұсынылады.

Анамнезінде психлздық бұзылыстары бар пациенттер. Фторхинолон қабылдайтын пациенттерде психоздық реакциялар тіркелген, кейбір жағдайларда бұл реакциялар суицидтік ойлардың туындауына немесе, кейде бір дозадан кейін өз-өзіне қол жұмсауды қоса, өмірге қауіп төндіретін мінез-құлықтың дамуына дейін өршіген. Пациентте осыған ұқсас реакциялар дамыған жағдайда Офломак-200 қабылдауды, артынша тиісті шараларды қабылдаумен тоқтату керек. Офломак-200 анамнезінде психоздық бұзылыстары бар пациенттерде немесе психикалық аурулары бар науқастарда сақтықпен пайдалану керек.

Бауыр функциясы бұзылған пациенттер. Офломак-200 бауыр функциясы бұзылған пациенттерде сақтықпен қолдану керек, өйткені бұл бауырдың зақымдануына әкелуі мүмкін. Фторхинолонодарды қабылдағанда жылдам ағымды гепатит жағдайлары тіркелді, ол бауыр жеткіліксіздігіне (оның ішінде өліммен аяқталатын) әкелуі әбден мүмкін. Бауыр ауруының белгілері мен симптомдары, мысалы, анорексия, сарғаю, несептің қараюы, қышыну немесе ішті пальпациялау кезіндегі ауыру пайда болғанда пациенттерге емді тоқтатуды және емдеуші дәрігерге қаралуды ұсыну керек.

К дәруменінің антагонистерін қабылдайтын пациенттер. К дәруменінің антагонистерімен (мысалы, варфарин) біріктіріп офлоксацинді қоса, фторхинолондар алатын пациенттерде коагуляция (PT/INR) және/немесе қан кету көрсеткіштерінің ұлғаюымен ықтимал байланысты осы препараттарды қатар қолданғанда коагуляция деңгейлерін бақылау қажет.

Миастения. Офломак-200 анамнезінде миастениясы бар пациенттерде сақтықпен пайдалану керек. Антибиотиктерді әсіресе ұзақ уақыт енгізу емдеуге резистентті микроорганизмдердің таралуына әкелуі мүмкін. Сондықтан пациенттің жағдайын жүйелі уақыт аралығында тексеріп тұру қажет. Салдарлы инфекция туындаған жағдайда тиісті шаралар қабылдау қажет.

Шеткері нейропатия. Офлоксацинді қоса, фторхинолондар қабылдайтын пациенттерде сенсорлық немесе сенсомоторлық шеткері невропатия байқалды. Егер пациент невропатия симптомдарын сезінсе, қайтымсыз жағдайдың дамуының алдын алу үшін Офломак-200 қабылдауды тоқтату керек.

Гипогликемия. Хинолондарды қабылдаған жағдайдағыдай, пероральді гипогликемиялық агентпен (мысалы, глибенкламид) немесе инсулинмен қатар емделетін қант диабеті бар пациенттерде гипогликемия туралы хабарланды. Қант диабетімен ауыратын осы науқастарға қатысты қандағы глюкоза деңгейіне мұқият мониторинг жүргізген жөн.

Зертханалық сынақтармен өзара байланысы. Несепте апиындарды немесе порфиринді анықтау офлоксацинмен емделу уақытында жалған-оң нәтижелер беруі мүмкін. Апиындарға немесе порфиринге скринингтің оң нәтижелерін анағұрлым спецификалық тәсілдермен растау қажеттілігі туындауы мүмкін.

К дәруменінің антагонистері

Кумарин туындыларының әсерінің ықтимал ұлғаюына байланысты К дәруменінің антагонистерін қабылдайтын пациенттерде коагуляция деңгейлерін бақылау керек.

Көрудің нашарлауы. Көрудің нашарлауында немесе көру ағзаларына кез келген әсер болғанда дереу окулистке қаралу керек.

Аневризма және/немесе аортаның қатпарлануы

Эпидемиологиялық зерттеулерде фторхинолондарды қолданғаннан кейін, әсіресе егде пациенттерде аневризманың және аорта қатпарлануының жоғарғы даму қаупі туралы хабарланды. Анамнезінде аневризмасы не аневризмасы және/немесе аортаның қатпарлануы, сондай-ақ аневризманың және аорта қатпарлануының дамуына бейімдейтін басқа қауіп факторлары немесе жағдайлары (мысалы, Марфан синдромы, тамырлық типті Элерса-Данло синдромы, Такаясу артерииті, ірі жасушалы артериит, Бехчет ауруы, артериялық гипертензия, атеросклероз) бар пациенттерде фторхинолондарды пайда-қауіп арақатынасын мұқият бағалаудан және емнің басқа да ықтимал нұсқаларын қарастырғаннан кейін ғана қолдану керек. Іште, кеудеде немесе арқада кенеттен ауыру пайда болғанда пациенттерге шұғыл көмек бөлімшесіне дереу дәрігерге қаралу керек.

Фторхинолонды антибиотиктер мына кезде пайдаланылмауы тиіс:

- ауыр емес және бактерияға қарсы емсіз кетуі мүмкін инфекцияларды емдегенде (мысалы, ауыз-жұтқыншақ инфекциялары);

- бактериялық емес инфекцияларды, мысалы, бактериялық емес (созылмалы) простатитті емдегенде;

- саяхатшы диареясының немесе төменгі несеп жолдарының қайталанатын инфекцияларының (қуықтан ары таралмайтын инфекциялар) алдын алу үшін;

- егер басқа әдетте ұсынылатын бактерияға қарсы дәрілерді пайдалану мүмкін болмағанда орташа бактериялық инфекцияларды емдеу үшін.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескеріп, автокөлік жүргізу және аса назар аударуды және психомоторлық реакциялардың жылдамдығын талап ететін қызметтің басқа да аса қауіпті түрлерімен айналысу кезінде сақ болу керек.

Жедел артық дозаланудан кейін күтуге болатын ең маңызды белгілер сананың шатасуы, бас айналуы, құрысу, QT аралығының ұзаруы сияқты ОЖЖ симптомдары, сондай-ақ жүрек айнуы және шырышты қабықтың эрозиясы сияқты асқазан-ішек реакциялары болып табылады.

Артық дозалану жағдайында асқазанды шаю, адсорбенттер және натрий сульфатын енгізу қажет, егер бұл алғашқы 30 минут ішінде мүмкін болса; асқазанның шырышты қабығын қорғау үшін антацидтер ұсынылады. Офлоксациннің бір бөлігі организмнен гемодиализ арқылы шығарылуы мүмкін. Перитонеальді диализ және CAPD офлоксацинді организмнен шығару кезінде тиімсіз. Нақты ешқандай у қайтарғысы жоқ. Офлоксациннің шығарылуын мәжбүрлі диурезбен ұлғайтуға болады.

Артық дозалану жағдайында симптоматикалық ем қолдану керек. ЭКГ мониторингі QT аралығының ықтимал ұлғаюына байланысты жүргізілуі тиіс.

Шығарылу түрі және қаптамасы

10 таблеткадан поливинилхлоридті үлбірден және баспалы алюминий фольгадан жасалған пішінді ұяшықты қаптамада.

1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды

Рецепт арқылы

Өндіруші / Тіркеу куәлігінің ұстаушысы

Macleods Pharmaceuticals Limited, Үндістан

304, Atlanta Arcade, Marol Church Road, Andheri (East), Mumbai – 400 059, India.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«Macleods Pharmaceuticals Limited» (Маклеодс Фармасьютиклс Лимитед) ЖШК ҚР-дағы филиалы, Қазақстан Республикасы, Алматы қ-сы, Төлебаев к-сі, 38/61, 5-қабат, тел./факс. +7 (727) 2734593, +7 7012420565