Отисфен (Рубикон)
Инструкция
-
русский
-
қазақша
Саудалық атауы
Отисфен
Халықаралық патенттелмеген атауы
Жоқ
Дәрілік түрі
Құлаққа тамызатын дәрі
Құрамы
1 г ертінді құрамында
белсенді зат: феназон – 40 мг,
лидокаин гидрохлориді – 10 мг;
қосымша заттар: натрий тиосульфаты, этил спирті 96%, глицерин, тазартылған су
Сипаттамасы
Спирт иісі бар, түссіз немесе сарғыштау мөлдір ертінді.
Фармакотерапиялық тобы
Сезім ағзалары. Отологиялық ауруларды емдеуге арналған препараттар. Отологиялық ауруларды емдеуге арналған басқа да препараттар. Анальгетиктер және анестетиктер. Біріктірілген препараттар.
АTХ коды S02DА
Фармакологиялық қасиеттері
Фармакокинетикасы
Дәрілік зат дабыл жарғағы зақымданбаған кезде ағзаға енбейді.
Фармакодинамикасы
Феназон қабынуға қарсы және ауыруды басатын әсерге ие. Лидокаин жергілікті ауруды басатын әсерге ие.
Қолданылуы
Дабыл жарғағаның бүтіндігі сақталған жағдайда ортаңғы құлақ ауруларын
жергілікті симптоматикалық емдеу:
– жедел ортаңғы отит;
– отит, тұмаудан кейінгі асқыну ретінде;
– барожарақаттық отит.
Қолдану тәсілі және дозалары
Ересектерге: сыртқы есту жолына тәулігіне 2-3 рет 4 тамшыдан тамызу керек.
1 айлық және одан үлкен балаларға: сыртқы есту жолына тәулігіне 2 рет 1-2 тамшыдан тамызу керек.
Суық ерітіндінің құлақ қалқанымен жанасуын болдырмас үшін қолданар алдында алақанда жылыту керек.
Отисфенді қолдану ұзақтығы 10 күннен аспайды, содан кейін дәрігерге тағайындалған емді қайта қарау керек.
Жағымсыз әсерлері
Енгізген жердегі жалпы бұзылулар мен реакциялар: жиілігі белгісіз – жергілікті аллергиялық реакциялар, есту жолының тітіркенуі және гиперемиясы.
Дәрілік заттың «пайда-қауіп» арқатынасына үздіксіз мониторингіні қамтамасыз ету мақсатында дәрілік заттың тіркеуден кейінгі жағымсыз реакциялары туралы хабарлау маңызды мәнге ие. Денсаулық сақтау қызметкерлеріне дәрілік заттың кез-келген болжамды жағымсыз реакциялары туралы дәрілік заттардың жағымсыз реакциялары және тиімсіздігі туралы ұлттық есеп беру жүйесі арқылы хабарлау ұсынылады.
Қолдануға болмайтын жағдайлар
Лидокаинды қоса алғанда белсенді заттарға немесе қосымша заттарының кез келген біреуіне жоғары сезімталдық.
дабыл жарғағының шығу тегі жұқпалық немесе жарақаттық перфорациясы.
1 айға дейінгі балалар.
Дәрілермен өзара әрекеттесуі
Қазіргі уақытта қолда бар деректер клиникалық маңызды өзара әрекеттесудің болуын болжамайды.
Айрықша нұсқаулар
Дәрілік затты қолдануды бастар алдында дабыл жарғағының бүтіндігіне көз жеткізу қажет. Тесілген дабыл жарғағында қолданған жағдайда дәрілік зат ортаңғы құлақ мүшелерімен байланысқа түсуі және жағымсыз реакциялардың туындауына әкелуі мүмкін.
Спортшылар үшін ақпарат:
Дәрілік заттар құрамында допинг-бақылау кезінде оң реакция беретін белсенді компонент бар.
Балаларда қолданылуы:
Балаларда туғаннан бастап қолдану тек дәрігердің тағайындауы бойынша.
Жүктілік және лактация кезеңінде қолдану:
Дабыл жарғағаның бүтіндігі сақталған жағдайда дәрілік затты жүктілік кезінде бала емізу кезеңінде қолдануға шектеу жоқ.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Сипатталмаған.
Шығарылу түрі және қаптамасы
20 мл-ден үшінші гидролитикалық класты янтарь шыны құтыда, бром-бутилді резеңкеден жасалған тығынмен тығындалған және алюмпластик қақпақшамен қаусырылған. Қағаз блистерге қапталған, тамшылатқыш-қақпағы бар құты медициналық қолдану жөніндегі нұсқаулықпен бірге картон қорапшаға салынады.
Сақтау шарттары
Жарықтан қорғалған жерде, 25ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін пайдалануға болмайды. Құтыны алғаш ашқаннан кейін дәрілік затты 3 ай ішінде пайдалану керек.
Босатылу шарттары
Дәрігердің рецептісі арқылы.
Өндіруші
«Рубикон» ЖШҚ, Беларусь Республикасы
Тіркеу куәлігінің ұстаушысы
«Рубикон» ЖШҚ, Беларусь Республикасы, 210002, Витебск қ., М. Горький көш., 62 Б, тел/факс +375 (212)34-06-29, e-mail: secretar@rubikon.by, www.rubikon.by
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Рубикон» ЖШҚ Қазақстан Республиксындағы өкілдігі, Қазақстан Республиксы, Алматы, Пушкин көш.,2/76, 905 кеңсе, тел/Факс:+77017865802, email: Rubikon.kz@mail.ru